Begin typing your search above and press return to search.
exit_to_app
exit_to_app
Homechevron_rightOpinionchevron_rightArticleschevron_rightഹി​ന്ദി...

ഹി​ന്ദി അ​ടി​ച്ചേ​ൽ​പി​ക്കു​ന്ന​തി​നെ​തി​രെ വീ​ണ്ടും

text_fields
bookmark_border
editorial-23
cancel

കേ​ന്ദ്രസ​ർ​ക്കാ​ർ നി​യോ​ഗി​ച്ച ഡോ. ​ക​സ്​​തൂ​രിരം​ഗ​ൻ സ​മി​തി ദേ​ശീ​യ വി​ദ്യാ​ഭ്യാ​സന​യ​ത്തി​െ​ൻ​റ ക​ ര​ട്​ റി​പ്പോ​ർ​ട്ട്​ സ​മ​ർ​പ്പി​ക്കു​ക​യും അ​തി​ന്മേ​ൽ പൊ​തു​ജ​നാ​ഭി​പ്രാ​യം തേ​ടാ​നു​ള്ള സ​മ​യ​മാ​യി ജൂ​ൺ 30 വ​രെ നീ​ക്കി​വെ​ക്കു​ക​യും ചെ​യ്​​തി​രി​ക്കെ, റി​പ്പോ​ർ​ട്ടി​ലെ പ​ല നി​ർ​ദേ​ശ​ങ്ങ​ൾ​ക്കും ശി​പാ​ർ​ ശ​ക​ൾ​ക്കു​മെ​തി​രെ വി​മ​ർ​ശ​ന​ങ്ങ​ൾ ഉ​യ​ർ​ന്നു​വ​രുക സ്വാ​ഭാ​വി​ക​മാ​ണ്. എ​ല്ലാം എ​ത്ര​ത്തോ​ളം പ​രി​ഗ​ ണി​ക്ക​പ്പെ​ടു​മെ​ന്നും സ്വീ​ക​രി​ക്ക​പ്പെ​ടു​മെ​ന്നും ക​ണ്ട​റി​യ​ണം.

കാ​ര​ണം, ഇ​ന്ത്യ​യു​ടെ ഭ​ര​ണം തീ ​വ്ര​ഹി​ന്ദു​ത്വ ശ​ക്തി​ക​ളു​ടെ പി​ടി​യി​ൽ ഏ​താ​ണ്ട്​ പൂ​ർ​ണ​മാ​യി അ​മ​രു​ക​യും അ​വ​രു​ടെ മു​ഖ്യ​മാ​യ ഊ​ന ്ന​ൽ ത​ല​മു​റ​ക​ളു​ടെ ഹൈ​ന്ദ​വ​വ​ത്​​ക​ര​ണ​ത്തി​ലാ​ണെ​ന്ന്​ വ്യ​ക്ത​മാ​വു​ക​യു​ം അ​തി​നേ​റ്റ​വും അ​നു​യ ോ​ജ്യ​നാ​യ ര​മേ​ശ്​ പൊ​ഖ്​​റി​യ​ലി​നെ മാ​ന​വ വി​ഭ​വ​ശേ​ഷി മ​ന്ത്രി​യാ​യി നി​യ​മി​ക്കു​ക​യും ചെ​യ്​​തി​ രി​ക്കു​ക​യാ​ണ്. വേ​ദ​ഗു​രു​കു​ല സ​​മ്പ്ര​ദാ​യ മാ​തൃ​ക​യി​ലു​ള്ള പ​ഠ​നരീ​തി പ്രോ​ത്സാ​ഹി​പ്പി​ക്ക​ണ​മെ ​ന്നു​ം ഗ​ണി​ത, ശാ​സ്​​ത്ര വി​ഷ​യ​ങ്ങ​ൾ​ക്ക്​ സ​മാ​ന​മാ​യ പ​രി​ഗ​ണ​ന യോ​ഗ, ജ്യോ​തി​ഷം, വാ​സ്​​തു​ശാ​സ്​​ത ്രം തു​ട​ങ്ങി​യ​വ​ക്കും ന​ൽ​ക​ണ​മെ​ന്നും പു​തി​യ വി​ദ്യാ​ഭ്യാ​സ ന​യ​നി​ർ​ദേ​ശ​ങ്ങ​ളി​ലു​ണ്ട്.

