മ​ഞ്ഞ​ക്കൊ​ന്ന ന​ശീ​ക​ര​ണം മ​റ്റൊ​രു ദു​ര​ന്ത​മാ​കു​മോ?

വ​നം വ​കു​പ്പ് താ​ല​പ്പൊ​ലി​യോ​ടെ എ​ഴു​ന്ന​ള്ളി​ച്ച മ​ഞ്ഞ​ക്കൊ​ന്ന, രാ​ക്ഷ​സ​ക്കൊ​ന്ന എ​ന്നീ വി​ളി​പ്പേ​രു​ക​ളു​ള്ള സ​ന്ന സ്പെ​ക്ടാ​ബി​ല​സ് ഇ​പ്പോ​ൾ നീ​ല​ഗി​രി ജൈ​വ​മേ​ഖ​ല​യെ ഒ​ന്നാ​കെ ഗ്ര​സി​ച്ചു കൊ​ണ്ടി​രി​ക്കു​ക​യാ​ണ്. വ​യ​നാ​ട​ൻ കാ​ടു​ക​ളെ വി​ഴു​ങ്ങി​ക്കൊ​ണ്ടി​രി​ക്കു​ന്ന സ​ന്ന​യെ ഉ​ന്മൂ​ല​നം ചെ​യ്യാ​ൻ വൈ​കി​യെ​ങ്കി​ലും തീ​രു​മാ​ന​മെ​ടു​ത്ത​ത് സ്വാ​ഗ​താ​ർ​ഹം ത​ന്നെ. ഇ​തി​നാ​യി കേ​ര​ള പേ​പ്പ​ർ പ്രോ​ഡ​ക്ട് ലി​മി​റ്റ​ഡു​മാ​യി സ​ർ​ക്കാ​ർ ക​രാ​റി​ലെ​ത്തി​ക്ക​ഴി​ഞ്ഞു.

വ​യ​നാ​ട് വ​ന്യ​ജീ​വി​കേ​ന്ദ്ര​ത്തി​ൽ​നി​ന്ന് 5000 മെ​ട്രി​ക് ട​ൺ സ​ന്ന ത​ടി​ക​ൾ ട​ണ്ണി​ന് 350 രൂ​പ നി​ര​ക്കി​ൽ നീ​ക്കു​ന്ന​തി​നാ​ണ് ചീ​ഫ് വൈ​ൽ​ഡ് ലൈ​ഫ് വാ​ർ​ഡ​ൻ അ​നു​മ​തി ന​ൽ​കി​യി​രി​ക്കു​ന്ന​ത്. വേ​ണ്ട​ത്ര ത​യാ​റെ​ടു​പ്പു​ക​ളൊ​ന്നു​മി​ല്ലാ​തെ​യാ​ണ് ഈ ​നീ​ക്കം. പ​ല​പ്പോ​ഴാ​യി അ​ധി​കൃ​ത​ർ ന​ട​ത്തി​യ കൊ​ടും ച​തി​മൂ​ലം അ​ടി​മു​ടി വ​ഞ്ചി​ക്ക​പ്പെ​ട്ട​വ​ർ എ​ന്ന നി​ല​യി​ൽ ഈ ​തീ​രു​മാ​ന​ത്തി​ന്റെ ഉ​ദ്ദേ​ശ​ശു​ദ്ധി​യി​ലും വ​യ​നാ​ട​ൻ ജ​ന​ത​ക്ക് സം​ശ​യ​ങ്ങ​ളും ആ​ശ​ങ്ക​യു​മു​ണ്ട്.

