Begin typing your search above and press return to search.
exit_to_app
exit_to_app
Homechevron_rightOpinionchevron_rightArticleschevron_rightമാ​ണി ക​ളി​ച്ച​ത്...

മാ​ണി ക​ളി​ച്ച​ത് ത​മാ​ശ​യ​ല്ല

text_fields
bookmark_border
മാ​ണി ക​ളി​ച്ച​ത് ത​മാ​ശ​യ​ല്ല
cancel

മു​ന്ന​ണി വി​ട്ടു​പോ​യ മാ​ണി​ക്കു മു​ന്നി​ലും പി​ന്നി​ലും പാ​ലും പ​ഴ​വു​മാ​യി നി​ന്ന കോ​ൺ​ഗ്ര​സു​കാ​ർ  ഇ​നി വേ​റെ​വ​ഴി നോ​ക്കേ​ണ്ടി​വ​ന്നേ​ക്കാം. മു​ന്ന​ണി​യു​ടെ സ​ന്തു​ല​ന​വും സ​മ​തു​ല​ന​വും ത​ക​ർ​ന്ന​തി​നാ​ൽ മ​റ്റു പോം​വ​ഴി നോ​ക്കാ​തി​രി​ക്കാ​ൻ ഐ​ക്യ​ജ​നാ​ധി​പ​ത്യ മു​ന്ന​ണി​ക്കു പ​റ്റി​ല്ല. ഐ​ക്യ​ജ​നാ​ധി​പ​ത്യ മു​ന്ന​ണി​യെ​ന്നു പ​റ​യു​മ്പോ​ൾ കേ​ര​ള കോ​ൺ​ഗ്ര​സും മു​സ്​​ലിം ലീ​ഗും കോ​ൺ​ഗ്ര​സു​മാ​ണ്. മ​റ്റു ഘ​ട​ക​ക​ക്ഷി​ക​ൾ ഒ​രു​ത​രം അ​ല​ങ്കാ​ര​സാ​മ​ഗ്രി​ക​ൾ മാ​ത്രം. അ​തി​നാ​ൽ കേ​ര​ള കോ​ൺ​ഗ്ര​സി​െൻറ ഒ​രു ക​ഷ​ണ​മെ​ങ്കി​ലും കൂ​ടി​യേ തീ​രൂ. പി​ള​ർ​ത്തി​യി​ട്ടാ​യാ​ലും കോ​ൺ​ഗ്ര​സ്​ അ​തു സാ​ധി​ക്കാ​ൻ ശ്ര​മി​ക്കും.
 

പി​ള​ർ​ത്താ​തെ​ത​ന്നെ ഒ​രു പീ​സ്​ സം​ഘ​ടി​പ്പി​ച്ചു​കൂ​േ​ട എ​ന്നു ചോ​ദ്യം വ​രാം. അ​തെ, ഇ​ഷ്​​​ടം​പോ​ലെ​യു​ണ്ട്, കേ​ര​ള കോ​ൺ​ഗ്ര​സ്. ഏ​തു മു​ന്ന​ണി​ക്കും ഏ​തു പാ​ർ​ട്ടി​ക്കും സ​ഖ്യ​മു​ണ്ടാ​ക്കാ​ൻ പാ​ക​ത്തി​ൽ പ​രു​വ​പ്പെ​ട്ടു​നി​ൽ​ക്കു​ന്ന​വ അ​ക്കൂ​ട്ട​ത്തി​ലു​ണ്ട്. യു.​ഡി.