ഒ​രു​മി​ച്ചു​ള്ള തെ​ര​ഞ്ഞെ​ടു​പ്പു​ക​ളും  ഇ​ന്ത്യ​ൻ ജ​നാ​ധി​പ​ത്യ​വും 

democracy

റി​പ്പ​ബ്ലി​ക്​ ദി​ന​ത്തി​ന്​ ദി​വ​സ​ങ്ങ​ൾ​ക്കു മു​മ്പ്​ ഒ​രു സ്വ​കാ​ര്യ ചാ​ന​ലി​ന്​ അ​നു​വ​ദി​ച്ച അ​ഭി​മു​ഖ​ത്തി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി, ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ൾ മു​ത​ൽ പാ​ർ​ല​മ​െൻറ്​ വ​രെ​യു​ള്ള തെ​ര​ഞ്ഞെ​ടു​പ്പു​ക​ൾ ഒ​ന്നി​ച്ചു​ന​ട​ത്തു​ക എ​ന്ന ആ​ശ​യം ആ​വ​ർ​ത്തി​ക്കു​ക​യു​ണ്ടാ​യി. അ​ധി​കാ​ര​മേ​റ്റ​ശേ​ഷം ആ​ദ്യ​മാ​യി മോ​ദി ഈ ​ആ​വ​ശ്യം മു​ന്നോ​ട്ടു​വെ​ക്കു​ന്ന​ത് 2016 മാ​ർ​ച്ചി​ൽ ന​ട​ന്ന ഭ​ര​ണ​ക​ക്ഷി​യു​ടെ ഒ​രു യോ​ഗ​ത്തി​ലാ​ണ്. ഇ​തി​നു​മു​മ്പ് 2009, 2014 വ​ർ​ഷ​ങ്ങ​ളി​ലെ പാ​ർ​ല​മ​െൻറ്​ തെ​ര​ഞ്ഞെ​ടു​പ്പി​​െൻറ ഭാ​ഗ​മാ​യി പു​റ​ത്തി​റ​ക്കി​യ എ​ൻ.​ഡി.​എ  പ്ര​ക​ട​ന​പ​ത്രി​ക​യി​ലും ഇ​തൊ​രു തെ​ര​ഞ്ഞെ​ടു​പ്പ് വാ​ഗ്​​ദാ​ന​മാ​യി മു​ന്നോ​ട്ടു​വെ​ച്ചി​രു​ന്നു. 2003ൽ ​സ​മാ​ന​മാ​യ ആ​ശ​യം എ​ൽ.​കെ. അ​ദ്വാ​നി​യും പ്ര​ക​ടി​പ്പി​ക്കു​ക​യു​ണ്ടാ​യി. പ്ര​ധാ​ന​മ​ന്ത്രി​യു​ടെ അ​ഭി​മു​ഖ​ത്തി​നു ശേ​ഷം, രാ​ഷ്​​ട്ര​പ​തി രാം​നാ​ഥ് കോ​വി​ന്ദും ഉ​പ​രാ​ഷ്​​ട്ര​പ​തി വെ​ങ്ക​യ്യ നാ​യി​ഡു​വും ഇ​തേ ആ​വ​ശ്യം ഉ​ന്ന​യി​ച്ചു​വെ​ന്ന​തും ശ്ര​ദ്ധേ​യ​മാ​ണ്. ഭ​ര​ണ​ഘ​ട​ന സ്ഥാ​പ​ന​മാ​യ തെ​ര​ഞ്ഞെ​ടു​പ്പ് ക​മീ​ഷ​നാ​ക​ട്ടെ 2016 മേ​യി​ൽ​ത​ന്നെ, തെ​ര​ഞ്ഞെ​ടു​പ്പു​ക​ൾ ഒ​രു​മി​ച്ച് ന​ട​ത്താ​ൻ സ​ന്ന​ദ്ധ​മാ​ണെ​ന്ന് നി​യ​മ​മ​ന്ത്രാ​ല​യ​ത്തെ അ​റി​യി​ക്കു​ക​യും ചെ​യ്തു. വ​ലി​യൊ​രു വി​ഭാ​ഗം മാ​ധ്യ​മ​ങ്ങ​ളും കോ​ർ​പ​റേ​റ്റ് സ്ഥാ​പ​ന​ങ്ങ​ളും ഈ ​ആ​ശ​യ​ത്തെ പി​ന്തു​ണ​ക്കു​ക​യും ചെ​യ്യു​ന്നു.
