Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightArticleschevron_rightക​ര്‍ഷ​ക...

ക​ര്‍ഷ​ക രോ​ഷ​ത്തി​ല്‍ എ​രി​ഞ്ഞ​ട​ങ്ങു​ന്ന​ത്  

text_fields
bookmark_border
ക​ര്‍ഷ​ക രോ​ഷ​ത്തി​ല്‍ എ​രി​ഞ്ഞ​ട​ങ്ങു​ന്ന​ത്  
cancel

‘‘ഈ ​ അ​ശാ​ന്തി വ്യാ​പി​ച്ചേ​ക്കാം, കേ​ന്ദ്ര​ത്തി​ലെ​യും മ​ധ്യ​പ്ര​ദേ​ശി​ലെ​യും മ​ഹാ​രാ​ഷ്​​ട്ര​യി​ലെ​യും ബി.​ജെ.​പി സ​ര്‍ക്കാ​റു​ക​ള്‍ ക​ര്‍ഷ​ക​രു​ടെ രോ​ഷ​മ​ണ​ക്കു​ന്ന​തി​ല്‍ പ​രാ​ജ​യ​പ്പെ​ട്ടി​രി​ക്കു​ന്നു’’ എ​ന്ന്​ പ​റ​യു​ന്ന​ത് ആ​ർ.​എ​സ്.​എ​സി​​​െൻറ ഭാ​ര​തീ​യ കി​സാ​ന്‍ സം​ഘ് ദേ​ശീ​യ വൈ​സ് പ്ര​സി​ഡ​ൻ​റ്​ പ്ര​ഭാ​ക​ര്‍ കേ​ല്‍ക​ര്‍ ആ​ണ്. മ​ധ്യ​പ്ര​ദേ​ശ് പൊ​ലീ​സി​​​െൻറ അ​ടി​യേ​റ്റ് ചി​കി​ത്സ​യി​ലാ​യി​രു​ന്ന 26കാ​ര​നാ​യ ക​ര്‍ഷ​ക​ന്‍ ഗ​ണ​ശ്യാം ധ​ക​ഡും മ​രി​ച്ചു​വെ​ന്ന വാ​ര്‍ത്ത വ​രു​ന്ന​തി​നി​ട​യി​ലാ​ണ് സം​ഘ്പ​രി​വാ​റി​ന​ക​ത്തെ വി​മ​ര്‍ശ​നം ക​ന​പ്പെ​ട്ടു​വ​രു​ന്ന​ത്. മ​ധ്യ​പ്ര​ദേ​ശി​ലെ മ​ന്ത്സൗ​റി​ല്‍ സ​മ​ര​ക്കാ​ര്‍ക്കു നേ​രെ ന​ട​ന്ന പൊ​ലീ​സ് അ​തി​ക്ര​മ​ത്തി​ല്‍ മ​രി​ച്ച ക​ര്‍ഷ​ക​രു​ടെ എ​ണ്ണം അ​ര ഡ​സ​ന്‍ ക​വി​ഞ്ഞി​രി​ക്കു​ന്നു. മ​ന്ത്​​സൗ​റി​ല്‍നി​ന്ന്​ സ​മ​രം പ​ട​ര്‍ന്ന് ത​ല​സ്ഥാ​ന​മാ​യ ഭോ​പാ​ലി​​​െൻറ പ​ടി​വാ​തി​ല്‍ക്ക​ലെ​ത്തി​യ​പ്പോ​ള്‍ ക​ര്‍ഷ​ക​രു​ടെ ആ​വ​ശ്യ​ങ്ങ​ള്‍ പ​രി​ഹ​രി​ച്ച് അ​വ​രോ​ട് സ​ഹാ​നു​ഭൂ​തി കാ​ണി​ക്കു​ന്ന​തി​നു പ​ക​രം കൈ​വി​ട്ടു​പോ​യ നി​യ​ന്ത്ര​ണം സ​ഹ​താ​പ​ത്തി​ലൂ​ടെ തി​രി​ച്ചു​പി​ടി​ക്കാ​ന്‍ ഉ​പ​വാ​സം പ്ര​ഖ്യാ​പി​ക്കേ​ണ്ടി​വ​ന്നു മ​ധ്യ​പ്ര​ദേ​ശ് മു​ഖ്യ​മ​ന്ത്രി ശി​വ​രാ​ജ് സി​ങ്​ ചൗ​ഹാ​ന്. 

