കി​നാ​ക്ക​ൾ കോ​ർ​ത്തൊ​രു കൂ​ട്​ തീ​ർ​ത്തു...

സാ​മ്പ്ര​ദാ​യി​ക ജീ​വി​ത രീ​തി​ക​ളി​ൽ നി​ന്ന് വേ​റി​ട്ട് ന​ട​ക്കു​ന്ന പെ​ൺ​കു​ട്ടി. ചെ​റു​പ്പം തൊ​ട്ടേ നാ​ട്ടി​ലെ മാ​മൂ​ലു​ക​ളോ​ട് മു​ഖം തി​രി​ച്ച അ​വ​ൾ​ക്ക് സാ​മൂ​ഹി​ക പ്ര​വ​ർ​ത്ത​ന​മാ​യി​രു​ന്നു ഇ​ഷ്​​ട​മേ​ഖ​ല. ഒ​രു​ത​രി പൊ​ന്നു​പോ​ലു​മി​ല്ല ദേ​ഹ​ത്ത്. ഭി​ന്ന​ശേ​ഷി​ക്കാ​ർ​ക്കും അ​ശ​ര​ണ​ർ​ക്കും കൈ​ത്താ​ങ്ങേ​കി കൂ​ടെ നി​ന്നു. യാ​ത്ര​ക​ളോ​ടും പു​സ്ത​ക​ങ്ങ​ളോ​ടു​മാ​യി​രു​ന്നു പ്ര​ണ​യ​മ​ത്ര​യും. വി​വാ​ഹം ക​ഴി​ച്ച​യ​ക്കാ​ൻ പ​ല മാ​താ​പി​താ​ക്ക​ളും മ​ക്ക​ൾ​ക്ക് 18 തി​ക​യു​ന്ന​തും നോ​ക്കി​യി​രി​ക്കു​മ്പോ​ൾ ഉ​ന്ന​ത​പ​ഠ​ന​ത്തി​ന് വേ​ണ്ടി തി​ര​ഞ്ഞെ​ടു​ത്ത​ത് വി​ദേ​ശ സ​ർ​വ​ക​ലാ​ശാ​ല. പേ​ര് റാ​ഫി​യ ഷെ​റി​ൻ.

ഇ​ൻ​റ​ർ ക​ൾ​ച്ച​റ​ൽ ബി​സി​ന​സ് ക​മ്യൂ​ണി​ക്കേ​ഷ​ൻ​സി​ൽ മാ​സ്​​റ്റേ​ഴ്സ് ചെ​യ്യാ​നാ​ണ് റാ​ഫി​യ യു.​കെ​യി​ലെ​ത്തി​യ​ത്. ജ​ർ​മ​നി​യി​ൽ എ​ൻ​ജി​നീ​യ​റി​ങ്ങി​ൽ ബി​രു​ദാ​ന​ന്ത​ര ബി​രു​ദ പ​ഠ​നം ന​ട​ത്തു​ന്ന ഫ​വാ​സ് അ​ഹ​മ്മ​ദി​നെ നേ​ര​ത്തെ പ​രി​ച​യ​മു​ണ്ടാ​യി​രു​ന്നു. ര​ണ്ട് വ്യ​ത്യ​സ്ത സ്വ​ഭാ​വ സ​വി​ശേ​ഷ​ത​ക​ളു​ള്ള​വ​രെ​ങ്കി​ലും ഒ​രേ ആ​ദ​ർ​ശ​ക്കാ​ർ. അ​വ​ര​വ​രു​ടെ സ്പേ​സി​നെ ബ​ഹു​മാ​നി​ച്ചു​കൊ​ണ്ട് ഒ​രു​മി​ച്ച് ജീ​വി​ക്കാ​ൻ ക​ഴി​യു​മെ​ന്ന ചി​ന്ത വ​ന്ന​പ്പോ​ൾ വി​വാ​ഹ​ത്തെ​ക്കു​റി​ച്ച് സം​സാ​രി​ച്ചു. വീ​ട്ടു​കാ​രോ​ട് പ​റ​ഞ്ഞു. ഏ​റ​ക്കു​റെ ഒ​രേ ചി​ന്താ​ഗ​തി​ക്കാ​രാ​യി​രു​ന്നു വീ​ട്ടു​കാ​രും. ഫ​വാ​സി​െ​ൻ​റ വീ​ട്ടു​കാ​ർ റാ​ഫി​യ​യെ​യോ പെ​ണ്ണി​​ന്‍റെ ആ​ൾ​ക്കാ​ർ ചെ​റു​ക്ക​നെ​യോ കാ​ണു​ന്ന​തി​ന് മു​മ്പേ ക​ല്യാ​ണം ഫി​ക്സ്ഡ്.

