മാ​യാ​വ​തി​യു​ടെ മ​ന​സ്സി​ലെ​ന്താ​ണ്?

നാ​ലു​ത​വ​ണ യു.​പി​യു​ടെ മു​ഖ്യ​മ​ന്ത്രി​യാ​യി​രു​ന്ന, ദേ​ശീ​യ രാ​ഷ്ട്രീ​യ​വൃ​ത്ത​ങ്ങ​ൾ സ​ദാ ഉ​റ്റു​നോ​ക്കി​യി​രു​ന്ന ബ​ഹു​ജ​ൻ സ​മാ​ജ് പാ​ർ​ട്ടി (ബി.​എ​സ്.​പി) മേ​ധാ​വി മാ​യാ​വ​തി മൂ​ന്നു​വ​ർ​ഷ​ത്തോ​ള​മാ​യി ത​​ന്റെ സാ​ന്നി​ധ്യ​മ​റി​യി​ക്കു​ന്ന​ത് ഇ​ട​ക്കി​ടെ പു​റ​ത്തി​റ​ക്കു​ന്ന ചി​ല വാ​ർ​ത്താ കു​റി​പ്പു​ക​ളും വ​ല്ല​പ്പോ​ഴും ചെ​യ്യു​ന്ന സ​മൂ​ഹ​മാ​ധ്യ​മ പോ​സ്റ്റു​ക​ളും വ​ഴി​യാ​ണ്. പ​ല സു​പ്ര​ധാ​ന വി​ഷ​യ​ങ്ങ​ളി​ലും പു​ല​ർ​ത്തി​യ മൗ​ന​വും കോ​ൺ​ഗ്ര​സി​നെ​യും സ​മാ​ജ്‌​വാ​ദി പാ​ർ​ട്ടി​യെ​യും കു​റ്റ​പ്പെ​ടു​ത്തി​ക്കൊ​ണ്ടു​ള്ള അ​വ​രു​ടെ പ​ല പ്ര​സ്താ​വ​ന​ക​ളും ബി.​ജെ.​പി​ക്ക് പ​രോ​ക്ഷ​മാ​യി നേ​ട്ട​മു​ണ്ടാ​ക്കി​ക്കൊ​ടു​ക്കാ​നു​ദ്ദേ​ശി​ച്ചു​ള്ള​താ​ണെ​ന്ന സം​ശ​യം ജ​ന​ങ്ങ​ൾ​ക്കി​ട​യി​ലു​യ​ർ​ന്നു.

ത​ല​ക്കു​മീ​തെ തൂ​ങ്ങി​ക്കി​ട​ക്കു​ന്ന കേ​സു​ക​ളു​ടെ ഭീ​തി​യി​ൽ ഭ​ര​ണ​ക​ക്ഷി​യു​ടെ ബി ​ടീം ച​മ​യാ​ൻ നി​ർ​ബ​ന്ധി​ത​മാ​വു​ക​യാ​ണ​വ​ർ എ​ന്നാ​യി​രു​ന്നു ഒ​രു വി​ല​യി​രു​ത്ത​ൽ. ക​ണ​ക്കി​ൽ​പ്പെ​ടാ​ത്ത സ്വ​ത്ത് സ​മ്പാ​ദ​നം ന​ട​ത്തി​യെ​ന്ന യു.​പി.​എ സ​ർ​ക്കാ​റി​ന്റെ കാ​ല​ത്ത് ആ​രം​ഭി​ച്ച ഒ​രു സി.​ബി.​ഐ കേ​സ് കു​രു​ക്കാ​യി കി​ട​പ്പു​ണ്ട്. പ​തി​റ്റാ​ണ്ടു​ക​ൾ മു​മ്പു​ള്ള എ​ഫ്.​ഐ.​ആ​റു​ക​ൾ പോ​ലും കു​ത്തി​പ്പൊ​ക്കി രാ​ഷ്ട്രീ​യ​മാ​യി ഉ​പ​യോ​ഗി​ക്കു​ന്ന ഭ​ര​ണ​കൂ​ടം ആ ​കേ​സു​പ​യോ​ഗി​ച്ച് ഞെ​രു​ക്കി​ല്ല എ​ന്ന് ഒ​രു ഉ​റ​പ്പു​മി​ല്ല. മാ​യാ​വ​തി രാ​ഷ്ട്രീ​യ​ത്തി​ൽ​നി​ന്ന് വി​ര​മി​ക്കാ​നൊ​രു​ങ്ങു​ന്നു എ​ന്ന ശ്രു​തി​പോ​ലും പ​ര​ന്നി​രു​ന്നു.

