Begin typing your search above and press return to search.
exit_to_app
exit_to_app
Homechevron_rightOpinionchevron_rightArticleschevron_rightബസ് ചാർജ് വർധന:...

ബസ് ചാർജ് വർധന: സർക്കാർ ബദൽ മാർഗങ്ങൾ തേടണം

text_fields
bookmark_border
ബസ് ചാർജ് വർധന: സർക്കാർ ബദൽ മാർഗങ്ങൾ തേടണം
cancel

ഇ​ന്ധ​ന വി​ല വ​ർ​ധ​ന​വി​െൻറ പ​ശ്ചാ​ത്ത​ല​ത്തി​ൽ ബ​സ് ചാ​ർ​ജ് വ​ർ​ധി​പ്പി​ക്കാ​തെ മ​റ്റൊ​രു നി​ർ​വാ​ഹ​വു​മി​ല്ലെ​ന്ന ബ​സു​ട​മ​ക​ളു​ടെ വാ​ദം അ​തേ​പ​ടി അം​ഗീ​ക​രി​ച്ച്​ ന​ട​പ്പി​ൽ വ​രു​ത്താ​ൻ സ​ർ​ക്കാ​ർ തീ​രു​മാ​നി​ച്ചി​രി​ക്കു​ന്നു. 'ചാ​ർ​ജ് വ​ർ​ധ​ന' എ​ന്ന ഒ​റ്റ​മൂ​ലി മാ​ത്ര​മാ​ണ് ഇ​ക്കാ​ല​മ​ത്ര​യും ഫെ​യ​ർ റി​വി​ഷ​ൻ ക​മ്മി​റ്റി​യും സ​ർ​ക്കാ​റി​ന് മു​ന്നി​ൽ​വെ​ച്ചി​ട്ടു​ള്ള​ത്. യാ​ത്ര​ക്കാ​ർ സം​ഘ​ടി​ത​ര​ല്ലാ​ത്ത​തു​കൊ​ണ്ട്, പൊ​ളി​ഞ്ഞു​പാ​ളീ​സാ​യി​രി​ക്കു​ന്ന ഇ​ക്കാ​ല​ത്തും അ​വ​രീ അ​മി​ത​ഭാ​രം ചു​മ​ക്കേ​ണ്ടി​വ​രും.

സ്വ​കാ​ര്യ ബ​സു​ട​മ​ക​ൾ ഒ​​ട്ടേ​റെ പ്ര​ശ്ന​ങ്ങ​ൾ നേ​രി​ടു​ന്നു​ണ്ട്. അ​ത് പ​രി​ഹ​രി​ക്കേ​ണ്ട​ത് സ​ർ​ക്കാ​ർ ത​ന്നെ​യാ​ണ്. കു​റ​ഞ്ഞ ചെ​ല​വി​ൽ പൊ​തു​ജ​ന​ത്തി​ന് ഗ​താ​ഗ​ത​സൗ​ക​ര്യം ഒ​രു​ക്കേ​ണ്ട​തും സ​ർ​ക്കാ​റാ​ണ്.

ഒ​രു ലി​റ്റ​ർ ഡീ​സ​ൽ വി​ല​യി​ൽ 25 രൂ​പ​യോ​ളം സ​ർ​ക്കാ​റി​​െൻറ നി​കു​തി വ​രു​മാ​ന​മാ​ണ്. സം​സ്ഥാ​ന ഇ​ന്ധ​ന നി​കു​തി​യി​ൽ​നി​ന്ന് സ്വ​കാ​ര്യ ബ​സു​ക​ൾ​ക്ക് അ​ൽ​പം കു​റ​ച്ചു​കൊ​ടു​ത്താ​ൽ ചാ​ർ​ജ് വ​ർ​ധ​ന​വി​ല്ലാ​തെ പ്ര​ശ്നം പ​രി​ഹ​രി​ക്കാ​വു​ന്ന​തേ​യു​ള്ളൂ. സ്ത്രീ​ക​ൾ​ക്കും വി​ദ്യാ​ർ​ഥി​ക​ൾ​ക്കും പൊ​തു​ഗ​താ​ഗ​ത സം​വി​ധാ​നം സൗ​ജ​ന്യ​മാ​ക്കി​യ ഡ​ൽ​ഹി​യെ​യും ത​മി​ഴ്നാ​ടി​നെ​യു​മാ​ണ് നാം ​മാ​തൃ​ക​യാ​ക്കേ​ണ്ട​ത്. ഇ​ന്ത്യ​യി​ൽ​ത​ന്നെ ഏ​റ്റ​വും കൂ​ടു​ത​ൽ മി​നി​മം ചാ​ർ​ജു​ള്ള സം​സ്ഥാ​നം കേ​ര​ള​മാ​ണ്. ലോ​ക​ത്തും രാ​ജ്യ​ത്തും പൊ​തു​ഗ​താ​ഗ​ത സം​വി​ധാ​നം ശ​ക്തി​പ്പെ​ടു​ത്താ​നു​ള്ള പ​ദ്ധ​തി​ക​ൾ ആ​സൂ​ത്ര​ണം ചെ​യ്യു​മ്പോ​ൾ കേ​ര​ളം തി​രി​ഞ്ഞു​ന​ട​ക്കു​ന്ന​ത് ദൂ​ര​വ്യാ​പ​ക പ്ര​ത്യാ​ഘാ​ത​ങ്ങ​ൾ​ക്ക് കാ​ര​ണ​മാ​കും.

