Begin typing your search above and press return to search.
exit_to_app
exit_to_app
Homechevron_rightOpinionchevron_rightArticleschevron_rightബ​ന്ധു​ക്ക​ൾ...

ബ​ന്ധു​ക്ക​ൾ ശ​ത്രു​ക്ക​ൾ

text_fields
bookmark_border
ബ​ന്ധു​ക്ക​ൾ ശ​ത്രു​ക്ക​ൾ
cancel

രാ​ഷ്ട്രീ​യ​ത്തി​ൽ സ്ഥി​ര​മാ​യി ശ​ത്രു​ക്ക​ളോ മി​ത്ര​ങ്ങ​ളോ ഇ​ല്ലെ​ന്ന്​ പ​റ​ഞ്ഞാ​ൽ ശ​രാ​ശ​രി ഇ​ന്ത്യ​ക്കാ​ര​ൻ ത​ൻെറ അ​നു​ഭ​വ മ​ണ്ഡ​ല​ത്തി​ൽ​നി​ന്നും മ​ന​സ്സി​ലാ​ക്കി​യെ​ടു​ത്ത ചി​ല യാ​ഥാ​ർ​ഥ്യ​ങ്ങ​ളു​ണ്ട്. രാ​ഷ്ട്രീ​യ ഗോ​ദ​യി​ലെ ചാ​ഞ്ചാ​ട്ട​ങ്ങ​ളു​ടെ​യും മ​റു​ക​ണ്ടം ചാ​ട​ലു​ക​ളെ​യും സാ​മാ​ന്യ​വ​ത്​​രി​ക്കു​ന്ന​തി​നു​ള്ള ന്യാ​യീ​ക​ര​ണ​മാ​ണ്​ ആ ​തി​യ​റി. ഉ​ദ്ധ​വ്​ താ​ക്ക​റെ​ക്ക്​ 'മ​തേ​ത​ര' പ​ട്ടം ല​ഭി​ക്കു​ന്ന​തും 'കോ​ഴ മാ​ണി' വി​ശു​ദ്ധ​നാ​കു​ന്ന​തു​മൊ​ക്കെ ആ ​സി​ദ്ധാ​ന്ത​ത്തി​ൻെറ ബ​ല​ത്തി​ലാ​ണ്. പ​ക്ഷേ, ശ​ശി ത​രൂ​രി​നെ​പ്പോ​ലു​ള്ള വി​ശ്വ​പൗ​ര​ൻ ഈ ​തി​യ​റി​യെ വാ​യി​ക്കു​ന്ന​ത്​ പ്രാ​യോ​ഗി​ക രാ​ഷ്ട്രീ​യ​ത്തി​ൻെറ അ​ടി​സ്ഥാ​ന​ത്തി​ല​ല്ല; തി​ക​ച്ചും നി​ല​പാ​ട്​ ത​റ​യി​ൽ​നി​ന്നു​കൊ​ണ്ടാ​ണ്. നെ​ഹ്​​റു​വാ​ണ്​ ഇ​ക്കാ​ര്യ​ത്തി​ൽ ത​രൂ​രി​ൻെറ മാ​തൃ​ക. അ​മേ​രി​ക്ക​ൻ ന​യ​ത​ന്ത്ര​ജ്ഞ​നോ​ട്​ ഒ​രി​ക്ക​ൽ നെ​ഹ്​​റു ഇ​ങ്ങ​നെ പ​റ​യു​ക​യു​ണ്ടാ​യി: ''നി​​ങ്ങ​​ളോ​​ടു യോ​​ജി​​ക്കു​​മ്പോ​​ൾ ഞാ​​ൻ നി​​ങ്ങ​​ൾക്കൊ​​പ്പ​​മാ​​ണ്, നി​​ങ്ങ​​ളോ​​ട് വി​​യോ​​ജി​​ക്കു​​മ്പോ​​ൾ നി​​ങ്ങ​​ൾക്കെ​​തി​​രേ​​യും. അ​​തു