അടിമക്കച്ചവടംപോലെ ​ക്രൂരമീ​ സ്​ത്രീധന ഭീകരത

സ്ത്രീ​ധ​ന​ത്തി​ന്റെ പേ​രി​ൽ പ്ര​തി​വ​ർ​ഷം 5000 കേ​സു​ക​ൾ റി​പ്പോ​ർ​ട്ട് ചെ​യ്യ​പ്പെ​ടു​ന്ന കേ​ര​ള​ത്തി​ൽ എ​ത്ര പേ​ർ ശി​ക്ഷി​ക്ക​പ്പെ​ടു​ന്നു​ണ്ട്​? ശി​ക്ഷാ​ന​ട​പ​ടി​ക​ൾ ശ​ക്ത​മാ​യ താ​ക്കീ​താ​യി മു​ന്നി​ലു​ണ്ടാ​യി​രു​ന്നെ​ങ്കി​ൽ സ്ത്രീ​ധ​ന സ​മ്പ്ര​ദാ​യ​ത്തെ ഒ​രു​പ​രി​ധി​വ​രെ​യെ​ങ്കി​ലും ഇ​ല്ലാ​താ​ക്കാ​ൻ പ​ണ്ടേ സാ​ധി​ച്ചേ​നെ

‘ഞ​ങ്ങ​ളു​ടെ മ​ക​ൾ​ക്ക് നീ​തി​യി​ല്ലേ​?’ എ​ന്ന നെ​ഞ്ച്​ തു​ള​ക്കു​ന്ന ചോ​ദ്യ​മാ​ണ് ഇ​ന്ന​ലെ ഞ​ങ്ങ​ളെ സെ​ബീ​ന​യു​ടെ വീ​ട്ടി​ലെ​ത്തി​ച്ച​ത്.

ഒ​ക്ടോ​ബ​ർ 25ന് ​ഭ​ർ​തൃ​ഗൃ​ഹ​ത്തി​ൽ തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തി​യ പാ​ല​ക്കാ​ട് ജി​ല്ല​യി​ലെ കൊ​ഴി​ക്ക​ര സ്വ​ദേ​ശി​നി സെ​ബീ​ന ഏ​ഴു​വ​ർ​ഷം അ​നു​ഭ​വി​ച്ച മാ​ന​സി​ക-​ശാ​രീ​രി​ക പീ​ഡ​ന​ങ്ങ​ളു​ടെ ക​ഥ​ക​ളാ​ണ് സെ​ബീ​ന​യു​ടെ മാ​താ​പി​താ​ക്ക​ൾ വി​മ​ൻ ജ​സ്​​റ്റി​സ്​ മൂ​വ്​​മെ​ൻ​റ്​ പ്ര​തി​നി​ധി സം​ഘ​ത്തോ​ട്​ പ​ങ്കു​വെ​ച്ച​ത്.

സ്ത്രീ​ധ​ന​ത്തി​ന്റെ പേ​രി​ൽ ഭ​ർ​ത്താ​വും അ​യാ​ളു​ടെ മാ​താ​പി​താ​ക്ക​ളും നി​ര​ന്ത​രം ചെ​യ്​​തു​കൂ​ട്ടി​യ ക്രൂ​ര​ത​ക​ൾ സ​ഹി​ക്കാ​നാ​കാ​തെ​യാ​ണ്​ ആ ​പെ​ൺ​കു​ട്ടി സ്വ​യം​ഹ​ത്യ​ക്ക്​ മു​തി​ർ​ന്ന​ത്. നാ​ളി​തു​വ​രെ​യാ​യി കു​റ്റ​വാ​ളി​ക​ളെ ക​സ്റ്റ​ഡി​യി​ലെ​ടു​ക്കാ​ൻ പൊ​ലീ​സി​ന് ക​ഴി​ഞ്ഞി​ട്ടി​ല്ല.

സ​ബീ​ന, വി​സ്മ​യ, ഷ​ഹാ​ന, ഷ​ബ്ന, ഉ​ത്ര...