സ്​​കൂ​ ൾത​ല​ത്തി​ലും ഉ​ന്ന​ത വി​ദ്യാ​ഭ്യാ​സ ത​ല​ത്തി​ലും സം​സ്​​കൃ​തപ​ഠ​ന​ത്തി​ന്​ ഊ​ന്ന​ൽ ന​ൽ​ക​ണ​മെ​ന്നും ക​സ ്​​തൂ​രി രം​ഗ​ൻ സ​മി​തി റി​േ​പ്പാ​ർ​ട്ട്​ ആ​വ​ശ്യ​പ്പെ​ടു​ന്നു. ആ​റു മു​ത​ൽ ഏ​ഴു​വ​രെ ക്ലാ​സു​ക​ളി​ൽ ധാ​ർ​മി​കമൂ​ല്യ പ​ഠ​നം ന​ൽ​ക​ണ​മെ​ന്ന്​ സ​മി​തി ശി​പാ​ർ​ശ​ ചെ​യ്യു​േ​മ്പാ​ൾ ഉ​ള്ളി​ലി​രി​പ്പ്​ എ​ന്താ​ണെ​ന്ന്​ ഊ​ഹി​ക്കാ​നു​മാ​വും.

എ​ന്നാ​ൽ ക​സ്​​തൂ​രിരം​ഗ​ൻ റി​പ്പോ​ർ​ട്ടി​ലെ ഉ​ട​ന​ടി പ്ര​കോ​പ​നം സൃ​ഷ്​​ടി​​ച്ച ഭാ​ഗം ഭാ​ഷ പ​ഠ​ന​ത്തെ​ക്കു​റി​ച്ചു​ള്ള​താ​ണ്. ഹി​ന്ദി, ഹി​ന്ദു, ഹി​ന്ദു​സ്​​ഥാ​ൻ എ​ന്ന ഹി​ന്ദു​ത്വ​വാ​ദി​ക​ളു​ടെ ചി​ര​കാ​ല മു​ദ്രാ​വാ​ക്യ​ത്തെ സാ​ധൂ​ക​രി​ക്കു​ന്നവി​ധം ഇം​ഗ്ലീ​ഷി​നു പു​റ​മെ ഹി​ന്ദി​യും നി​ർ​ബ​ന്ധ പാ​ഠ്യ​ഭാ​ഷ​യാ​ക്ക​ണ​മെ​ന്ന നി​ർ​ദേ​ശ​മാ​ണ്​ ത​മി​ഴ്​​നാ​ട്ടി​ലും പ​ശ്ചി​മ ബം​ഗാ​ളി​ലും ​ആ​ന്ധ്ര​യി​ലും വ​ൻ വി​വാ​ദ​ങ്ങ​ൾ​ക്ക്​ വ​ഴി​വെ​ച്ചി​രി​ക്കു​ന്ന​ത്.