വി​​ഷ​​യ​​ങ്ങ​​ൾക്ക​​നു​​സ​​രി​​ച്ചാ​​ണ്''. പി​ണ​റാ​യി സ​ർ​ക്കാ​റി​ൻെറ കെ-റെ​യി​ൽ പ​ദ്ധ​തി മോ​ശ​മ​ല്ലെ​ന്ന ക​മ​ൻ​റ​ിറക്കി​യ​തും ഇ​ത​രസം​സ്ഥാ​ന​ങ്ങ​ളേ​ക്കാ​ൾ നി​ക്ഷേ​പ സൗ​ഹ​ദൃ​മാ​ണ്​ മ​ല​യാ​ള​മ​ണ്ണെ​ന്ന്​ പ​റ​ഞ്ഞ​തു​മെ​ല്ലാം നെ​ഹ്​​റൂവി​യ​ൻ ശൈ​ലി​യെ അ​നു​വ​ർ​ത്തി​ച്ചാ​യി​രു​ന്നു. പ​ക്ഷേ, നെ​ഹ്​​റു​വി​നെ എ​ന്നേ കൈ​യൊ​ഴി​ഞ്ഞ മു​ല്ല​പ്പ​ള്ളി-​മു​ര​ളീ​ധ​ര-​സു​ധാ​ക​രാ​ദി നേ​താ​ക്ക​ൾ​ക്കു​​ണ്ടോ ഇ​തു വ​ല്ലതും മ​ന​സ്സി​ലാ​കു​ന്നു? മൂ​ന്ന്​ ത​വ​ണ പാ​ർ​ല​മെ​ൻറി​ലെ​ത്തി​ച്ച പാ​ർ​ട്ടി​യെ മ​റ​ന്നു ത​രൂ​ർ അ​ഭി​പ്രാ​യം പ​റ​യു​ന്നു​വെ​ന്നാ​യി അ​വ​രു​ടെ പ​രി​ഭ​വം.

വി​ശ്വ​പൗ​ര​ത്വം ഉ​പേ​ക്ഷി​ച്ച്​ കോ​ൺ​ഗ്ര​സു​കാ​ര​നാ​യി പ​ണി തു​ട​ങ്ങി​യ നാ​ളു​തെ​ാട്ടേ ത​രൂ​രി​നെ വി​ടാ​തെ പി​ന്തു​ട​രു​ന്നൊ​രു പ്ര​ശ്ന​മാ​ണി​ത്. ടി​യാ​ൻ പ​റ​യു​ന്നതൊ​ന്നും ആ​ർ​ക്കും വേ​ണ്ട​തു​പോ​ലെ മ​ന​സ്സിലാ​കു​ന്നി​ല്ല. ക​ടി​ച്ചാ​ൽ ​​പൊ​ട്ടാ​ത്ത ഇം​ഗ്ലീ​ഷും മു​റി​യ​ൻ മ​ല​യാ​ള​വും ഒ​രു​പോ​ലെ പ്ര​ശ്ന​മാ​വു​ക​യാ​ണ്​ പ​ല സ​ന്ദ​ർ​ഭ​ങ്ങ​ളി​ലും. ര​ണ്ടാം യു.​പി.​എ കാ​ല​ത്ത്​ സ​ഭ ന​ട​ന്നു​കൊ​ണ്ടി​രി​ക്കെ, സ്പീ​ക്ക​റാ​യി​രു​ന്ന മീ​രാ​കു​മാ​ർ ഈ ​പ്ര​ശ്ന​ത്തെ മ​റ്റൊ​രു ത​ര​ത്തി​ൽ അ​വ​ത​രി​പ്പി​ച്ചി​ട്ടു​ണ്ട്​: ''ഭാ​ഷാ​പ​ര​മാ​യി ഈ ​സ​ഭ​ക്ക്​​ ര​ണ്ടു ദൗ​ർ​ബ​ല്യ​ങ്ങ​ളു​ണ്ട്. ഇം​ഗ്ലീ​ഷ്​ വേ​ണ്ട​ത്ര വ​ഴ​ങ്ങാ​ത്ത​തു​കൊ​ണ്ട്​ പ​ല അം​ഗ​ങ്ങ​ൾ​ക്കും സ​ഭ​യി​ൽ കൃ​ത്യ​മാ​യി ഇ​ട​​െപ​ടാ​നാ​കു​ന്നി​ല്ല. ര​ണ്ട്, ശ​ശി