കേ​ര​ള​ത്തി​ലെ സ്ത്രീ​ധ​ന ഹ​ത്യ​യു​ടെ പ​ട്ടി​ക​യി​ൽ പു​റം​ലോ​കം അ​റി​ഞ്ഞ​തും അ​റി​യാ​ത്ത​തു​മാ​യ പു​തി​യ പേ​രു​ക​ൾ വ​ന്നു​ചേ​രു​ക​യാ​ണ്. പു​രു​ഷാ​ധി​കാ​ര സ​മൂ​ഹ​ത്തി​ന്റെ സാം​സ്കാ​രി​ക ജീ​ർ​ണ​ത​ക​ളി​ൽ​നി​ന്ന് ന​വോ​ത്ഥാ​ന കേ​ര​ളം മോ​ച​നം നേ​ടി​യി​ട്ടി​ല്ല എ​ന്ന​തി​ന്റെ അ​ട​യാ​ള​പ്പെ​ടു​ത്ത​ൽ കൂ​ടി​യാ​ണി​ത്. ആ​ത്മ​ഹ​ത്യ​ക​ളും കൊ​ല​പാ​ത​ക​ങ്ങ​ളു​മാ​യി സ്ത്രീ​ധ​ന​ക്കു​രു​തി​ക​ളി​ൽ പെ​ൺ​കു​ട്ടി​ക​ളു​ടെ / സ്ത്രീ​ക​ളു​ടെ ജീ​വ​ൻ പൊ​ലി​ഞ്ഞു​കൊ​ണ്ടി​രി​ക്കു​ന്നു. പ​ണ​ത്തി​നു​മീ​തെ പ്ര​ണ​യം​പോ​ലും പ​റ​ക്കി​ല്ലെ​ന്ന പു​തി​യ ചൊ​ല്ലു​ക​ൾ തീ​ർ​ത്തു​കൊ​ണ്ട് സ്ത്രീ​ധ​ന​ഹ​ത്യ​ക​ൾ പെ​രു​കു​ന്നു.

സ്ത്രീ​ധ​ന​ത്തി​ന്റെ പേ​രി​ൽ പ്ര​തി​വ​ർ​ഷം 5000 കേ​സു​ക​ൾ റി​പ്പോ​ർ​ട്ട് ചെ​യ്യ​പ്പെ​ടു​ന്ന കേ​ര​ള​ത്തി​ൽ എ​ത്ര പേ​ർ ശി​ക്ഷി​ക്ക​പ്പെ​ടു​ന്നു​ണ്ട്​? ശി​ക്ഷാ​ന​ട​പ​ടി​ക​ൾ ശ​ക്ത​മാ​യ താ​ക്കീ​താ​യി മു​ന്നി​ലു​ണ്ടാ​യി​രു​ന്നെ​ങ്കി​ൽ സ്ത്രീ​ധ​ന സ​മ്പ്ര​ദാ​യ​ത്തെ ഒ​രു​പ​രി​ധി​വ​രെ​യെ​ങ്കി​ലും ഇ​ല്ലാ​താ​ക്കാ​ൻ പ​ണ്ടേ സാ​ധി​ച്ചേ​നെ.

നി​യ​മ​പ​ര​മാ​യി 1961 മു​ത​ലേ നി​രോ​ധി​ക്ക​പ്പെ​ട്ട സ്ത്രീ​ധ​നം സ​മൂ​ഹ​ത്തി​ൽ ഇ​ന്നും വ്യാ​പ​ക​മാ​യി തു​ട​ർ​ന്നു​കൊ​ണ്ടി​രി​ക്കു​ന്ന​തി​നു പി​ന്നി​ൽ സ്ത്രീ​വി​രു​ദ്ധ​മാ​യ യാ​ഥാ​സ്ഥി​തി​ക പൊ​തു​ബോ​ധ​മാ​ണ്. പെ​ൺ​കു​ഞ്ഞ്​ പി​റ​ന്ന ദി​വ​സം മു​ത​ൽ അ​വ​ളെ വി​വാ​ഹം ക​ഴി​പ്പി​ച്ച​യ​ക്കാ​നു​ള്ള സ​മ്പാ​ദ്യം സ്വ​രു​ക്കൂ​ട്ടി​ക്കൊ​ള്ളു​ക​യെ​ന്ന്​ സ​മൂ​ഹം ര​ക്ഷാ​ക​ർ​ത്താ​ക്ക​ളെ ഓ​ർ​മ​പ്പെ​ടു​ത്തി​ത്തു​ട​ങ്ങും.