1968 മു​ത​ൽ രാ​ജ്യ​ത്ത്​ പ്രാ​ബ​ല്യ​ത്തി​ലു​ള്ള ത്രി​ഭാ​ഷ പ​ദ്ധ​തി​യി​ലു​ള്ള​ത്​ ത​ന്നെ​യാ​ണ്​ ഇ​തെ​ന്ന്​ ക​സ്​​തൂ​രിരം​ഗ​ൻ സ​മി​തി അ​വ​കാ​ശ​പ്പെ​ടു​േ​മ്പാ​ൾ അ​ത​ങ്ങ​നെ​യ​ല്ലെ​ന്ന്​ ചൂ​ണ്ടി​ക്കാ​ട്ടു​ന്നു ഹി​ന്ദി​യി​ത​ര ഭാ​ഷാ സം​സ്​​ഥാ​ന​ങ്ങ​ൾ. വി​ശി​ഷ്യ, ഹി​ന്ദി നി​ർ​ബ​ന്ധ പാ​ഠ്യ​ഭാ​ഷ​യാ​ക്കാ​നു​ള്ള കേ​ന്ദ്ര നീ​ക്ക​ത്തി​നെ​തി​രെ അ​തിഭ​യ​ങ്ക​ര പ്ര​ക്ഷോ​ഭം ന​ട​ന്ന ത​മി​ഴ്​​നാ​ട്ടി​ൽ പു​തി​യ വി​ദ്യാ​ഭ്യാ​സ ന​യ​ത്തി​നെ​തി​രെ രം​ഗ​ത്തി​റ​ങ്ങു​ന്ന​തി​ലും ഡി.​എം.​കെ മാ​ത്ര​മ​ല്ല എ​ൻ.​ഡി.​എ ഘ​ട​ക​മാ​യ എ.​ഐ.​എ.​ഡി.​എം.​കെ​യു​മു​ണ്ട്. ഇം​ഗ്ലീ​ഷി​നു പു​റ​മെ ത​മി​ഴ്​ കൂ​ടി​യാ​ണ്​ നി​ലവി​ൽ നി​ർ​ബ​ന്ധ പ​ഠ​ന ഭാ​ഷ. മൂ​ന്നാ​മ​ത്തെ ഐ​ച്ഛി​ക ഭാ​ഷ​ക​ളി​ൽ ഹി​ന്ദി​യും ഉ​ൾ​പ്പെ​ടു​ന്നു എ​ന്നുമാ​ത്രം.

അ​ഞ്ചു പ​തി​റ്റാ​ണ്ടു​ മു​മ്പ്​ ഇ.​വി. രാ​മ​സ്വാ​മി നാ​യ്​​ക്ക​രു​ടെ നേ​തൃ​ത്വ​ത്തി​ൽ ഉ​യ​ർ​ന്ന സ്വ​ത​ന്ത്ര ദ്രാ​വി​ഡ​സ്​​ഥാ​ൻ വാ​ദ​ത്തി​െ​ൻ​റ ഉ​േ​പാ​ൽ​പ​ന്നംത​ന്നെ​യാ​യി​രു​ന്നു ഹി​ന്ദിവി​രു​ദ്ധ പ്ര​ക്ഷോ​ഭം. ഒ​ടു​വി​ൽ കേ​ന്ദ്ര സ​ർ​ക്കാ​ർ മു​ട്ടു​മ​ട​ക്കി, ഹി​ന്ദി നി​ർ​ബ​ന്ധ പാ​ഠ്യ​ഭാ​ഷ​യാ​ക്കാ​നു​ള്ള നീ​ക്ക​ത്തി​ൽ​നി​ന്ന്​ പി​ന്മാ​റേ​ണ്ടിവ​ന്നു. ന​രേ​ന്ദ്ര മോ​ദി സ​ർ​ക്കാ​ർ അ​തി​െ​ൻ​റ ര​ണ്ടാ​മൂ​ഴ​ത്തി​ലേ​ക്ക്​ ക​ട​ക്കു​േ​മ്പാ​ൾ ത​മി​ഴ്​​നാ​ട്ടി​ൽ എ​ൻ.​ഡി.​എ​ക്ക്​ നേ​രി​ട്ട ക​ന​ത്ത തി​രി​ച്ച​ടി വ​ക​വെ​ക്കാ​തെ അ​തി​സാ​ഹ​സ​ത്തി​ന്​ മു​തി​ർ​ന്നാ​ൽ പ്ര​ത്യാ​ഘാ​തം ഗു​രു​തര​മാ​യി​രി​ക്കു​മെ​ന്ന്​ തു​ട​ക്ക​ത്തി​ലേ തി​രി​ച്ച​റി​ഞ്ഞ്​ തി​രു​ത്തി​ന്​ മു​തി​ർ​ന്ന​ത്​ വി​വേ​ക​പൂ​ർ​വ​മാ​യി.