ക​ര്‍ഷ​ക സ​മ​ര​ത്തെ ലാ​ത്തി​യും ബു​ള്ള​റ്റു​മു​പ​യോ​ഗി​ച്ച് ഹിം​സ​യു​ടെ മാ​ര്‍ഗ​ത്തി​ലൂ​ടെ അ​ടി​ച്ച​മ​ര്‍ത്താ​ന്‍ സ​ക​ല ശ്ര​മ​ങ്ങ​ളും ന​ട​ത്തി പ​രാ​ജ​യ​പ്പെ​ട്ട​പ്പോ​ഴാ​യി​രു​ന്നു മു​ഖ്യ​മ​ന്ത്രി​യു​ടെ ഉ​പ​വാ​സ ന​മ്പ​ർ. കാ​ര്‍ഷി​ക വി​ള​ക​ള്‍ക്ക് ചു​രു​ങ്ങി​യ താ​ങ്ങു​വി​ല പ്ര​ഖ്യാ​പി​ക്ക​ണ​മെ​ന്നാ​വ​ശ്യ​പ്പെ​ട്ടാ​ണ് ജൂ​ണ്‍ ഒ​ന്നി​ന് മ​ധ്യ​പ്ര​ദേ​ശി​ല്‍ ക​ര്‍ഷ​ക സ​മ​രം തു​ട​ങ്ങി​യ​ത്. ക​ടം എ​ഴു​തി​ത്ത​ള്ള​ണം എ​ന്ന​ത​ട​ക്ക​മു​ള്ള ആ​വ​ശ്യ​മാ​യി​രു​ന്നു മ​ഹാ​രാ​ഷ്​​ട്ര​യി​ലേ​ത്. ഉ​ത്ത​ര്‍പ്ര​ദേ​ശി​ല്‍ കാ​ര്‍ഷി​ക ക​ടാ​ശ്വാ​സം പ്ര​ഖ്യാ​പി​ച്ച​തോ​ടെ ഇ​തേ ആ​വ​ശ്യം മ​റ്റു സം​സ്ഥാ​ന​ങ്ങ​ളി​ല്‍നി​ന്നും ഉ​യ​ര്‍ന്നി​രി​ക്കു​ക​യാ​ണ്. ക​ര്‍ഷ​ക​ര്‍ക്കു​ള്ള ക​ടാ​ശ്വാ​സ​ത്തി​​​െൻറ കാ​ര്യ​ത്തി​ല്‍ സം​സ്ഥാ​ന സ​ര്‍ക്കാ​റു​ക​ളാ​ണ്, ത​ങ്ങ​ള​ല്ല എ​ന്തെ​ങ്കി​ലും ചെ​യ്യേ​ണ്ട​ത് എ​ന്ന നി​ല​പാ​ട് മോ​ദി സ​ര്‍ക്കാ​ര്‍ കൈ​ക്കൊ​ണ്ട​താ​ണ് സ്ഥി​തി​ഗ​തി​ക​ള്‍ വ​ഷ​ളാ​ക്കി​യ​ത്. അ​തേ​സ​മ​യം, ബി.​ജെ.​പി ഭ​രി​ക്കു​ന്ന ഉ​ത്ത​ര്‍പ്ര​ദേ​ശി​ല്‍ ക​ടാ​ശ്വാ​സം ന​ല്‍കാ​ന്‍ തീ​രു​മാ​നി​ച്ച കേ​ന്ദ്ര സ​ര്‍ക്കാ​റി​ന് മ​ധ്യ​പ്ര​ദേ​ശി​​​െൻറ​യും മ​ഹാ​രാ​ഷ്​​ട്ര​യു​ടെ​യും കാ​ര്യ​ത്തി​ല്‍ കൈ​ക്കൊ​ണ്ട ഇ​ര​ട്ട​ത്താ​പ്പി​ന് മ​റു​പ​ടി​യി​ല്ല. 

