Begin typing your search above and press return to search.
proflie-avatar
Login
exit_to_app
exit_to_app
Homechevron_rightHealth & Fitnesschevron_rightHealth Newschevron_rightട്രൂനാറ്റ്​, ആൻറിജൻ,...

ട്രൂനാറ്റ്​, ആൻറിജൻ, ആൻറിബോഡി...; കൊ​റോ​ണ ​പരിശോധനയെ കുറിച്ച്​ അറിയേണ്ടതെല്ലാം

text_fields
bookmark_border
ട്രൂനാറ്റ്​, ആൻറിജൻ, ആൻറിബോഡി...; കൊ​റോ​ണ ​പരിശോധനയെ കുറിച്ച്​ അറിയേണ്ടതെല്ലാം
cancel

മ​റ്റു രോ​ഗ​ങ്ങ​ളി​ൽ​നി​ന്ന് വ്യ​ത്യ​സ്ത​മാ​യി കോ​വി​ഡ് 19 രോ​ഗ​നി​ർ​ണ​യ​ത്തി​നാ​യി വ്യത്യസ്​തമായ ല​ബോ​റ​ട്ട​റി ​പ​രി​ശോ​ധ​ന​ക​ളാണ്​ നടത്തുന്നത്​. അ​തു​കൊ​ണ്ടു​ത​ന്നെ പ​രി​ശോ​ധ​ന​ക​ളു​ടെ പ്ര​ത്യേ​ക​ത​ക​ൾ, ഉ​പ​യോ​ഗ​പ്പെ​ടു​ത്തേ​ണ്ട സാ​ഹ​ച​ര്യ​ങ്ങ​ൾ, രോ​ഗ​നി​ർ​ണ​യ ക​ഴി​വു​ക​ൾ എ​ന്നി​വ​യെ​ക്കു​റി​ച്ചൊ​ക്കെ ധാ​രാ​ളം സം​ശ​യ​ങ്ങ​ൾ ഉ​ന്ന​യി​ക്ക​പ്പെ​ടാ​റു​മു​ണ്ട്.

പ്രധാനമായും മൂന്ന്​ തരം പരിശോധനകൾ

കോ​വി​ഡ്​ രോ​ഗ​നി​ർ​ണ​യ​ത്തി​ന്​​ പ്ര​ധാ​ന​മാ​യും മൂ​ന്നു​ത​രം പ​രി​ശോ​ധ​ന​ക​ളാ​ണ് കേ​ര​ള​ത്തി​ൽ നി​ല​വി​ലു​ള്ള​ത്. അവ ഏതൊക്കെയെന്ന്​ നോക്കാം.

  1. ന്യൂ​ക്ലി​യി​ക് ആ​സി​ഡ് ആം​പ്ലി​ഫി​ക്കേ​ഷ​ൻ ടെ​സ്​​റ്റു​ക​ൾ. ഇവ മൂ​ന്നു വി​ധ​ത്തി​ലു​ണ്ട്​. (RT-PCR, TrueNAAT, CB NAAT/Gene Expert),
  2. ആ​ൻ​റി​ജ​ൻ ടെ​സ്​​റ്റ്
  3. ആ​ൻ​റി​ബോ​ഡി ടെ​സ്​​റ്റ്​

