Begin typing your search above and press return to search.
exit_to_app
exit_to_app
Homechevron_rightOpinionchevron_rightArticleschevron_rightരാഷ്​ട്രശിൽപിയെ...

രാഷ്​ട്രശിൽപിയെ തമസ്​കരിക്കുന്നു

text_fields
bookmark_border
രാഷ്​ട്രശിൽപിയെ തമസ്​കരിക്കുന്നു
cancel

നവംബർ 14 ഇന്ത്യയുടെ പ്രഥമ പ്രധാനമന്ത്രി ജവഹർലാൽ നെഹ്​റുവി​​​െൻറ ജന്മദിനമാണ്. ചാച്ചാജിയുടെ ജന്മദിനം കുട്ടികൾക്ക് ശിശുദിനമാണ്. കുട്ടികളിലൂടെ ഭാരതത്തി​​​െൻറ ഭാവി സ്വപ്നം കണ്ട നെഹ്​റു, ഇന്ത്യക്ക്​ ശക്തമായ അടിത്തറ പാകിയ രാഷ്​ട്രശിൽപിയാണ്. നെഹ്​റുവി​​​െൻറ ആദർശങ്ങളെ തമസ്​കരിക്കാനുള്ള ശക്തമായ നീക്കങ്ങൾ നടക്കുമ്പോൾ, അദ്ദേഹത്തി​​​െൻറ സംഭാവനകൾ യുവതലമുറയെ ഓർമിപ്പിക്കാനുള്ള ചുമതല ഇന്നത്തെ തലമുറക്കുണ്ട്.

നെഹ്​റുവിനെ ഇല്ലാതാക്കൽ എന്നത് നരേന്ദ്ര മോദി സർക്കാർ ഏറ്റവും വാശിയോടെ നടപ്പാക്കിയ ഒരു പദ്ധതിയാണ്. നെഹ്​റു പരിപോഷിപ്പിച്ച ജനാധിപത്യം, മതേതരത്വം, സോഷ്യലിസം, സഹിഷ്​ണുത, ശാസ്​ത്രബോധം, ചേരിചേരാ നയം തുടങ്ങിയവയെ ഇല്ലാതാക്കിയാൽ അവിടെ ഫാഷിസത്തിനും വർഗീയതക്കും തേരോട്ടം നടത്താം എന്നതാണ് അവരുടെ കണക്കുകൂട്ടൽ. ഗാന്ധിജിയുടെ ഭാഷയിൽ ഒരു മതേതര രാഷ്​ട്രമായി ഇന്ത്യയെ വളർത്തിയെടുത്തു എന്നതാണ് നെഹ്​റുവി​​​െൻറ ഏറ്റവും വലിയ സംഭാവന.

ഇന്ത്യയോടൊപ്പം പിറന്ന പാകിസ്​താൻ മതാധിഷ്​ഠിത രാഷ്​ട്രമായി മാറിയപ്പോൾ, നെഹ്​റുവിന് വേണമെങ്കിൽ മറ്റൊരു വഴിക്ക് ചിന്തിക്കാമായിരുന്നു. ആർഷഭാരത സംസ്​കാരമുള്ള നെഹ്​റു, ഗാന്ധിജിയുടെ സർവധർമ സമഭാവനയുടെ അടിസ്​ഥാനത്തിൽ യൂറോപ്പിൽനിന്ന് കടമെടുത്ത ആശയമാണ് മതേതരത്വം. സെക്കുലറിസം എന്ന വാക്കിന് മതേതരത്വം എന്നതിനെക്കാൾ ചേരുക മതനിരപേക്ഷത എന്ന വാക്കാണ്. സ്വതന്ത്ര ഇന്ത്യയിൽ നേരിട്ട ഏറ്റവും വലിയ വെല്ലുവിളി എന്തായിരുന്നുവെന്ന് നെഹ്​റുവിനോട് ഫ്രഞ്ച് എഴുത്തുകാരനും പിന്നീട് അവിടത്തെ സാംസ്​കാരിക മന്ത്രിയുമായ ആെന്ദ്ര മാലറാവ് ചോദിച്ചപ്പോൾ, ഒരു മതാധിപത്യ സമൂഹത്തിൽ ഒരു മതനിരപേക്ഷ സർക്കാറി​​െൻറ രൂപവത്​കരണവും നടത്തിപ്പും എന്നായിരുന്നു മറുപടി.

അയോധ്യയിൽ രാമക്ഷേത്രം എന്ന ആവശ്യം ഉന്നയിച്ച് വീണ്ടും പ്രക്ഷോഭം ആരംഭിക്കാൻ സംഘ്​പരിവാരങ്ങൾ തീരുമാനിച്ചിരിക്കുകയാണ്. അയോധ്യയിൽ 330 കോടി രൂപ ചെലവിട്ട് രാമ​​​െൻറ കൂറ്റൻ പ്രതിമ നിർമിക്കുമെന്ന്​ യു.പി സർക്കാർ പ്രഖ്യാപിച്ചുകഴിഞ്ഞു. സംസ്​ഥാനങ്ങളുടെയും പ്രധാന നഗരങ്ങളുടെയും പേരുകൾ മാറ്റി പകരം ഹൈന്ദവനാമങ്ങൾ നൽകിക്കൊണ്ടിരിക്കുകയാണ് ഇപ്പോൾ.

