സ​മ​ര​ക​വി​ത

റെ​യ്ഡ്, കേ​സ്, അ​റ​സ്റ്റ്- വ​ഴ​ങ്ങി​ല്ലെ​ന്നു ക​രു​തു​ന്ന​വ​രെ വ​രു​തി​യി​ൽ കൊ​ണ്ടു​വ​രാ​ൻ കേ​ന്ദ്രം വാ​ഴു​വോ​ർ ന​ട​ത്തു​ന്ന എ​ളു​പ്പ​വ​ഴി ക്രി​യ​യു​ടെ മൂ​ന്ന് പ​ടി​ക​ളാ​ണി​ത്. ഫ​ല​സി​ദ്ധി​യു​ടെ തോ​ത് വ​ർ​ധി​ച്ച​തോ​ടെ ക​ശ്മീ​ർ മു​ത​ൽ ക​ന്യാ​കു​മാ​രി വ​രെ ഈ ​ക്രി​യ വ്യാ​പി​പ്പി​ച്ചു. ഇ.​ഡി, സി.​ബി.​ഐ, എ​ൻ.​ഐ.​എ, എ​ൻ.​സി.​ബി തു​ട​ങ്ങി​യ ഏ​ജ​ൻ​സി​ക​ളെ​ല്ലാം കാ​ലാ​ൾ​പ​ട​പോ​ലെ അ​ധി​ക​വേ​ല ചെ​യ്യു​ന്ന​തി​നാ​ൽ ഭ​ര​ണ​കൂ​ട​ത്തി​ന് ശ​ത്രു​സം​ഹാ​രം, വ​ശീ​ക​ര​ണം, ധ​നാ​ക​ർ​ഷ​ണം എ​ല്ലാം എ​ന്തെ​ളു​പ്പം! മ​ന്ത്രി​സ​ഭ​ക​ളും മു​ന്ന​ണി​ക​ളും മാ​റി​മ​റി​യു​ന്നു, ഇ​ന്ന​ലെ​വ​രെ കേ​ന്ദ്ര​ത്തി​ന്റെ അ​ന്യാ​യ​ങ്ങ​ൾ​ക്കെ​തി​രെ ശ​ബ്ദി​ച്ച മാ​ധ്യ​മ​ങ്ങ​ൾ പൊ​ടു​ന്ന​നെ വാ​ഴ്ത്തു​പാ​ട്ടു​കാ​രാ​കു​ന്നു, പ്ര​ധാ​ന​മ​ന്ത്രി​ക്കെ​തി​രെ സ​മൂ​ഹ​മാ​ധ്യ​മ​ത്തി​ലി​ട്ട കു​റി​പ്പ് നൂ​റു ലൈ​ക് തി​ക​ക്കും മു​മ്പേ പോ​സ്റ്റ്മാ​ൻ ഓ​ൺ​ലൈ​ൻ ക​ർ​സേ​വ​ക​നാ​യി മാ​റു​ന്നു. ആം​ബു​ല​ൻ​സി​ന്റെ സൈ​റ​ൺ റെ​യ്ഡ് സം​ഘ​ത്തി​ന്റെ വാ​ഹ​ന​ത്തി​ന്റേ​താ​ണെ​ന്ന് ധ​രി​ച്ച് പേ​ടി​ച്ചു​വ​ശാ​യി പാ​ർ​ട്ടി മാ​റി ബി.​ജെ.​പി​യി​ലെ​ത്തി​യ നേ​താ​ക്ക​ൾ വ​രെ​യു​ണ്ടാ​യി. എ​ന്നാ​ൽ, റെ​യ്ഡും സ​മ​ൻ​സും ക​ണ്ട് വ​ഴ​ങ്ങു​ന്ന പേ​ടി​ക്കു​ട​ല​ൻ​മാ​ർ മാ​ത്ര​മ​ല്ല ഇ​ന്നാ​ട്ടി​ൽ പൊ​തു​പ്ര​വ​ർ​ത്ത​ന​വും രാ​ഷ്ട്രീ​യ​വും പ​യ​റ്റു​ന്ന​തെ​ന്ന് ഓ​ർ​മ​പ്പെ​ടു​ത്തു​ക​യാ​ണ് പെ​ണ്ണൊ​രു​ത്തി; കാ​ൽ​വ​കു​ണ്ട്‍ല ക​വി​ത എ​ന്ന തെ​ല​ങ്കാ​ന​ക്കാ​രി.