തൊ​ഴി​ൽ ദാ​ന​ത്തി​ന്റെ മ​റ​വി​ൽ

ഇ.​എം.​എ​സി​ന്റെ നേ​തൃ​ത്വ​ത്തി​ലെ ആ​ദ്യ ഐ​ക്യ​കേ​ര​ള മ​ന്ത്രി​സ​ഭ ന​ൽ​കി​യ വ​ൻ ആ​നു​കൂ​ല്യ​ത്തി​ന്റെ പി​ൻ​ബ​ല​ത്തി​ൽ, കു​റെ​യേ​റെ​പ്പേ​ർ​ക്ക് തൊ​ഴി​ല​വ​സ​ര​ങ്ങ​ളൊ​രു​ങ്ങു​മെ​ന്ന പേ​രി​ൽ ചാ​ലി​യാ​ർ തീ​ര​ത്ത് ബി​ർ​ള സ്ഥാ​പി​ച്ച ഗ്വാ​ളി​യോ​ർ റ​യ​ൻ​സ് ഫാ​ക്ട​റി കേ​ര​ള വ​ന​ങ്ങ​ൾ​ക്കേ​ൽ​പി​ച്ച ക്ഷ​ത​ത്തി​ന്റെ ബാ​ക്കി​പ​ത്ര​മാ​ണ് സ​ന്ന​യു​ടെ അ​ധി​നി​വേ​ശ​വും മ​നു​ഷ്യ-​വ​ന്യ​ജീ​വി സം​ഘ​ർ​ഷ​വു​മു​ൾ​പ്പെ​ടെ ന​മ്മ​ളി​ന്ന​നു​ഭ​വി​ക്കു​ന്ന ദു​രി​ത​ങ്ങ​ൾ. യൂ​നി​റ്റ് ഒ​ന്നി​ന് പ​ത്തു ന​യാ​പൈ​സ നി​ര​ക്കി​ൽ വൈ​ദ്യു​തി​യും മെ​ട്രി​ക് ട​ണ്ണി​ന് ഒ​ന്ന​ര രൂ​പ നി​ര​ക്കി​ൽ മു​ള​യും ചാ​ലി​യാ​ർ ന​ദി ഒ​ന്നാ​കെ​യും കു​ത്ത​ക ക​മ്പ​നി കൈ​യ​ട​ക്കി. ഇ​തി​നെ​ല്ലാം പ​ക​ര​മാ​യി പ​ത്തു​ര​ണ്ടാ​യി​രം പേ​ർ​ക്ക് തൊ​ഴി​ൽ ന​ൽ​കി​യെ​ന്നാ​ണ് ന്യാ​യീ​ക​ര​ണ​ക്കാ​ർ പ​റ​യാ​റ്.

വ​യ​നാ​ട്ടി​ൽ മാ​ത്രം കൊ​ട്ട​യും വ​ട്ടി​യും നെ​യ്ത് ഉ​പ​ജീ​വി​ച്ച 5000 ആ​ദി​വാ​സി കു​ടും​ബ​ങ്ങ​ളു​ടെ ജീ​വി​തം മു​ടി​ഞ്ഞു പോ​യ​തി​നെ​ക്കു​റി​ച്ച് ആ​രും പ​റ​ഞ്ഞു​മി​ല്ല. 15 മീ​റ്റ​ർ നീ​ള​മു​ള്ള ഒ​രു ക​ഷ​ണം മു​ള​കൊ​ണ്ട് ഒ​രു കു​ടും​ബ​ത്തി​ന് ഒ​രാ​ഴ്ച തൊ​ഴി​ൽ ല​ഭി​ക്കു​മാ​യി​രു​ന്നു. ആ​ന​ക​ളു​ടെ​യും കാ​ട്ടു​പോ​ത്തു​ക​ളു​ടെ​യും മ​റ്റു വ​ന്യ​ജീ​വി​ക​ളു​ടെ​യും തീ​റ്റ​യും കു​ടി​വെ​ള്ള​വും ആ​വാ​സ​വ്യ​വ​സ്ഥ​യും ന​ഷ്ട​പ്പെ​ട്ടു.