2020 ജൂ​ലൈ​യി​ലോ ആ​ഗ​സ്​​റ്റി​ലോ നാ​ട്ടി​ൽ വ​ന്ന് വി​വാ​ഹം ന​ട​ത്ത​ണ​മെ​ന്നാ​യി​രു​ന്നു തീ​രു​മാ​നം. മാ​ർ​ച്ചി​ൽ കോ​വി​ഡ് രൂ​ക്ഷ​മാ​യ​തോ​ടെ പ​ദ്ധ​തി​ക​ൾ തെ​റ്റി. ഓ​ൺ​ലൈ​ൻ നി​ക്കാ​ഹി​നെ​ക്കു​റി​ച്ച് ആ​ലോ​ചി​ച്ചു. വീ​ട്ടു​കാ​ർ​ക്ക് എ​തി​ര​ഭി​പ്രാ​യ​മി​ല്ല. ക​ല്യാ​ണ​ത്തി​​ന്‍റെ പേ​രി​ലു​ള്ള ആ​ർ​ഭാ​ട​ങ്ങ​ളോ​ടും കാ​ട്ടി​ക്കൂ​ട്ട​ലു​ക​ളോ​ടും ഒ​ട്ടും താ​ൽ​പ​ര്യ​മി​ല്ലാ​ത്ത​വ​ർ. സെ​പ്റ്റം​ബ​ർ ആ​റി​നാ​യി​രു​ന്നു നി​ക്കാ​ഹ്. ഇ​തി​നാ​യി മ​ണ​വാ​ട്ടി ത​ലേ​ന്ന് ത​ന്നെ ജ​ർ​മ​നി​യി​ലെ​ത്തി. ര​ണ്ടാ​ളും 2500 രൂ​പ​യി​ൽ കു​റ​ഞ്ഞ വി​വാ​ഹ​വ​സ്ത്ര​ങ്ങ​ളാ​ണ് വാ​ങ്ങി​ച്ച​ത്. അ​വി​ടെ അ​തി​ലും കു​റ​ഞ്ഞ​ത് കി​ട്ടാ​നി​ല്ലെ​ന്ന് റാ​ഫി​യ. നി​ക്കാ​ഹി​ന് സാ​ക്ഷി​യാ​വാ​ൻ ബ​ന്ധു​ക്ക​ൾ​ക്കും സു​ഹൃ​ത്തു​ക്ക​ൾ​ക്കും ക്ഷ​ണ​ക്ക​ത്തി​ന് പ​ക​രം സൂം ​ലി​ങ്ക് അ​യ​ച്ചു​കൊ​ടു​ത്തു. മു​സ് ലിം ​വി​വാ​ഹ​ത്തി​ൽ കേ​ട്ടു​കേ​ൾ​വി​യി​ല്ലാ​ത്ത വി​ധം ചെ​റു​ക്ക​നും പെ​ണ്ണും അ​ടു​ത്ത​ടു​ത്തി​രു​ന്ന് നി​ക്കാ​ഹ്.