മ​ക​ളെ വി​വാ​ഹം ക​ഴി​പ്പി​ച്ച​യ​ക്കേ​ണ്ട ബാ​ധ്യ​താ​ഭാ​ര​ത്താ​ൽ മ​രു​ഭൂ​മി​യി​ൽ ജീ​വി​തം എ​രി​ച്ചു തീ​ർ​ത്ത​വ​രെ​ത്ര? കി​ട​പ്പാ​ടം​വ​രെ പ​ണ​യ​പ്പെ​ടു​ത്തി ദു​രി​ത​ങ്ങ​ൾ ഏ​റ്റു​വാ​ങ്ങി​യ​വ​രെ​ത്ര?

വി​ദ്യാ​ഭ്യാ​സ​പ​ര​മാ​യ ഉ​ന്ന​തി​യും സ്വ​ന്ത​മാ​യ തൊ​ഴി​ൽ സാ​ധ്യ​ത​ക​ളും സ്ത്രീ​ക​ളെ ശ​ക്ത​രാ​ക്കി​യി​ട്ടു​ണ്ടെ​ങ്കി​ലും വി​വാ​ഹ​രം​ഗ​ത്ത് നി​ല​നി​ൽ​ക്കു​ന്ന മേ​ൽ​ക്കോ​യ്മ​ക​ളി​ലും വൈ​വാ​ഹി​ക ജീ​വി​ത​ത്തി​ന്റെ പാ​ട്രി​യാ​ർ​ക്ക​ൽ പ്ര​വ​ണ​ത​ക​ളി​ലും ത​രി​മ്പും മാ​റ്റ​മു​ണ്ടാ​യി​ട്ടി​ല്ല. വി​വാ​ഹം ക​മ്പോ​ള​മാ​യ​തും സ്ത്രീ ​അ​തി​ലെ ച​ര​ക്കാ​യ​തും സ്ത്രീ​ധ​ന​ത്തെ അം​ഗീ​കൃ​ത​മാ​ക്കു​ന്ന നി​വൃ​ത്തി​കേ​ടാ​ണ്. വി​ദ്യാ​ഭ്യാ​സ ഔ​ന്ന​ത്യ​ത്തി​ന്റെ കാ​ല​ത്തും ഇ​ത് തു​ട​രു​ന്നു എ​ന്ന​ത് അ​ദ്ഭു​ത​പ്പെ​ടു​ത്തു​ന്ന​താ​ണെ​ങ്കി​ലും യാ​ഥാ​ർ​ഥ്യ​മാ​ണ്.

മ​നു​ഷ്യ​രെ വി​ല​ക്കു​വാ​ങ്ങു​ന്ന അ​ടി​മ​ക്ക​ച്ച​വ​ടം പോ​ലെ ക്രൂ​ര​മാ​ണ്​ സ്ത്രീ​ധ​ന സ​​മ്പ്ര​ദാ​യം. അ​തി​ന്റെ തോ​തി​ലെ ഏ​റ്റ​ക്കു​റ​ച്ചി​ലു​ക​ൾ​ക്ക​നു​സ​രി​ച്ച് ഭ​ർ​തൃ​വീ​ട്ടി​ൽ​നി​ന്നും സാ​മൂ​ഹി​ക പ​രി​സ​ര​ത്തു​നി​ന്നും വ​ധു​വി​ന്​ ല​ഭി​ക്കു​ന്ന പ​രി​ഗ​ണ​ന​ക​ളി​ൽ മാ​റ്റം പ്ര​ക​ട​മാ​യി​രി​ക്കും. സ്വ​ന്തം സാ​മൂ​ഹി​ക പ​ദ​വി​യെ വി​ല​കൊ​ടു​ത്ത് നി​ശ്ച​യി​ക്കേ​ണ്ട​താ​യ അ​വ​സ്ഥ​യെ​ക്കു​റി​ച്ച് ഒ​ന്നാ​ലോ​ചി​ച്ചു നോ​ക്കൂ..