​എ​ഫി​ൽ ജേ​ക്ക​ബ്​ ഗ്രൂ​പ്​ ഇ​പ്പോ​ഴേ​യു​ണ്ട്. പ​ക്ഷേ അ​ത​ല്ല, മു​ന്ന​ണി വി​ട്ടു​പോ​കു​മ്പോ​ൾ അ​തി​ൽ ഒ​രു ക​ഷ​ണ​ത്തെ അ​ട​ർ​ത്തി നി​ർ​ത്തി​യാ​ലേ യ​ഥാ​ർ​ഥ ചേ​രു​വ​യു​ടെ ഗ​ന്ധ​വും രു​ചി​യു​മു​ണ്ടാ​കൂ. അ​തി​നാ​ൽ മാ​ണി ഗ്രൂ​പ്പി​െൻറ ഒ​രു പീ​സ്​ വേ​ണം. ക​രു​ണാ​ക​ര​ൻ മു​ന്ന​ണി​നേ​താ​വാ​യി​രു​ന്ന കാ​ല​ത്ത് കേ​ര​ള കോ​ൺ​ഗ്ര​സ്​ പ​ല​ത​വ​ണ ക​ലാ​പ​ക്കൊ​ടി ഉ​യ​ർ​ത്തി​യി​ട്ടു​ണ്ട്. അ​പ്പോ​ഴൊ​ക്കെ മു​ൻ​ക​രു​ത​ൽ എ​ന്ന​നി​ല​യി​ൽ ക​രു​ണാ​ക​ര​ൻ അ​തി​ലെ ഒ​രു വി​ഭാ​ഗ​ത്തെ ത​ങ്ങ​ൾ​ക്ക​നു​കൂ​ല​മാ​ക്കി നി​ർ​ത്തി​യി​ട്ടു​ണ്ട്. പാ​ർ​ട്ടി മു​ന്ന​ണി വി​ടു​മ്പോ​ൾ അ​തു പി​ള​ർ​പ്പാ​ക്കു​ക​യും ഒ​രു​പ​ക്ഷം അ​വ​ശേ​ഷി​ക്കു​ക​യും ചെ​യ്തു​വ​ന്ന​തും അ​വ പ​ല പ​ല കേ​ര​ള കോ​ൺ​ഗ്ര​സ്​ ഗ്രൂ​പ്പു​ക​ളു​ടെ പേ​രി​ൽ അ​റി​യ​പ്പെ​ട്ട​തും അ​ങ്ങ​നെ​യാ​ണ്. ക​രു​ണാ​ക​ര​നു​മാ​യി പി.​സി. ജോ​ർ​ജ്​ പ​ല​കു​റി ഇ​ട​ഞ്ഞി​ട്ടു​ണ്ടെ​ങ്കി​ലും അ​ന്നൊ​ന്നും ജോ​ർ​ജി​െൻറ പേ​രി​ൽ ഒ​രു ഗ്രൂ​പ്​ ജ​നി​ച്ചി​ട്ടി​ല്ല.  പി​ൽ​ക്കാ​ല​ത്തു​മാ​ത്ര​മാ​ണ് സ്വ​ന്തം കാ​ലി​ൽ നി​ൽ​ക്കാ​നു​ള്ള ശേ​ഷി ജോ​ർ​ജി​നു​ണ്ടാ​യ​ത്.  ക​രു​ണാ​ക​ര​​െൻറ കാ​ല​ത്തും പ്ര​ശ്​​ന​ക്കാ​ര​നാ​യി​രു​ന്ന ജോ​ർ​ജി​നെ സ്നേ​ഹി​ച്ചു​കൊ​ണ്ടു​ത​ന്നെ ലീ​ഡ​ർ ഒ​തു​ക്കി​യി​ട്ടു​ണ്ട്.

1986-1987  ക​രു​ണാ​ക​ര ഭ​ര​ണ​കാ​ല​ത്ത് മാ​ണി-​ജോ​സ​ഫ് പോ​ര് രൂ​ക്ഷം. ജോ​സ​ഫ് പ​ക്ഷ​ത്താ​യി​രു​ന്ന പി.​സി. ജോ​ർ​ജ്​  മാ​ണി​ക്കെ​തി​രെ​യും മാ​ണി​യെ േപ്രാ​ത്സാ​ഹി​പ്പി​ച്ച ക​രു​ണാ​ക​ര​നെ​തി​രെ​യും ഒ​ളി​യ​മ്പു​ക​ൾ എ​യ്തു​കൊ​ണ്ടേ​യി​രു​ന്നു. പി​ന്നീ​ട് 87ലെ ​തെ​ര​ഞ്ഞെ​ടു​പ്പ്​ വ​ന്ന​പ്പോ​ൾ ക​രു​ണാ​ക​ര​​െൻറ സ​ഹാ​യം കൂ​ടാ​തെ പൂ​ഞ്ഞാ​റി​ൽ ജ​യി​ക്കാ​നാ​വി​ല്ലെ​ന്നാ​യി. ത​​െൻറ മ​ണ്ഡ​ല​ത്തി​ലേ​ക്ക് ക​രു​ണാ​ക​ര​നെ നി​ര​ന്ത​രം ക്ഷ​ണി​ച്ചു​കൊ​ണ്ടേ​യി​രു​ന്നു. ഒ​രു ദി​വ​സം ക​രു​ണാ​ക​ര​ൻ അ​വി​ടെ തെ​ര​ഞ്ഞെ​ടു​പ്പ്​ യോ​ഗ​ത്തി​നെ​ത്തി. ത​ന്നെ വി​മ​ർ​ശി​ക്കു​ന്ന പി.