കൃ​ത്യ​ത​യാ​ർന്ന ആർ.ടി പി.സി.ആർ

ആ​ദ്യ​വി​ഭാ​ഗ​ത്തി​ലെ RT - PCR (Real ​Time Polymerase Chain Reaction) ടെ​സ്​​റ്റാ​ണ്​ പ​രി​ശോ​ധ​ന​ക​ളി​ലെ ഗോ​ൾ​ഡ്​ സ്​​റ്റാ​​ൻ​ഡേ​ഡ് ആ​യി പ​രി​ഗ​ണി​ക്കു​ന്ന​ത്. കൃ​ത്യ​ത​യാ​ണ് അ​തി​െ​ൻ​റ പ്ര​ധാ​ന മെ​ച്ചം. വ​ള​രെ ചെ​റി​യ അ​ള​വി​ലു​ള്ള വൈ​റ​ൽ ജി​നോ​മി​നെ​പോ​ലും ഗു​ണ​നാ​ത്മ​ക​മാ​യി എ​ത്ര​യോ മ​ട​ങ്ങ് വ​ർ​ധി​പ്പി​ക്കു​ന്ന​താ​ണ് ഈ ​പ​രി​ശോ​ധ​ന​യെ അ​ന്യാ​ദൃ​ശ​മാ​ക്കു​ന്ന​ത്. മാ​ത്ര​മ​ല്ല ഒ​രു സ​മ​യ​ത്ത് തൊ​ണ്ണൂ​റു സാ​മ്പി​ളു​ക​ൾ​വ​രെ പ​രി​ശോ​ധി​ക്കാ​നു​ള്ള സൗ​ക​ര്യ​വും ഈ ​സം​വി​ധാ​നം വാ​ഗ്ദാ​നം ചെ​യ്യു​ന്നു​ണ്ട്.


അ​തേ​സ​മ​യം, ഉ​യ​ർ​ന്ന സു​ര​ക്ഷ മാ​ന​ദ​ണ്ഡ​ങ്ങ​ളു​ള്ള ല​ബോ​റ​ട്ട​റി​യും, ഇ​ട​മു​റി​യാ​ത്ത കോ​ൾ​ഡ് ചെ​യ്​​നും, റി​സ​ൽ​റ്റ്​ വ​രാ​ൻ എ​ട്ടു മ​ണി​ക്കൂ​റോ​ളം കാ​ത്തു​നി​ൽ​ക്കേ​ണ്ടി​വ​രു​മെ​ന്ന​തും ഈ ​പ​രി​ശോ​ധ​ന​രീ​തി​യു​ടെ ന്യൂ​ന​ത​യാ​ണ്. ഇ​തി​ൽ ശാ​സ്ത്രീ​യ​മാ​യി സ്ര​വം ശേ​ഖ​രി​ക്കു​ന്ന​തി​ൽ വീ​ഴ്ച​വ​ന്നാ​ലും, കോ​ൾ​ഡ് ചെ​യ്​​ൻ കൃ​ത്യ​മാ​യി പാ​ലി​ച്ചി​ല്ലെ​ങ്കി​ലും തെ​റ്റാ​യ നെ​ഗ​റ്റി​വ്​​ റി​സ​ൽ​റ്റ്​ (രോ​ഗ​മു​ള്ള​വ​ർ​ക്ക് രോ​ഗ​മി​ല്ല എ​ന്ന റി​പ്പോ​ർ​ട്ട്) ല​ഭി​ക്കാ​നു​ള്ള സാ​ധ്യ​ത കൂ​ടു​ത​ലാ​ണ്. സ്വ​കാ​ര്യ ലാ​ബു​ക​ളി​ൽ 4500 രൂ​പ​വ​രെ വാ​ങ്ങി​യി​രു​ന്ന ഈ ​പ​രി​ശോ​ധ​ന ഇ​പ്പോ​ൾ സ​ർ​ക്കാ​ർ നി​ർ​ദേ​ശ​പ്ര​കാ​രം 2750 രൂ​പ ചെ​ല​വി​ൽ ചെ​യ്യാ​ൻ ക​ഴി​യും.