ത്രി​ഭാ​ഷ പ​ദ്ധ​തി​യു​ടെ മ​റ​വി​ൽ ഹി​ന്ദി അ​ടി​ച്ചേ​ൽ​പി​ക്കാ​ൻ കേ​ന്ദ്ര സ​ർ​ക്കാ​റി​നു​ദ്ദേ​ശ്യ​മി​ല്ലെ​ന്ന്​ മാ​ന​വ വി​ഭ​വ​ശേഷി മ​ന്ത്രാ​ല​യം വ്യ​ക്ത​മാ​ക്കി​യി​രി​ക്കു​ന്നു. ക​ര​ട്​ ന​യ​ത്തി​ലെ ഇം​ഗ്ലീ​ഷ്, ഹി​ന്ദി, പ്രാ​ദേ​ശി​ക ഭാ​ഷ എ​ന്ന ഫോ​ർ​മു​ല​യി​ൽ ഇം​ഗ്ലീ​ഷും പ്രാ​ദേ​ശി​ക ഭാ​ഷ​യും വി​ദ്യാ​ർ​ഥി​ക​ൾ​ക്ക്​ താ​ൽ​പ​ര്യ​മു​ള്ള ഏ​തെ​ങ്കി​ലും ഭാ​ഷ കൂ​ടി പ​ഠി​ക്ക​ണം എ​ന്നാ​ണ്​ ഇ​പ്പോ​ൾ വ​രു​ത്തി​യ തി​രു​ത്ത്. അ​ങ്ങ​നെ​യെ​ങ്കി​ൽ ആ​ധു​നി​കലോ​ക​ത്ത്​ ആ​ഗോ​ള ആ​ശ​യവി​നി​മ​യ​ത്തി​ന്​ സ​ഹാ​യി​ക്കു​ന്ന ജീ​വ​ൽ ഭാ​ഷ​ക​ളി​ലൊ​ന്നാ​വും സ്വാ​ഭാ​വി​ക​മാ​യും വി​ദ്യാ​ർ​ഥി​ക​ൾ ​െത​ര​ഞ്ഞെ​ടു​ക്കു​ക. പ്രാ​ചീ​ന വേ​ദഭാ​ഷ​യാ​യ സം​സ്​​കൃ​തം സ്വാ​ഭാ​വി​ക ​​െതര​ഞ്ഞെ​ടു​പ്പി​ൽ പി​ന്ത​ള്ള​പ്പെ​ടാ​നാ​ണിട. അ​ങ്ങ​നെ സം​ഭ​വി​ക്കാ​തി​രി​ക്കാ​ൻ സ​ർ​ക്കാ​ർ പ്ര​തി​ജ്​​ഞാ​ബ​ദ്ധ​മാ​ണെ​ന്നാ​ണ്​ വി​ദ്യാ​ഭ്യാ​സ ന​യ​ത്തി​ലെ ന​ടേ ഉ​ദ്ധ​രി​ച്ച നി​ർ​ദേ​ശം ന​ൽ​കു​ന്ന സൂ​ച​ന.

സ​ത്യ​ത്തി​ൽ ഭാ​ഷ ഏ​താ​യാ​ലും മ​നു​ഷ്യ​ർ​ക്ക്​ പ്രാ​ഥ​മി​ക​മാ​യി ആ​ശ​യ വി​നി​മ​യ​ത്തി​നും പി​ന്നെ വൈ​ജ്​​ഞാ​നി​ക​വും സാ​ഹി​ത്യ​പ​ര​വും ക​ലാ​പ​ര​വു​മാ​യ ഒ​​ട്ടേ​റെ ഉ​പ​യോ​ഗ​ങ്ങ​ൾ​ക്കു​മുള്ള​താ​ണ്. അ​തി​നാ​ൽത​ന്നെ, ലോ​ക​ത്ത്​ അ​നേ​കശതം ഭാ​ഷ​ക​ൾ ച​രി​ത്ര​ത്തി​െ​ൻ​റ ഭാ​ഗ​മാ​യിത്തീ​രു​ക​യും പ​ല​തും മൃ​ത​പ്രാ​യ​മാ​യി ഭ​വി​ക്കു​ക​യും ചി​ല​തു​മാ​ത്രം സ​ജീ​വ​മാ​യി നി​ല​നി​ൽ​ക്കു​ക​യും ചെ​യ്യു​ന്നു​ണ്ട്. തീ​വ്ര​ദേ​ശീ​യ​ത​യു​​െട അ​ര​ങ്ങേ​റ്റ​ത്തോ​ടെ ചി​ല മൃ​ത​ഭാ​ഷ​ക​ൾ പു​നരുജ്ജീ​വി​പ്പി​ക്കാ​നു​ള്ള ക​ഠി​ന പ്ര​യ​ത്​​നം സ​ഫ​ല​മാ​യതി​​​​െൻറ ഉ​ദാ​ഹ​ര​ണ​മാ​ണ്​ ഇ​സ്രാ​യേല്യ​രു​ടെ വൈ​ദി​കഭാ​ഷ​യാ​യ ഹീ​ബ്രു.

