വിധിയിൽ ഞെ​ട്ടാ​ൻ എന്തിരിക്കുന്നു

കൃ​ത്യ​മാ​യ ആ​സൂ​ത്ര​ണ​ത്തോ​ടെ കൃ​ത്യം​ചെ​യ്ത പ്ര​തി​ക​ളെ​യെ​ല്ലാം വെ​റു​തെ​വി​ട്ട ല​ഖ്നോ​വി​ലെ പ്ര​ത്യേ​ക സി.​ബി.​ഐ കോ​ട​തി ജ​ഡ്ജി​യു​ടെ വി​ധി ഇ​ന്ത്യ​യി​ലെ മു​സ്​​ലിം ന്യൂ​ന​പ​ക്ഷ​ത്തി​ൽ ഞെ​ട്ട​ലു​ണ്ടാ​ക്കി​ല്ല. മു​സ്​​ലിം​ക​ളോ​ട്​ ചെ​യ്ത ക​ടു​ത്ത ക്രി​മി​ന​ല്‍ കു​റ്റ​കൃ​ത്യ​ത്തി​ന് പ്രാ​യ​ശ്ചി​ത്തം ചെ​യ്യ​ണ​മെ​ന്ന് പ​റ​ഞ്ഞ​ശേ​ഷ​മാ​ണ് അ​ഞ്ചു നൂ​റ്റാ​ണ്ട് ന​മ​സ്​​കാ​രം ന​ട​ന്ന പ​ള്ളി​യു​ടെ ഭൂ​മി അ​ത് ത​ക​ര്‍ത്ത കേ​സി​ലെ പ്ര​തി​ക​ള്‍ക്ക് രാ​മ​ക്ഷേ​ത്രം ഉ​ണ്ടാ​ക്കാ​ന്‍ വി​ട്ടു​കൊ​ടു​ക്ക​ണ​മെ​ന്ന് രാ​ജ്യ​ത്തെ പ​ര​മോ​ന്ന​ത കോ​ട​തി ക​ല്‍പി​ച്ച​ത്. ആ ​വി​ധി​യു​ടെ അ​ടി​സ്ഥാ​ന​ത്തി​ല്‍ സ​ര്‍ക്കാ​ര്‍ ചെ​ല​വി​ല്‍ ക്ഷേ​ത്ര​മു​ണ്ടാ​ക്കാ​ന്‍ നി​യു​ക്ത​മാ​യ ട്ര​സ്​​റ്റി​െൻറ അ​മ​ര​ത്തി​രി​ക്കു​ന്ന വി​ശ്വ​ഹി​ന്ദു പ​രി​ഷ​ത്ത് നേ​താ​വാ​യി​രു​ന്നു ല​ഖ്നോ കോ​ട​തി​യി​ലെ പ്ര​തി​ക്കൂ​ട്ടി​ല്‍ ഇ​ന്ന​ലെ ക​യ​റി​നി​ന്ന​ത്.

മു​റി​വി​ല്‍ തേ​ച്ച ഉ​പ്പ്

സു​പ്രീം​കോ​ട​തി അ​ഞ്ചം​ഗ ബെ​ഞ്ച് ഒ​രു ദി​വ​സം പോ​ലു​മൊ​ഴി​യാ​തെ വാ​ദം​കേ​ട്ട നാ​ളു​ക​ളി​ല്‍ ഹാ​ജ​രാ​ക്കി​യ രേ​ഖ​ക​ളും പ്ര​മാ​ണ​ങ്ങ​ളും​കൊ​ണ്ട് ജ​യി​ക്കു​മാ​യി​രു​ന്ന ബാ​ബ​രി ഭൂ​മി കേ​സി​ല്‍ നേ​രി​ട്ട അ​നീ​തി​യു​ടെ ച​രി​ത്ര​പ​ര​മാ​യ തു​ട​ര്‍ച്ച​ത​ന്നെ​യാ​ണ് അ​തേ പ​ള്ളി പൊ​ളി​ച്ച കേ​സി​ലും സം​ഭ​വി​ച്ച​ത്. പ​ര​മോ​ന്ന​ത കോ​ട​തി​യു​ടെ പ​ര​മാ​ധി​പ​െൻറ നേ​തൃ​ത്വ​ത്തി​ലു​ള്ള ബെ​ഞ്ച് എ​ഴു​തി​യ അ​ന്യാ​യ​ത്തി​ല്‍ കൂ​ടു​ത​ലൊ​ന്നും ല​ഖ്നോ പ്ര​ത്യേ​ക സി.​ബി.​ഐ കോ​ട​തി ജ​ഡ്ജി​യു​ടെ 2000 പേ​ജ് വി​ധി​യി​ലി​ല്ല.

