Begin typing your search above and press return to search.
exit_to_app
exit_to_app
Homechevron_rightOpinionchevron_rightArticleschevron_rightഭരണഘടന ജനാധിപത്യവും...

ഭരണഘടന ജനാധിപത്യവും ആള്‍ക്കൂട്ടാധിപത്യവും

text_fields
bookmark_border
Constitutional democracy and tyranny
cancel

ലോ​ക​ത്തി​ലെ ഏ​റ്റ​വും വ​ലി​യ എ​ഴു​ത​പ്പെ​ട്ട ഭ​ര​ണ​ഘ​ട​ന​യാ​ണ് ഇ​ന്ത്യ​യു​ടേ​ത്. ലോ​ക​ത്തി​ലെ ഏ​റ്റ​വും വ​ലി​യ ജ​നാ​ധി​പ​ത്യ​രാ​ജ്യ​മാ​യാ​ണ് ന​മ്മു​ടെ ഇ​ന്ത്യ അ​റി​യ​പ്പെ​ടു​ന്ന​ത്. ജ​നാ​ധി​പ​ത്യം എ​ന്ന​തു ഭൂ​രി​പ​ക്ഷ തീ​രു​മാ​ന​പ്ര​കാ​ര​മു​ള്ള ഭ​ര​ണ​രീ​തി​യാ​ണ് എ​ന്ന് എ​ല്ലാ​വ​രും മ​ന​സ്സി​ലാ​ക്കു​ന്നു. എ​ന്നാ​ൽ, ജ​നാ​ധി​പ​ത്യ​ത്തി​ന്റെ പ​രി​മി​ത​മാ​യ അ​ർ​ഥം മാ​ത്ര​മാ​ണ് ഭൂ​രി​പ​ക്ഷ വി​ധി​പ്ര​കാ​ര​മു​ള്ള ഭ​ര​ണം എ​ന്ന​ത്. യ​ഥാ​ർ​ഥ ജ​നാ​ധി​പ​ത്യം നീ​തി​യി​ല്‍ അ​ധി​ഷ്ഠി​ത​മാ​യി​രി​ക്കും. അ​ടി​സ്ഥാ​ന മ​നു​ഷ്യാ​വ​കാ​ശ​ങ്ങ​ള്‍ക്ക് പ്രാ​മു​ഖ്യം ന​ല്‍കു​ന്ന​തു​മാ​യി​രി​ക്കും. ഭ​ര​ണ​ഘ​ട​ന ശി​ല്‍പി ഡോ. ​ബാ​ബാ​സാ​ഹേ​ബ് അം​ബേ​ദ്ക​റു​ടെ വാ​ക്കു​ക​ള്‍ ശ്ര​ദ്ധേ​യ​മാ​ണ്. ജ​നാ​ധി​പ​ത്യ​മെ​ന്ന​ത് ഭൂ​രി​പ​ക്ഷ ഹി​ത​മ​ല്ല സ​മ​ത്വ​ത്തി​ന്റെ മ​റ്റൊ​രു പേ​രാ​ണ​ത് എ​ന്നാ​ണ് അ​ദ്ദേ​ഹം പ​റ​ഞ്ഞ​ത്. ഇ​ങ്ങ​നെ മ​നു​ഷ്യ​സ​മ​ത്വ​ത്തി​ന്റെ​യും മാ​ന​വി​ക​ത​യു​ടെ​യും നി​റം കൊ​ടു​ത്തു​കൊ​ണ്ടാ​ണ് ജ​നാ​ധി​പ​ത്യ​ത്തെ ന​മ്മു​ടെ ഭ​ര​ണ​ഘ​ട​ന ശി​ല്‍പി​ക​ള്‍ സ്വീ​ക​രി​ച്ച് ഭ​ര​ണ ഘ​ട​ന​യി​ല്‍ ഉ​ള്‍ക്കൊ​ള്ളി​ച്ച​ത്. അ​തി​ൻ പ്ര​കാ​രം ന​മ്മു​ടെ ഭ​ര​ണ​ഘ​ട​ന ന്യൂ​ന​പ​ക്ഷ​ങ്ങ​ള്‍ക്ക്​ ​​പ്ര​ത്യേ​ക​മാ​യി ചി​ല അ​വ​കാ​ശ​ങ്ങ​ള്‍ ന​ല്‍കു​ന്നു​ണ്ട്. മൗ​ലി​കാ​വ​കാ​ശ​ങ്ങ​ളു​ടെ പ​ട്ടി​ക​യി​ല്‍ എ​ടു​ത്തു​പ​റ​യു​ന്ന ആ ​അ​വ​കാ​ശ​ങ്ങ​ൾ എ​ടു​ത്തു​ക​ള​യാ​നോ മാ​റ്റം വ​രു​​ത്താ​നോ പാ​ടു​ള്ള​ത​ല്ല എ​ന്ന ക​ര്‍ശ​ന നി​ര്‍ദേ​ശ​ത്തോ​ടെ​യാ​ണ്​ ഭ​ര​ണ​ഘ​ട​ന നി​ർ​മാ​താ​ക്ക​ള്‍ അ​വ ഉ​ള്‍പ്പെ​ടു​ത്തി​യി​രു​ന്ന​ത്.