പ്രത്യാഘാതങ്ങൾ
പ്ര​ത്യ​ക്ഷ​ത്തി​ൽ സ്വീ​കാ​ര്യ​മെ​ന്നു തോ​ന്നി​പ്പി​ക്കു​ന്ന ഈ ​ആ​ശ​യം പ​ക്ഷേ, സ​മ​കാ​ലി​ക  ഇ​ന്ത്യ​ൻ സ​ന്ദ​ർ​ഭ​ത്തി​ൽ ഒ​ട്ടും​ത​ന്നെ ആ​ശാ​സ്യ​മാ​യ ഒ​ന്ന​ല്ല എ​ന്നു മാ​ത്ര​മ​ല്ല, നി​ര​വ​ധി പ്ര​ത്യാ​ഘാ​ത​ങ്ങ​ൾ ഉ​ള​വാ​ക്കു​ന്ന​താ​ണു​താ​നും. സ്വാ​ത​ന്ത്ര്യാ​ന​ന്ത​രം 1951-52 കാ​ല​ഘ​ട്ട​ത്തി​ൽ ന​ട​ന്ന ആ​ദ്യ പൊ​തു തെ​ര​ഞ്ഞെ​ടു​പ്പ്​ മു​ത​ൽ 1969ലെ ​കോ​ൺ​ഗ്ര​സ്​ പി​ള​ർ​പ്പു​വ​രെ ഇ​ന്ത്യ​യി​ലെ പാ​ർ​ല​മ​െൻറ്​-​നി​യ​മ​സ​ഭ തെ​ര​ഞ്ഞെ​ടു​പ്പു​ക​ൾ ഒ​രു​മി​ച്ചാ​ണ് ന​ട​ത്തി​യി​ട്ടു​ള്ള​ത്. അ​ന്ന​ത്തെ ഏ​റ്റ​വും പ്ര​മു​ഖ രാ​ഷ്​​ട്രീ​യ​ക​ക്ഷി​യാ​യി​രു​ന്ന ഇ​ന്ത്യ​ൻ നാ​ഷ​ന​ൽ കോ​ൺ​ഗ്ര​സ്​ ത​ന്നെ​യാ​ണ് ഈ ​തെ​ര​ഞ്ഞെ​ടു​പ്പു​ക​ളി​ലെ ബ​ഹു​ഭൂ​രി​പ​ക്ഷം സീ​റ്റു​ക​ളി​ലും വി​ജ​യി​ച്ചതും അ​ധി​കാ​ര​ത്തി​ലേ​റി​യ​തും. പ​ക്ഷേ, 1969ലെ ​കോ​ൺ​ഗ്ര​സ്​ പി​ള​ർ​പ്പി​നു​ശേ​ഷം ദേ​ശീ​യ-​സം​സ്ഥാ​ന  രാ​ഷ്​​ട്രീ​യ​ത്തി​ലെ സ​മ​വാ​ക്യ​ങ്ങ​ളാ​കെ മാ​റി​മ​റി​യു​ക​യും പി​ന്നീ​ടി​ങ്ങോ​ട്ട് ലോ​ക്​​സ​ഭ-​നി​യ​മ​സ​ഭ തെ​ര​ഞ്ഞെ​ടു​പ്പു​ക​ൾ വ്യ​ത്യ​സ്ത ഇ​ട​വേ​ള​ക​ളി​ൽ ന​ട​ത്ത​പ്പെ​ടു​ക​യും ചെ​യ്തു. പ​ല​വി​ധ രാ​ഷ്​​ട്രീ​യ കാ​ര​ണ​ങ്ങ​ളാ​ൽ ആ​ർ​ട്ടി​ക്കി​ൾ 356 ദു​രു​പ​യോ​ഗം ചെ​യ്യ​പ്പെ​ടു​ക​യും നി​യ​മ​സ​ഭ​ക​ൾ അ​കാ​ല​ത്തി​ൽ പി​രി​ച്ചു​വി​ടു​ന്ന​തി​ന് കാ​ര​ണ​മാ​വു​ക​യും ചെ​യ്തു.