​സി. ജോ​ർ​ജി​നെ ശാ​രീ​രി​ക​മാ​യി നേ​രി​ടേ​ണ്ട കാ​ര്യ​മൊ​ന്നു​മി​ല്ലെ​ന്നു പ​റ​ഞ്ഞ ലീ​ഡ​ർ കോ​ൺ​ഗ്ര​സ്​ വോ​ട്ട​ർ​മാ​രോ​ട് ഒ​രു ചോ​ദ്യം​ചോ​ദി​ച്ചു: ‘‘കൊ​തു​കി​നെ കൊ​ല്ലാ​ൻ കോ​ടാ​ലി വേ​ണോ?’’ വോ​ട്ട​ർ​മാ​ർ​ക്ക് കാ​ര്യം പി​ടി​കി​ട്ടി. അ​ക്കു​റി ജോ​ർ​ജ്​ തോ​റ്റു. തു​ട​ർ​ന്ന്​ പ​ല സം​ഭ​വ​ങ്ങ​ളും അ​ര​ങ്ങേ​റി. ക​രു​ണാ​ക​ര​ൻ  പി​ന്നീ​ട് കേ​ര​ള കോ​ൺ​ഗ്ര​സി​നെ പി​ള​ർ​ത്തു​ക​യും മാ​ണി​യെ കൂ​ടെ നി​ർ​ത്തു​ക​യും ഏ​റെ​നാ​ൾ ജോ​സ​ഫ് ഗ്രൂ​പ്പി​നെ ത്രി​ശ​ങ്കു​വി​ലാ​ക്കു​ക​യും ചെ​യ്തു. ഏ​റെ​ക്ക​ഴി​ഞ്ഞാ​ണ് ജോ​സ​ഫി​ന് ഇ​ട​തു​മു​ന്ന​ണി​പ്ര​വേ​ശം ല​ഭി​ക്കു​ന്ന​ത്.

അ​തു പ​ഴ​യ​ക​ഥ. ഇ​ന്ന് ഈ​വ​ക ഡി​സാ​സ്​​റ്റ​ർ മാ​നേ​ജ്മ​െൻറി​നു പ​റ്റി​യ നേ​താ​ക്ക​ൾ ആ​രും കോ​ൺ​ഗ്ര​സി​ലി​ല്ല. മാ​ണി​ഗ്രൂ​പ്പി​നെ പി​ള​ർ​ത്താ​ൻ ചി​ല ശ്ര​മ​ങ്ങ​ൾ ന​ട​ക്കു​ന്നു. എ​ന്നാ​ൽ, ക​രു​ണാ​ക​ര​നെ​യോ ആ​ൻ​റ​ണി​യെ​യോ​പോ​ലെ രോ​ഗ​മ​റി​ഞ്ഞു ചി​കി​ത്സി​ക്കാ​ൻ ക​ഴി​വു​ള്ള നേ​താ​ക്ക​ൾ ഇ​ന്ന​ത്തെ കേ​ര​ള നേ​തൃ​ത്വ​ത്തി​ലി​ല്ല. അ​തി​നാ​ൽ പി​ള​ര​ണ​മെ​ങ്കി​ൽ കേ​ര​ള കോ​ൺ​ഗ്ര​സ്​ പാ​ർ​ട്ടി​യി​ലെ നേ​താ​ക്ക​ൾ​ത​ന്നെ തീ​രു​മാ​നി​ക്കേ​ണ്ടി​വ​രും. പ്ര​വ​ർ​ത്തി​ക്കേ​ണ്ട ത​ട്ട​ക​വും അ​വ​രാ​ണ് തെ​ര​ഞ്ഞെ​ടു​ക്കേ​ണ്ട​ത്. കാ​ര​ണം നി​ല​വി​ൽ പാ​ർ​ട്ടി ഒ​രു മു​ന്ന​ണി​യി​ലും ഇ​ല്ലെ​ന്ന​തും യു.​ഡി.