വെള്ള ഏപ്രണുകളിൽ ചോര പുരളുമ്പോൾ ...

രോ​ഗീ​പ​രി​ച​ര​ണ വേ​ള​യി​ൽ ആ​ശു​പ​ത്രി​ക​ളും ഡോ​ക്ട​ർ​മാ​രും ഏ​റ്റ​വു​മ​ധി​കം ആ​ക്ര​മി​ക്ക​പ്പെ​ടു​ന്ന രാ​ജ്യ​ങ്ങ​ളി​ലൊ​ന്നാ​ണ് ഇ​ന്ത്യ. ക​ഴി​ഞ്ഞ ഒ​രു മാ​സ​ത്തി​നി​ടെ രാ​ജ്യ​ത്ത്​ പ​ന്ത്ര​ണ്ടോ​ളം ആ​ശു​പ​ത്രി ആ​ക്ര​മ​ണ​ങ്ങ​ളു​ണ്ടാ​യി( കേ​ര​ള​ത്തി​ൽ മാ​ത്രം അ​ഞ്ച് സം​ഭ​വ​ങ്ങ​ൾ).​ഈ പ​ശ്ചാ​ത്ത​ല​ത്തി​ൽ ഇ​ന്ത്യ​യി​ലെ ആ​ധു​നി​ക വൈ​ദ്യ​ശാ​സ്ത്ര ചി​കി​ത്സ​ക​ർ ഇ​ന്ത്യ​ൻ മെ​ഡി​ക്ക​ൽ അ​സോ​സി​യേ​ഷ​‍െൻറ നേ​തൃ​ത്വ​ത്തി​ൽ ജൂ​ൺ 18 മു​ത​ൽ സ​മ​ര​മാ​രം​ഭി​ക്കു​ക​യാ​ണ്.

അ​ൽ​പ​കാ​ലം മു​മ്പു​വ​രെ എ​റ്റ​വും മ​ഹ​ത്വ​മാ​ർ​ന്ന തൊ​ഴി​ലാ​യി ക​ണ​ക്കാ​ക്ക​പ്പെ​ട്ടി​രു​ന്ന ചി​കി​ത്സാ രം​ഗ​ത്തേ​ക്കു വ​രാ​ൻ പു​തു​ത​ല​മു​റ അ​റ​ച്ചു​നി​ൽ​ക്കു​ന്ന​തി​ന്​ ഒ​രു സു​പ്ര​ധാ​ന കാ​ര​ണം ഈ ​അ​തി​ക്ര​മ​ങ്ങ​ൾ ത​ന്നെ​യാ​ണ്.​സ​ർ​ക്കാ​ർ ആ​ശു​പ​ത്രി​ക​ളി​ലും ചെ​റി​യ സ്വ​കാ​ര്യ ആ​ശു​പ​ത്രി​ക​ളി​ലും അ​ടി​സ്ഥാ​ന സൗ​ക​ര്യ​ങ്ങ​ളു​ടെ ക​ടു​ത്ത അ​ഭാ​വ​മാ​ണ് അ​തി​ക്ര​മ​ങ്ങ​ളു​ടെ ഒ​രു പ്ര​ധാ​ന കാ​ര​ണ​മാ​യി ചൂ​ണ്ടി​ക്കാ​ണി​ക്ക​പ്പെ​ടു​ന്ന​ത്. ധ​ന​മോ​ഹ​വും അ​ധാ​ർ​മി​ക​ത​യും ചി​കി​ത്സി​ക്കാ​നാ​വാ​ത്ത​വി​ധം ര​ക്ത​ത്തി​ല​ലി​ഞ്ഞ ,വി​ര​ലി​ലെ​ണ്ണാ​വു​ന്ന ചി​ല ഡോ​ക്ട​ർ​മാ​രും സ്വ​കാ​ര്യ ആ​ശു​പ​ത്രി​ക​ളും ആ​തു​ര​ശു​ശ്രൂ​ഷ മേ​ഖ​ല​യെ ഋ​ണാ​ത്മ​ക​മാ​യി മാ​റ്റി​പ്പ​ണി​തു. ഇ​വ​രു​ടെ ചെ​യ്​​തി ചി​കി​ത്സ​ക​രോ​ടും ചി​കി​ത്സ സ്ഥാ​പ​ന​ങ്ങ​ളോ​ടും സ​മൂ​ഹ​ത്തി​നു​ണ്ടാ​യി​രു​ന്ന സ്​​നേ​ഹാ​ദ​ര മ​നോ​ഭാ​വ​ത്തി​ൽ മാ​റ്റം വ​രു​ത്തി​യി​ട്ടു​ണ്ട്.