കോ​ണ്‍ഗ്ര​സ് ഉ​പാ​ധ്യ​ക്ഷ​ന്‍ രാ​ഹു​ല്‍ ഗാ​ന്ധി മ​ധ്യ​പ്ര​ദേ​ശി​ല്‍നി​ന്നു​ള്ള കോ​ണ്‍ഗ്ര​സ് നേ​താ​ക്ക​ളാ​യ ക​മ​ല്‍നാ​ഥ്, ദി​ഗ്​​വി​ജ​യ്​ സി​ങ്​ എ​ന്നി​വ​രെ കൂ​ട്ടി മ​ന്ത്​​സൗ​റി​ലേ​ക്ക് പു​റ​പ്പെ​ട്ട​തോ​ടെ​യാ​ണ് ക​ര്‍ഷ​ക സ​മ​രം രാ​ഷ്​​ട്രീ​യ തി​രി​ച്ച​ടി​യാ​കു​മെ​ന്ന് അ​തു​വ​രെ ഉ​റ​ങ്ങി​ക്കി​ട​ന്ന ബി.​ജെ.​പി തി​രി​ച്ച​റി​ഞ്ഞ​ത്. അ​തോ​ടെ ക​ര്‍ഷ​ക​സ​മ​ര​ത്തി​നു പി​ന്നി​ല്‍ ഗൂ​ഢാ​ലോ​ച​ന എ​ന്ന പ്ര​ചാ​ര​ണ​വു​മാ​യി അ​വ​ര്‍ രം​ഗ​ത്തി​റ​ങ്ങി. മ​ധ്യ​പ്ര​ദേ​ശി​ലെ​യും മ​ഹാ​രാ​ഷ്​​ട്ര​യി​ലെ​യും ക​ർ​ഷ​ക സ​മ​ര​ങ്ങ​ള്‍ സം​ഘ​ര്‍ഷ​ഭ​രി​ത​മാ​യ​ത് കോ​ണ്‍ഗ്ര​സും പ്ര​തി​പ​ക്ഷ പാ​ര്‍ട്ടി​ക​ളും  രാ​ഷ്​​ട്രീ​യ​വ​ത്​​ക​രി​ച്ച​തു കൊ​ണ്ടാ​ണെ​ന്നാ​ണ് ഇ​പ്പോ​ള്‍ ബി.​ജെ.​പി ന​ട​ത്തു​ന്ന പ്ര​തി​രോ​ധം. ക​ര്‍ഷ​ക സ​മ​ര​ത്തി​ല്‍ പ​ങ്കെ​ടു​ക്കു​ന്ന​വ​രി​ല്‍ ഭൂ​രി​ഭാ​ഗം ക​ര്‍ഷ​ക​ര​ല്ല, രാ​ഷ്​​ട്രീ​യ​ക്കാ​രാ​ണ് എ​ന്നാ​ണ് മ​ഹാ​രാ​ഷ്​​ട്ര മു​ഖ്യ​മ​ന്ത്രി ദേ​വേ​ന്ദ്ര ഫ​ഡ്നാ​വി​സ് പ​റ​ഞ്ഞ​ത്. ആ​രെ​ങ്കി​ലും ക​ര്‍ഷ​ക​രു​ടെ പേ​രി​ല്‍ സ​മ​രം ന​ട​ത്തി​യാ​ല്‍ അ​വ​രോ​ട് സം​സാ​രി​ക്കി​ല്ലെ​ന്നു പോ​ലും ഫ​ഡ്നാ​വി​സ് പ​റ​ഞ്ഞു. 

അ​തേ​സ​മ​യം, ഈ ​പ്ര​തി​രോ​ധ​മ​ല്ല ക​ര്‍ഷ​ക സ​മ​ര​ത്തി​നു​ള്ള പ​രി​ഹാ​ര​മെ​ന്ന് സം​ഘ് പ​രി​വാ​റി​നു​ള്ളി​ല്‍ നി​ര​വ​ധി നേ​താ​ക്ക​ള്‍ തു​റ​ന്നു​പ​റ​ഞ്ഞു തു​ട​ങ്ങി​യി​രി​ക്കു​ന്നു. ക​ര്‍ഷ​ക​രു​ടെ മാ​ത്ര​മ​ല്ല, ബി.​ജെ.​പി​യു​ടെ​യും മോ​ദി സ​ര്‍ക്കാ​റി​​​െൻറ​യും പ്ര​തി​സ​ന്ധി​യു​ടെ ആ​ഴം പ്ര​തി​ഫ​ലി​പ്പി​ക്കു​ന്ന​താ​ണ് ഈ ​നേ​താ​ക്ക​ളു​ടെ വാ​ക്കു​ക​ൾ.