ഒ​രു​മി​ച്ചു​ള്ള തെ​ര​ഞ്ഞെ​ടു​പ്പു​ക​ൾ​ക്കാ​യി വാ​ദി​ക്കു​ന്ന​വ​ർ അ​തി​​െൻറ മേ​ന്മ​ക​ളാ​യി നി​ര​വ​ധി കാ​ര്യ​ങ്ങ​ൾ നി​ര​ത്താ​റു​ണ്ട്. തെ​ര​ഞ്ഞെ​ടു​പ്പി​നാ​യു​ള്ള ഭാ​രി​ച്ച ചെ​ല​വ് കു​റ​ക്കാ​മെ​ന്നും തെ​ര​ഞ്ഞെ​ടു​പ്പ് പെ​രു​മാ​റ്റ​ച്ച​ട്ടം നി​ല​വി​ൽ​വ​രു​ന്ന​ത് മൂ​ല​മു​ള്ള വി​ക​സ​ന​മാ​ന്ദ്യം ഒ​ഴി​വാ​ക്കാ​മെ​ന്നും സു​സ്ഥി​ര​മാ​യ സാ​മ്പ​ത്തി​കാ​വ​സ്ഥ സൃ​ഷ്​​ടി​ക്കാ​മെ​ന്നും ഇ​ട​ക്കി​ട​ക്ക്​ തെ​ര​ഞ്ഞെ​ടു​പ്പ് പ്ര​വ​ർ​ത്ത​ന​ങ്ങ​ൾ​ക്കു പോ​വാ​തെ ഭ​ര​ണ​ക​ർ​ത്താ​ക്ക​ൾ​ക്ക് ഭ​ര​ണ​ത്തി​ൽ കൂ​ടു​ത​ൽ ശ്ര​ദ്ധ കേ​ന്ദ്രീ​ക​രി​ക്കാ​മെ​ന്നു തു​ട​ങ്ങി ശ​ബ്​​ദ​മ​ലി​നീ​ക​ര​ണ​വും പ​രി​സ്ഥി​തി മ​ലി​നീ​ക​ര​ണ​വും ഒ​ഴി​വാ​ക്കാ​മെ​ന്നു വ​രെ​യു​ള്ള കാ​ര​ണ​ങ്ങ​ൾ അ​ക്കൂ​ട്ട​ത്തി​ലു​ണ്ട്. സൂ​ക്ഷ്മ​മാ​യി വി​ശ​ക​ല​നം ചെ​യ്താ​ൽ ഈ ​വാ​ദ​മു​ഖ​ങ്ങ​ളി​ലൊ​ന്നും വ​ലി​യ ക​ഴ​മ്പി​ല്ലെ​ന്നു ബോ​ധ്യ​മാ​കും.

modi

തെ​ര​ഞ്ഞെ​ടു​പ്പു​ക​ൾ ഒ​റ്റ​യ​ടി​ക്കു ന​ട​ത്തു​മ്പോ​ൾ അ​തി​നാ​വ​ശ്യ​മാ​യ യ​ന്ത്ര​സാ​മ​ഗ്രി​ക​ൾ വാ​ങ്ങാ​ൻ​മാ​ത്രം 9300 കോ​ടി രൂ​പ ചെ​ല​വാ​കു​മെ​ന്നാ​ണ് തെ​ര​ഞ്ഞെ​ടു​പ്പ് ക​മീ​ഷ​ൻ ക​ണ​ക്കാ​ക്കി​യി​രി​ക്കു​ന്ന​ത്. മാ​ത്ര​മ​ല്ല, ഓ​രോ 15 വ​ർ​ഷ​ത്തി​ലും ഈ ​യ​ന്ത്ര​ങ്ങ​ൾ പു​തു​ക്കി​വാ​ങ്ങു​ക​യും വേ​ണം. ഒ​രു​മി​ച്ച് തെ​ര​ഞ്ഞെ​ടു​പ്പ് ന​ട​ത്തു​മ്പോ​ൾ വ​ലി​യ​തോ​തി​ലു​ള്ള  മ​നു​ഷ്യാ​ധ്വാ​ന​വും ആ​വ​ശ്യ​മാ​യി​വ​രും. പെ​രു​മാ​റ്റ​ച്ച​ട്ടം നി​ല​വി​ൽ​വ​രു​ന്ന​ത് മൂ​ലം ത​ട​സ്സ​മു​ണ്ടാ​കു​ന്ന​ത് പു​തി​യ പ​ദ്ധ​തി​ക​ൾ പ്ര​ഖ്യാ​പി​ക്കു​ന്ന​തി​നു​മാ​ത്ര​മാ​ണ്, അ​തും ഏ​താ​നും ദി​വ​സ​ങ്ങ​ളോ ആ​ഴ്ച​ക​ളോ മാ​ത്രം. നി​ല​വി​ലു​ള്ള വി​ക​സ​ന​പ്ര​വ​ർ​ത്ത​ന​ങ്ങ​ൾ തു​ട​രു​ന്ന​തി​ന് ത​ട​സ്സ​മി​ല്ലെ​ന്നു​മാ​ത്ര​മ​ല്ല, അ​ഞ്ചു വ​ർ​ഷ​ക്കാ​ല​യ​ള​വി​നി​ട​യി​ൽ​ത്ത​ന്നെ  അ​നു​ചി​ത​വും ജ​നോ​പ​കാ​ര​പ്ര​ദ​മ​ല്ലാ​ത്ത​തു​മാ​യ പ​രി​ഷ്കാ​ര​ങ്ങ​ളും വി​ക​സ​ന പ്ര​വ​ർ​ത്ത​ന​ങ്ങ​ളും വി​മ​ർ​ശി​ക്ക​പ്പെ​ടാ​നും തി​രു​ത്താ​നു​മു​ള്ള സാ​ഹ​ച​ര്യം സൃ​ഷ്​​ടി​ക്ക​പ്പെ​ടു​ക​യും ചെ​യ്യു​ന്നു.

സ​മ​കാ​ലി​ക ഇന്ത്യയിലെ ദേ​ശീ​യ​വും പ്രാ​ദേ​ശി​ക​വു​മാ​യ രാ​ഷ്​​ട്രീ​യ സാ​ഹ​ച​ര്യം സ്വാ​ത​ന്ത്ര്യാ​ന​ന്ത​ര ഭാ​ര​ത​ത്തി​ലെ ആ​ദ്യ ദ​ശ​ക​ങ്ങ​ളി​ൽ​നി​ന്ന് അ​ങ്ങേ​യ​റ്റം മാ​റി​ക്ക​ഴി​ഞ്ഞു. 29 സം​സ്ഥാ​ന​ങ്ങ​ളി​ലും ബാ​ക്കി കേ​ന്ദ്ര​ഭ​ര​ണ പ്ര​ദേ​ശ​ങ്ങ​ളി​ലു​മാ​യി വ​ള​രെ വ്യ​ത്യ​സ്​​ത​മാ​യ രാ​ഷ്​​ട്രീ​യ- സാ​മൂ​ഹി​ക സാ​ഹ​ച​ര്യ​ങ്ങ​ളാ​ണ് രൂ​പ​പ്പെ​ട്ടി​ട്ടു​ള്ള​ത്. ഏ​കീ​കൃ​ത​മാ​യ തെ​ര​ഞ്ഞെ​ടു​പ്പു​ക​ൾ ഫെ​ഡ​റ​ൽ സം​വി​ധാ​ന​ത്തി​​െൻറ ഈ ​ബ​ഹു​സ്വ​ര​ത​യെ അ​വ​ഗ​ണി​ക്കു​ക​യും ന്യൂ​ഡ​ൽ​ഹി കേ​ന്ദ്രീ​കൃ​ത​മാ​യ ഒ​രു തെ​ര​ഞ്ഞെ​ടു​പ്പ് പ്ര​ക്രി​യ​ക്ക് ക​ള​മൊ​രു​ക്കു​ക​യും ചെ​യ്യും. ഈ ​സാ​ഹ​ച​ര്യ​ത്തി​ൽ അ​വ​ഗ​ണി​ക്ക​പ്പെ​ടു​ക സ​വി​ശേ​ഷ​മാ​യ പ്രാ​ദേ​ശി​ക പ്ര​ശ്ന​ങ്ങ​ളും അ​വ​ക്കു​ള്ള ഉ​ത്ത​ര​ങ്ങ​ളു​മാ​ണ്. മാ​ത്ര​മ​ല്ല, ഒ​രു ബൃ​ഹ​ദ്​ തെ​ര​ഞ്ഞെ​ടു​പ്പ് പ്ര​ക്രി​യ​യെ​ന്ന​ത്, ശ​ക്ത​മാ​യ അം​ഗ​ബ​ല​മു​ള്ള ര​ണ്ടോ മൂ​ന്നോ ദേ​ശീ​യ ക​ക്ഷി​ക​ളു​ടെ മാ​ത്രം ഇ​ട​പാ​ടാ​യി മാ​റും. കാ​ശി​​െൻറ കു​ത്തൊ​ഴു​ക്ക് ഇ​ന്ത്യ​ൻ തെ​ര​ഞ്ഞെ​ടു​പ്പി​​െൻറ ഒ​ഴി​ച്ചു​കൂ​ടാ​നാ​വാ​ത്ത ഘ​ട​ക​മാ​ണെ​ന്നി​രി​ക്കെ, വ​ലി​യ സാ​മ്പ​ത്തി​ക അ​ടി​ത്ത​റ​യി​ല്ലാ​ത്ത​തും വ​ൻ കോ​ർ​പ​റേ​റ്റു​ക​ളു​ടെ പി​ന്തു​ണ​യി​ല്ലാ​ത്ത​തു​മാ​യ രാ​ഷ്​​ട്രീ​യ ക​ക്ഷി​ക​ൾ തെ​ര​ഞ്ഞെ​ടു​പ്പ് ക​ള​ത്തി​ന് പു​റ​ത്താ​വു​ക​യും ചെ​യ്യും.