ത​രൂ​രി​നെ​പ്പോ​ലു​ള്ള​വ​ർ പ​റ​യു​ന്ന ഇം​ഗ്ലീ​ഷ്​ മ​റ്റാ​ർ​ക്കും മ​ന​സ്സി​ലാ​കു​ന്നു​മി​ല്ല''. ത​രൂ​ർ​ജി​യു​ടെ 'കാ​റ്റി​ൽ ക്ലാ​സ്'​ പ്ര​യോ​ഗ​മൊ​ക്കെ വ​ൻ ഹി​റ്റാ​യി നി​ൽ​ക്കു​ന്ന കാ​ല​മാ​ണ​തെ​ന്നു​കൂ​ടി ഓ​ർ​ക്ക​ണം. ഈ '​ഭാ​ഷാ പ്ര​തി​സ​ന്ധി' മ​ന​സ്സി​ലാ​ക്കി അ​ൽ​പം താ​ഴ്ന്നു​കൊ​ടു​ക്കാ​ൻ ത​രൂ​രും ത​യാ​റ​ല്ല; പ​ഴ​യ യു.​എ​ൻ പ്ര​താ​പം അ​തി​ന​നു​വ​ദി​ക്കു​ന്നി​ല്ല. 10 വ​ർ​ഷ​ത്തി​ന​പ്പു​റം, 2019ലെ ​തെ​ര​ഞ്ഞെ​ടു​പ്പ്​ പ്ര​ചാ​ര​ണ​കാ​ല​ത്തും ' കാ​റ്റി​ൽ ക്ലാ​സ്​' ​ശൈ​ലി​യി​ൽ മ​റ്റൊ​രു പ്ര​യോ​ഗം ന​ട​ത്തി. മ​ത്സ്യ​ത്തൊ​ഴി​ലാ​ളി​ക​ളോ​ട്​ വോ​ട്ട​ഭ്യ​ർ​ഥി​ച്ച​തി​ൻെറ അ​നു​ഭ​വം ട്വി​റ്റ​റി​ൽ കു​റി​ച്ച​തി​ങ്ങ​നെ: 'Found a lot of enthusiasm at the fish market even for a squeamishly vegetarian MP!' ചി​ല സൈ​ബ​ർ സ​ഖാ​ക്ക​ൾ ഡി​ക്​​ഷ​ന​റി നോ​ക്കി​യ​പ്പോ​ൾ squeamishly എ​ന്ന വാ​ക്കി​ന്​ 'ഓ​ക്കാ​നം' എ​ന്ന​ർ​ഥം ക​ണ്ടു. അ​വ​ര​ത്​ കൊ​ണ്ടു​പി​ടി​ച്ചാ​ഘോ​ഷി​ച്ചു; ത​രൂ​ർ മ​ത്സ്യ​ത്തൊ​ഴി​ലാ​ളി​ക​ളെ അ​പ​മാ​നി​ച്ചു​വെ​ന്നാ​രോ​പി​ച്ച്​ പ്ര​തി​ഷേ​ധ പ്ര​ക​ട​നം​വ​രെ ന​ട​ത്തി. മീ​ൻ മ​ണ​​മേ​റ്റാ​ൽ ത​നി​ക്ക്​ ഓ​ക്കാ​നം വ​രു​മെ​ന്ന്​ പ​റ​ഞ്ഞ​താ​യി ത​രു​രി​നെ ഉ​ദ്ധ​രി​ച്ച്​ പാ​ർ​ട്ടി പ​ത്രം വാ​ർ​ത്ത​യും ന​ൽ​കി. ശു​ദ്ധ വെ​ജി​റ്റേ​റി​യ​ൻ എ​ന്ന​ അർ​ഥ​ത്തി​ലേ ആ ​പ​ദം പ്ര​യോ​ഗി​ച്ചു​ള്ളൂ​വെ​ന്ന്​ നി​ഘ​ണ്ടു​നി​ര​ത്തി വി​ശ​ദീ​ക​രി​ച്ച​തോ​ടെ​യാ​ണ്​ വി​ഷ​യം ഏ​താ​ണ്ട്​ കെ​ട്ട​ട​ങ്ങി​യ​ത്.