ദി​വ​സം 140 രൂ​പ മാ​ത്രം വ​രു​മാ​ന​മു​ള്ള ഒ​രു രാ​ജ്യ​ത്ത് സാ​ധാ​ര​ണ​ക്കാ​ർ​ക്ക്​ പ​ല​പ്പോ​ഴും താ​ങ്ങാ​നാ​വു​ന്ന​ത​ല്ല ചി​കി​ത്സ ചെ​ല​വ്. ഇ​തൊ​രു പൊ​ട്ടി​ത്തെ​റി​യി​ലേ​ക്ക് അ​വ​രെ ന​യി​ച്ചേ​ക്കാം. ഡോ​ക്ട​റെ കാ​ണാ​ൻ മ​ണി​ക്കൂ​റു​ക​ളോ​ളം നീ​ളു​ന്ന കാ​ത്തു​നി​ൽ​പ്, പ​രി​ശോ​ധ​ന ഫ​ലം ല​ഭി​ക്കാ​നു​ള്ള ത​ത്ര​പ്പാ​ട്, ആ​രോ​ഗ്യ പ്ര​വ​ർ​ത്ത​ക​രു​ടെ പെ​രു​മാ​റ്റ രീ​തി, വൃ​ത്തി​ഹീ​ന ചു​റ്റു​പാ​ടു​ക​ൾ, മ​രു​ന്നു​ക​ളു​ടെ അ​ഭാ​വം എ​ന്നി​വ​യെ​ല്ലാം രോ​ഗി​ക​ളു​ടെ ക്ഷ​മ ക​ടു​ത്ത രീ​തി​യി​ൽ പ​രീ​ക്ഷി​ക്കു​ന്നു​മു​ണ്ട്. ഇ​ത്ത​രം അ​വ​സ്ഥ​ക​ളും ആ​ശു​പ​ത്രി ആ​ക്ര​മ​ണ​ങ്ങ​ൾ​ക്ക് വ​ഴി​മ​രു​ന്നി​ടു​ന്ന​താ​യി വ്യാ​പ​ക​മാ​യി ക​രു​ത​പ്പെ​ടു​ന്നു.

ഒ​രു രോ​ഗി ഓ​ർ​ത്തി​രി​ക്കാ​തെ അ​ത്യാ​സ​ന്ന നി​ല​യി​ലേ​ക്ക് വ​ഴു​തു​ന്ന​താ​ണ് പ​ല​പ്പോ​ഴും രോ​ഗീ - ഡോ​ക്ട​ർ ബ​ന്ധ​ത്തി​ൽ വ​ലി​യ തോ​തി​ൽ വി​ള്ള​ൽ വീ​ഴ്ത്തു​ന്ന അ​വ​സ്ഥാ​വി​ശേ​ഷം. അ​ത്ത​രം നി​ർ​ണാ​യ​ക സ​ന്ദ​ർ​ഭ​ങ്ങ​ളി​ൽ ഒ​രു മു​തി​ർ​ന്ന ഡോ​ക്ട​ർ ത​ന്നെ സാ​വ​കാ​ശം സ​ഹാ​നു​ഭൂ​തി​യോ​ടെ കാ​ര്യ​ങ്ങ​ളു​ടെ ഗു​രു​ത​രാ​വ​സ്ഥ ബ​ന്ധു​ക്ക​ളെ ബോ​ധ്യ​പ്പെ​ടു​ത്താ​ൻ ശ്ര​മി​ക്ക​ണം. ഉ​യ​ർ​ന്ന വി​ദ്യാ​ഭ്യാ​സ​മു​ള്ള പ​ല​രും ആ​രോ​ഗ്യ രം​ഗ​ത്തെ​ക്കു​റി​ച്ച് പ​ല​പ്പോ​ഴും സാ​മാ​ന്യ അ​റി​വു പോ​ലു​മി​ല്ലാ​ത്ത​വ​രാ​യി​രി​ക്കും. സാ​ധാ​ര​ണ പ്ര​സ​വ സ​മ​യ​ത്തു പോ​ലും ഒ​ട്ടും പ്ര​തീ​ക്ഷി​ക്കാ​തെ ഉ​ണ്ടാ​വു​ന്ന അ​ത്ര അ​പൂ​ർ​വ​മ​ല്ലാ​ത്ത ര​ക്ത​സ്രാ​വം ( Post partum bleeding) അ​വ​യി​ലൊ​ന്നാ​ണ്. പ്ര​സ​വി​ച്ച ഉ​ട​ൻ ഗ​ർ​ഭ​പാ​ത്രം ചു​രു​ങ്ങാ​തെ (Contract) പോ​യാ​ൽ ര​ക്ത​സ്രാ​വം മൂ​ലം ഒ​ന്നോ ര​ണ്ടോ മി​നി​റ്റി​ന​കം രോ​ഗി ക​ടു​ത്ത ഗു​രു​ത​രാ​വ​സ്ഥ​യി​ലെ​ത്തും. ജീ​വ​ൻ ര​ക്ഷി​ക്കാ​ൻ പോ​ലും പ​ല​പ്പോ​ഴും ക​ഴി​ഞ്ഞെ​ന്നു വ​രി​ല്ല.