ജ​നാ​ധി​പ​ത്യ​ത്തി​നും പ​രി​മി​തി​ക​ളു​ണ്ട്. ഒ​ന്നാ​മ​തു ഭൂ​രി​പ​ക്ഷ തീ​രു​മാ​നം എ​ന്ന​ത് എ​പ്പോ​ഴും നീ​തി​യു​ടെ​യും സ​ത്യ​ത്തി​ന്റേ​യും നി​ദ​ര്‍ശ​ന​മാ​യി​ക്കൊ​ള്ള​ണ​മെ​ന്നി​ല്ല. ഒ​രു രാ​ഷ്ട്ര യൂ​നി​റ്റി​ലെ, അ​ല്ലെ​ങ്കി​ല്‍ സം​സ്ഥാ​ന യൂ​നി​റ്റി​ലെ, അ​തി​ലും ചെ​റി​യ ഒ​രു യൂ​നി​റ്റി​ലെ ആ​ര്‍ക്കെ​ല്ലാ​മാ​ണ് ഈ ​അ​വ​കാ​ശം ന​ല്‍കേ​ണ്ട​ത്, പ്രാ​യ​പ​രി​ധി ഏ​താ​യി​രി​ക്ക​ണം, ഇ​ങ്ങ​നെ പ​ല ചോ​ദ്യ​ങ്ങ​ള്‍ക്കും നി​യ​ത​മാ​യ ഒ​രു ഉ​ത്ത​രം സാ​ധ്യ​മ​ല്ല. പ​ല​രാ​ജ്യ​ങ്ങ​ളി​ലും സ്ത്രീ​ക​ള്‍ക്കും അ​ടി​മ​ക​ള്‍ക്കും സ​മ്മ​തി​ദാ​നാ​വ​കാ​ശം ഉ​ണ്ടാ​യി​രു​ന്നി​ല്ല. ഒ​രു യൂ​നി​റ്റി​ല്‍ എ​ന്ന പോ​ലെ ത​ന്നെ ഒ​രു രാ​ജ്യ​ത്തു ന്യൂ​ന​പ​ക്ഷ​മാ​യ ഒ​രു വി​ഭാ​ഗം ലോ​കാ​ടി​സ്ഥാ​ന​ത്തി​ല്‍ ഭൂ​രി​പ​ക്ഷ​മാ​കാം. ഇ​വി​ടെ​യൊ​ക്കെ അ​ള​വു​കോ​ലു​ക​ള്‍ക്കു വ്യ​ത്യാ​സം വ​രാം. പ​ല​പ്പോ​ഴും ഒ​രു രാ​ജ്യ​ത്തെ ഭ​ര​ണ​ക​ക്ഷി മൊ​ത്തം ജ​ന​സം​ഖ്യ​യു​ടെ ചെ​റി​യ ഒ​രു ശ​ത​മാ​ന​മാ​യി​രി​ക്കാം.