എ​ന്താ​യാ​ലും അ​ഭ്യൂ​ഹ​ങ്ങ​ൾ​ക്ക് താ​ൽ​ക്കാ​ലി​ക വി​രാ​മ​മാ​യി​രി​ക്കു​ന്നു. പൊ​തു​തെ​ര​ഞ്ഞെ​ടു​പ്പ് വി​ജ്ഞാ​പ​നം വ​ന്ന​തോ​ടെ പാ​ർ​ട്ടി​യു​ടെ സ്ഥാ​നാ​ർ​ഥി​ക​ളെ പ്ര​ഖ്യാ​പി​ച്ചും, നി​ല​പാ​ടു​ക​ൾ പ​റ​ഞ്ഞും രം​ഗ​ത്തു​വ​ന്നി​രി​ക്കു​ന്നു ബ​ഹ​ൻ​ജി. ഈ ​വെ​ളി​ച്ച​ത്തു​വ​ര​ൽ കൊ​ണ്ട് അ​വ​ർ പ്ര​ധാ​ന​മാ​യും ന​ൽ​കാ​നു​ദ്ദേ​ശി​ക്കു​ന്ന​ത് പ്ര​താ​പം മ​ങ്ങി​യെ​ങ്കി​ലും അ​സ്ത​മി​ച്ച് ഇ​ല്ലാ​താ​യി​ട്ടി​ല്ല എ​ന്ന സ​ന്ദേ​ശ​മാ​ണ്. 2004ൽ 19​ഉം, 2009ൽ 21​ഉം സീ​റ്റു​ക​ൾ നേ​ടി​യ ബി.​എ​സ്.​പി​ക്ക് ആ​ദ്യ മോ​ദി​ത​രം​ഗം വീ​ശി​യ 2014ൽ ​ഒ​രു സീ​റ്റു​പോ​ലും നേ​ടാ​നാ​യി​രു​ന്നി​ല്ല. എ​ന്നാ​ൽ, ക​ഴി​ഞ്ഞ പൊ​തു തെ​ര​ഞ്ഞെ​ടു​പ്പി​ൽ പ​ത്തു സീ​റ്റു​ക​ൾ സ്വ​ന്ത​മാ​ക്കി വീ​ണ്ടെ​ടു​പ്പു ന​ട​ത്തി പാ​ർ​ട്ടി.

സ​മാ​ജ്‍വാ​ദി പാ​ർ​ട്ടി​യു​മാ​യി ഉ​ണ്ടാ​ക്കി​യ സ​ഖ്യ​മാ​ണ് പൂ​ജ്യ​ത്തി​ൽ നി​ന്ന് പ​ത്തി​ലേ​ക്ക് ഉ​യ​രാ​ൻ ബി.​എ​സ്.​പി​യെ സ​ഹാ​യി​ച്ച​ത്. സ​മാ​ജ്‍വാ​ദി പാ​ർ​ട്ടി​യു​ടെ വോ​ട്ടു​ക​ൾ ബി.​എ​സ്.​പി പെ​ട്ടി​യി​ൽ വീ​ഴു​ന്നു​വെ​ന്നു​റ​പ്പാ​ക്കി മു​ലാ​യം സി​ങ് യാ​ദ​വും അ​ഖി​ലേ​ഷ് യാ​ദ​വും. എ​ന്നാ​ൽ, ബി.​എ​സ്.​പി വോ​ട്ടു​ക​ൾ എ​സ്.​പി സ്ഥാ​നാ​ർ​ഥി​ക​ൾ​ക്ക് കി​ട്ടു​ന്നി​ല്ലെ​ന്ന് ഉ​റ​പ്പാ​ക്കു​ന്ന​തി​ലാ​ണ് മാ​യാ​വ​തി ശ്ര​ദ്ധ​യൂ​ന്നി​യ​ത്. ഫ​ലം വ​ന്ന​പ്പോ​ൾ എ​സ്.​പി അ​ഞ്ച് സീ​റ്റി​ലൊ​തു​ങ്ങി. സ​മാ​ജ്‍വാ​ദി പാ​ർ​ട്ടി​യെ വി​മ​ർ​ശി​ക്കാ​ൻ അ​വ​ർ പ്ര​ക​ടി​പ്പി​ച്ച വേ​ഗ​ത ക​ണ്ട​പ്പോ​ഴാ​ണ് പ​ഴ​യ​കാ​ല ക​ണ​ക്കു​ക​ൾ തീ​ർ​ക്കാ​നാ​ണ് മാ​യാ​വ​തി സ​ഖ്യ​മു​ണ്ടാ​ക്കി​യ​ത് എ​ന്ന് വ്യ​ക്ത​മാ​യ​ത്. 