അ​ത്ത​ര​മൊ​രു അ​വ​സ്ഥ സ​ങ്ക​ൽ​പി​ക്കാ​ൻ പോ​ലു​മാ​വാ​ത്ത സാ​ധാ​ര​ണ​ക്കാ​ര​‍െൻറ പ്ര​തി​ക​ര​ണം വ​ള​രെ രൂ​ക്ഷ​മാ​യേ​ക്കാം. ആ ​നി​ർ​ണാ​യ​ക സ​ന്ദ​ർ​ഭ​ത്തി​ൽ കാ​ര്യ​ങ്ങ​ൾ സ​ഹാ​നു​ഭൂ​തി​യോ​ടെ പ​റ​ഞ്ഞു മ​ന​സ്സി​ലാ​ക്കാ​ൻ ഡോ​ക്ട​ർ​ക്ക് ക​ഴി​യാ​തെ പോ​യാ​ലോ, രോ​ഗി​യു​ടെ ബ​ന്ധു​ക്ക​ൾ​ക്ക് ശാ​സ്ത്രീ​യ കാ​ര​ണ​ങ്ങ​ൾ മ​ന​സ്സി​ലാ​വാ​തെ പോ​യാ​ലോ ആ​ശു​പ​ത്രി​യി​ലെ സ​മാ​ധാ​നാ​ന്ത​രീ​ക്ഷം നി​ശ്ച​യ​മാ​യും ത​ക​ർ​ന്നേ​ക്കും. അ​ടി​സ്ഥാ​ന ആ​രോ​ഗ്യ സാ​ക്ഷ​ര​ത പൗ​ര​ന് ല​ഭ്യ​മാ​ക്കേ​ണ്ട​തി​ലേ​ക്കാ​ണ് ഇ​ത്ത​രം സം​ഭ​വ​ങ്ങ​ൾ കൃ​ത്യ​മാ​യി വി​ര​ൽ ചൂ​ണ്ടു​ന്ന​ത് .ആ​ൾ​ക്കൂ​ട്ട മ​ന​ശ്ശാ​സ്ത്ര​ത്തി​‍െൻറ പ്ര​ശ്ന​ങ്ങ​ൾ കൂ​ടി ഇ​ത്ത​രു​ണ​ത്തി​ൽ അ​ഭി​സം​ബോ​ധ​ന ചെ​യ്യ​പ്പെ​ടേ​ണ്ട​തു​ണ്ട്. രോ​ഗി​യു​ടെ ബ​ന്ധു​ക്ക​ൾ അ​ല്ലാ​ത്ത​വ​രോ കാ​ണി​ക​ളോ, ഡോ​ക്ട​റോ​ടോ ആ​ശു​പ​തി​യോ​ട്​ മു​ൻ വൈ​രാ​ഗ്യ​മു​ള്ള​വ​രൊ​ക്കെ​യാ​വും പ​ല​പ്പോ​ഴും ഇ​ത്ത​രം ആ​ൾ​ക്കൂ​ട്ട​ങ്ങ​ളു​ടെ നേ​തൃ​ത്വ​ത്തി​ലേ​ക്ക് വ​രു​ന്ന​ത്.