ന​മ്മു​ടെ ഭ​ര​ണ​ഘ​ട​ന​യി​ലേ​ക്ക് വ​ന്നാ​ല്‍ വേ​റെ ചി​ല ച​രി​ത്ര പ​ശ്ചാ​ത്ത​ല​ങ്ങ​ള്‍കൂ​ടി പ​രി​ഗ​ണി​ക്കേ​ണ്ട​തു​ണ്ട്. ച​രി​ത്ര​ത്തി​ന്റെ നി​ർ​ണാ​യ​ക​മാ​യ ഒ​രു ദി​ശാ​സ​ന്ധി​യി​ലാ​യി​രു​ന്നു അ​തി​ന്റെ രൂ​പ​വ​ത്​​ക​ര​ണം. ര​ണ്ടു ലോ​ക​യു​ദ്ധ​ങ്ങ​ള്‍, ച​രി​ത്ര​ത്തി​ല്‍ ആ​ദ്യ​മാ​യു​ണ്ടാ​യ ആ​റ്റം​ബോം​ബ് വ​ര്‍ഷം, സ്വാ​ത​ന്ത്ര്യ​ത്തി​നും സ്വ​യം നി​ര്‍ണ​യാ​വ​കാ​ശ​ങ്ങ​ള്‍ക്കും​വേ​ണ്ടി​യു​ള്ള വി​വി​ധ രാ​ജ്യ​ങ്ങ​ളി​ലെ മ​നു​ഷ്യ​രു​ടെ പോ​രാ​ട്ട​ങ്ങ​ള്‍, ഭൂ​രി​പ​ക്ഷ- ന്യൂ​ന​പ​ക്ഷ പ​രി​ഗ​ണ​ന​ക​ൾ​ക്ക​പ്പു​റ​മു​ള്ള ചി​ല അ​ടി​സ്ഥാ​ന മ​നു​ഷ്യാ​വ​കാ​ശ​ങ്ങ​ളെ​പ്പ​റ്റി​യു​ള്ള മ​നു​ഷ്യ​ന്റെ പു​തി​യ അ​വ​ബോ​ധം ഇ​ങ്ങ​നെ പ​ല​തും.

മ​റ്റു പ​ല രാ​ജ്യ​ങ്ങ​ളെ​യും അ​പേ​ക്ഷി​ച്ച്​ ഭൂ​മി​ശാ​സ്ത്ര​പ​ര​മാ​യും സാ​മൂ​ഹി​ക​മാ​യും തി​ക​ച്ചും വ്യ​ത്യ​സ്​​ത അ​വ​സ്​​ഥ​യാ​യി​രു​ന്നു ന​മ്മു​ടേ​ത്. ഇ​ന്ത്യ ഇ​ന്ന​ത്തെ​പ്പോ​ലെ​യു​ള്ള ഒ​രു ഏ​കീ​കൃ​ത രാ​ജ്യ​മാ​യി​രു​ന്നി​ല്ല. എ​ത്ര​യോ നാ​ട്ടു​രാ​ജ്യ​ങ്ങ​ളും ബ്രി​ട്ടീ​ഷ് ഭ​ര​ണ പ്ര​ദേ​ശ​ങ്ങ​ളും അ​ട​ങ്ങു​ന്ന ഒ​ന്നാ​യി​രു​ന്നു. അ​വ​യെ എ​ല്ലാം കൂ​ട്ടി​യി​ണ​ക്കു​ന്ന, എ​ല്ലാ വി​ഭാ​ഗ​ങ്ങ​ളു​ടെ​യും താ​ൽ​പ​ര്യ​ങ്ങ​ളെ സം​ര​ക്ഷി​ക്കു​ന്ന ഒ​രു ഭ​ര​ണ​ഘ​ട​ന​യാ​യി​രു​ന്നു ഏ​കീ​കൃ​ത ഇ​ന്ത്യ​ക്ക് അ​നി​വാ​ര്യ​മാ​യി​രു​ന്ന​ത്. ഇ​വി​ടെ ഭൂ​രി​പ​ക്ഷ തീ​രു​മാ​നാ​ധി​ഷ്ഠി​തം എ​ന്ന ഒ​രു സ്വ​ഭാ​വം നി​രു​പാ​ധി​കം ന​ല്‍കു​ക പ്രാ​യോ​ഗി​ക​മോ നീ​തി​യു​ക്ത​മോ ആ​യി​രു​ന്നി​ല്ല. അ​ങ്ങ​നെ​യെ​ങ്കി​ല്‍ വി​വി​ധ സം​സ്‌​കാ​രി​ക താ​ൽ​പ​ര്യ​ങ്ങ​ള​ട​ങ്ങി​യ കൊ​ച്ചു​കൊ​ച്ചു രാ​ജ്യ​ങ്ങ​ളെ​യും പ്ര​ദേ​ശ​ങ്ങ​ളെ​യും കൂ​ട്ടി​യി​ണ​ക്കു​ക അ​സാ​ധ്യ​മാ​കു​മാ​യി​രു​ന്നു. ഈ ​വി​വി​ധ വി​ഭാ​ഗ​ങ്ങ​ളെ ഒ​ന്നി​ച്ചു വി​ള​ക്കി​ച്ചേ​ര്‍ത്ത് ഒ​രി​ന്ത്യ​യാ​യി നി​ല​നി​ര്‍ത്തി​യ​തു ന​മ്മു​ടെ ഭ​ര​ണ​ഘ​ട​ന​യാ​ണ്. ഇ​വി​ടെ​യാ​ണ് ന​മ്മു​ടെ ഭ​ര​ണ​ഘ​ട​ന ഉ​ദ്‌​ഘോ​ഷി​ക്കു​ന്ന യ​ഥാ​ർ​ഥ ജ​നാ​ധി​പ​ത്യ​ത്തി​ന്റെ പ്ര​തി​ഫ​ല​നം കാ​ണാ​ൻ ക​ഴി​യു​ക.