1995ൽ ​മു​ലാ​യം സ​ർ​ക്കാ​റി​നു​ള്ള പി​ന്തു​ണ പി​ൻ​വ​ലി​ച്ച​തി​ന് പി​ന്നാ​ലെ സ​മാ​ജ്‍വാ​ദി ഗു​ണ്ട​ക​ൾ മാ​യാ​വ​തി​യെ​യും ബി.​എ​സ്.​പി നേ​താ​ക്ക​ളെ​യും ല​ഖ്നോ ഗെ​സ്റ്റ് ഹൗ​സി​ലി​ട്ട് ആ​ക്ര​മി​ച്ച​തു​ൾ​പ്പെ​ടെ ഒ​ട്ടേ​റെ പ​ക​യു​ടെ​യും പ​ക​രം​വീ​ട്ട​ലി​ന്റെ​യും ക​ണ​ക്കു​ക​ൾ അ​വ​ർ​ക്കി​ട​യി​ലു​ണ്ടാ​യി​രു​ന്നു.

2019നു​ശേ​ഷം ബി.​എ​സ്.​പി​യു​ടെ അ​വ​സ്ഥ തീ​ർ​ത്തും ശോ​ച്യ​മാ​യി. 403 അം​ഗ നി​യ​മ​സ​ഭ​യി​ൽ ഒ​രൊ​റ്റ അം​ഗം പോ​ലു​മി​ല്ലാ​ത്ത സ്ഥി​തി​യാ​യി. നേ​താ​ക്ക​ളി​ൽ പ​ല​രും ബി.​ജെ.​പി​യി​ലേ​ക്കും കോ​ൺ​ഗ്ര​സി​ലേ​ക്കും സ​മാ​ജ്‍വാ​ദി പാ​ർ​ട്ടി​യി​ലേ​ക്കു​പോ​ലും കാ​ലു​മാ​റി. ബി.​എ​സ്.​പി അ​നു​ഭാ​വി​ക​ളി​ൽ വ​ലി​യൊ​രു വി​ഭാ​ഗ​ത്തെ കൂ​​ടെ​നി​ർ​ത്തു​ക എ​ന്ന​ത് ഒ​രു അ​ജ​ണ്ട​ത​ന്നെ​യാ​ക്കി​മാ​റ്റി പ്ര​ധാ​ന​മ​ന്ത്രി ന​രേ​ന്ദ്ര മോ​ദി. ദ​ലി​ത​രി​ൽ വ​ലി​യൊ​രു വി​ഭാ​ഗം ത​ങ്ങ​ളു​ടെ ഭാ​വി​യും പ്ര​തീ​ക്ഷ​യു​മാ​യി ക​ണ്ട മാ​യാ​വ​തി​യു​ടെ ക​പ്പ​ൽ മു​ങ്ങു​ന്ന​താ​യി തോ​ന്നി​യ സ​ന്ദ​ർ​ഭ​ത്തി​ൽ മോ​ദി​യി​ൽ അ​വ​ർ ഒ​രു ന​ങ്കൂ​രം ക​ണ്ടെ​ത്തി. ആ​ത്യ​ന്തി​ക​മാ​യി, ഒ​രു ജാ​തി​യ​ധി​ഷ്‌​ഠി​ത സം​സ്ഥാ​ന​മാ​യ ഉ​ത്ത​ർ​പ്ര​ദേ​ശി​ലെ ‘ജാ​ത​വ്’ ദ​ലി​തു​ക​ളു​ടെ മാ​ത്രം വോ​ട്ടു​ബാ​ങ്ക് മാ​ത്ര​മാ​യി​ത്തീ​ർ​ന്നി​രി​ക്കു​ന്നു മാ​യാ​വ​തി. മ​റ്റു ദ​ലി​ത് വി​ഭാ​ഗ​ങ്ങ​ളും തീ​വ്ര പി​ന്നാ​ക്ക സ​മൂ​ഹ​ങ്ങ​ളും മ​റ്റു​മേ​ച്ചി​ൽ​പ്പു​റ​ങ്ങ​ൾ തേ​ടി​പ്പോ​യി​രി​ക്കു​ന്നു.