ട്രൂ ​നാ​റ്റ്, സി ​ബി നാ​റ്റ്

ഒ​ന്നാ​മ​ത്തെ ഗ്രൂ​പ്പി​ലെ മ​റ്റു ര​ണ്ടു പ​രി​ശോ​ധ​ന​ക​ൾ ട്രൂ ​നാ​റ്റ്, സി ​ബി നാ​റ്റ് (ജീ​ൻ എ​ക്സ്പേ​ർ​ട്ട് ) ടെ​സ്​​റ്റു​ക​ളാ​ണ്. ഇ​വ ര​ണ്ടും ഫ​ല​പ്ര​ദ​മാ​യി കോ​വി​ഡ് രോ​ഗ​നി​ർ​ണ​യ​ത്തി​ന്​ ഉ​പ​യോ​ഗി​ക്കു​ന്നു. നേ​രി​ട്ട്​ ഒ​റ്റ സ്​​റ്റെ​പ്പി​ൽ (Fully automated) ചെ​യ്യു​ന്ന​താ​ണ് സി ​ബി നാ​റ്റ്​ (Catridge Based - Nucleic acid Amplification test ), കൊ​റോ​ണ വൈ​റ​സി​െ​ൻ​റ ഇ-​ജീ​ൻ, എ​ൻ ട​ു ​ജീ​ൻ എ​ന്നി​വ​യെ​യാ​ണ് ഈ ​ടെ​സ്​​റ്റ്​ തി​രി​ച്ച​റി​യു​ന്ന​ത്. 45 മി​നി​റ്റ്​ മാ​ത്ര​മേ ഈ ​ടെ​സ്​​റ്റി​ന്​ ആ​വ​ശ്യ​മു​ള്ളൂ. പ​രി​ശോ​ധ​ന ഉ​പ​ക​ര​ണ​ത്തി​ന് 15 ല​ക്ഷം രൂ​പ​യും ഒ​രു കാ​റ്റ്​​​​റി​ഡ്ജി​ന് 2800 രൂ​പ​യും ചെ​ല​വു​വ​രും. ​െഎ.​സി.​എം.​ആ​ർ, സം​സ്ഥാ​ന സ​ർ​ക്കാ​ർ, നാ​ഷ​ന​ൽ അ​​ക്ര​ഡി​റ്റേ​ഷ​ൻ ബോ​ർ​ഡ്​ ഫോ​ർ ടെ​സ്​​റ്റി​ങ്​ ആ​ൻ​ഡ്​ കാ​ലി​ബ്രേ​ഷ​ൻ ല​ബോ​റ​ട്ട​റീ​സ്​ (എ​ൻ.​എ.​ബി.​എ​ൽ) എ​ന്നി​വ​യു​ടെ സ​മ്മ​ത​പ​ത്രം ഈ ​പ​രി​ശോ​ധ​ന​ക്ക്​ ആ​വ​ശ്യ​മാ​ണ്. ഒ​രു ത​വ​ണ നാ​ലു പ​രി​േ​ശാ​ധ​ന​ക​ളേ ആ​വൂ എ​ന്ന​താ​ണ്​ ഇ​തി​െ​ൻ​റ ന്യൂ​ന​ത. 3000 രൂ​പ​യാ​ണ് സ​ർ​ക്കാ​ർ നി​ശ്ച​യി​ച്ച ഫീ​സ്. പോ​സി​റ്റി​വ് റി​സ​ൽ​റ്റ്​ സം​ശ​യാ​തീ​ത​മാ​യി (true positive) ക​ണ​ക്കാ​ക്കും.