''1992 ഡി​സം​ബ​ര്‍ ആ​റി​ന് പ​ള്ളി ത​ക​ര്‍ത്ത്് താ​ഴെ​യി​ട്ടു. ത​ല്‍സ്ഥി​തി നി​ല​നി​ര്‍ത്ത​ണ​മെ​ന്ന ഉ​ത്ത​ര​വി​െൻറ​യും ഈ ​കോ​ട​തി​ക്കു ന​ല്‍കി​യ ഉ​റ​പ്പി​െൻറ​യും ലം​ഘ​ന​മാ​യി​രു​ന്നു പ​ള്ളി ത​ക​ര്‍ക്ക​ല്‍. പ​ള്ളി ത​ക​ര്‍ത്ത് ഒ​രു ഇ​സ്​​ലാ​മി​ക നി​ര്‍മി​തി തു​ട​ച്ചു​നീ​ക്കി​യ​ത് നി​യ​മ​വാ​ഴ്ച​യു​ടെ ക​ടു​ത്ത ലം​ഘ​ന​മാ​ണ്'' ക​ഴി​ഞ്ഞ ന​വം​ബ​ര്‍ ഒ​മ്പ​തി​െൻറ സു​പ്രീം​കോ​ട​തി വി​ധി​യി​ല്‍ നി​ന്നാ​ണ് ഈ ​വ​രി​ക​ള്‍. ഇ​തേ കോ​ട​തി​ത​ന്നെ​യാ​ണ് പ​ള്ളി ത​ക​ര്‍ത്ത വി​ശ്വ​ഹി​ന്ദു പ​രി​ഷ​ത്ത് കേ​സി​ല്‍ ക​ക്ഷി​യാ​ക്കി കൊ​ണ്ടു​വ​ന്ന രാം ​ല​ല്ല വി​രാ​ജ്മാ​ന് ബാ​ബ​രി ഭൂ​മി വി​ട്ടു​കൊ​ടു​ക്കാ​ന്‍ ഉ​ത്ത​ര​വി​ട്ട​ത്. പ​ള്ളി ത​ക​ര്‍ത്ത ക്രി​മി​ന​ല്‍ കു​റ്റ​ത്തി​ന് പ്ര​തി​ക്കൂ​ട്ടി​ല്‍ വ​ന്നു​നി​ല്‍ക്കാ​ന്‍ സി.​ബി.​ഐ കോ​ട​തി ആ​വ​ശ്യ​പ്പെ​ട്ട മ​ഹ​ന്ത് നൃ​ത്യ​ഗോ​പാ​ല്‍ ദാ​സും ച​മ്പ​ത് റാ​യി​യും ആ​ണ്​ സു​പ്രീം​കോ​ട​തി വി​ധി​പ്ര​കാ​രം അ​തേ പ​ള്ളി​യു​ടെ ഭൂ​മി​യി​ല്‍ രാ​മ​ക്ഷേ​ത്ര​മു​ണ്ടാ​ക്കാ​ന്‍ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ണ്ടാ​ക്കി​യ ട്ര​സ്​​റ്റി​െൻറ പ്ര​ധാ​ന പ​ദ​വി​ക​ളി​ലി​രി​ക്കു​ന്ന​ത്.