ദ​ലി​തു​ക​ൾ​ക്കു​പു​റ​മെ അ​തി പി​ന്നാ​ക്ക സ​മു​ദാ​യ​ങ്ങ​ളെ പാ​ർ​ട്ടി​യു​ടെ കു​ട​ക്കീ​ഴി​ലെ​ത്തി​ച്ച​ത് ബി.​എ​സ്.​പി സ്ഥാ​പ​ക​ൻ കാ​ൻ​ഷി​റാ​മാ​ണ്, അ​വ​ർ പാ​ർ​ട്ടി​യു​ടെ ഉ​റ​ച്ച പി​ൻ​ബ​ല​വു​മാ​യി​രു​ന്നു. എ​ന്നാ​ൽ, മാ​യാ​വ​തി​യു​ടെ ഉ​ദാ​സീ​ന​ത​യും നി​സ്സം​ഗ​ത​യും ശ​ക്ത​മാ​യ​തോ​ടെ എ​തി​രാ​ളി​ക​ൾ​ക്ക് എ​ളു​പ്പം സ്വ​ന്ത​മാ​ക്കാ​ൻ ക​ഴി​യു​ന്ന പി​ന്തു​ണ​ക്കാ​രാ​യി ഈ ​വി​ഭാ​ഗ​ങ്ങ​ൾ. സ​മാ​ജ്‍വാ​ദി പാ​ർ​ട്ടി​യും ഒ​രു വി​ഭാ​ഗ​ത്തെ ഒ​പ്പം നി​ർ​ത്തി​യെ​ങ്കി​ലും ഈ ​മാ​റ്റം കൊ​ണ്ട് ഏ​റ്റ​വും നേ​ട്ട​മു​ണ്ടാ​ക്കി​യ​ത് ബി.​ജെ.​പി​യാ​ണെ​ന്ന് നി​സ്സം​ശ​യം പ​റ​യാം. സ​വ​ർ​ണാ​ധി​പ​ത്യ പാ​ർ​ട്ടി​യാ​യ ബി.​ജെ.​പി ന​രേ​ന്ദ്ര മോ​ദി​യു​ടെ രാ​ഷ്ട്രീ​യ കൗ​ശ​ല​ത്തി​ന്റെ​യും വ​ശീ​ക​ര​ണ വൈ​ദ​ഗ്ധ്യ​ത്തി​ന്റെ​യും ബ​ല​ത്തി​ൽ പൊ​ടു​ന്ന​നെ, അ​വ​ഗ​ണി​ക്ക​പ്പെ​ട്ട തീ​വ്ര പി​ന്നാ​ക്ക​ക്കാ​രു​ടെ സ​ങ്കേ​ത​മാ​യി മാ​റി. ഫ​ലം കാ​ണു​മെ​ന്ന് ഒ​രു​റ​പ്പു​മി​ല്ലെ​ങ്കി​ലും അ​വ​സാ​ന നി​മി​ഷ​ത്തി​ൽ ന​ഷ്ടം നി​ക​ത്താ​ൻ പ​റ്റു​ന്ന​തെ​ല്ലാം പ​യ​റ്റി​​നോ​ക്കാ​നു​ള്ള ശ്ര​മ​ത്തി​ലാ​ണ് മാ​യാ​വ​തി.

