കോപ്ടർ ദുരന്തം: നേരിടുന്നത്​ അസാധാരണ സാഹചര്യം

ന്യൂ​ഡ​ൽ​ഹി: സം​യു​ക്ത സേ​നാ​ മേ​ധാ​വി ബി​പി​ൻ റാ​വ​ത്ത്​​ അ​ട​ക്കം 13 പേ​രു​ടെ ദാ​രു​ണാ​ന്ത്യ​ത്തി​ന്​ ഇ​ട​യാ​ക്കി​യ ഹെ​ലി​കോ​പ്​​ട​ർ അ​പ​ക​ടം മൂ​ലം സ​ർ​ക്കാ​റും സേ​ന വി​ഭാ​ഗ​ങ്ങ​ളും നേ​രി​ടു​ന്ന​ത്​ തി​ക​ച്ചും അ​സാ​ധാ​ര​ണ സാ​ഹ​ച​ര്യം.

ക​ര, നാ​വി​ക, വ്യോ​മ വി​ഭാ​ഗ​ങ്ങ​ളു​ടെ ഏ​കോ​പ​ന ചു​മ​ത​ല വ​ഹി​ക്കു​ന്ന ഏ​റ്റ​വും ത​ല​മു​തി​ർ​ന്ന സേ​നാ മേ​ധാ​വി​യെ​യാ​ണ്​ അ​പ​ക​ട​ത്തി​ലൂ​ടെ രാ​ജ്യ​ത്തി​ന്​ ന​ഷ്​​ട​പ്പെ​ട്ട​ത്. പ്ര​ധാ​ന​മ​ന്ത്രി ന​രേ​ന്ദ്ര​മോ​ദി​ക്ക്​ രാ​ജ്യ​സു​ര​ക്ഷ കാ​ര്യ​ങ്ങ​ളി​ൽ ഏ​റ്റ​വും പ്ര​ധാ​ന​പ്പെ​ട്ട ഉ​പ​ദേ​ശ​ക​രാ​യി പ്ര​വ​ർ​ത്തി​ച്ചു വ​രു​ന്ന ര​ണ്ടു​പേ​ർ ദേ​ശീ​യ സു​ര​ക്ഷ ഉ​പ​ദേ​ഷ്​​ടാ​വ്​ അ​ജി​ത്​ ഡോ​വ​ലും ബി​പി​ൻ റാ​വ​ത്തു​മാ​ണ്.

മൂ​ന്നു സേ​നാ വി​ഭാ​ഗ​ങ്ങ​ൾ​ക്കും മു​ക​ളി​ൽ ചീ​ഫ്​ ഓ​ഫ്​ ഡി​ഫ​ൻ​സ്​ സ്​​റ്റാ​ഫ്​ (സി.​ഡി.​എ​സ്​) എ​ന്ന പ​ദ​വി സൃ​ഷ്​​ടി​ച്ചു കൊ​ണ്ടാ​ണ്​ ക​ര​സേ​നാ മേ​ധാ​വി സ്​​ഥാ​ന​ത്തു നി​ന്ന്​ വി​ര​മി​ച്ച​പ്പോ​ൾ ബി​പി​ൻ റാ​വ​ത്തി​നെ 2019 ജ​നു​വ​രി​യി​ൽ മോ​ദി​സ​ർ​ക്കാ​ർ നി​യ​മി​ച്ച​ത്. ​എ​തി​ർ​പ്പു​ക​ൾ അ​വ​ഗ​ണി​ച്ചു​ള്ള നി​യ​മ​നം പ്ര​ധാ​ന​മ​ന്ത്രി​യു​ടെ പ്ര​ത്യേ​ക താ​ൽ​പ​ര്യ​പ്ര​കാ​ര​മാ​യി​രു​ന്നു. രാ​ഷ്​​ട്രീ​യ നി​യ​മ​ന​മാ​ണ്​ ന​ട​ന്ന​തെ​ന്ന വി​മ​ർ​ശ​നം ഉ​ണ്ടാ​യി​രു​ന്നു.

സൈ​നി​ക​മാ​യ നീ​ക്ക​ങ്ങ​ളു​ടെ ചു​മ​ത​ല​യി​ല്ലെ​ങ്കി​ലും സേ​ന​യു​ടെ ഭ​ര​ണ​പ​ര​മാ​യ മേ​ൽ​നോ​ട്ട​വും ന​വീ​ക​ര​ണ പ​ദ്ധ​തി​ക​ളും ബി​പി​ൻ റാ​വ​ത്തി​െൻറ ചു​മ​ത​ല​യി​ലാ​ണ്​ ഇ​പ്പോ​ൾ ന​ട​ന്നു വ​രു​ന്ന​ത്. സു​ര​ക്ഷ​കാ​ര്യ മ​ന്ത്രി​സ​ഭ സ​മി​തി​യി​ലും പ്ര​ധാ​ന​മ​ന്ത്രി​യോ​ടു നേ​രി​ട്ടും സേ​നാ​പ​ര​മാ​യ കാ​ര്യ​ങ്ങ​ളി​ൽ റി​പ്പോ​ർ​ട്ട്​ ന​ൽ​കു​ന്ന​ത്​ സി.​ഡി.​എ​സാ​ണ്. ഈ ​ദൗ​ത്യ​ത്തി​ന്​ പ​ക​ര​ക്കാ​ര​നെ നി​ശ്ച​യി​ക്കു​ന്ന​ത​ട​ക്കം സു​പ്ര​ധാ​ന കാ​ര്യ​ങ്ങ​ളി​ൽ ഇ​നി തീ​രു​മാ​നം ഉ​ണ്ടാ​കേ​ണ്ട​തു​ണ്ട്.