കൊ​ച്ചു​നാ​ൾ മു​ത​ലേ ക​ണ്ടു​വ​ള​രു​ന്ന​താ​യ​തു​കൊ​ണ്ട് സ​മ​ര​വും പ്ര​തി​​ഷേ​ധ​വും അ​റ​സ്റ്റു​മൊ​ന്നും പു​തു​ത​ല്ല തെ​ല​ങ്കാ​ന മു​ഖ്യ​ൻ കെ. ​ച​ന്ദ്ര​ശേ​ഖ​ർ റാ​വു (കെ.​സി.​ആ​ർ)​വി​ന്റെ മ​ക​ൾ​ക്ക്. സ​തേ​ൺ മി​സി​സി​പ്പി സ​ർ​വ​ക​ലാ​ശാ​ല​യി​ലെ പ​ഠ​ന​ശേ​ഷം യു.​എ​സി​ൽ​ത​ന്നെ ജോ​ലി​യും വി​വാ​ഹ​ജീ​വി​ത​വു​മൊ​ക്കെ​യാ​യി മു​ന്നോ​ട്ടു​പോ​ക​വെ​യാ​ണ് 2006ൽ ​തെ​ല​ങ്കാ​ന സം​സ്ഥാ​നം അ​നു​വ​ദി​ക്കു​ന്ന​തി​ൽ കേ​ന്ദ്ര​ത്തി​ന് ആ​ത്മാ​ർ​ഥ​ത​യി​ല്ലെ​ന്ന് ചൊ​ടി​ച്ച് യു.​പി.​എ സ​ർ​ക്കാ​റി​ലെ തൊ​ഴി​ൽ​മ​ന്ത്രി​പ്പ​ണി വി​ട്ടെ​റി​ഞ്ഞ് പി​താ​വ് വീ​ട്ടി​ലേ​ക്ക് വ​രു​ന്ന​ത്. അ​ടു​ത്ത വി​മാ​നം പി​ടി​ച്ച് ഹൈ​ദ​രാ​ബാ​ദി​ൽ വ​ന്നി​റ​ങ്ങി​യ ക​വി​ത അ​ന്നു​മു​ത​ൽ ഓ​രോ ദൗ​ത്യ​വും മു​ന്നോ​ട്ടു​കൊ​ണ്ടു​പോ​കാ​ൻ കെ.​സി.​ആ​റി​ന്റെ നി​ഴ​ലാ​യി ന​ട​ന്നു. തെ​ല​ങ്കാ​ന എ​ന്ന സ്വ​പ്നം ആ​ളി​ക്ക​ത്തി​ക്കാ​ൻ തെ​ല​ങ്കാ​ന രാ​ഷ്ട്ര​സ​മി​തി(​ടി.​ആ​ർ.​എ​സ്)​യു​ടെ കൊ​ടി​യും പി​ടി​ച്ച് ഗ്രാ​മ​ഗ്രാ​മാ​ന്ത​ര​ങ്ങ​ൾ സ​ഞ്ച​രി​ച്ചു, അ​വി​ട​ത്തെ മ​നു​ഷ്യ​രു​ടെ സ്വ​പ്ന​ങ്ങ​ളും സ​ങ്ക​ട​ങ്ങ​ളു​മെ​ന്തെ​ന്ന് നേ​രി​ട്ട​റി​ഞ്ഞു. തെ​ല​ങ്കാ​ന ജാ​ഗ്ര​തി എ​ന്ന സ​ന്ന​ദ്ധ സം​ഘ​ട​ന​യു​ണ്ടാ​ക്കി എ​ല്ലാ വേ​ദ​ന​ക്കും ശ​മ​ന​മു​ണ്ടാ​കു​മെ​ന്ന് വാ​ക്കു​കൊ​ടു​ത്തു. പി​ന്നെ​യും മൂ​ന്നു വ​ർ​ഷം ക​ഴി​ഞ്ഞാ​ണ് ഏ​ട്ട​നും ഇ​പ്പോ​ൾ തെ​ല​ങ്കാ​ന വാ​ണി​ജ്യ​മ​ന്ത്രി​യു​മാ​യ കെ.​ടി.​രാ​മ​റാ​വു തെ​ര​ഞ്ഞെ​ടു​പ്പി​ൽ അ​ങ്കം കു​റി​ക്കു​ന്ന​ത്. സ​മ​ര​ങ്ങ​ൾ​ക്കും സ​മ്മ​ർ​ദ​ങ്ങ​ൾ​ക്കു​മൊ​ടു​വി​ൽ 2014ൽ ​തെ​ല​ങ്കാ​ന യാ​ഥാ​ർ​ഥ്യ​മാ​വു​ക​യും കെ.​സി.​ആ​ർ പ്ര​ഥ​മ മു​ഖ്യ​മ​ന്ത്രി​യാ​വു​ക​യും ചെ​യ്ത​പ്പോ​ൾ സം​സ്ഥാ​ന​ത്തെ സു​പ്ര​ധാ​ന മ​ണ്ഡ​ല​ങ്ങ​ളി​ലൊ​ന്നാ​യ നി​സാ​മാ​ബാ​ദി​നെ പ്ര​തി​നി​ധാ​നം​ചെ​യ്ത് ലോ​ക്സ​ഭ​യി​ലേ​ക്ക് പോ​യ​തും ക​വി​ത. ഗു​ജ​റാ​ത്തും മ​ഹാ​രാ​ഷ്ട്ര​യു​മെ​ല്ലാം വാ​ഴു​ന്ന വ്യാ​പാ​ര ലോ​ക​ത്ത് തെ​ല​ങ്കാ​ന എ​ന്ന ബ്രാ​ൻ​ഡി​നെ പ​ട​ർ​ത്തി​യെ​ടു​ക്കാ​ൻ പി​താ​വി​നൊ​പ്പം നി​ന്നു. തെ​ല​ങ്കാ​ന​യി​ലെ സ്ത്രീ​ക​ളു​ടെ ന​വ​രാ​ത്രി​കാ​ല പു​ഷ്പോ​ത്സ​വ​മാ​യ ബാ​ത്തു​ക​മ്മ കാ​ണാ​ൻ പു​റം​നാ​ടു​ക​ളി​ൽ​നി​ന്ന് സ​ഞ്ചാ​രി​ക​ളെ​യെ​ത്തി​ച്ചു. 2019ലെ ​മോ​ദി ത​രം​ഗ​ത്തി​ൽ മ​ണ്ഡ​ലം സം​ര​ക്ഷി​ക്കാ​നാ​യി​ല്ല. പി​ന്നെ​വ​ന്ന ആ​ദ്യ ഒ​ഴി​വി​ൽ നി​സാ​മാ​ബാ​ദി​ൽ നി​ന്ന് ലെ​ജി​സ്ലേ​റ്റി​വ് കൗ​ൺ​സി​ലി​ലേ​ക്ക് ജ​യി​ച്ചു​ക​യ​റി.