ഇന്ത്യയിലെ സം​സ്​​കൃ​ത​ത്തി​ൽനി​ന്ന്​​ വ്യ​ത്യ​സ്​​ത​മാ​യി, ഹീ​ബ്രു ഇ​സ്രാ​യേ​ലി​െ​ൻ​റ ഒൗ​ദ്യോ​ഗി​ക ഭാഷ​യാ​ണ്; പ​ഠ​ന മാ​ധ്യ​മ​മാ​ണ്, മാ​ധ്യ​മ ഭാ​ഷ​യു​മാ​ണ്. ഇ​സ്രാ​യേ​ൽ രാ​ഷ്​​ട്രംത​ന്നെ ലോ​ക​ത്തെങ്ങു​മാ​യി ചി​ത​റി​ക്കി​ട​ന്ന വി​വി​ധ ഭാ​ഷ​ക്കാ​രാ​യ ജൂ​ത​രെ കൊ​ണ്ടു​വ​ന്ന്​ സ്​​ഥാ​പി​ത​മാ​യതായ​തി​നാ​ൽ അ​വ​ർ​ക്കാ​യി ഒ​രു പൊ​തു​ഭാ​ഷ അ​നി​വാ​ര്യ​മാ​ണെ​ന്ന്​ ബോ​ധ്യ​​പ്പെ​ട്ട​തി​െ​ൻ​റ അ​ടി​സ്​​ഥാ​ന​ത്തി​ൽ ഹീ​ബ്രു​വി​നെ പു​ന​രു​ജ്ജീ​വി​പ്പി​ക്കു​ക​യാ​യി​രു​ന്നു എ​ന്ന വ​സ്​​തു​ത​യുമു​ണ്ട്. അ​ത​ല്ല സം​സ്​​കൃ​ത​ത്തി​െ​ൻ​റ സ്​​ഥി​തി. എ​ന്നാ​ൽ, ഇ​ന്ത്യ​ൻ ജ​ന​ത​യി​ൽ 54 ശ​ത​മാ​നം സം​സാ​രി​ക്കു​ന്ന ഭാ​ഷ​യാ​ണ്​ ഹി​ന്ദി എ​ന്ന്​ സ​ർ​ക്കാ​ർ​പ​റ​യു​ന്നു. അ​തി​നാ​ൽ, ഭ​ര​ണ​ഘ​ട​ന പ്ര​കാ​രംത​ന്നെ ഹി​ന്ദി ഇ​ന്ത്യ​യു​െ​ട ഒൗ​ദ്യോ​ഗി​ക ഭാ​ഷ​യാ​ണ്.