​എ​ഫി​നു നേ​തൃ​ത്വം ന​ൽ​കു​ന്ന കോ​ൺ​ഗ്ര​സി​ൽ ഇ​പ്പോ​ൾ ഒ​രു ഏ​കീ​കൃ​ത നേ​തൃ​ത്വം ഇ​ല്ലെ​ന്ന​തു​മാ​ണ്. ആ​നി​ല​ക്ക് കോ​ൺ​ഗ്ര​സി​ൽ​നി​ന്ന് ഒ​രു ഉ​റ​പ്പും ല​ഭി​ക്കാ​നി​ല്ലെ​ന്ന് മാ​ണി​ക്ക​റി​യാം. ഇ​ട​തു​പ​ക്ഷ​ത്തേ​ക്കു ചാ​യു​ന്ന​തി​നെ എ​തി​ർ​ക്കു​ന്ന ജോ​സ​ഫി​നും അ​ത​റി​യാം. ഒ​രു പി​ള​ർ​പ്പി​നും പി​ന്നെ പി​ള​ർ​ന്ന പാ​ർ​ട്ടി​യെ പു​നഃ​സം​ഘ​ടി​പ്പി​ക്കു​ന്ന​തി​നും വേ​ണ്ട ആ​രോ​ഗ്യം ജോ​സ​ഫി​നി​ല്ലെ​ന്ന​ത് മാ​ണി​ക്ക് ഏ​റെ ആ​ത്​​മ​വി​ശ്വാ​സം ന​ൽ​കു​ന്നു​ണ്ട്.

യു.​ഡി.​എ​ഫി​ൽ തു​ട​രു​ന്ന​തി​ൽ ഒ​ര​ല​ർ​ജി കു​റെ നാ​ളാ​യി മാ​ണി​ഗ്രൂ​പ്പി​ൽ രൂ​പം​കൊ​ണ്ടി​രു​ന്നു. ക​സ്​​തൂ​രി​രം​ഗ​​െൻറ പാ​രി​സ്​​ഥി​തി​ക റി​പ്പോ​ർ​ട്ടു​മാ​യി ഉ​മ്മ​ൻ ചാ​ണ്ടി സ​ർ​ക്കാ​ർ  മു​ന്നോ​ട്ടു പോ​കാ​ൻ തി​രു​മാ​നി​ച്ച​പ്പോ​ൾ​ത​ന്നെ മാ​ണി​യെ പി​ന്തു​ണ​ച്ചു​നി​ന്ന സ​ഭ​ക​ൾ കോ​ൺ​ഗ്ര​സി​ന് എ​തി​രാ​യി​ത്തു​ട​ങ്ങി. ക​സ്​​തൂ​രി​രം​ഗ​ൻ റി​പ്പോ​ർ​ട്ട്​ മ​യ​പ്പെ​ടു​ത്തി​യി​ട്ടും സ​ഭ​ക​ളു​ടെ നീ​ര​സം നീ​ങ്ങി​യി​രു​ന്നി​ല്ല. ഭ​ര​ണ​ത്തി​ലി​രി​ക്കു​ന്ന ആ ​കാ​ല​ത്താ​ണ് മാ​ണി, ഇ​ട​തു​മു​ന്ന​ണി​യു​മാ​യി അ​ടു​ക്കാ​നും മു​ഖ്യ​മ​ന്ത്രി​യാ​കാ​നും ശ്ര​മി​ക്കു​ന്ന​താ​യ പ്ര​ചാ​ര​ണം ഉ​യ​ർ​ന്ന​ത്. തു​ട​ർ​ന്ന് മാ​ണി​ക്കെ​തി​രാ​യ ആ​രോ​പ​ണ​മാ​യി. ബ​ജ​റ്റു​ക​ച്ച​വ​ടം മു​ത​ൽ നോ​ട്ടെ​ണ്ണ​ൽ യ​ന്ത്രം​വ​രെ നീ​ണ്ട ആ​രോ​പ​ണ​ങ്ങ​ൾ. പാ​രി​സ്​​ഥി​തി​ക പ്ര​ശ്ന​ത്തി​ൽ ഇ​ട​ഞ്ഞ സ​ഭ​ക​ൾ യു.​ഡി.