ലോ​ക്സ​ഭാ തെ​ര​ഞ്ഞെ​ടു​പ്പി​ൽ മു​സ്‍ലിം, ബ്രാ​ഹ്മ​ണ സ്ഥാ​നാ​ർ​ഥി​ക​ളെ ക​ള​ത്തി​ലി​റ​ക്കു​ന്ന​തൊ​ക്കെ ആ ​ശ്ര​മ​ത്തി​ന്റെ ഭാ​ഗ​മാ​ണ്. 2007ൽ ​ബ്രാ​ഹ്മ​ണ സ​മൂ​ഹ​ത്തെ പാ​ർ​ട്ടി​ക്കൊ​പ്പം നി​ർ​ത്തി​ക്കൊ​ണ്ടു​ള്ള സോ​ഷ്യ​ൽ എ​ൻ​ജി​നീ​യ​റി​ങ് പ​രീ​ക്ഷി​ച്ച ഘ​ട്ട​ത്തി​ലാ​ണ് ബി.​എ​സ്.​പി​ക്ക് ഏ​റ്റ​വു​മ​ധി​കം നേ​ട്ട​മു​ണ്ടാ​യ​തും മ​റ്റാ​രു​ടെ​യും പി​ന്തു​ണ​യി​ല്ലാ​തെ മാ​യാ​വ​തി യു.​പി​യി​ൽ അ​ധി​കാ​ര​ത്തി​ലേ​റി​യ​തും. അ​തി​നു​മു​മ്പ് മൂ​ന്നു​വ​ട്ടം ബി.​ജെ.​പി പി​ന്തു​ണ​യോ​ടെ മു​ഖ്യ​മ​ന്ത്രി പ​ദം സ്വ​ന്ത​മാ​ക്കി​യി​രു​ന്നു​വെ​ങ്കി​ലും അ​തെ​ല്ലാം അ​ൽ​പാ​യു​സ്സാ​യി​രു​ന്നു.

പ​ണം​വാ​ങ്ങി മാ​ത്രം പാ​ർ​ട്ടി ടി​ക്ക​റ്റ് ന​ൽ​കു​ന്നു​വെ​ന്ന് പ​ര​​ക്കെ ആ​ക്ഷേ​പി​ക്ക​പ്പെ​ടു​ന്ന ബി.​എ​സ്.​പി എ​ൻ.​ഡി.​എ​യു​ടെ​യോ ഇ​ൻ​ഡ്യ സ​ഖ്യ​ത്തി​ന്റെ​യോ ഭാ​ഗ​മ​ല്ലാ​തെ രം​ഗ​പ്ര​വേ​ശം ന​ട​ത്തു​ന്ന​ത് പാ​ർ​ട്ടി​യെ വീ​ണ്ടും പാ​ള​ത്തി​ൽ നി​ർ​ത്താ​നാ​ണോ അ​തോ മ​റ്റെ​ന്തെ​ങ്കി​ലും മ​ന​സ്സി​ൽ ക​ണ്ടാ​ണോ എ​ന്ന കാ​ര്യം സം​ശ​യാ​സ്പ​ദ​മാ​ണ്. ബി.​എ​സ്.​പി നി​ർ​ത്തു​ന്ന മു​സ്‍ലിം, ബ്രാ​ഹ്മ​ണ സ്ഥാ​നാ​ർ​ഥി​ക​ൾ ചോ​ർ​ത്തു​ക ഇ​ൻ​ഡ്യ സ​ഖ്യ​ത്തി​ന്റെ വോ​ട്ടു​ക​ളാ​വു​മെ​ന്നു​റ​പ്പ്, അ​തു​കൊ​ണ്ട് നേ​ട്ട​മു​ണ്ടാ​കു​ന്ന​ത് ആ​ർ​ക്കാ​യി​രി​ക്കു​മെ​ന്ന് കൂ​ടു​ത​ൽ പ​റ​യേ​ണ്ട​തി​ല്ല​ല്ലോ.