ഹി​ന്ദി​യോ​ടൊ​പ്പം വി​ദേ​ശ ഭാ​ഷ​യാ​യ ഇം​ഗ്ലീ​ഷ്​കൂടി സ​ഹ ഒൗ​ദ്യോ​ഗി​ക ഭാ​ഷ​യാ​യി നി​ശ്ച​യി​ച്ചത്​ ഇ​ന്ത്യ​യിൽ പൂ​ർ​വ മേ​ഖ​ല​യി​ലെ​യും ദ​ക്ഷി​ണ​മേ​ഖ​ല​യി​ലെ​യും സം​സ്​​ഥാ​ന​ങ്ങ​ൾ​ക്ക്​ ഹി​ന്ദി പ​രി​ചി​ത​മ​ല്ല എ​ന്ന യാ​ഥാ​ർ​ഥ്യം തി​രി​ച്ച​റി​ഞ്ഞാ​യി​രു​ന്നു. ആ ​സ്​​ഥി​തി​ക്ക്​ ഇ​പ്പോ​ഴും സാ​രമായ മാ​റ്റം വ​ന്നി​ല്ലെ​ന്നി​രി​ക്കെ ഹി​ന്ദി അടിച്ചേൽപിക്കാനുള്ള ഭ്രാ​ന്ത​മാ​യ ആവേശം ​രാ​ജ്യ​ത്തെ അ​നൈ​ക്യ​ത്തി​ലേ​ക്കും ശൈ​ഥി​ല്യ​ത്തി​ലേ​ക്കു​മാ​ണ്​ ന​യി​ക്കു​ക. ബം​ഗാ​ളി, ത​മി​ഴ്, തെ​ലു​ങ്ക്, ക​ന്ന​ഡ, മ​ല​യാ​ളം തു​ട​ങ്ങി​യ ഭാ​ഷ​ക​ളും ഇ​ന്ത്യ​ൻ സം​സ്​​കാ​ര​ത്തെ പൂ​ർ​ണ​മാ​യി ആ​വാ​ഹി​ക്കു​ന്ന​തും ജ​ന​ങ്ങ​ളു​ടെ വി​കാ​ര വി​ചാ​ര​ങ്ങ​ളെ വേ​ണ്ടവി​ധം പ്ര​തി​ഫ​ലി​പ്പിക്കു​ന്ന​തും ത​ന്നെ.

വൈ​വി​ധ്യ​മാ​ണ്​ ഇ​ന്ത്യ​യു​ടെ സ​വി​ശേ​ഷ​ത​യെ​ന്നും അ​ത്​ നി​ലനി​ർ​ത്തു​ന്ന​തി​ലാ​ണ്​ രാ​ഷ്​​ട്ര​ത്തി​െ​ൻ​റ ശ​ക്തി​യെ​ന്നും നാ​നാ​ത്വ​ത്തി​ൽ ഏ​ക​ത്വം എ​ന്ന​താ​ണ്​ ജ​നാ​ധി​പ​ത്യ​​ത്തി​െ​ൻ​റ മൗ​ലി​ക താ​ൽ​പ​ര്യ​മെ​ന്നും അ​ധി​കാ​ര​ത്തി​െ​ൻ​റ ഹു​ങ്കി​ൽ ക​ണ​ക്കി​ലെ​ടു​ക്കാ​തെപോ​യാ​ൽ രാ​ജ്യം ബ​ല​ഹീ​ന​മാ​വു​ക​​േയ ചെ​യ്യൂ. നി​ല​വി​ലെ പ്ര​വ​ണ​ത​യി​ൽ​നി​ന്ന്​ ഭി​ന്ന​മാ​യി ഹി​ന്ദി പ​ര​മാ​വ​ധി ല​ളി​തവത്​കരിക്കുകയും അ​തി​െ​ൻ​റ പ്ര​ചാ​ര​ണ​ത്തി​ന്​ സ​മാ​ധാ​ന​പ​ര​മാ​യി സാ​ധ്യ​മാ​യ​തൊ​ക്കെ ചെ​യ്യു​ക​യും ചെ​യ്​​താ​ൽ ഒൗ​ദ്യോ​ഗി​ക ഭാ​ഷ​യെ സ​ർവസ്വീ​കാ​ര്യ​മാ​ക്കാ​വു​ന്ന​തേ​യു​ള്ളൂ.

Show Full Article
TAGS:Hindi study Compulsory language editorial 
News Summary - Compulsory Hindi study- Editorial
Next Story