ക​ര്‍സേ​വ​ക​ര്‍ സാ​മൂ​ഹി​ക വി​രു​ദ്ധ​ര്‍; ന​യി​ച്ച​വ​ര്‍ നി​ര​പ​രാ​ധി​ക​ള്‍

മ​സ്​​ജി​ദ് ത​ക​ര്‍ക്കാ​ന്‍ പ​ള്ളി​യു​ടെ താ​ഴി​ക​ക്കു​ട​ങ്ങ​ളി​ല്‍ ക​യ​റി​യ​വ​രെ സാ​മൂ​ഹി​ക വി​രു​ദ്ധ​രെ​ന്ന് വി​ളി​ച്ച പ്ര​ത്യേ​ക സി.​ബി.​ഐ ജ​ഡ്ജി അ​വ​രെ രാ​ജ്യ​ത്തി​െൻറ വി​വി​ധ ഭാ​ഗ​ങ്ങ​ളി​ല്‍നി​ന്ന് അ​യോ​ധ്യ​യി​ലേ​ക്ക് ആ​ന​യി​ച്ച മു​തി​ര്‍ന്ന ബി.​ജെ.​പി, ആ​ര്‍.​എ​സ്.​എ​സ് നേ​താ​ക്ക​ളെ ആ​ക്ര​മ​ണം ത​ട​യാ​ന്‍ ശ്ര​മി​ച്ച​വ​രാ​യി വി​ശേ​ഷി​പ്പി​ച്ചു. സി.​ബി.​ഐ ഹാ​ജ​രാ​ക്കി​യ വി​ഡി​യോ, ഓ​ഡി​േ​യാ ക്ലി​പ്പു​ക​ളു​ടെ​യും ആ​ധി​കാ​രി​ക​ത ജ​ഡ്ജി​ക്കു ബോ​ധ്യ​മാ​യ​തു​മി​ല്ല. സി.​ബി.​ഐ കു​റ്റ​പ​ത്രം അ​നു​സ​രി​ച്ച് 1992 ഡി​സം​ബ​ര്‍ അ​ഞ്ചി​ന് മ​സ്ജി​ദ് ത​ക​ര്‍ക്കു​ന്ന​തി​െൻറ അ​ന്തി​മ ഗൂ​ഢാ​ലോ​ച​ന യോ​ഗം ന​ട​ന്ന​ത് ബ​ജ്​​റം​ഗ്​​ദ​ള്‍ നേ​താ​വ് വി​ന​യ് ക​ത്യാ​റി​െൻറ വീ​ട്ടി​ലാ​ണ്. എ​ല്‍.​കെ. അ​ദ്വാ​നി​യും മു​ര​ളി മ​നോ​ഹ​ര്‍ ജോ​ഷി​യും ഉ​മാ​ഭാ​ര​തി​യും സാ​ധ്വി ഋ​തം​ബ​ര​യും ക​ര്‍സേ​വ​ക​രെ ആ​വേ​ശം കൊ​ള്ളി​ക്കു​ക​യാ​യി​രു​ന്നു. ബാ​ബ​രി മ​സ്ജി​ദ് ത​ക​ര്‍ക്കാ​ന്‍ ഒ​ത്താ​ശ​ചെ​യ്ത ന​ര​സിം​ഹ​റാ​വു സ​ര്‍ക്കാ​ര്‍ പ​ത്തു നാ​ള്‍ ക​ഴി​ഞ്ഞ്, ത​ക​ര്‍ത്ത​ത്​ അ​ന്വേ​ഷി​ക്കാ​ന്‍ നി​യോ​ഗി​ച്ച ജ​സ്​​റ്റി​സ്​ ലി​ബ​ര്‍ഹാ​ന്‍ ക​മീ​ഷ​ന്‍ വി​ന​യ് ക​ത്യാ​റി​നൊ​പ്പം ച​മ്പ​ത് റാ​യി​ക്ക് ഗൂ​ഢാ​ലോ​ച​ന​യി​ലു​ള്ള പ​ങ്ക് എ​ടു​ത്തു​പ​റ​യു​ന്നു​ണ്ട്. പ​ത്ര​ക്കാ​രെ​യും പ​ള്ളി​യെ​യും ഒ​രേ​സ​മ​യം ആ​ക്ര​മി​ക്കു​ക​യെ​ന്ന​ത് മു​ന്‍കൂ​ട്ടി ആ​സൂ​ത്ര​ണം ചെ​യ്ത​തു പ്ര​കാ​ര​മാ​യി​രു​ന്നു​വെ​ന്നും ക​മീ​ഷ​ന്‍ വ്യ​ക്ത​മാ​ക്കി​യി​ട്ടു​ണ്ട്.

പ്ര​തി ഗ​വ​ര്‍ണ​റാ​യി; വ​ക്കീ​ല്‍ ജ​ഡ്ജി​യാ​യി

പ​ള്ളി പൊ​ളി​ക്കാ​ന്‍ ഒ​ത്താ​ശ ചെ​യ്ത​തി​ന് കോ​ട​തി​യ​ല​ക്ഷ്യ കേ​സ് നേ​രി​ട്ട ക​ല്യാ​ണ്‍ സി​ങ്​ പി​ന്നീ​ട്​ രാ​ജ​സ്ഥാ​ന്‍ ഗ​വ​ര്‍ണ​ര്‍ ആ​യ​പ്പോ​ള്‍ സി​ങ്ങി​നു​വേ​ണ്ടി വ​ക്കാ​ല​ത്ത് എ​ടു​ത്ത ക്രി​മി​ന​ല്‍ അ​ഭി​ഭാ​ഷ​ക​നാ​യ യു.​യു. ല​ളി​ത് സു​പ്രീം​കോ​ട​തി ജ​ഡ്ജി​യാ​യി. ബാ​ബ​രി ഭൂ​മി​ത​ര്‍ക്കം തീ​ര്‍പ്പാ​ക്കാ​നു​ള്ള ബെ​ഞ്ചി​ല്‍ മു​ന്‍ ചീ​ഫ് ജ​സ്​​റ്റി​സ്​ ഇ​തേ ജ​ഡ്ജി​യെ ഉ​ള്‍പ്പെ​ടു​ത്തി​യ​ത് സു​ന്നി വ​ഖ​ഫ് ബോ​ര്‍ഡ്​ അ​ഭി​ഭാ​ഷ​ക​ന്‍ രാ​ജീ​വ് ധ​വാ​ന്‍ ചോ​ദ്യം​ചെ​യ്ത​ത് ഇ​ത് ചൂ​ണ്ടി​ക്കാ​ട്ടി​യാ​യി​രു​ന്നു. സു​പ്രീം​കോ​ട​തി ഒ​രു ദി​വ​സം ത​ട​വി​നും 20,000 രൂ​പ പി​ഴ​ക്കും ക​ല്യാ​ണ്‍ സി​ങ്ങി​നെ പ്ര​തീ​കാ​ത്മ​ക​മാ​യി ശി​ക്ഷി​ച്ച​ത് ഈ ​കേ​സി​ലാ​യി​രു​ന്നു.