പൊ​തു​ഗ​താ​ഗ​ത സം​വി​ധാ​ന​ങ്ങ​ളു​ടെ അ​മി​ത​ചാ​ർ​ജ് കാ​ര​ണം ഇ​രു​ച​ക്ര വാ​ഹ​ന​ങ്ങ​ള​ട​ക്ക​മു​ള്ള സ്വ​കാ​ര്യ വാ​ഹ​ന​ങ്ങ​ളി​ലേ​ക്ക് യാ​ത്ര​ക്കാ​ർ മാ​റി​ക്കൊ​ണ്ടി​രി​ക്കു​ക​യാ​ണ്. സാ​മ്പ​ത്തി​ക ലാ​ഭ​ത്തി​നൊ​പ്പം സ​മ​യ​ലാ​ഭ​വും മ​റ്റ് സൗ​ക​ര്യ​ങ്ങ​ളും യാ​ത്ര​ക്കാ​ർ​ക്ക് ല​ഭി​ക്കു​ന്നു.

ര​ണ്ടു​പേ​ർ അ​ടു​ത്ത ടൗ​ണി​ൽ പോ​യി തി​രി​ച്ചു​വ​ര​ണ​മെ​ങ്കി​ൽ ബ​സി​ൽ ഇ​നി 40 രൂ​പ വേ​ണം. ടൂ​വി​ല​റി​ൽ ഇ​തി​െൻറ പ​കു​തി ചെ​ല​വു​പോ​ലും വ​രി​ല്ല. സ​ത്യ​ത്തി​ൽ ചാ​ർ​ജ് വ​ർ​ധ​ന സ്വ​കാ​ര്യ ബ​സു​ക​ള​ട​ക്ക​മു​ള്ള പൊ​തു​ഗ​താ​ഗ സം​വി​ധാ​ന​ങ്ങ​ളെ ന​ശി​പ്പി​ക്കു​ക​യാ​ണ് ചെ​യ്യു​ന്ന​ത്. കോ​വി​ഡ്​ പ​ശ്ചാ​ത്ത​ല​ത്തി​ൽ ന​ശി​ച്ചു​കൊ​ണ്ടി​രി​ക്കു​ന്ന പൊ​തു​ഗ​താ​ഗ​ത സം​വി​ധാ​ന​ത്തി​ലേ​ക്ക് പൊ​തു​ജ​ന​ത്തെ ആ​ക​ർ​ഷി​ക്കാ​നു​ള്ള പ​ദ്ധ​തി​ക​ൾ സ​ർ​ക്കാ​റും ബ​സു​ട​മ​ക​ളും ആ​സൂ​ത്ര​ണം ചെ​യ്യേ​ണ്ട സ​ന്ദ​ർ​ഭ​മാ​ണി​പ്പോ​ൾ.

റോ​ഡു​ക​ളെ​ല്ലാം സ്വ​കാ​ര്യ വാ​ഹ​ന​ങ്ങ​ൾ​കൊ​ണ്ട് നി​റ​ഞ്ഞി​രി​ക്കു​ന്നു. ഗ​താ​ഗ​ത​ക്കു​രു​ക്കി​നൊ​പ്പം അ​ന്ത​രീ​ക്ഷ മ​ലി​നീ​ക​ര​ണ​വും വ​ർ​ധി​ക്കു​ന്നു, അ​പ​ക​ട​ങ്ങ​ളും. ക​ഴി​ഞ്ഞ വ​ർ​ഷം 98 ശ​ത​മാ​നം വാ​ഹ​ന​ങ്ങ​ളും സ്വ​കാ​ര്യ മേ​ഖ​ല​യി​ലാ​ണ് ര​ജി​സ്​​റ്റ​ർ ചെ​യ്തി​ട്ടു​ള്ള​ത്.