ബി.​ജെ.​പി​യെ ത​ള്ളി സ്വ​ന്തം സം​ഘ​ട​ന​ക​ള്‍

ബി.​ജെ.​പി​യു​ടെ നി​ല​പാ​ടി​ന്​ വി​രു​ദ്ധ​മാ​യി ക​ര്‍ഷ​ക സ​മ​രം ജ​നാ​ധി​പ​ത്യ രീ​തി​യാ​ണെ​ന്നും താ​ൻ ഇൗ ​സ​മ​ര​ത്തി​ല്‍ ക​ര്‍ഷ​ക​ര്‍ക്കൊ​പ്പ​മാ​ണെ​ന്നും വ്യ​ക്ത​മാ​ക്കി ബി.​ജെ.​പി കി​സാ​ന്‍ മ​ഞ്ച് ത​ല​വ​ന്‍ വീ​രേ​ന്ദ്ര സി​ങ്​ മ​സ്ത് പ​ര​സ്യ​മാ​യി രം​ഗ​ത്തു​വ​ന്നു. സ​മ​രം അ​ക്ര​മാ​സ​ക്ത​മാ​യ​ത് ഭ​ര​ണാ​ധി​കാ​രി​ക​ളു​ടെ പ​രാ​ജ​യ​മാ​ണെ​ന്നാ​ണ് ബി.​ജെ.​പി എം.​പി​യാ​യ മ​സ്ത് കു​റ്റ​പ്പെ​ടു​ത്തു​ന്ന​ത്. കാ​ര്‍ഷി​ക ക​ടം എ​ഴു​തി​ത്ത​ള്ളു​ന്ന​തും മി​നി​മം താ​ങ്ങു​വി​ല പ്ര​ഖ്യാ​പി​ക്കു​ന്ന​തും സം​ബ​ന്ധി​ച്ച് പ്ര​ധാ​ന​മ​ന്ത്രി ന​ട​ത്തി​യ വാ​ഗ്ദാ​ന​ങ്ങ​ള്‍ ഓ​ര്‍മി​പ്പി​ച്ച് ഭാ​ര​തീ​യ കി​സാ​ന്‍ യൂ​നി​യ​ന്‍  നേ​താ​വ് ഭൂ​പീ​ന്ദ​ര്‍ സി​ങ്​ മാ​ന്‍ പ്ര​ധാ​ന​മ​ന്ത്രി മോ​ദി​ക്ക് തു​റ​ന്ന ക​ത്തെ​ഴു​തി​യി​രി​ക്കു​ക​യാ​ണ്. മ​ന്ത്​​സൗ​റി​ല്‍ ബി.​ജെ.​പി സ​ര്‍ക്കാ​ര്‍ കൊ​ല​പ്പെ​ടു​ത്തി​യ ക​ര്‍ഷ​ക​രോ​ട് ഐ​ക്യ​ദാ​ര്‍ഢ്യം പ്ര​ഖ്യാ​പി​ച്ച മാ​ന്‍ സ​മ​ര​രം​ഗ​ത്തു​ള്ള ക​ര്‍ഷ​ക​ര്‍ക്ക് ചെ​വി​കൊ​ടു​ക്കാ​തെ, വാ​ഗ്ദാ​ന​ങ്ങ​ള്‍ നി​റ​വേ​റ്റാ​തെ പൊ​ള്ള​യാ​യ അ​വ​കാ​ശ​വാ​ദ​ങ്ങ​ള്‍ ന​ട​ത്തി എ​ല്ലാ പ​ത്ര​ങ്ങ​ളി​ലും ര​ണ്ട് പേ​ജ് പ​ര​സ്യം ന​ല്‍കി കോ​ടി​ക​ള്‍ ചെ​ല​വ​ഴി​ച്ചു​കൊ​ണ്ടി​രി​ക്കു​ക​യാ​ണെ​ന്ന് കു​റ്റ​പ്പെ​ടു​ത്തി.