മ​ല​പ്പു​റം ആ​മ​യൂ​രി​ലെ ബ​ഷീ​റും ഹ​സീ​ന​യു​മാ​ണ് റാ​ഫി​യ​യു​ടെ മാ​താ​പി​താ​ക്ക​ൾ. വാ​ഴ​ക്കാ​ട് സ്വ​ദേ​ശി അ​ബൂ​ബ​ക്ക​റി​​ന്‍റെ​യും റം​ല​യു​ടെ​യും മ​ക​ൻ ഫ​വാ​സ്. നി​ക്കാ​ഹ് ദി​ന​ത്തി​ൽ റാ​ഫി​യ​യു​ടെ വീ​ട്ടി​ലേ​ക്ക് ഫ​വാ​സി​​ന്‍റെ വീ​ട്ടു​കാ​ർ വ​ന്നു. ജ​ർ​മ​നി​യി​ലെ അ​പ്പാ​ർ​ട്​​മെ​ൻ​റി​ൽ റാ​ഫി​യ​യും ഫ​വാ​സും സു​ഹൃ​ത്തും മാ​ത്രം. പി.​എം.​എ ഗ​ഫൂ​റാ​ണ് നി​ക്കാ​ഹി​ന് കാ​ർ​മി​ക​ത്വം വ​ഹി​ച്ച​ത്. 'സാ​ധു​വാ​യ ഒ​രു കു​ട്ടി​ക്ക് ഒ​രു വീ​ട് ന​ൽ​കു​ന്ന​ത് മ​ഹ​റാ​യി നി​ശ്ച​യി​ച്ച്...' എ​ന്ന് നി​ക്കാ​ഹി​നി​ടെ പ​റ​യു​മ്പോ​ൾ റാ​ഫി​യ​യു​ടെ ഉ​പ്പ ബ​ഷീ​റി​​ന്‍റെ ശ​ബ്​​ദ​മി​ട​റു​ന്നു​ണ്ടാ​യി​രു​ന്നു. വി​വി​ധ രാ​ജ്യ​ങ്ങ​ളി​ലി​രു​ന്ന് ആ ​ച​ട​ങ്ങി​ന് സാ​ക്ഷി​യാ​യ​വ​രു​ടെ​യെ​ല്ലാം ക​ണ്ണു​ക​ൾ ഈ​റ​ന​ണി​ഞ്ഞു. അ​ൽ​പം മ​ന​ക്ക​ട്ടി​യു​ണ്ടെ​ന്ന് വി​ശ്വ​സി​ച്ചി​രു​ന്ന റാ​ഫി​യ​യും ക​ര​ഞ്ഞു.

പ​ശ്ചി​മ​ബം​ഗാ​ളി​ലെ മാ​ൽ​ഡ​യി​ലെ ആ ​പെ​ൺ​കു​ട്ടി ആ​രെ​ന്ന് റാ​ഫി​യ​ക്കോ ഫ​വാ​സി​നോ അ​റി​യി​ല്ല. ഫോ​ട്ടോ പോ​ലും ക​ണ്ടി​ട്ടി​ല്ല. സാ​മൂ​ഹി​ക പ്ര​വ​ർ​ത്ത​ക​ൻ യ​ഹ് യാ ​ഖാ​ൻ വ​ഴി​യാ​ണ് കാ​ര്യ​ങ്ങ​ൾ അ​ന്വേ​ഷി​ച്ച​ത്. തൊ​ട്ട​ടു​ത്ത മാ​സം ആ ​കു​ട്ടി​യു​ടെ​യും ക​ല്യാ​ണ​മാ​ണെ​ന്ന​റി​ഞ്ഞു. അ​വ​ൾ​ക്ക് മാ​താ​വും നാ​ല് സ​ഹോ​ദ​ര​ങ്ങ​ളു​മാ​ണു​ള്ള​ത്. ഒ​റ്റ മു​റി വീ​ട്ടി​ൽ താ​മ​സം. ക​ല്യാ​ണം ക​ഴി​ക്കാ​ൻ പോ​കു​ന്ന ആ​ളും കൂ​ടി​യാ​കു​മ്പോ​ൾ ഏ​ഴ് പേ​ർ ഒ​റ്റ​മു​റി​യി​ൽ താ​മ​സി​ക്കേ​ണ്ടി വ​രും. അ​ങ്ങ​നെ​യാ​ണ് അ​വ​ർ​ക്ക് വീ​ട് ​െവ​ച്ച് കൊ​ടു​ക്കാ​മെ​ന്ന തീ​രു​മാ​ന​ത്തി​ലെ​ത്തി​യ​ത്. ത​െ​ൻ​റ അ​വ​കാ​ശ​മാ​യ മ​ഹ​റാ​യി അ​ത് ത​ന്നെ മ​തി​യെ​ന്ന് റാ​ഫി​യ​ക്ക് നി​ർ​ബ​ന്ധ​മാ​യി​രു​ന്നു. ഫ​വാ​സി​ന് നൂ​റു സ​മ്മ​തം. വീ​ട് പ​ണി ഏ​റ​ക്കു​റെ പൂ​ർ​ത്തി​യാ​യി. റാ​ഫി​യ​യും ഫ​വാ​സും ജീ​വി​ത​ത്തി​ൽ ഒ​രു​മി​ച്ച​തി​നു​ള്ള വി​വാ​ഹ​മൂ​ല്യ​മാ​യി ഒ​രു കൂ​ര ആ ​പെ​ൺ​കു​ട്ടി​ക്കും കു​ടും​ബ​ത്തി​നും ത​ണ​ലേ​കും.