വി​ദ്യാ​ർ​ഥി​ക​ളു​ടെ ചാ​ർ​ജ് വ​ർ​ധ​ന​വാ​ണ് മ​റ്റൊ​രാ​വ​ശ്യം. വി​ദ്യാ​ർ​ഥി​ക​ൾ ക​യ​റു​ന്ന​തു മൂ​ലം വ​രു​മാ​നം ഇ​ടി​യു​ന്നു​വെ​ന്ന മ​ട്ടി​ലെ അ​സ​ത്യ പ്ര​ചാ​ര​ണം ബ​സു​ട​മ​ക​ളു​ടെ ഭാ​ഗ​ത്തു​നി​ന്ന്​ കു​റ​ച്ചു വ​ർ​ഷ​മാ​യി വ്യാ​പ​ക​മാ​ണ്. വി​ദ്യാ​ർ​ഥി​ക​ൾ​ക്ക്​ പ​ല സം​സ്​​ഥാ​ന​ങ്ങ​ളി​ലും യാ​ത്ര സൗ​ജ​ന്യ​മാ​ണ്. ഇ​വി​ടെ പ​ണം ന​ൽ​കി​യാ​ണ്​ അ​വ​ർ യാ​ത്ര ചെ​യ്യു​ന്ന​ത്. എ​ന്നാ​ൽ, ര​ണ്ടാം​കി​ട​ക്കാ​രെ​പ്പോ​ലെ ക​ടു​ത്ത അ​വ​ഹേ​ള​നം സ​ഹി​ച്ചാ​ണ്​ അ​വ​ർ യാ​ത്ര ചെ​യ്യേ​ണ്ടി​വ​രു​ന്ന​ത്.

ജ​ന​ങ്ങ​ൾ​ക്ക് യാ​ത്രാ​സൗ​ക​ര്യം ഒ​രു​ക്കി​ക്കൊ​ടു​ക്കേ​ണ്ട​തും അ​വ​രെ ചൂ​ഷ​ണ​ത്തി​ൽ​നി​ന്ന് ര​ക്ഷി​ക്കേ​ണ്ട​തും സ​ർ​ക്കാ​ർ ത​ന്നെ​യാ​ണ്. ഫെ​യ​ർ​സ്​​റ്റേ​ജ് അ​പാ​ക​ത​കൂ​ടി പ​രി​ഹ​രി​ച്ച ശേ​ഷ​മേ ബ​സ് ചാ​ർ​ജ് വ​ർ​ധി​പ്പി​ക്കാ​വൂ എ​ന്ന് 1995 മു​ത​ൽ വി​വി​ധ കേ​സു​ക​ളി​ൽ ഹൈ​കോ​ട​തി ഉ​ത്ത​ര​വി​ട്ടി​ട്ടും സ​ഞ്ച​രി​ക്കാ​ത്ത ദൂ​ര​ത്തി​ന് യാ​ത്രാ​ക്കൂ​ലി ന​ൽ​കേ​ണ്ടി​വ​രു​ന്ന അ​സം​ഘ​ടി​ത യാ​ത്ര​ക്കാ​രു​ടെ ആ​വ​ലാ​തി​ക​ൾ​ക്ക് ഒ​രു പ​രി​ഹാ​ര​വും നാ​ളി​തു​വ​രെ ഉ​ണ്ടാ​യി​ട്ടി​ല്ല. മി​നി​മം ചാ​ർ​ജി​ൽ ര​ണ്ട് സ്​​റ്റേ​ജ് (5 കി.​മീ​റ്റ​ർ) യാ​ത്ര ചെ​യ്യാ​മാ​യി​രു​ന്ന​ത് കോ​വി​ഡി​െൻറ പ​ശ്ചാ​ത്ത​ല​ത്തി​ൽ ഒ​രു സീ​റ്റി​ൽ ഒ​രാ​ൾ എ​ന്ന നി​ബ​ന്ധ​ന വ​ന്ന​പ്പോ​ൾ 2020 ജൂ​ലൈ മാ​സം മു​ത​ൽ ഒ​രു സ്​​റ്റേ​ജാ​യി (ര​ണ്ട​ര കി.​മീ.) ചു​രു​ക്കി.

ഇ​പ്പോ​ൾ യാ​ത്ര​ക്കാ​രെ കു​ത്തി​നി​റ​ച്ചു​കൊ​ണ്ട് പോ​കു​മ്പോ​ഴും മി​നി​മം ചാ​ർ​ജി​ൽ ര​ണ്ട് സ്​​റ്റേ​ജി​നു​ള്ള യാ​ത്ര അ​നു​വ​ദി​ച്ചി​ട്ടി​ല്ല. ഇ​ത് തു​ട​രു​ക​യാ​ണെ​ങ്കി​ൽ പു​തി​യ ബ​സ് ചാ​ർ​ജ് വ​ർ​ധ​ന 28 ശ​ത​മാ​ന​ത്തി​ൽ അ​ധി​ക​മു​ള്ള ഭീ​മ​മാ​യ വ​ർ​ധ​ന​വാ​യി​രി​ക്കും വ​രാ​ൻ പോ​കു​ന്ന​ത്.

പൊ​തു​ഗ​താ​ഗ​ത സം​ര​ക്ഷ​ണ സ​മി​തി കേ​ര​ള ജ​ന​റ​ൽ സെ​ക്ര​ട്ട​റിയാണ്​ ലേഖകൻ

Show Full Article
TAGS:Bus fare hike 
News Summary - Bus fare hike: Government should look for alternatives
Next Story