ന​മ്മു​ടെ ഭ​ര​ണ​ഘ​ട​ന ഉ​ദ്‌​ഘോ​ഷി​ക്കു​ന്ന നീ​തി​യി​ല​ധി​ഷ്ഠി​ത​മാ​യ ജ​നാ​ധി​പ​ത്യം ഇ​ന്നു നി​ല​നി​ല്‍ക്കു​ന്നു​ണ്ടോ എ​ന്ന​താ​ണ് ന​മ്മെ വേ​ദ​നി​പ്പി​ക്കു​ന്ന ചോ​ദ്യം. ഭ​ര​ണ​ഘ​ട​ന ഉ​റ​പ്പു​ന​ല്‍കു​ന്ന മൗ​ലി​കാ​വ​കാ​ശ​ങ്ങ​ള്‍ക്ക് നി​റ​വും തി​ള​ക്ക​വും ന​ഷ്ട​പ്പെ​ട്ടു​കൊ​ണ്ടി​രി​ക്കു​ന്നു. മൗ​ലി​കാ​വ​കാ​ശ​ങ്ങ​ള്‍ ഭേ​ദ​ഗ​തി​ചെ​യ്യാ​നോ വേ​ണ്ടി​വ​ന്നാ​ല്‍ എ​ടു​ത്തു​ക​ള​യാ​ന്‍ ത​ന്നെ​യോ ഭ​ര​ണ​കൂ​ട​ത്തി​നു അ​ധി​കാ​ര​മു​ണ്ട് എ​ന്നും ഭ​ര​ണ​ഘ​ട​ന​യു​ടെ അ​ടി​സ്ഥാ​ന ഘ​ട​ന (Basic Structure) ക്ക് ​കോ​ട്ടം ത​ട്ടാ​തി​രു​ന്നാ​ല്‍ മ​തി എ​ന്ന മ​ട്ടി​ൽ കോ​ട​തി വി​ധി​ക​ള്‍ വ​ന്നി​ട്ടു പ​തി​റ്റാ​ണ്ടു​ക​ള്‍ത​ന്നെ​യാ​യി​രി​ക്കു​ന്നു. പ്ര​സി​ദ്ധ​മാ​യ കേ​ശ​വാ​ന​ന്ത ഭാ​ര​തി മു​ത​ല്‍ക്കു​ള്ള പ​ല വി​ധി​ക​ളും ഉ​ദാ​ഹ​ര​ണം. എ​ന്നാ​ലും കോ​ട​തി​ക​ളു​ടെ പ​രി​ശോ​ധ​ന അ​ധി​കാ​രം, ഭ​ര​ണ​ഘ​ട​ന​യു​ടെ മേ​ല്‍ക്കോ​യ്മ, മ​തേ​ത​ര​ത്വം, ജ​നാ​ധി​പ​ത്യം തു​ട​ങ്ങി മാ​റ്റം​വ​രു​ത്താ​ന്‍ പാ​ടി​ല്ലാ​ത്ത​താ​യി ചി​ല അ​ടി​സ്ഥാ​ന സ്വ​ഭാ​വ​ങ്ങ​ള്‍ (Fundamental Features) കോ​ട​തി എ​ടു​ത്തു​കാ​ട്ടി​യി​ട്ടു​ണ്ട് എ​ന്ന​ത് ആ​ശ്വാ​സ​ക​രം ത​ന്നെ.