ഡോ​ക്ട​ർ​മാ​രു​ടെ​യും സ​ർ​ക്കാ​റി​െൻറ​യും സ​മൂ​ഹ​ത്തി​‍െൻറ​യും കൃ​ത്യ​മാ​യ ഇ​ട​പെ​ട​ലു​ക​ൾ കൊ​ണ്ടു മാ​ത്ര​മെ വി​നാ​ശ​ക​ര​വും പ​രി​ഷ്കൃ​ത സ​മൂ​ഹ​ത്തി​ന് ഒ​ട്ടും അ​ഭി​കാ​മ്യ​മ​ല്ലാ​ത്ത​തു​മാ​യ ഈ ​ക​ടു​ത്ത തി​ന്മ ഉ​ന്മൂ​ല​നം ചെ​യ്യാ​നാ​വൂ. ദേ​ശീ​യ പ്ര​തി​ഷേ​ധ​ത്തി​‍െൻറ ഭാ​ഗ​മാ​യി ഐ.​എം.​എ മു​ന്നോ​ട്ടു​വെ​ച്ചി​രി​ക്കു​ന്ന മി​ക​ച്ച ഒ​രു നി​ർ​ദേ​ശം ഭ​ര​ണാ​ധി​കാ​രി​ക​ളും, നി​യ​മ വ്യ​വ​സ്ഥ​യും ഗാ​ഢ​മാ​യി പ​രി​ഗ​ണി​ക്കേ​ണ്ട​തു​ണ്ട്. എ​യ​ർ​പോ​ർ​ട്ടും, നി​യ​മ​കാ​ര്യാ​ല​യ​ങ്ങ​ളും, റെ​യി​ൽ​വേ സ്​​റ്റേ​ഷ​നു​മൊ​ക്കെ എ​ന്ന​പോ​ലെ ആ​ശു​പ​ത്രി​ക​ളും, ക്ലി​നി​ക്കു​ക​ളും സ്പെ​ഷ​ൽ സേ​ഫ് സോ​ൺ (special Safe zone)ആ​യി പ്ര​ഖ്യാ​പി​ക്കു​ന്ന​ത് വൈ​ദ്യ ശു​ശ്രൂ​ഷ കേ​ന്ദ്ര​ങ്ങ​ളി​ലെ അ​തി​ക്ര​മ​ങ്ങ​ൾ​ക്ക് നി​ശ്ച​യ​മാ​യും അ​റു​തി വ​രു​ത്തും.

ക​ഴി​ഞ്ഞ ഒ​ന്ന​ര​വ​ർ​ഷ​ക്കാ​ലം മി​ക്ക​വാ​റും ഊ​ണും ഉ​റ​ക്ക​വു​മൊ​ഴി​ച്ച് സ​മൂ​ഹ​ത്തി​‍െൻറ സു​ര​ക്ഷ​ക്കാ​യി നി​ര​ന്ത​രം പ്ര​വ​ർ​ത്തി​ച്ചു ത​ള​ർ​ന്നി​ട്ടും വീ​ണ്ടും നി​ര​ന്ത​രം പ്ര​വ​ർ​ത്ത​ന നി​ര​ത​രാ​വു​ന്ന ആ​രോ​ഗ്യ പ്ര​വ​ർ​ത്ത​ക​ർ ദ​യാ​ശൂ​ന്യ​മാ​യി ആ​ക്ര​മി​ക്ക​പ്പെ​ടു​മ്പോ​ൾ ഒ​ര​ക്ഷ​രം ഉ​രി​യാ​ടാ​തി​രി​ക്കു​ന്ന സാ​മൂ​ഹി​ക-​സാം​സ്കാ​രി​ക നാ​യ​ക​രും , രാ​ഷ്​​ട്രീ​യ നേ​താ​ക്ക​ളും കേ​ര​ളീ​യ സ​മൂ​ഹ​ത്തി​ന് ന​ൽ​കു​ന്ന സ​ന്ദേ​ശ​ത്തെ​ക്കു​റി​ച്ചും ഡോ​ക്ട​ർ സ​മൂ​ഹം ആ​ശ​ങ്കാ​കു​ല​രാ​ണ് എ​ന്ന വ​സ്തു​ത കൂ​ടി ഇ​വി​ടെ രേ​ഖ​പ്പെ​ടു​ത്ത​ട്ടെ.

ഐ.​എം.​എ സം​സ്ഥാ​ന വൈ​സ് പ്ര​സി​ഡ​ൻ​റാണ്​ ലേഖകൻ