അ​ന്ന്​ ഉ​റ​ഞ്ഞു തു​ള്ളി​യ സ​ഖാ​ക്ക​ളൊ​ക്കെ ഇ​ന്നി​പ്പോ​ൾ ത​രൂ​ർ പ​ക്ഷ​ത്താ​ണ്. കാ​ര​ണം, ​ര​ണ്ടാം പി​ണ​റാ​യി സ​ർ​ക്കാ​റി​ൻെറ അ​ഭി​മാ​ന​പ​ദ്ധ​തി​യാ​യ സെ​മി ഹൈ-​സ്പീ​ഡ് റെ​യി​ലി​ൻെറ 'ബ്രാ​ൻ​ഡ്​ അം​ബാ​സ​ഡ​റാ'​യി​ട്ടാ​ണ്​ അ​വ​രി​​പ്പോ​ൾ ത​രൂ​ർ​ജി​യെ കാ​ണു​ന്ന​ത്. പാ​ർ​ട്ടി​യു​ടെ സെ​മി കേ​ഡ​ർ സം​വി​ധാ​ന​മു​പ​യോ​ഗി​ച്ച്​ പ​ദ്ധ​തി​ക്കെ​തി​രെ സു​ധാ​ക​ര​നും സ​തീ​ശ​നും മു​ല്ല​പ്പ​ള്ളി​യു​മെ​ല്ലാം നാ​ട്ടു​കാ​രെ സം​ഘ​ടി​പ്പി​ച്ചു​കൊ​ണ്ടി​രി​ക്കു​ക​യാ​യി​രു​ന്നു. പ​രി​ഷ​ത്ത്​ പൂ​ർ​ണ​മാ​യും വ​ല​തു​ക​മ്യൂ​ണി​സ്റ്റു​ക​ൾ ഭാ​ഗി​ക​മാ​യും ഈ ​സം​ഘാ​ട​ന​ത്തി​നൊ​പ്പം നി​ന്ന​താ​ണ്. ന​വ​രാ​ഷ്ട്രീ​യ പ്ര​സ്ഥാ​ന​ങ്ങ​ളു​ടെ പി​ന്തു​ണ​യോ​ടെ വ​ലി​യ ജ​ന​കീ​യ സ​മ​ര​ങ്ങ​ൾ തു​ട​ങ്ങി​യ​തു​മാ​യി​രു​ന്നു. സ​മ​രം ന​ന്നാ​യി മു​ന്നോ​ട്ടു​പോ​ക​വെ, കേ​ന്ദ്ര​വും പ​ദ്ധ​തി​യോ​ട്​ പു​റം തി​രി​ഞ്ഞു. ഇ​തി​നി​ട​യി​ലാ​ണ്​ ത​രൂ​ർ മ​റു​ക​ണ്ടം ചാ​ടി​യ​ത്. കു​റ്റം പ​റ​ഞ്ഞി​ട്ട്​ കാ​ര്യ​മി​ല്ല. അ​ന​ന്ത​പു​രി​യെ ബാ​ഴ്​​സ​ലോ​ണ​യു​ടെ ഇ​ര​ട്ട ന​ഗ​ര​മാ​ക്കാ​ൻ തു​നി​ഞ്ഞി​റ​ങ്ങി​യ ആ​ളാ​ണ്​ ത​രൂ​ർ. ആ ​നി​ല​യി​ലേ​ക്കൊ​ന്നും വ​ള​ർ​ന്നി​ല്ലെ​ങ്കി​ലും ഇ​തു​പോ​ലു​ള്ള അ​തി​വേ​ഗ തീ​വ​ണ്ടി​ക​ളെ​ങ്കി​ലും നാ​ട്ടി​ലോ​​ട​ട്ടെ​യെ​ന്ന്​ പാ​വം ക​രു​തി​ക്കാ​ണും. അ​തു​കൊ​ണ്ടാ​ണ്, കെ-റെ​യി​ലി​നെ​തി​രെ യു.