ഒ​രേ കു​ടും​ബ​ത്തി​ലേ​ക്ക് വി​വാ​ഹി​ത​രാ​യി വ​ന്ന വ്യ​ത്യ​സ്ത സാ​മ്പ​ത്തി​ക പ​ദ​വി​യു​ള്ള​വ​രി​ലെ സ്ത്രീ​ധ​ന​ത്തോ​ത് കു​റ​ഞ്ഞ​വ​ർ നേ​രി​ടേ​ണ്ട​താ​യ വി​വേ​ച​നം ഭീ​ക​ര​മാ​ണെ​ന്ന​ത് അ​നു​ഭ​വ സാ​ക്ഷ്യ​മാ​ണ്.

സ്ത്രീ​ധ​ന നി​രോ​ധ​ന നി​യ​മ​വും ഗാ​ർ​ഹി​ക പീ​ഡ​ന നി​രോ​ധ​ന നി​യ​മ​ങ്ങ​ളു​മെ​ല്ലാം നി​ല​വി​ലു​ണ്ടെ​ങ്കി​ലും സ്ത്രീ​യെ​ക്കു​റി​ച്ച അ​ധീ​ശ സ​മൂ​ഹ​ത്തി​ന്റെ കാ​ഴ്ച​പ്പാ​ട് മാ​റാ​തെ മാ​റ്റം സാ​ധ്യ​മ​ല്ല. നി​യ​മ ബോ​ധ​വ​ത്ക​ര​ണ​ങ്ങ​ളി​ലൂ​ടെ​യും സാ​മൂ​ഹി​ക നീ​തി സ​ങ്ക​ൽ​പ​ങ്ങ​ൾ വേ​രു​റ​പ്പി​ക്കു​ന്ന​തി​ലൂ​ടെ​യും സ​ർ​വോ​പ​രി മാ​തൃ​കാ​പ​ര​മാ​യ ശി​ക്ഷ ഉ​റ​പ്പാ​ക്കു​ന്ന​തി​ലൂ​ടെ​യും വേ​ണം ഇ​തി​നെ മ​റി​ക​ട​ക്കാ​ൻ.

കേ​ര​ള​ത്തി​ലെ വി​ദ്യാ​വ​തി​ക​ളാ​യ സ്ത്രീ​ക​ൾ​ക്ക് സ്ത്രീ​ധ​ന വി​വാ​ഹ​ത്തി​ന് എ​തി​രു​നി​ൽ​ക്കു​ന്ന പെ​ൺ​കൂ​ട്ടാ​യ്മ​ക​ൾ​ക്ക് രൂ​പം​കൊ​ടു​ത്ത് മാ​റ്റ​ത്തി​ന്റെ മു​ന്നി​ൽ ന​ട​ക്കാ​ൻ ക​ഴി​യ​ണം. അ​ത്ത​രം പ്ര​ക്ഷോ​ഭ മു​ഖ​ങ്ങ​ൾ തു​റ​ന്ന്​ പെ​ൺ​കൂ​ട്ടാ​യ്​​മ​ക​ൾ​ക്ക്​ കൂ​ടു​ത​ൽ ക​രു​ത്തു​പ​ക​രാ​നും നീ​തി​ക്കാ​യു​ള്ള പോ​രാ​ട്ട​വ​ഴി​യി​ൽ ഉ​റ​ച്ചു​നി​ൽ​ക്കാ​നും വി​മ​ൻ ജ​സ്റ്റി​സ് മൂ​വ്മെ​ന്റ് ഒ​പ്പ​മു​ണ്ടാ​വും.

(വി​മ​ൻ ജ​സ്റ്റി​സ് മൂ​വ്മെ​ന്റ് സം​സ്ഥാ​ന പ്ര​സി​ഡ​ൻ​റാ​ണ്​ ലേ​ഖി​ക)