​എ​ഫി​നെ അ​നു​കൂ​ലി​ക്കു​ന്നി​ല്ലെ​ന്ന് തെ​ര​ഞ്ഞെ​ടു​പ്പി​നു മു​മ്പു​ത​ന്നെ മാ​ണി അ​റി​ഞ്ഞി​രു​ന്നു. അ​ത​റി​ഞ്ഞ കോ​ൺ​ഗ്ര​സു​കാ​ർ പാ​ലാ​യി​ൽ മാ​ണി​യെ അ​ട്ടി​മ​റി​ക്കു​മെ​ന്നു മാ​ണി ക​ണ​ക്കു​കൂ​ട്ടി. മ​റ്റു​വ​ഴി​ക​ൾ തേ​ടി​യ​തി​നാ​ൽ മാ​ണി പാ​ലാ​യി​ൽ ജ​യി​ച്ചു. മാ​ണി​ഗ്രൂ​പ്പി​െ​ന സ​ഭ​ക​ൾ അ​റി​ഞ്ഞു പി​ന്തു​ണ​ച്ച​തി​നാ​ൽ അ​വ​രു​ടെ പ​ല സ്​​ഥാ​നാ​ർ​ഥി​ക​ളും പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ടു. ഇ​നി യു.​ഡി.​എ​ഫി​ൽ തി​രി​ച്ചു​പോ​യാ​ൽ കോ​ൺ​ഗ്ര​സു​കാ​ർ കാ​ലു​വാ​രു​മെ​ന്ന് മാ​ണി​ക്കു ഭ​യ​മു​ണ്ട്.

കേ​ന്ദ്ര​ത്തി​ൽ ബി.​ജെ.​പി​യു​ടെ ഭ​ര​ണം ന​ൽ​കു​ന്ന അ​ര​ക്ഷി​ത​ബോ​ധം മ​റ്റു ന്യൂ​ന​പ​ക്ഷ വി​ഭാ​ഗ​ങ്ങ​ളി​ൽ എ​ന്ന​തു​പോ​ലെ ക്രി​സ്​​തീ​യ വി​ഭാ​ഗ​ങ്ങ​ളി​ലും വ​ള​ർ​ന്നി​രു​ന്നു. കേ​ര​ള​ത്തി​ൽ ബി.​ജെ.​പി​യെ നേ​രി​ടാ​നു​ള്ള ത്രാ​ണി യു.​ഡി.​എ​ഫി​നി​ല്ലെ​ന്ന തോ​ന്ന​ലും എ​ന്തു​കൊ​ണ്ടോ പ്ര​ച​രി​ച്ചി​രു​ന്നു. ഇ​ത്  മു​സ്​​ലിം ലീ​ഗി​നു പു​റ​ത്ത് മു​സ്​​ലിം ന്യൂ​ന​പ​ക്ഷ​വോ​ട്ടു​ക​ൾ  ഇ​ട​തു​പ​ക്ഷ​ത്തേ​ക്ക് മാ​റാ​ൻ ഇ​ട​യാ​ക്കി​യ​തു​പോ​ലെ വ​ലി​യൊ​രു വി​ഭാ​ഗം ക്രി​സ്​​തീ​യ വോ​ട്ടു​ക​ളും ഇ​ട​തു​പ​ക്ഷ​ത്തി​ന് അ​നു​കൂ​ല​മാ​ക്കി. എ​ന്നാ​ൽ, കേ​ര​ള കോ​ൺ​ഗ്ര​സ്​ മ​ത്സ​രി​ച്ച മ​ണ്ഡ​ല​ങ്ങ​ളി​ൽ അ​തു​ണ്ടാ​യി​ല്ല. അ​തു​കൊ​ണ്ടാ​ണ് കോ​ട്ട​യം, പ​ത്ത​നം​തി​ട്ട ജി​ല്ല​ക​ളി​ൽ യു.​ഡി.​എ​ഫി​ന് വ​ലി​യ പ​രി​ക്കേ​ൽ​ക്കാ​തി​രു​ന്ന​ത്. ഈ ​മാ​ന​സി​കാ​വ​സ്​​ഥ ഇ​പ്പോ​ഴും ക്രി​സ്​​തീ​യ വി​ഭാ​ഗ​ങ്ങ​ളി​ലു​ണ്ട്. ബി.​ജെ.​പി​യെ​യും ആ​ർ.​എ​സ്.​എ​സി​നെ​യും മോ​ദി​യെ​യും നേ​രി​ടാ​നു​ള്ള ശ​ക്​​തി​യും നേ​തൃ​ത്വ​വും കോ​ൺ​ഗ്ര​സി​നും അ​തി​െൻറ മു​ന്ന​ണി​ക്കും ഇ​ല്ലെ​ന്ന തോ​ന്ന​ൽ ന്യൂ​ന​പ​ക്ഷ വി​ഭാ​ഗ​ങ്ങ​ളി​ൽ രൂ​ഢ​മൂ​ല​മാ​ണ്.