ചി​പ്പ് അ​ടി​സ്ഥാ​ന​മാ​ക്കി​യു​ള്ള പ​രി​ശോ​ധ​ന​യാ​ണ് ട്രൂ ​നാ​റ്റ്. ഒ​രു സ​മ​യ​ത്ത് ഏ​റ്റ​വും കൂ​ടി​യ​ത് നാ​ലു പേ​ർ​ക്കു​മാ​ത്രം ഉ​പ​യോ​ഗ​പ്പെ​ടു​ത്താ​വു​ന്ന ഈ ​പ​രി​ശോ​ധ​ന​ക്ക് ഒ​ന്ന​ര മ​ണി​ക്കൂ​ർ ആ​വ​ശ്യ​മാ​ണ്. രോ​ഗ​വ്യാ​പ​ന​മ​റി​യാ​നും രോ​ഗ​നി​ർ​ണ​യ​ത്തി​നും ഈ ​ടെ​സ്​​റ്റ്​ ഉ​പ​യോ​ഗി​ക്കാം. ര​ണ്ടു ഘ​ട്ട​ങ്ങ​ളാ​യി​ട്ടാ​ണ് ഈ ​പ​രി​ശോ​ധ​ന. ഒ​ന്നാം ഘ​ട്ട​ത്തി​ൽ വൈ​റ​ൽ ആ​ർ.​എ​ൻ.​എ വേ​ർ​തി​രി​ച്ചെ​ടു​ക്കും. ഇ​തി​ന് 20 മി​നി​റ്റ്​ ആ​വ​ശ്യ​മാ​ണ്. ര​ണ്ടാം​ഘ​ട്ട​ത്തി​ലെ ആ​ദ്യ​പാ​ദ​ത്തി​ൽ ഒ​ന്നാ​മ​ത്തെ ചി​പ്പ് വൈ​റ​സി​െ​ൻ​റ ഇ-​ജീ​ൻ തി​രി​ച്ച​റി​യും. ഇ-​ജീ​ൻ പ​രി​ശോ​ധ​ന​ഫ​ലം നെ​ഗ​റ്റി​വാ​ണെ​ങ്കി​ൽ സം​ശ​യാ​തീ​ത​മാ​യ ഫ​ല​മാ​യി ക​ണ​ക്കാ​ക്കും. 40 മി​നി​റ്റാ​ണ് ഇ​തി​നാ​വ​ശ്യ​മാ​യ സ​മ​യം. ഒ​ന്നാ​മ​ത്തെ ചി​പ്പി​ൽ പോ​സി​റ്റി​വാ​ണെ​ങ്കി​ൽ ര​ണ്ടാം ചി​പ്പ് ഉ​പ​യോ​ഗി​ച്ച് റി​സ​ൽ​റ്റ്​ ഉ​റ​പ്പി​ക്കും. വൈ​റ​സി​െ​ൻ​റ RdRp ജീ​നി​െ​ൻ​റ സാ​ന്നി​ധ്യ​മാ​ണ് ര​ണ്ടാം​ഘ​ട്ട​ത്തി​ൽ പ​രി​ശോ​ധി​ക്കു​ന്ന​ത്. അ​തു​കൂ​ടി പോ​സി​റ്റി​വാ​യാ​ൽ സം​ശ​യാ​തീ​ത​മാ​യി പോ​സി​റ്റി​വ് റി​സ​ൽ​റ്റ്​ ആ​യി പ​രി​ഗ​ണി​ക്കും. 40 മി​നി​റ്റ്​ ര​ണ്ടാ​മ​ത്തെ ചി​പ്പ് ടെ​സ്​​റ്റി​നും ആ​വ​ശ്യ​മാ​ണ്. ഓ​രോ ചി​പ്പ് ടെ​സ്​​റ്റി​നും 1500 രൂ​പ വീ​ത​മാ​ണ് ചാ​ർ​ജ് ചെ​യ്യു​ന്ന​ത്. പോ​സി​റ്റി​വ് റി​സ​ൽ​റ്റ്​ പ്ര​ഖ്യാ​പി​ക്കാ​ൻ ര​ണ്ടു ടെ​സ്​​റ്റും 3000 രൂ​പ​യും ര​ണ്ടു മ​ണി​ക്കൂ​റും വേ​ണ​മെ​ന്ന​ർ​ഥം. പ​രി​ശോ​ധ​ന ഉ​പ​ക​ര​ണ​ത്തി​ന് പ​ത്തു​ല​ക്ഷം രൂ​പ​യാ​ണ് വി​ല.

രോ​ഗ​വ്യാ​പ​ന​മ​റി​യാ​ൻ ആ​ൻ​റി​ബോ​ഡി

ആ​ൻ​റി​ബോ​ഡി ടെ​സ്​​റ്റു​ക​ൾ രോ​ഗ​വ്യാ​പ​ന​മ​റി​യാ​ൻ മാ​ത്ര​മാ​ണ് ഉ​പ​യോ​ഗി​ക്കു​ന്ന​ത്. ഇ​തൊ​രു രോ​ഗ​നി​ർ​ണ​യ ടെ​സ്​​റ്റ​ല്ല. IgM ആ​ൻ​റി​ബോ​ഡി എ​ട്ടാം ദി​വ​സ​ത്തി​ലും, IgG ആ​ൻ​റി​ബോ​ഡി പ​തി​നാ​ലാം ദി​വ​സ​വും പ്ര​ത്യ​ക്ഷ​പ്പെ​ടു​മെ​ന്ന​തും lgG ആ​ൻ​റി​ബോ​ഡി മൂ​ന്നു​മാ​സം വ​രെ ശ​രീ​ര​ത്തി​ൽ ഉ​ണ്ടാ​വു​മെ​ന്ന​തും ഉ​പ​യോ​ഗ​പ്പെ​ടു​ത്തി​യാ​ണ് ഈ ​ടെ​സ്​​റ്റ്​ ചെ​യ്യു​ന്ന​ത്. റി​സ​ൽ​റ്റ്​ പോ​സി​റ്റി​വാ​ണെ​ങ്കി​ൽ ഏ​തെ​ങ്കി​ലും ഘ​ട്ട​ത്തി​ൽ രോ​ഗാ​ണു ബാ​ധി​ത​നാ​യി​രു​ന്നു എ​ന്നേ പ​റ​യാ​നാ​വൂ. പ​രി​ശോ​ധ​ന സ​മ​യ​ത്ത് രോ​ഗ​ബാ​ധി​ത​നാ​ണെ​ന്ന് പ​റ​യാ​നാ​വി​ല്ല. നെ​ഗ​റ്റി​വാ​ണെ​ങ്കി​ൽ രോ​ഗ​ബാ​ധി​ത​ന​ല്ല എ​ന്ന് ഉ​റ​പ്പു​പ​റ​യാ​നു​മാ​വി​ല്ല. മൂ​ന്നു മാ​സം വ​രെ ആ​ൻ​റി​ബോ​ഡി അ​ടി​സ്ഥാ​ന​മാ​ക്കി​യു​ള്ള പ്ര​തി​രോ​ധ ശേ​ഷി​യാ​യ ഹ്യൂ​മ​റ​ൽ ഇ​മ്യൂ​ണി​റ്റി ശ​രീ​ര​ത്തി​നു​ണ്ടാ​വു​മെ​ന്നു പ​റ​യാം. 20 മി​നി​റ്റാ​ണ് ഇ​തി​നാ​വ​ശ്യ​മാ​യ സ​മ​യം. 900 രൂ​പ​യോ​ള​മാ​ണ് സ്വ​കാ​ര്യ മേ​ഖ​ല​യി​ൽ ഈ​ടാ​ക്കു​ന്ന​ത്.

കുറഞ്ഞ ചെലവിൽ ആൻ​റി​ജ​ൻ ടെ​സ്​​റ്റ്​

ഫ​ല​പ്ര​ദ​മാ​യ രോ​ഗ​നി​ർ​ണ​യ​ത്തി​നാ​യി ​െഎ.​സി.​എം.​ആ​ർ ആ​ൻ​റി​ജ​ൻ ടെ​സ്​​റ്റു​ക​ൾ നി​ർ​ദേ​ശി​ച്ചി​രി​ക്കു​ന്നു. ന​മ്മു​ടെ നാ​ടിെ​ൻ​റ സാ​മൂ​ഹി​ക-​സാ​മ്പ​ത്തി​ക പ​രി​തോ​വ​സ്ഥ​ക​ൾ​ക്ക് ഏ​റ്റ​വും യോ​ജി​ച്ച പ​രി​ശോ​ധ​ന​യാ​ണി​ത്. സ​ർ​ക്കാ​ർ ഇ​തി​െ​ൻ​റ ചാ​ർ​ജ് 625 രൂ​പ​യാ​യി നി​ജ​പ്പെ​ടു​ത്തി​യി​രി​ക്കു​ന്നു. റി​സ​ൽ​റ്റ്​ ല​ഭി​ക്കാ​ൻ വെ​റും 30 മി​നി​റ്റു​മാ​ത്രം മ​തി. ലാ​ബ് സൗ​ക​ര്യ​ങ്ങ​ളോ വി​ല​യേ​റി​യ ഉ​പ​ക​ര​ണ​ങ്ങ​ളോ ആ​വ​ശ്യ​മി​ല്ല. സ്​​റ്റാ​ൻ​ഡേ​ഡ് ക്യു ​കോ​വി​ഡ് 19 ആ​ൻ​റി​ജ​ൻ കി​റ്റു​ക​ളാ​ണ് ​െഎ.​സി.​എം.​ആ​ർ നി​ർ​ദേ​ശി​ച്ചി​ട്ടു​ള്ള​ത്.