നൂ​റു ക​ണ​ക്കി​നു ക​രാ​റു​കാ​രു​ടെ നേ​തൃ​ത്വ​ത്തി​ൽ ആ​യി​ര​ക്ക​ണ​ക്കി​ന് കൂ​ലി​വേ​ല​ക്കാ​ർ പാ​ല​ക്കാ​ട് ഗ്യാ​പ്പി​ന് വ​ട​ക്ക് കാ​സ​ർ​കോ​ട് വ​രെ​യു​ള്ള പ​ശ്ചി​മ​ഘ​ട്ട മ​ല​നി​ര​ക​ളി​ലെ പ​തി​നാ​യി​ര​ക്ക​ണ​ക്കി​ന് ഏ​ക്ക​ർ വ​ന​ത്തി​ലെ ല​ക്ഷ​ക്ക​ണ​ക്കി​ന് മെ​ട്രി​ക് ട​ൺ മു​ള​ങ്കാ​ടു​ക​ളാ​ണ് വെ​ട്ടി വെ​ളു​പ്പി​ച്ച​ത്. രാ​പ​ക​ൽ ഭേ​ദ​മ​ന്യെ മു​ള ലോ​റി​ക​ൾ വ​യ​നാ​ട​ൻ ചു​ര​ത്തി​ലൂ​ടെ മാ​വൂ​രി​ലേ​ക്ക് ഒ​ഴു​കി. 70 ക​ളു​ടെ തു​ട​ക്ക​മാ​യ​പ്പോ​ഴേ​ക്കും മു​ള​ങ്കാ​ടു​ക​ൾ കാ​ലി​യാ​യി. ഗ്വാ​ളി​യോ​ർ റ​യ​ൺ​സി​ന് ക​രാ​ർ പ്ര​കാ​ര​മു​ള്ള മു​ള​ന​ൽ​കാ​ൻ വ​യ്യാ​താ​യ​പ്പോ​ൾ മു​ള വെ​ട്ടി​യൊ​ഴി​ഞ്ഞ നി​ത്യ​ഹ​രി​ത വ​ന​ങ്ങ​ളി​ൽ യൂ​ക്കാ​ലി​പ്സ്റ്റ​സ് കൊ​ണ്ടു​വ​ന്ന് ന​ട്ടു​പി​ടി​പ്പി​ച്ചു. അ​വ വെ​ച്ചു​പി​ടി​പ്പി​ക്കാ​ൻ വ​നം വ​കു​പ്പ് ഉ​ദ്യോ​ഗ​സ്ഥ​ർ​ക്ക് അ​ത്യു​ത്സാ​ഹ​മാ​യി​രു​ന്നു.

മു​ള​ങ്കാ​ടു​ക​ൾ ഒ​ഴി​ഞ്ഞ മ​ണ്ണ് ക​മ്യൂ​ണി​സ്റ്റ് അ​പ്പ, അ​രി​പ്പു ചു​ള്ളി തു​ട​ങ്ങി​യ അ​ധി​നി​വേ​ശ ക​ള​സ​സ്യ​ങ്ങ​ൾ കൈ​യ​ട​ക്കി. യൂ​ക്കാ​ലി​പ്റ്റ​സ് മ​ണ്ണി​നെ വ​ന്ധ്യ​മാ​ക്കു​ക​യും ജൈ​വ​ഘ​ട​ന ത​കി​ടം​മ​റി​ക്കു​ക​യും കാ​ടി​നു​ള്ളി​ലെ വി​ശാ​ല​മാ​യ ച​തു​പ്പു​ക​ളെ വ​റ്റി​ച്ചു​ക​ള​യു​ക​യും ചെ​യ്തു. വ​ന​യോ​ര​ത്തെ നെ​ൽ​വ​യ​ലു​ക​ൾ കൃ​ഷി അ​സാ​ധ്യ​മാം വി​ധം പാ​റ പോ​ലെ ഉ​റ​ച്ചു​പോ​യി. യൂ​ക്കാ​ലി മ​ര​ങ്ങ​ൾ മു​റി​ച്ചു​മാ​റ്റി​യ ഇ​ട​ങ്ങ​ളും ക​ള​സ​സ്യ​ങ്ങ​ൾ കീ​ഴ​ട​ക്കി. വ​ന്ധ്യം​ക​രി​ക്ക​പ്പെ​ട്ട, ക​ള സ​സ്യ​ങ്ങ​ളാ​ൽ ആ​വൃ​ത​മാ​ക്ക​പ്പെ​ട്ട ഇ​ത്ത​രം കാ​ടു​ക​ളാ​ണ് പി​ന്നാ​ലെ വ​ന്ന രാ​ക്ഷ​സ​ക്കൊ​ന്ന​യു​ടെ വ​ള​ക്കൂ​റു​ള്ള വി​ള​നി​ല​മാ​യ​ത്.