​ഡി.​എ​ഫ്​ എം.​പി​മാ​ർ പ്ര​ധാ​ന​മ​ന്ത്രി​ക്ക്​ ക​ത്തെ​ഴു​തി​യ​പ്പോ​ൾ അ​തി​ലൊ​പ്പു​വെ​ക്കാ​ഞ്ഞ​ത്. അ​തി​ൽ കോ​ൺ​ഗ്ര​സു​കാ​ർ പ​രി​ഭ​വ​പ്പെ​ട്ടി​ട്ട്​ കാ​ര്യ​മി​ല്ല. ചി​ല കോ​ൺ​ഗ്ര​സു​കാ​രു​ടെ ഭാ​ഷ​യി​ൽ പ​റ​ഞ്ഞാ​ൽ, തി​രു​വ​ന​ന്ത​പു​രം വ​ഴി ഇ​ന്ദ്ര​പ്ര​സ്ഥ​ത്തി​ലേ​ക്ക്​​ ഹൈ​ക​മാ​ൻ​ഡ്​ കെ​ട്ടി​യി​റ​ക്ക​ിയ സ​വി​ശേ​ഷ നേ​താ​വാ​ണ്​ ത​രൂ​ർ. അ​പ്പോ​ൾ, പ്ര​ധാ​ന​മ​ന്ത്രി​ക്കു​ള്ള ക​ത്തി​ൽ ത​രൂ​ർ ഒ​പ്പി​ട​ണ​മെ​ങ്കി​ൽ ചി​ല​പ്പോ​ൾ അ​തി​നാ​യി പ്ര​ത്യേ​ക അ​പേ​ക്ഷ അ​ദ്ദേ​ഹ​ത്തി​ന്​ സ​മ​ർ​പ്പി​ക്കേ​ണ്ടി വ​രും. അ​തി​ൽ മ​റ്റ്​ എം.​പി​മാ​ർ ഒ​പ്പി​ടു​ക​യും​വേ​ണം.

ഈ ​ത​ർ​ക്ക​മൊ​ക്കെ ക​ണ്ട്, ത​​രൂ​ർ കോ​ൺ​ഗ്ര​സ്​ വി​ടു​മോ എ​ന്നൊ​ക്കെ ചോ​ദി​ക്കു​ന്ന നി​ഷ്​​ക​ള​ങ്ക​രു​ണ്ടി​വി​ടെ. അ​ക്കൂ​ട്ട​ത്തി​ൽ ഇ​ട​തു​പ​ക്ഷ​ത്തു​ള്ള​വ​രു​മു​ണ്ട്. ധൈ​ര്യ​മു​ണ്ടെ​ങ്കി​ൽ, ത​രൂ​രി​നെ കോ​ൺ​ഗ്ര​സ്​ പു​റ​ത്താ​ക്ക​ട്ടെ എ​ന്നൊ​ക്കെ​യാ​ണ്​ ഇ​വ​രു​ടെ വെ​ല്ലു​വി​ളി. ത​രൂ​രി​നെ കൃ​ത്യ​മാ​യി മ​ന​സ്സി​ലാ​ക്കാ​ത്ത​തു​കൊ​ണ്ടാ​ണി​തെ​ന്ന്​ തോ​ന്നു​ന്നു. മു​മ്പും കോ​ൺ​ഗ്ര​സി​ന​ക​ത്തെ ക​ല​ഹ​പ്രി​യ​രി​ലൊ​രാ​ളാ​ണ്​ ത​രൂ​ർ. അ​ദ്ദേ​ഹ​ത്തി​ൻെറ പ​ച്ച പ​രി​ഷ്കാ​ര​ങ്ങ​ളു​ടെ പേ​രി​ൽ പാ​ർ​ട്ടി​യു​മാ​യി എ​ത്ര​യോ ത​വ​ണ ഉ​ട​ക്കി​യി​രി​ക്കു​ന്നു. അ​ന്നു മ​റു​ചേ​രി​യി​ൽ ബി.​ജെ.