രോ​ഗി​യു​ടെ മൂ​ക്കി​ലെ (തൊ​ണ്ട​യി​ൽ​നി​ന്ന​ല്ല) സ്ര​വ​മെ​ടു​ത്ത് പ്ര​ത്യേ​ക​ത​രം ബ​ഫ​റി​ൽ മു​ക്കി​യ ശേ​ഷം ആ​ൻ​റി​ജ​ൻ സ്ട്രി​പ്പി​ൽ മൂ​ന്നു തു​ള്ളി ഒ​ഴി​ച്ച്, അ​തി​ലെ വ്യ​തി​യാ​ന​ങ്ങ​ൾ ന​ഗ്​​ന​നേ​ത്ര​ങ്ങ​ൾ കൊ​ണ്ട് വി​ല​യി​രു​ത്തി​യാ​ണ് പ​രി​ശോ​ധ​ന. പോ​സി​റ്റി​വ് ടെ​സ്​​റ്റ്​ സം​ശ​യാ​തീ​ത​മാ​യി പോ​സി​റ്റി​വാ​യി ക​ണ​ക്കാ​ക്കും. ഇ​തി​െ​ൻ​റ സെ​ൻ​സി​റ്റി​വി​റ്റി 84.4 ശ​ത​മാ​ന​വും സ്​​പെ​സി​ഫി​സി​റ്റി 100 ശ​ത​മാ​ന​വു​മാ​ണ്.RT-PCR ടെ​സ്​​റ്റി​െ​ൻ​റ പ​രാ​ധീ​ന​ത​ക​ൾ മാ​ത്ര​മെ ഈ ​ടെ​സ്​​റ്റി​നു​മു​ള്ളൂ.

അ​വ​ലം​ബം സ്ര​വ പ​രി​ശോ​ധ​ന​

രോ​ഗ​നി​ർ​ണ​യ ടെ​സ്​​റ്റു​ക​െ​ള​ല്ലാം സ്ര​വ പ​രി​ശോ​ധ​ന​യാ​ണ് അ​വ​ലം​ബി​ക്കു​ന്ന​ത്. സ്ര​വ​മെ​ടു​ക്കു​ന്ന വ​സ്തു (Probe) തൊ​ണ്ട​യു​ടെ ഉ​ൾ​ഭാ​ഗ(oro pharynx /Naso pharynx)ത്ത്​ ​എ​ത്തി​യ ശേ​ഷം 180 ഡി​ഗ്രി തി​രി​ച്ച് 10 സെ​ക്ക​ൻ​ഡ്​ അ​വി​ടെ വെ​ച്ച ശേ​ഷം മാ​ത്ര​മേ തി​രി​ച്ചെ​ടു​ക്കാ​വൂ. മൂ​ക്കി​ൽ നി​ന്നെ​ടു​ക്കു​ന്ന സ്ര​വ​മാ​ണ് തൊ​ണ്ട​യി​ൽ നി​ന്നെ​ടു​ക്കു​ന്ന സ്ര​വ​ത്തേ​ക്കാ​ൾ പ​രി​ശോ​ധ​ന​ക്ക് അ​നു​യോ​ജ്യം. രോ​ഗി ക​ഠി​ന​മാ​യി തു​മ്മാ​നു​ള്ള സാ​ധ്യ​ത​യാ​ണ്​​ഇ​തി​ലെ പ്ര​തി​കൂ​ല​വ​ശം.

ആ​ൻ​റി​ബോ​ഡി കാ​ർ​ഡ് ടെ​സ്​​റ്റി​ന് ഒ​ന്നോ ര​ണ്ടോ തു​ള്ളി ര​ക്ത​വും എ​ലീ​സ ടെ​സ്​​റ്റി​ന് 2-5 മി​ല്ലി​ലി​റ്റ​ർ ര​ക്ത​വു​മാ​ണ് ആ​വ​ശ്യം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:​Covid 19Covid In Kerala
Next Story