തെ​ല​ങ്കാ​ന​യു​ടെ ‘ഠ’ ​വ​ട്ട​ത്തി​ൽ​നി​ന്ന് രാ​ജ്യ​മാ​കെ പ​ട​രാ​നും ദേ​ശീ​യ രാ​ഷ്ട്രീ​യ​ത്തി​ൽ ഒ​രു കൈ ​നോ​ക്കാ​നും ല​ക്ഷ്യ​മി​ട്ട് ടി.​ആ​ർ.​എ​സി​നെ ഭാ​ര​ത രാ​ഷ്ട്ര സ​മി​തി (ബി.​ആ​ർ.​എ​സ്)​യാ​ക്കി​യ​തോ​ടെ​യാ​ണ് കേ​ന്ദ്ര​സ​ർ​ക്കാ​ർ ഏ​ജ​ൻ​സി​ക​ളു​ടെ വ​ണ്ടി​ക​ൾ കെ.​സി.​ആ​ർ വീ​ടി​നു ചു​റ്റും വ​ട്ട​മി​ടാ​ൻ തു​ട​ങ്ങി​യ​ത്. ബി.​ജെ.​പി ദേ​ശീ​യ എ​ക്സി​ക്യൂ​ട്ടി​വി​ന് ഹൈ​ദ​രാ​ബാ​ദി​ൽ വ​ന്നി​റ​ങ്ങി​യ പ്ര​ധാ​ന​മ​ന്ത്രി​യെ ട്രോ​ളു​ക​ൾ നി​റ​ഞ്ഞ ക​മാ​ന​ങ്ങ​ൾ​കൊ​ണ്ട് സ്വാ​ഗ​തം ചെ​യ്ത​തോ​ടെ ബി.​ജെ.​പി-​ബി.​ആ​ർ.​എ​സ് പോ​രി​ന് ഔ​ദ്യോ​ഗി​ക പ്ര​ഖ്യാ​പ​ന​മാ​യി. ‘ഞ​ങ്ങ​ൾ ബാ​ങ്കു​ക​ൾ മാ​ത്രം കൊ​ള്ള​യ​ടി​ക്കു​മ്പോ​ൾ താ​ങ്ക​ളീ രാ​ജ്യം മൊ​ത്തം കൊ​ള്ള​യ​ടി​ക്കു​ന്നു’ എ​ന്ന പ്ല​ക്കാ​ഡ് പി​ടി​ച്ച മ​ണി ഹീ​സ്റ്റ് ക​ഥാ​പാ​ത്ര​ങ്ങ​ളെ​ക്ക​ണ്ട് ബി.​ജെ.​പി​ക്കാ​രു​ടെ ച​ങ്ക് ക​ല​ങ്ങി. ജൂ​നി​യ​ർ വെ​ള്ളാ​പ്പ​ള്ളി മു​ഖേ​ന കോ​ടി​ക​ൾ ഇ​റ​ക്കി എം.​പി​മാ​രെ വാ​ങ്ങാ​നു​ള്ള നീ​ക്കം കെ.​സി.​ആ​ർ സം​ഘം കൈ​യോ​ടെ പി​ടി​ച്ച് പൊ​ളി​ച്ച​തോ​ടെ വാ​ശി​യും വി​രോ​ധ​വും ഏ​റി.

ഭ​ര​ണ​കൂ​ട​ത്തി​ന് ഇ​ഷ്ട​മി​ല്ലാ​ത്ത സ്റ്റാ​ൻ​സ്വാ​മി മു​ത​ൽ ഹാ​നി ബാ​ബു​വ​രെ വ്യ​ത്യ​സ്ത പ്ര​വ​ർ​ത്ത​ന​മ​ണ്ഡ​ല​ങ്ങ​ളി​ലെ പൊ​തു​പ്ര​വ​ർ​ത്ത​ക​രെ ഒ​റ്റ കേ​സി​ൽ കു​ടു​ക്കി ജ​യി​ലി​ലാ​ക്കി​യ അ​തേ പാ​റ്റേ​ണി​ൽ പ​ഥ്യ​മി​ല്ലാ​ത്ത രാ​ഷ്ട്രീ​യ​നേ​താ​ക്ക​ളെ ഒ​ന്നി​ച്ച് അ​ക​ത്തി​ടാ​നും പൊ​തു​തെ​ര​ഞ്ഞെ​ടു​പ്പ് എ​ത്തും​മു​ന്നേ ഓ​രോ സം​സ്ഥാ​ന​ത്തെ​യും ഭീ​ഷ​ണി​ക​ളെ ഒ​തു​ക്കാ​നു​മു​ള്ള തി​ര​ക്കി​ട്ട ഓ​പ​റേ​ഷ​നു​ക​ളാ​ണ് ഇ​പ്പോ​ൾ ന​ട​ക്കു​ന്ന​ത് എ​ന്നു​വേ​ണം ക​രു​താ​ൻ. ഡ​ൽ​ഹി​യി​ൽ ഉ​പ​മു​ഖ്യ​മ​ന്ത്രി​യും കെ​ജ്രി​വാ​ളി​ന്റെ ജി​ഗ​ർ ദോ​സ്തു​മാ​യി​രു​ന്ന മ​നീ​ഷ് സി​സോ​ദി​യ​യെ കു​ടു​ക്കി​യ അ​തേ മ​ദ്യ​ന​യ​ക്കേ​സി​ന്റെ ക​ണ്ണി​ക​ളെ ക​വി​ത​യി​ലേ​ക്ക് കൊ​ണ്ടെ​ത്തി​ച്ച​ത് പ​ല​തും തീ​രു​മാ​നി​ച്ചു​റ​പ്പി​ച്ചു​ത​ന്നെ​യാ​ണ്. എ​ന്നാ​ൽ, പ്രതീക്ഷിച്ച പോലെയങ് വർക്കായില്ല.

സി​സോ​ദി​യ​യെ അ​റ​സ്റ്റ് ചെ​യ്ത ഇ.​ഡി അ​വ​രെ ചോ​ദ്യം​ചെ​യ്യാ​ൻ സ​മ​ൻ​സ​യ​ച്ചു. പേ​ടി​ച്ചു​വി​റ​ച്ചി​ല്ല, പോ​യ​തു​മി​ല്ല- വ​നി​താ സം​വ​ര​ണ ബി​ൽ പാ​സാ​ക്ക​ണ​മെ​ന്നാ​വ​ശ്യ​പ്പെ​ട്ട് പ്ര​തി​ഷേ​ധ സ​മ​ര​ത്തി​ൽ പ​​ങ്കെ​ടു​ക്കാ​നു​ള്ള​തി​നാ​ൽ ചോ​ദ്യം​ചെ​യ്യ​ലി​ന് വ​രാ​ൻ അ​ന്ന് സ​മ​യ​മി​ല്ലെ​ന്ന് മ​റു​പ​ടി കൊ​ടു​ത്ത​യ​ച്ചു. കാ​ല​ങ്ങ​ൾ​ക്കു​ശേ​ഷ​മാ​കും വ​നി​താ സം​വ​ര​ണം ആ​വ​ശ്യ​പ്പെ​ട്ടു​ള്ള ഒ​രു സ​മ​രം ഇ​ത്ര പ്രാ​ധാ​ന്യ​പൂ​ർ​വം റി​പ്പോ​ർ​ട്ട് ചെ​യ്യ​പ്പെ​ടു​ന്ന​ത്. കേ​ര​ള​ത്തി​ൽ നി​ന്നു​ള്ള എം.​പി​മാ​രാ​യ ബി​നോ​യ് വി​ശ്വ​വും എ​ൻ.​കെ. പ്രേ​മ​ച​ന്ദ്ര​നും ജോ​ൺ ബ്രി​ട്ടാ​സു​മൊ​ക്കെ ഐ​ക്യ​ദാ​ർ​ഢ്യം ന​ൽ​കാ​നെ​ത്തി. സ​മ​യ​വും സാ​ഹ​ച​ര്യ​വും മു​ത​ലാ​ക്കി സ​ക​ല പ്ര​തി​പ​ക്ഷ പാ​ർ​ട്ടി​ക​ളെ​യും ഒ​രു​മി​ച്ചു​കൂ​ട്ടി കേ​ന്ദ്ര സ​ർ​ക്കാ​റി​നെ​തി​രെ ഐ​ക്യം തീ​ർ​ക്കാ​നും ഈ ​സ​ന്ദ​ർ​ഭം ന​ന്നാ​യി ഉ​പ​യോ​ഗി​ച്ചു. സ​മ​ര​ത്തി​ൽ കൂ​ടാ​ൻ കൂ​ട്ടാ​ക്കാ​തി​രു​ന്ന കോ​ൺ​​ഗ്ര​സി​നെ പ്രാ​ദേ​ശി​ക പാ​ർ​ട്ടി​യെ​ന്നും വി​ളി​ച്ചു.