ശബരിമലയിൽ സംഘ്​പരിവാരങ്ങൾ ചെയ്യുന്നതും ഇതുതന്നെ. മുഖ്യമന്ത്രി പിണറായി വിജയ​​​െൻറ കടുംപിടിത്തവും ദുർവാശിയുമാണ് ശബരിമലയിൽ സംഘ്​പരിവാരങ്ങൾക്ക് സുവർണാവസരം ഒരുക്കിക്കൊടുത്തത്. ശബരിമലയിലേത് ആചാരാനുഷ്ഠാനങ്ങൾക്കുവേണ്ടിയുള്ള പോരാട്ടമല്ല മറിച്ച്, വർഗീയ അജണ്ടയാണെന്ന് ബി.ജെ.പി സംസ്​ഥാന അധ്യക്ഷ​​​െൻറ വായിൽ നിന്നുതന്നെ പുറത്തുവരുകയും ചെയ്തു. കേരളംപോലെ പ്രബുദ്ധമായ ഒരു സ്​ഥലത്തുപോലും വർഗീയത ആളിക്കത്തിക്കാൻ അവർക്കു സാധിക്കുമെങ്കിൽ മറ്റിടങ്ങളിലെ അവസ്​ഥ എന്തായിരിക്കും?

സോഷ്യലിസ്​റ്റ്​ സമ്പദ്ഘടന, ഹരിത വിപ്ലവം, ആസൂത്രണ കമീഷൻ തുടങ്ങി കരുത്തുറ്റ ഒരു സമ്പദ്ഘടനക്കുവേണ്ട എല്ലാ അടിത്തറകളും നെഹ്​റു പാകിയിരുന്നു. മോദിസർക്കാർ അധികാരമേറ്റയുടനെ ആസൂത്രണ കമീഷൻ പിരിച്ചുവിട്ടു. പൊതുമേഖല സ്​ഥാപനങ്ങളെ വിറ്റുതുലച്ചു. തുടർന്നിങ്ങോട്ട് ഭരണഘടന സ്​ഥാപനങ്ങളെ ദുർബലപ്പെടുത്തുന്ന കാഴ്ചയാണു നാം കാണുന്നത്. റിസർവ് ബാങ്ക്, സുപ്രീംകോടതി, സി.ബി.ഐ എന്നിവിടങ്ങളിലെല്ലാം കൈകടത്തൽ ഉണ്ടായി. സുപ്രീംകോടതി ജഡ്ജിമാർ ചരിത്രത്തിലാദ്യമായി വാർത്തസമ്മേളനം നടത്തി പ്രതിഷേധം രേഖപ്പെടുത്തി.

നോട്ട്​ അസാധുവാക്കൽ, ജി.എസ്​.ടി തുടങ്ങിയ സാമ്പത്തിക അബദ്ധങ്ങൾക്ക്​ റിസർവ്​ ബാങ്കി​​​െൻറ അനുമതി ഉണ്ടായിരുന്നില്ല. ഇവ രണ്ടും ഇന്ത്യയുടെ സാമ്പത്തിക വളർച്ചയെ പിന്നോട്ടടിച്ചെന്ന്​ റിസർവ്​ ബാങ്ക്​ മുൻ ഗവർണർ രഘുറാം രാജൻ ചൂണ്ടിക്കാട്ടി.

ആഗോള സാമ്പത്തികരംഗം കുതിച്ചുകൊണ്ടിരിക്കു​േമ്പാഴാണ്​ ഇന്ത്യയുടെ സാമ്പത്തികരംഗം പിന്നോട്ടുപോയത്​. ഇപ്പോഴത്തെ ഏഴുശതമാനം വളർച്ചാനിരക്ക്​ ഇന്ത്യയുടെ ആവശ്യങ്ങൾ പരിഹരിക്കാൻ ഉതകുന്നതല്ലെന്നും അദ്ദേഹം വ്യക്​തമാക്കി.

ഓരോ കോൺഗ്രസുകാരനും ഓരോ ഇന്ത്യക്കാരനും എന്നും അഭിമാനിക്കാൻ കഴിയുന്ന നേതാവാണ് ജവഹർലാൽ നെഹ്​റു. രാജ്യം മുഴുവൻ ഇപ്പോഴും അദ്ദേഹത്തെ ആദരിക്കുകയും സ്​നേഹിക്കുകയും ചെയ്യുന്നു.
(കെ.പി.സി.സി മുൻ പ്രസിഡൻറാണ്​ ലേഖകൻ)

Show Full Article
TAGS:childrens day jawahar lal Nehru article malayalam news 
News Summary - children's day-article
Next Story