എ​ന്നാ​ല്‍, കേ​ന്ദ്ര​ത്തി​ല്‍ എ​ന്‍.​ഡി.​എ സ​ര്‍ക്കാ​ർ അ​ധി​കാ​ര​ത്തി​ല്‍ വ​ന്ന​തോ​ടെ കേ​സ് ദു​ര്‍ബ​ല​പ്പെ​ട്ടു. അ​ദ്വാ​നി​യ​ട​ക്ക​മു​ള്ള മു​തി​ര്‍ന്ന നേ​താ​ക്ക​ളെ വി​ചാ​ര​ണ കോ​ട​തി​യും ഹൈ​കോ​ട​തി​യും ഗൂ​ഢാ​ലോ​ച​ന കു​റ്റ​ത്തി​ല്‍നി​ന്ന് ഒ​ഴി​വാ​ക്കി​യി​ട്ടും വാ​ജ്പേ​യി സ​ര്‍ക്കാ​റി​നു​ശേ​ഷം വ​ന്ന യു.​പി.​എ സ​ര്‍ക്കാ​ര്‍ വേ​ണ്ട​തൊ​ന്നും ചെ​യ്യാ​തെ നീ​ട്ടി​ക്കൊ​ണ്ടു​പോ​യി. ഒ​ടു​വി​ല്‍ അ​വ​സാ​ന കാ​ല​ത്ത് ബി.​ജെ.​പി​ക്കെ​തി​രെ ന​ട​ത്തി​യ നീ​ക്ക​മാ​യി​രു​ന്നു അ​ദ്വാ​നി​യ​ട​ക്ക​മു​ള്ള​വ​രെ പ്ര​തി ചേ​ര്‍ക്കാ​ന്‍ സു​പ്രീം​കോ​ട​തി​യി​ല്‍ ന​ല്‍കി​യ അ​പേ​ക്ഷ. അ​ത് സു​പ്രീം​കോ​ട​തി അം​ഗീ​ക​രി​ച്ച​തി​നെ തു​ട​ര്‍ന്നാ​ണ് വി​ചാ​ര​ണ കോ​ട​തി​യി​ല്‍ അ​വ​ര്‍ വീ​ണ്ടും പ്ര​തി​ക​ളാ​യ​ത്. എ​ന്നാ​ല്‍, പി​ന്നീ​ട് വ​ന്ന മോ​ദി സ​ര്‍ക്കാ​ര്‍ വി​ചാ​ര​ണ ന​ട​ത്താ​തെ നീ​ട്ടി​യ​പ്പോ​ള്‍ ജ​സ്​​റ്റി​സ്​ രോ​ഹി​ങ്​​ട​ണ്‍ ന​രി​മാ​ന്‍ അ​ധ്യ​ക്ഷ​നാ​യ സു​പ്രീം​കോ​ട​തി ബെ​ഞ്ച് ഇ​ട​പെ​ട്ട് വി​ധി പ​റ​യാ​ന്‍ കാ​ല​യ​ള​വ് നി​ര്‍ണ​യി​ച്ചു. നി​ര​വ​ധി ത​വ​ണ നീ​ട്ടി​യ​തി​നൊ​ടു​വി​ല്‍ നി​ശ്ച​യി​ച്ച തീ​യ​തി​യാ​യി​രു​ന്നു സെ​പ്റ്റം​ബ​ര്‍ 30. സി.​ബി.​ഐ പ്ര​തി​ക​ളാ​ക്കി​യ 49 സം​ഘ്പ​രി​വാ​ര്‍ നേ​താ​ക്ക​ളി​ല്‍ ബാ​ൽ താ​ക്ക​റെ അ​ട​ക്കം 17 പേ​ര്‍ വി​ചാ​ര​ണ മൂ​ന്നു പ​തി​റ്റാ​ണ്ട് നീ​ണ്ട​പ്പോ​ഴേ​ക്കും മ​രി​ക്കു​ക​യും ചെ​യ്തി​രു​ന്നു.