​പി​യും സം​ഘ്​​പ​രി​വാ​റു​മൊ​ക്കെ​യാ​യി​രു​ന്നു. മോ​ദി​യു​ടെ ഇ​സ്രാ​യേ​ൽ ബ​ന്ധ​മ​ട​ക്ക​മു​ള്ള വി​ദേ​ശ ന​യ​ങ്ങ​ളെ പി​ന്തു​ണ​ച്ച​പ്പോ​ൾ തി​രു​വ​ന​ന്ത​പു​ര​ത്ത്​ ഉ​പ​തെ​ര​ഞ്ഞെ​ടു​പ്പ്​ പ്ര​വ​ചി​ച്ച​വ​ർ വ​രെ​യു​ണ്ട്. 'ദേ, ​ത​രൂ​രി​പ്പോ​ൾ ബി.​ജെ.​പി​യി​ലെ​ത്തു'​മെ​ന്ന്​ അ​ക്കാ​ല​ത്ത്​ പ​റ​ഞ്ഞ​വ​ർ നി​ര​വ​ധി​യാ​ണ്. ത​രൂ​ർ എ​ങ്ങും​പോ​യി​ല്ലെ​ന്നു മാ​ത്ര​മ​ല്ല, സംഘ്​​​​പ​രി​വാ​റി​ൻെറ ഒ​ന്നാം ന​മ്പ​ർ ശ​ത്രു​വാ​കു​ക​കൂ​ടി ചെ​യ്തു. നോ​​​​​ട്ട്​ നി​​​​​രോ​​​​​ധ​​​​​ന​​​​​ത്തെ​യൊ​ക്കെ ത​രൂ​രി​നോ​ളം ക​​​​​ളി​​​​​യാ​​​​​ക്കി​​​​​യ​​​​ നേ​താ​ക്ക​ളു​ണ്ടാ​കു​മോ? ഒ​​​​​രാ​​​​​ളു​​​​​ടെ ര​​​​​ക്ത​​​​​മൂ​​​​​റ്റി​​​​​യ ശേ​​​​​ഷം അ​​​​​യാ​​​​​ളോ​​​​​ട്​ നൃ​​​​​ത്തം​​​​ചെ​​​​​യ്യാ​​​​​ൻ പ​​​​​റ​​​​​യു​​​​​ന്ന​​​​​തു​​​​​പോ​​​​​ലെ​​​​​യാ​​​​​ണ്​ മോ​​​​​ദി​​​​​യു​​​​​ടെ സാ​​​​​മ്പ​​​​​ത്തി​​​​​ക പ​​​​​രി​​​​​ഷ്​​​​​​കാ​​​​​ര​​​​​ങ്ങ​​​​​ളെ​​​​​ന്നാ​യി​രു​ന്നു നി​രീ​ക്ഷ​ണം. നിതി ആയോ​ഗ്​ റി​പ്പോ​ർ​ട്ടി​ൻെറ അ​ടി​സ്ഥാ​ന​ത്തി​ൽ 'കേ​ര​ളം ന​മ്പ​ർ വ​ൺ' എ​ന്ന്​ ട്വീ​റ്റ്​ ചെ​യ്ത​ത്​ പി​ണ​റാ​യി സ്തു​തി​യാ​യി​ട്ടാ​ണ്​ സു​ധാ​ക​ര​നെ​പ്പോ​ലെ സ​ഖാ​ക്ക​ളും ധ​രി​ച്ചി​രി​ക്കു​ന്ന​ത്. സൂ​ക്ഷ്മ​വി​ശ​ക​ല​ന​ത്തി​ൽ, അ​തു​പോ​ലും യോ​ഗി​ക്കും മോ​ദി​ക്കു​മു​ള്ള അ​ടി​യാ​ണ്.