ഭ​ര​ണ​ഘ​ട​ന​യു​ടെ അ​ടി​സ്ഥാ​ന മൂ​ല്യ​ങ്ങ​ള്‍ക്കെ​തി​രാ​യ വ​ലി​യ നീ​ക്ക​ങ്ങ​ൾ ന​ട​ന്നി​ട്ടു​ള്ള​തും ന​ട​ന്നു​കൊ​ണ്ടി​രി​ക്കു​ന്ന​തും ഭ​ര​ണ​കൂ​ട​ത്തി​ല്‍ നി​ന്നു​ത​ന്നെ​യാ​ണ് എ​ന്ന​താ​ണ് ഭ​യ​പ്പെ​ടേ​ണ്ട​കാ​ര്യം. ഇ​ന്ന് അ​തി​ന്റെ വ്യാ​പ്തി​യും ഗൗ​ര​വ​വും വ​ര്‍ദ്ധി​ച്ചി​രി​ക്കു​ന്നു എ​ന്ന​തും. ജ​നാ​ധി​പ​ത്യം എ​ന്ന​ത് അ​തി​ന്റെ അ​ടി​സ്ഥാ​ന ചേ​രു​വ​ക​ളാ​യ നീ​തി, സ​മ​ത്വം, മാ​ന​വി​ക​ത തു​ട​ങ്ങി​യ മൂ​ല്യ​ങ്ങ​ളി​ല്‍നി​ന്ന്​ തീ​ര്‍ത്തും മു​ക്ത​മാ​യ വെ​റും ആ​ള്‍ക്കൂ​ട്ടാ​ധി​പ​ത്യ (Mobocracy)മാ​ണ് എ​ന്ന ഒ​രു പൊ​തു​ബോ​ധം സൃ​ഷ്ടി​ക്ക​പ്പെ​ട്ടി​രി​ക്കു​ന്നു. ഭൂ​രി​പ​ക്ഷ​മു​ണ്ടെ​ങ്കി​ല്‍ എ​ന്തു​മാ​കാം എ​ന്ന ഒ​രു മാ​ന​സി​കാ​വ​സ്ഥ​യി​ലേ​ക്ക് സ​മൂ​ഹ​ത്തെ​യും രാ​ജ്യ​ത്തേ​യും കൊ​ണ്ടു​പോ​കു​ന്ന ദു​ര​വ​സ്ഥ. അ​വി​ടെ ഭ​ര​ണ​ഘ​ട​ന​യോ അ​തി​ന്റെ അ​ടി​സ്ഥാ​ന​മൂ​ല്യ​ങ്ങ​ളോ പ്ര​സ​ക്ത​മ​ല്ല എ​ന്ന നി​ല​യി​ല്‍. പ​ല ജ​നാ​ധി​പ​ത്യ ഭ​ര​ണ​കൂ​ട​ങ്ങ​ളെ​യും ഏ​കാ​ധി​പ​ത്യ​ത്തി​ലേ​ക്കും ക്രൂ​ര​മാ​യ മ​നു​ഷ്യാ​വ​കാ​ശ ലം​ഘ​ന​ങ്ങ​ളി​ലേ​ക്കും ന​യി​ച്ച​ത് ഇ​ത്ത​രം പൊ​തു​ബോ​ധ സൃ​ഷ്ടി​ക​ള്‍ ത​ന്നെ​യാ​ണ്. ഇ​ത്ത​രം ഒ​രു പൊ​തു​ബോ​ധം ന​മ്മു​ടെ രാ​ജ്യ​ത്തും സൃ​ഷ്ടി​ക്ക​പ്പെ​ട്ടു​കൊ​ണ്ടി​രി​ക്കു​ന്നു എ​ന്ന​തു ജ​നാ​ധി​പ​ത്യ മ​നു​ഷ്യാ​വ​കാ​ശ സ്‌​നേ​ഹി​ക​ള്‍ വ​ള​രെ ഗൗ​ര​വ​ത്തോ​ടെ ക​ണ​ക്കി​ലെ​ടു​ക്കേ​ണ്ട​തും അ​തി​നെ​തി​രെ നി​താ​ന്ത ജാ​ഗ്ര​ത പു​ല​ര്‍ത്തേ​ണ്ട​തു​മാ​ണ്.


Show Full Article
TAGS:tyranny Constitutional democracy 
News Summary - Constitutional democracy and tyranny
Next Story