ക​ര്‍ഷ​ക വി​ഷ​യ​ങ്ങ​ളി​ല്‍ പാ​ര്‍ല​മ​​െൻറി​ല്‍ പ​തി​വാ​യി ബി.​ജെ.​പി​ക്കു വേ​ണ്ടി സം​സാ​രി​ക്കാ​റു​ള്ള കൃ​ഷി​യു​മാ​യി ബ​ന്ധ​പ്പെ​ട്ട പാ​ര്‍ല​മ​​െൻറ​റി സ്ഥി​ര​സ​മി​തി ചെ​യ​ര്‍മാ​ന്‍ ഹു​കും​ദേ​വ് നാ​രാ​യ​ൺ യാ​ദ​വ് ക​ര്‍ഷ​ക വി​ദ​ഗ്ധ​രും ക​ര്‍ഷ​ക നേ​താ​ക്ക​ളു​മ​ട​ങ്ങു​ന്ന ഒ​രു സ​മി​തി​യു​ണ്ടാ​ക്കി ക​ടാ​ശ്വാ​സ​ത്തി​നാ​യി ക​ര​ടു​നി​യ​മം ഉ​ണ്ടാ​ക്ക​ണ​മെ​ന്ന നി​ര്‍ദേ​ശം മു​ന്നോ​ട്ടു​വെ​ച്ചി​രി​ക്കു​ക​യാ​ണ്. കാ​ര്‍ഷി​ക പ്ര​തി​സ​ന്ധി​യു​ടെ ഏ​റ്റ​വും വ​ലി​യ ഇ​ര​ക​ള്‍ ചെ​റു​കി​ട പാ​ര്‍ശ്വ​വ​ത്​​കൃ​ത ക​ര്‍ഷ​ക​രാ​ണെ​ന്നും ഇ​വ​രാ​രും ബാ​ങ്കു​ക​ളി​ല്‍നി​ന്ന​ല്ല, പ്രാ​ദേ​ശി​ക പ​ണ​മി​ട​പാ​ടു​കാ​രി​ല്‍നി​ന്നാ​ണ് കൃ​ഷി​യി​റ​ക്കാ​ന്‍ പ​ണം സ്വ​രൂ​പി​ക്കു​ന്ന​തെ​ന്നും അ​വ​ര്‍ക്കും ക​ടാ​ശ്വാ​സം ന​ല്‍ക​ണ​മെ​ന്നു​മാ​ണ് യാ​ദ​വ് ആ​വ​ശ്യ​പ്പെ​ടു​ന്ന​ത്. 

മോ​ദി സ​ര്‍ക്കാ​റി​​​െൻറ കൃ​ഷി, വാ​ണി​ജ്യ, ഭ​ക്ഷ്യ വി​ത​ര​ണ മ​ന്ത്രാ​ല​യ​ങ്ങ​ള്‍ ത​മ്മി​ല്‍ ഏ​കോ​പ​ന​മി​ല്ലാ​ത്ത​താ​ണ് അ​ടി​സ്ഥാ​ന പ്ര​ശ്ന​മെ​ന്നാ​ണ് കി​സാ​ന്‍ സം​ഘ് നേ​താ​വ് കേ​ല്‍ക​റു​ടെ വി​മ​ർ​ശ​നം. വി​ള​ക​ളു​ടെ വി​ല​ക്കു​റ​വു​മൂ​ലം അ​വ​ര്‍ അ​നു​ഭ​വി​ക്കു​ന്ന യാ​ത​ന​ക​ള്‍ പ​രി​ഹ​രി​ക്കാ​ന്‍ ഒ​രാ​ശ്വാ​സ​വും സ​ര്‍ക്കാ​ര്‍ ന​ല്‍കു​ന്നി​ല്ലെ​ന്ന് കി​സാ​ന്‍ സം​ഘ് നേ​താ​വ് ആ​ണ​യി​ടു​ന്നു. വ​ൻ വി​ള​വെ​ടു​പ്പി​ന് ക​ര്‍ഷ​ക​ര്‍ ത​യാ​റെ​ടു​ക്കു​മ്പോ​ഴാ​ണ് ഗോ​ത​മ്പി​ന് മേ​ലു​ള്ള ഇ​റ​ക്കു​മ​തി തീ​രു​വ ഇ​ല്ലാ​താ​ക്കി​യ​ത്. 100 രൂ​പ ചെ​ല​വി​ട്ടു​ണ്ടാ​ക്കു​ന്ന വി​ള​യ്​​​ക്ക് 120 രൂ​പ​യെ​ങ്കി​ലും കി​ട്ടാ​തെ എ​ന്തു​ചെ​യ്യു​മെ​ന്നാ​ണ് ക​ര്‍ഷ​ക​ര്‍ ചോ​ദി​ക്കു​ന്ന​ത്. മ​ന്ത്​​സൗ​റി​ല്‍ ക​ണ്ട​ത് ഒ​രു ചെ​റി​യ വി​ഭാ​ഗം ക​ര്‍ഷ​ക​രു​ടെ പ്ര​തി​ക​ര​ണം മാ​ത്ര​മാ​ണെ​ന്നും കേ​ന്ദ്ര​ത്തി​ലെ​യും സം​സ്ഥാ​ന​ത്തെ​യും ബി.​ജെ.​പി സ​ര്‍ക്കാ​റു​ക​ള്‍ ന​ട​ത്തി​യ വാ​ഗ്ദാ​ന​ങ്ങ​ളൊ​ന്നും മ​ണ്ണി​ലി​റ​ങ്ങി​യി​ട്ടി​ല്ലെ​ന്നും അ​ദ്ദേ​ഹം അ​ര്‍ഥ​ശ​ങ്ക​ക്കി​ട​യി​ല്ലാ​ത്ത​വി​ധം പ​റ​യു​ന്നു​ണ്ട്. 