അ​ല​ങ്കാ​ര​മ​ല്ല, അ​ധി​നി​വേ​ശം

1980ക​ളി​ൽ സോ​ഷ്യ​ൽ ഫോ​റ​സ്ട്രി വി​ഭാ​ഗ​മാ​ണ് മു​ത്ത​ങ്ങ​ക്ക​ടു​ത്ത പൊ​ൻ​കു​ഴി​യി​ൽ ന​ഴ്സ​റി​യു​ണ്ടാ​ക്കി അ​ല​ങ്കാ​ര സ​സ്യം എ​ന്ന പേ​രി​ൽ മ​ഞ്ഞ​ക്കൊ​ന്ന തൈ​ക​ൾ ഉ​ൽ​പാ​ദി​പ്പി​ച്ച് വി​ത​ര​ണം ചെ​യ്ത​ത്. ന​ഴ്സ​റി​ക​ളി​ൽ ശേ​ഷി​ച്ച മ​ര​ങ്ങ​ളി​ൽ​നി​ന്നാ​ണ് മു​ത്ത​ങ്ങ​ക്കാ​ടു​ക​ളി​ലേ​ക്കും സ​മീ​പ​ത്തെ മു​തു​മ​ല, ബ​ന്ദി​പ്പൂ​ർ, നാ​ഗ​ർ​ഹൊ​ളെ വ​ന്യ​ജീ​വി സ​ങ്കേ​ത​ങ്ങ​ളി​ലേ​ക്കും വ​യ​നാ​ട്ടി​ലെ ഇ​ത​ര ഫോ​റ​സ്റ്റ് ഡി​വി​ഷ​നു​ക​ളി​ലേ​ക്കും നീ​ല​ഗി​രി ജൈ​വ മേ​ഖ​ല​യി​ലാ​കെ​യും മ​ഞ്ഞ​ക്കൊ​ന്ന അ​ധി​നി​വേ​ശം ന​ട​ത്തി​യ​ത്. 33455 ഹെ​ക്ട​ർ വി​സ്തൃ​തി​യു​ള്ള വ​യ​നാ​ട് വ​ന്യ ജീ​വി കേ​ന്ദ്ര​ത്തി​ൽ 12386 ഹെ​ക്ട​ർ സ്ഥ​ല​ത്തും സ​ന്ന വ്യാ​പി​ച്ചു ക​ഴി​ഞ്ഞു.

തെ​ക്കേ അ​മേ​രി​ക്ക​യി​ൽ​നി​ന്ന് വ​നം വ​കു​പ്പ് കൊ​ണ്ടു​വ​ന്ന സ​ന്ന മ​റ്റ് അ​ധി​നി​വേ​ശ സ​സ്യ​ങ്ങ​ളെ​ക്കാ​ൾ പ​ത്തി​ര​ട്ടി നാ​ശം വ​രു​ത്തു​ന്ന മാ​ര​ക​സ്വ​ഭാ​വ വി​ശേ​ഷ​മു​ള്ള സ​സ്യ​മാ​ണ്. വി​ത്ത്മു​ള​ച്ച് ര​ണ്ടു വ​ർ​ഷ​ത്തി​ന​കം ചെ​ടി പ്രാ​യ​പൂ​ർ​ത്തി​യാ​വു​ക​യും പു​ഷ്പി​ക്കു​ക​യും ഒ​രു വ​ർ​ഷ​ത്തി​നു​ള്ളി​ൽ വി​ത്തു വി​ത​ര​ണം ന​ട​ക്കു​ക​യും ചെ​യ്യും. വി​ത്തി​ന് ആ​റ് വ​ർ​ഷ​ത്തെ അ​തി​ജീ​വ​ന ശേ​ഷി​യു​ണ്ട്. പ്ര​തി​വ​ർ​ഷം ഒ​രു മ​രം ഏ​താ​ണ്ട് 6000 വി​ത്തു​ക​ൾ വി​ത​ര​ണം ചെ​യ്യും. കാ​യ​യും ഇ​ല​യും തൊ​ലി​യും വി​ഷ​മ​യ​മാ​യ​തി​നാ​ൽ ഒ​രു ജീ​വി​യും ഇ​ത് ക​ഴി​ക്കി​ല്ല. ത​ടി വി​റ​കി​നു​പോ​ലും കൊ​ള്ളി​ല്ല. പ​ക്ഷി​ക​ള​ട​ക്കം എ​ല്ലാ വ​ന്യ​ജീ​വി​ക​ളും സ​ന്ന​ക്കാ​ടു​ക​ളി​ൽ​നി​ന്ന് അ​ക​ലം പാ​ലി​ക്കു​ന്നു. ഇ​വി​ടെ ഷ​ഡ്പ​ദ​ങ്ങ​ളു​ടെ എ​ണ്ണം പോ​ലും കു​റ​ഞ്ഞു​വ​രി​ക​യാ​ണ്.