ചോ​ദ്യം ചെ​യ്യ​ലു​ക​ൾ​ക്ക് ഹാ​ജ​രാ​യ ശേ​ഷം സ്ത്രീ​യെ​ന്ന നി​ല​യി​ൽ ത​നി​ക്ക് ല​ഭി​ക്കേ​ണ്ട അ​വ​കാ​ശ​ങ്ങ​ൾ ലം​ഘി​ക്ക​പ്പെ​ട്ട​തി​നെ​ക്കു​റി​ച്ച് പ​ര​മോ​ന്ന​ത കോ​ട​തി​യി​ൽ പ​രാ​തി കൊ​ടു​ത്തു. ക​വി​ത​യു​ടെ അ​ക്കൗ​ണ്ട​ന്റി​നെ ചോ​ദ്യം ചെ​യ്തി​ട്ടു​ണ്ട്, പാ​ർ​ട്ടി​യി​ലെ മ​റ്റു പ​ല ഉ​ന്ന​ത​രു​ടെ വി​ലാ​സ​ത്തി​ലേ​ക്കും വൈ​കാ​തെ സ​മ​ൻ​സു​ക​ൾ എ​ത്താ​നും മ​തി.

അ​വ​സാ​ന വി​ജ​യം ആ​ർ​ക്കാ​യി​രി​ക്കു​മെ​ന്ന് ഇ​പ്പോ​ൾ പ്ര​വ​ചി​ക്കു​ന്ന​തി​ൽ അ​ഭം​ഗി​യു​ണ്ട്. എ​ന്താ​യാ​ലും ഇ​തു​വ​രെ​യു​ള്ള ക​ളി വി​ല​യി​രു​ത്തി​യാ​ൽ സ്കോ​ർ ചെ​യ്ത​ത് സ​മ​ൻ​സി​നെ​പ്പോ​ലും സ​മ​ര​മാ​ക്കി മാ​റ്റി​യ ക​വി​ത ത​ന്നെ. തെ​ല​ങ്കാ​ന​ക്കാ​രു​ടെ ക​വി​ത​മ്മ ഉ​ത്ത​രേ​ന്ത്യ​ക്കാ​ർ​ക്കി​ട​യി​ൽ ക​വി​ത ദീ​ദി​യെ​ന്ന് ചി​ര​പ​രി​ചി​ത​യാ​യി​ക്ക​ഴി​ഞ്ഞി​രി​ക്കു​ന്നു. ഹൈ​ദ​രാ​ബാ​ദി​ലും നി​സാ​മാ​ബാ​ദി​ലും ഒ​തു​ങ്ങി​യി​രു​ന്ന രാ​ഷ്ട്രീ​യ വ്യ​വ​ഹാ​രം രാ​ജ്യം മു​ഴു​വ​ൻ വ്യാ​പി​പ്പി​ക്കാ​ൻ ഇ​തി​ലേ​റെ ന​ല്ല സ​ന്ദ​ർ​ഭ​മി​ല്ലെ​ന്ന് അ​വ​ർ ക​രു​തു​ന്നു​ണ്ട്. മോ​ദി​യെ ട്രോ​ളു​ന്ന ബി.​ആ​ർ.​എ​സി​ന്റെ കൂ​റ്റ​ൻ പോ​സ്റ്റ​റു​ക​ൾ തെ​ല​ങ്കാ​ന വി​ട്ട് അ​യ​ൽ സം​സ്ഥാ​ന​ങ്ങ​ളി​ലും പ്ര​ത്യ​ക്ഷ​പ്പെ​ട്ട​ത് അ​തി​ന്റെ തു​ട​ക്കം​ത​ന്നെ.