ഏ​റെ​ക്കാ​ല​മാ​യി ക​ര്‍ഷ​ക​ര്‍ രോ​ഷാ​കു​ല​രാ​ണ്. എ​ന്നാ​ല്‍, സ​ര്‍ക്കാ​റി​ന്​ ഇ​നി​യും ഇ​തൊ​ന്നും മ​ന​സ്സി​ലാ​ക്കാ​ന്‍ ക​ഴി​യു​ന്നി​ല്ല. സോ​ഷ്യ​ല്‍മീ​ഡി​യ​യി​ല്‍ വ​ന്ന സ​മ​രാ​ഹ്വാ​നം കാ​ണാ​നും വി​ല​യി​രു​ത്താ​നും ര​ഹ​സ്യാ​ന്വേ​ഷ​ണ ഏ​ജ​ന്‍സി​ക​ളും പ​രാ​ജ​യ​പ്പെ​ട്ടു. ഇ​നി ഉ​ള്ളി​യും ഉ​രു​ള​ക്കി​ഴ​ങ്ങും ക​ര്‍ഷ​ക​രു​ടെ പ​ക്ക​ല്‍ കി​ട​ക്കു​ന്നു​ണ്ട്. മ​ഴ​യ​ത്ത് അ​വ ശേ​ഖ​രി​ച്ചു​വെ​ക്കാ​ന്‍ ഒ​രു സം​വി​ധാ​ന​വും ഒ​രു​ക്കി​യി​ട്ടി​ല്ല. കാ​ര്യ​ങ്ങ​ള്‍ പൂ​ര്‍ണ​മാ​യും നി​യ​ന്ത്ര​ണ​ത്തി​ല്‍നി​ന്ന്​ വി​ട്ടു​പോ​കു​മെ​ന്നും ഈ ​അ​ശാ​ന്തി മ​റ്റു സം​സ്ഥാ​ന​ങ്ങ​ളി​ലേ​ക്കും വ്യാ​പി​ച്ച് ന​രേ​ന്ദ്ര  മോ​ദി​യു​ടെ​യും ബി.​ജെ.​പി​യു​ടെ​യും പ്ര​തി​ച്ഛാ​യ ഇ​ടി​യു​മെ​ന്നും കേ​ല്‍ക​ര്‍ മു​ന്ന​റി​യി​പ്പ് ന​ല്‍കു​ന്നു. മോ​ദി​യി​ലും ബി.​ജെ.​പി​യി​ലും രാ​ജ്യ​ത്തെ ക​ര്‍ഷ​ക​ര്‍ക്കു​ള്ള പ്ര​തീ​ക്ഷ​ക​ള്‍ അ​സ്ത​മി​ക്കു​ന്ന​തി​ലു​ള്ള നി​രാ​ശ​യാ​ണ് ക​ര്‍ഷ​ക​ര്‍ക്ക് വ​ല്ല​തും കി​ട്ടാ​ത്ത​തി​ലേ​റെ സം​ഘ്പ​രി​വാ​റി​​​െൻറ ക​ര്‍ഷ​ക നേ​താ​ക്ക​ളു​ടെ ഈ ​വാ​ക്കു​ക​ളി​ല്‍ പ്ര​ക​ട​മാ​കു​ന്ന​ത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:farmers strikesRahul Gandhi
News Summary - farmers strike rahul gandhi
Next Story