ആ​നി​ല​ക്കു​ത​ന്നെ മാ​ണി​യു​ടെ ഇ​ട​തു​പ​ക്ഷ​ചാ​യ്​​വ് പ്ര​തീ​ക്ഷി​ക്കാ​വു​ന്ന​തു​മാ​യി​രു​ന്നു.    അ​തി​നാ​ൽ മാ​ണി​യു​ടെ മു​ന്ന​ണി​വി​ട​ലി​ന് കോ​ൺ​ഗ്ര​സി​ൽ നി​ന്നു​ണ്ടാ​യ അ​പ​മാ​നം മാ​ത്ര​മ​ല്ല കാ​ര​ണ​മെ​ന്നു വ്യ​ക്​​തം. മു​ന്ന​ണി​യി​ൽ​നി​ന്നു മാ​റി​നി​ന്ന മാ​ണി മു​ന്ന​ണി​ക​ളെ പ്ര​ലോ​ഭി​പ്പി​ച്ചു​കൊ​ണ്ട് ത​​െൻറ വി​ല​പേ​ശ​ൽ​സാ​ധ്യ​ത​ക​ൾ​ക്ക് വ​ലു​പ്പം​കൂ​ട്ടി.  ഈ ​പ​ശ്ചാ​ത്ത​ല​ത്തി​ലാ​ണ്, മാ​ണി മ​ല​പ്പു​റ​ത്ത് മു​സ്​​ലിം ലീ​ഗി​നു പി​ന്തു​ണ ന​ൽ​കി​യ​തെ​ന്നു ക​ണ​ക്കാ​ക്കു​ന്ന​തി​ലും അ​സ്വാ​ഭാ​വി​ക​ത​യി​ല്ല. ലീ​ഗി​നു ന​ൽ​കി​യ പി​ന്തു​ണ, യു.​ഡി.​എ​ഫി​ലേ​ക്കു തി​രി​ച്ചു​വ​രാ​നു​ള്ള താ​ൽ​പ​ര്യ​മാ​യി കോ​ൺ​ഗ്ര​സ്​ നേ​താ​ക്ക​ൾ തെ​റ്റി​ദ്ധ​രി​ക്കു​ക​യും ചെ​യ്തു.
കാ​ര്യ​ങ്ങ​ൾ കൈ​വി​ട്ടു​പോ​കു​ന്ന​ത് തി​രി​ച്ച​റി​യാ​ൻ​പോ​ലും ക​ഴി​വി​ല്ലാ​യി​രു​ന്ന കോ​ൺ​ഗ്ര​സ്​ നേ​താ​ക്ക​ൾ മാ​ണി​യു​ടെ പി​ന്നാ​ലെ ന​ട​ന്നു​കൊ​ണ്ടേ​യി​രു​ന്നു. അ​പ്പോ​ഴെ​ല്ലാം മാ​ണി വി​ദ​ഗ്​​ധ​മാ​യി തെ​ന്നി​മാ​റി. ചി​ല നേ​താ​ക്ക​ൾ മാ​ണി​യെ തു​ട​ർ​ച്ച​യാ​യി പാ​ടി​പ്പു​ക​ഴ്ത്തി​ക്കൊ​ണ്ടി​രു​ന്ന​ത് കോ​ൺ​ഗ്ര​സ്​ നേ​തൃ​യോ​ഗ​ങ്ങ​ളി​ൽ വി​മ​ർ​ശ​ന​ത്തി​നും ഇ​ട​യാ​ക്കി. അ​ർ​ഥ​ഗ​ർ​ഭ​മാ​യ മൗ​ന​ത്തി​ന് മ​റു​പ​ടി​വ​ന്ന​ത് കോ​ട്ട​യം ജി​ല്ല പ​ഞ്ചാ​യ​ത്ത് പ്ര​സി​ഡ​ൻ​റ്​ തെ​ര​ഞ്ഞെ​ടു​പ്പി​ലാ​ണ്. പ​ണ്ടേ ദു​ർ​ബ​ല​മാ​യി നി​ൽ​ക്കു​ന്ന കോ​ൺ​ഗ്ര​സി​ന് അ​ത് താ​ങ്ങാ​വു​ന്ന​താ​യി​രു​ന്നി​ല്ല. മാ​ത്ര​മ​ല്ല, മു​ന്ന​ണി വി​ട്ടി​ട്ടും ത​ദ്ദേ​ശ​സ്​​ഥാ​പ​ന​ങ്ങ​ളി​ൽ കേ​ര​ള കോ​ൺ​ഗ്ര​സ്​ യു.​ഡി.​എ​ഫി​ൽ​നി​ന്നു മാ​റി​നി​ന്നി​രു​ന്നി​ല്ല. ഇ​പ്പോ​ഴു​ണ്ടാ​യ സം​ഭ​വ​വി​കാ​സ​ങ്ങ​ൾ ആ​വ​ക ധാ​ര​ണ​ക​ളി​ലും മാ​റ്റം വ​രു​ത്തും. അ​പ്പോ​ൾ ത​ദ്ദേ​ശ​ത​ല​ത്തി​ൽ പ​ല​യി​ട​ത്തും യു.​ഡി.​എ​ഫി​ന് ഭ​ര​ണ​വും പോ​കാം.