കേ​ര​ള ഫോ​റ​സ്റ്റ് റി​സ​ർ​ച്ച് ഇ​ൻ​സ്റ്റി​റ്റ്യൂ​ട്ട് നി​ര​ന്ത​രം ഗ​വേ​ഷ​ണം ന​ട​ത്തി​യി​ട്ടും ഈ ​സ​സ്യ​ത്തെ ന​ശി​പ്പി​ക്കാ​ൻ നൂ​റു ശ​ത​മാ​നം ഫ​ല​പ്ര​ദ​മാ​യ ഒ​രു മാ​ർ​ഗം ക​ണ്ടെ​ത്തി​യി​ട്ടി​ല്ല. ത​ടി മു​റി​ച്ചു​മാ​റ്റി​യാ​ൽ കു​റ്റി​യി​ൽ​നി​ന്നും വേ​രി​ൽ​നി​ന്നും കൊ​മ്പു​ക​ളി​ൽ​നി​ന്നും നി​ര​വ​ധി തൈ​ക​ൾ മു​ള​ച്ചു​പൊ​ന്തും. മ​ണ്ണി​ൽ​നി​ന്ന് ഒ​രു മീ​റ്റ​ർ ഉ​യ​രം വ​രെ തൊ​ലി ചെ​ത്തി മ​ര​ങ്ങ​ൾ ഉ​ണ​ക്കു​ന്ന രീ​തി സ​ന്ന​യി​ൽ പ്രാ​യോ​ഗി​ക​മ​ല്ല.

മ​ണ്ണി​ന്റെ അ​ടി​ഭാ​ഗ​ത്തു​ള്ള കാ​ണ്ഡ​ത്തി​ൽ​നി​ന്നും വേ​രി​ൽ​നി​ന്നും പു​തു​മു​ള​ക​ൾ പൊ​ടി​ച്ചു​വ​രും. വേ​രോ​ടെ പി​ഴു​തു​മാ​റ്റു​ക​യാ​ണ് ഒ​രേ ഒ​രു വ​ഴി. എ​ന്നാ​ലും ചു​രു​ങ്ങി​യ​ത് അ​ഞ്ച് വ​ർ​ഷം നി​ര​ന്ത​രം പു​തു​മു​ള​ക​ൾ നീ​ക്കം ചെ​യ്തു കൊ​ണ്ടേ​യി​രി​ക്ക​ണം. മ​ണ്ണി​ൽ ശേ​ഷി​ക്കു​ന്ന നാ​രാ​യ​വേ​ര് വ​രെ അ​നു​കൂ​ല സാ​ഹ​ച​ര്യ​ത്തി​ൽ മു​ള​ച്ചു​പൊ​ന്തും. സ​ന്ന നീ​ക്കം ചെ​യ്ത സ്ഥ​ല​ത്ത് വ​നം നൊ​ടി​യി​ട കൊ​ണ്ട് പു​ന​രു​ജ്ജീ​വി​പ്പി​ക്കേ​ണ്ട​തു​ണ്ട്. അ​തി​നാ​യി മു​ള, മ​റ്റു ത​ദ്ദേ​ശീ​യ വൃ​ക്ഷ​ങ്ങ​ൾ എ​ന്നി​വ​യു​ടെ വി​ത്തു​ക​ൾ വി​ത​റി സം​ര​ക്ഷി​ക്ക​ണം.