ത​രൂ​ർ ഇ​ങ്ങ​നെ​യാ​ണ്​: വാ​ക്കു​ക​ൾ​ക്കും പ്ര​യോ​ഗ​ങ്ങ​ൾ​ക്കും അ​ർ​ഥ​ങ്ങ​ൾ പ​ല​താ​യി​രി​ക്കും. അ​ത്​ മ​ന​സ്സി​ലാ​യി​ല്ലെ​ങ്കി​ൽ വ​രി​ക​ൾ​ക്കി​ട​യി​ൽ കി​ട​ന്ന്​ വ​ട്ടം ക​റ​ങ്ങു​ക​യേ​യു​ള്ളൂ. ഈ ​ഭാ​ഷാ​പ്ര​തി​സ​ന്ധി മ​റി​ക​ട​ക്കാ​ൻ വ​ഴി​യൊ​ന്നേ​യു​ള്ളൂ: ഇ​രു​കൂ​ട്ട​രും അ​ൽ​പ​സ്വ​ൽ​പം വി​ട്ടു​വീ​ഴ്ച ചെ​യ്യു​ക. 'വി​ശ്വ​പൗ​ര​ൻ' എ​ന്ന നി​ല​യി​ൽ ത​രൂ​രി​ന്​ ചി​ല്ല​റ പ്രി​വി​ലേ​ജു​ക​ൾ ന​ൽ​കു​ന്ന​ത്​ പാ​ർ​ട്ടി​ക്ക്​ ഗു​ണ​​മേ ചെ​യ്യൂ. ഭാ​ഷ​യും പ്ര​യോ​ഗ​വു​മൊ​ക്കെ മ​യ​പ്പെ​ടു​ത്താ​ൻ ശ്ര​മി​ക്കു​ന്ന​ത്​ ത​രൂ​രി​നും ന​ല്ല​താ​ണ്. പ​ര​മ്പ​രാ​ഗ​ത കോ​ൺ​ഗ്ര​സ്​ നേ​താ​ക്ക​ളു​ടെ വാ​ക്കു​ക​ളു​ടെ​യും പ്ര​യോ​ഗ​ങ്ങ​ളു​ടെ​യും അ​ർ​ഥ​ത​ല​ങ്ങ​ൾ ത​രൂ​രും മ​ന​സ്സി​ലാ​ക്ക​ണം. അ​തി​നും വ​ലി​യ സാ​ധ്യ​ത​യാ​ണ്. 'അ​ടു​ത്ത ത​വ​ണ ശ​ശി ത​രൂ​ർ തി​രു​വ​ന​ന്ത​പു​ര​ത്ത് മ​ത്സ​രി​ച്ചാ​ൽ ഒ​രു കോ​ൺ​ഗ്ര​സു​കാ​ര​നും പ്ര​ച​ാര​ണ​ത്തി​നി​റ​ങ്ങി​ല്ല' എ​ന്ന ഉ​ണ്ണി​ത്താ​ൻ വ​ച​നംത​ന്നെ​യെ​ടു​ക്കു​ക. ചു​വ​രു​ണ്ടെ​ങ്കി​ലേ ചി​ത്രം വ​ര​​​ക്കാ​നാ​വൂ എ​ന്നാ​ണ​പ്പ​റ​ഞ്ഞ​തി​ന​ർ​ഥം. പ​ണ്ട്, ​ശം​ഖും​മു​ഖം തീ​ര​ത്തു​നി​ന്നും ഒ​രു ബ​ക്ക​റ്റ്​ ക​ട​ൽ​വെ​ള്ളം കോ​രി​യെ​ടു​ത്ത്​ അ​തി​ലെ തി​ര​ക​ളെ​ണ്ണി കാ​ണി​ച്ചു​കൊ​ടു​ത്താ​ണ്​ സ​ഖാ​വ്​ വി.​എ​സി​ന്​ ഈ ​ത​ത്ത്വം പി​ണ​റാ​യി വി​ജ​യ​ൻ മ​ന​സ്സിലാ​ക്കി​ക്കൊ​ടു​ത്ത​ത്. ഈ ​മ​ധ്യ​മ മാ​ർ​ഗം ഒ​രേ സ​മ​യം നി​ല​പാ​ടും ന​യ​ത​ന്ത്ര​വു​മാ​ണ്. പാ​ർ​ട്ടി​ക്ക​ക​ത്തെ​യും പു​റ​ത്തെ​യും തി​രു​ത്ത​ൽ​വാ​ദ​ത്തി​ന്​ ഏ​റ്റ​വും ന​ല്ല​തും അ​താ​യി​രി​ക്കും.

Show Full Article
TAGS:Sasi Tharoor 
News Summary - Article about sasi tharoor
Next Story