എ​ന്താ​യാ​ലും മാ​ണി​യു​ടെ മ​ന​സ്സി​ൽ ഇ​ട​തു​മു​ന്ന​ണി​യ​ല്ലെ​ന്നു പ​റ​യാ​നു​ള്ള ഒ​രു സാ​ഹ​ച​ര്യ​വും ഇ​ല്ല.  കേ​ര​ള കോ​ൺ​ഗ്ര​സി​െൻറ നി​ല​പാ​ട് അ​യ​ഞ്ഞു​വെ​ന്ന പ്ര​ചാ​ര​ണം ആ​ത്​​മ​സം​തൃ​പ്തി​ക്കാ​യി കോ​ൺ​ഗ്ര​സ്​ നേ​താ​ക്ക​ൾ  ന​ട​ത്തു​ന്നു​വെ​ന്നു മാ​ത്രം. ഇ​ക്കാ​ര്യ​ത്തി​ൽ കൂ​ടി​യാ​ലോ​ച​ന​യു​ണ്ടാ​യി​ല്ലെ​ന്ന​ത് കേ​ര​ള കോ​ൺ​ഗ്ര​സി​ൽ അ​ഭി​പ്രാ​യ​ഭി​ന്ന​ത​യു​ണ്ടാ​ക്കി​യി​ട്ടു​ണ്ട്. എ​ന്നാ​ൽ, അ​ത് വ​ലി​യൊ​രു പി​ള​ർ​പ്പി​ലേ​ക്കു ന​യി​ക്കു​മെ​ന്നു ക​രു​താ​നാ​കി​ല്ല.സി.​പി.​എ​മ്മി​നെ സം​ബ​ന്ധി​ച്ചി​ട​ത്തോ​ളം ഈ ​സം​ഭ​വ​വി​കാ​സ​ങ്ങ​ൾ വ​ലി​യൊ​രു ആ​ശ്വാ​സ​മാ​ണ്. സി.​പി.​ഐ​യു​ടെ വെ​ല്ലു​വി​ളി​യും വി​മ​ർ​ശ​ന​വും സി.​പി.​എ​മ്മി​നെ പൊ​റു​തി​മു​ട്ടി​ക്കു​ന്നു​ണ്ട്. മാ​ണി വ​രു​മെ​ന്ന തോ​ന്ന​ലു​ണ്ടാ​ക്കി​യാ​ൽ സി.​പി.​ഐ അ​ട​ങ്ങു​മെ​ന്ന പ്ര​തീ​ക്ഷ സി.​പി.​എം നേ​താ​ക്ക​ളി​ലു​ണ്ട്്. അ​തി​നാ​ൽ കേ​ര​ള രാ​ഷ്​​ട്രീ​യ​ത്തി​ൽ മാ​ണി ഉ​ണ്ടാ​ക്കി​യ ഓ​ളം വെ​റു​മൊ​രു ത​മാ​ശ​യാ​യി ആ​രും കാ​ണു​ന്നി​ല്ല.

 

Show Full Article
TAGS:k.m mani cpm-kerala congress 
News Summary - article about mani
Next Story