ക​ണ്ടു​പ​ഠി​ക്ക​ണം ത​മി​ഴ്നാ​ടി​ന്റെ മാ​തൃ​ക

ഈ ​ദു​ർ​ഭൂ​ത​ത്തെ തു​റ​ന്നു​വി​ട്ട കേ​ര​ള വ​നം​വ​കു​പ്പ് നി​സ്സം​ഗ​രാ​യി നോ​ക്കി​നി​ൽ​ക്കെ അ​ധി​നി​വേ​ശ സ​സ്യ​ങ്ങ​ളു​ടെ മാ​ര​ക​സ്വ​ഭാ​വം തി​രി​ച്ച​റി​ഞ്ഞ് ഫ​ല​പ്ര​ദ​മാ​യ ന​ട​പ​ടി​ക​ളു​മാ​യി മു​ന്നോ​ട്ടു പോ​വു​ക​യാ​ണ് ത​മി​ഴ്നാ​ട് വ​നം വ​ക​പ്പ് . ഒ​രു വി​ദ​ഗ്ധ​സ​മി​തി​യു​ടെ വി​ശ​ദ പo​ന​ത്തി​നു​ശേ​ഷം ഡി.​പി.​ആ​റും സ്റ്റാ​ൻ​ഡേ​ർ​ഡ് ഓ​പ​റേ​ഷ​ൻ പ്രൊ​സീ​ജ്യ​റും (എ​സ്.​ഒ.​പി) ത​യാ​റാ​ക്കി. മ​ദ്രാ​സ് ഹൈ​കോ​ട​തി​യി​ൽ​നി​ന്ന് ഉ​ത്ത​ര​വും നാ​ഷ​ന​ൽ വൈ​ൽ​ഡ് ലൈ​ഫ് ബോ​ർ​ഡി​ന്റെ അം​ഗീ​കാ​ര​വും നേ​ടി. ശേ​ഷം ത​മി​ഴ്നാ​ട് പേ​പ്പ​ർ മി​ല്ലു​മാ​യി ഉ​ട​മ്പ​ടി ഒ​പ്പി​ട്ട് സ​ന്ന​യെ സ​മൂ​ലം മാ​റ്റി​ക്കൊ​ണ്ടി​രി​ക്കു​ക​യാ​ണ്. എ​ന്നാ​ൽ കേ​ര​ള വ​നം​വ​കു​പ്പാ​വ​ട്ടെ, മ​തി​യാ​യ പ​ഠ​ന​മോ മു​ന്നൊ​രു​ക്ക​ങ്ങ​ളോ ത​യാ​റെ​ടു​പ്പോ കൂ​ടാ​തെ, എ​സ്.​ഒ.​പി​പോ​ലും ത​യാ​റാ​ക്കാ​തെ​യാ​ണ് കേ​ര​ള പേ​പ്പ​ർ പ്രോ​ഡ​ക്ട് ലി​മി​റ്റ​ഡു​മാ​യി ക​രാ​ർ ഉ​ണ്ടാ​ക്കി ഉ​ത്ത​ര​വു പു​റ​പ്പെ​ടു​വി​ച്ചി​രി​ക്കു​ന്ന​ത്.

വേ​രോ​ടെ പി​ഴു​ത് അ​വി​ടെ വ​ന​പു​ന​രു​ജ്ജീ​വ​നം ന​ട​ത്തി​യി​ല്ലെ​ങ്കി​ൽ വ​യ​നാ​ട​ൻ കാ​ടു​ക​ൾ പൂ​ർ​ണ​മാ​യും രാ​ക്ഷ​സ​ക്കൊ​ന്ന വി​ഴു​ങ്ങും. വ​ന്യ​ജീ​വി​ക​ൾ കൂ​ട്ട​ത്തോ​ടെ കൃ​ഷി​യി​ട​ത്തി​ലി​റ​ങ്ങും. ഇ​തി​ന​കം ത​ന്നെ രൂ​ക്ഷ​മാ​യ വ​ന്യ​ജീ​വി- മ​നു​ഷ്യ സം​ഘ​ർ​ഷം തു​റ​ന്ന യു​ദ്ധ​മാ​യി മാ​റും. വ​നം-​വ​ന്യ​ജീ​വി സം​ര​ക്ഷ​ണ​ത്തി​ന് മാ​ത്ര​മ​ല്ല നാ​ടി​നും അ​തു​ണ്ടാ​ക്കു​ന്ന ക്ഷ​ത​വും പ്ര​ത്യാ​ഘാ​ത​ങ്ങ​ളും ഊ​ഹാ​തീ​ത​മാ​യി​രി​ക്കും.

(വ​യ​നാ​ട് പ്ര​കൃ​തി​സം​ര​ക്ഷ​ണ സ​മി​തി പ്ര​സി​ഡ​ന്റാ​ണ് ലേ​ഖ​ക​ൻ)