ബഹുസ്വരത തിരോധാനം ചെയ്യും
ഫ​ല​ത്തി​ൽ, ഇ​ന്ത്യ​ൻ സാ​മൂ​ഹി​ക വ്യ​വ​സ്ഥി​തി​യു​ടെ ബ​ഹു​സ്വ​ര​ത​യെ പ്ര​തി​നി​ധാ​നം ചെ​യ്യു​ന്ന രാ​ഷ്​​ട്രീ​യ ക​ക്ഷി​ക​ളു​ടെ വൈ​വി​ധ്യ​ങ്ങ​ളൊ​ന്നു​മി​ല്ലാ​ത്ത ര​ണ്ടോ മൂ​ന്നോ ക​ക്ഷി​ക​ൾ മാ​ത്ര​മു​ള്ള ഒ​രു രാ​ഷ്​​ട്രീ​യ വ്യ​വ​സ്ഥി​തി​യാ​ണ് സൃ​ഷ്​​ടി​ക്ക​പ്പെ​ടു​ക. ജ​ന​ത​യു​ടെ വൈ​വി​ധ്യ​ത്തെ പ്ര​തി​നി​ധാ​നം​ചെ​യ്യാ​ത്ത അ​ങ്ങേ​യ​റ്റം ദു​ർ​ബ​ല​മാ​യ രാ​ഷ്​​ട്രീ​യ പ്രാ​തി​നി​ധ്യം അ​ത്ര​ത്തോ​ളം ദു​ർ​ബ​ല​മാ​യ ഒ​രു പ്ര​തി​പ​ക്ഷ​ത്തെ​യേ സാ​ധ്യ​മാ​ക്കു​ക​യു​ള്ളൂ​വെ​ന്ന് വ്യ​ക്ത​മാ​ണ്. ഏ​തെ​ങ്കി​ലും ഒ​രു രാ​ഷ്​​ട്രീ​യ ക​ക്ഷി​ക്ക് അ​പ്ര​മാ​ദി​ത്വ​മു​ള്ള അ​ത്ത​ര​മൊ​രു വ്യ​വ​സ്ഥ ഫ​ല​ത്തി​ൽ ഏ​കാ​ധി​പ​ത്യ സ​മാ​ന​മാ​യി​രി​ക്കു​മെ​ന്ന കാ​ര്യ​ത്തി​ൽ സം​ശ​യ​മി​ല്ല. 2014ലെ ​ലോ​ക്​​സ​ഭ തെ​ര​ഞ്ഞെ​ടു​പ്പി​ലും 2017ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ലും ഉ​ത്ത​ർ​പ്ര​ദേ​ശി​ലെ മു​സ്​​ലിം ജ​ന​ത​ക്കു ല​ഭി​ച്ച പ്രാ​തി​നി​ധ്യം ഈ ​അ​വ​സ​ര​ത്തി​ൽ ഓ​ർ​ക്കാ​വു​ന്ന​താ​ണ്. യു.​പി​യി​ലെ മൊ​ത്തം ജ​ന​സം​ഖ്യ​യു​ടെ 19.2 ശ​ത​മാ​നം വ​രു​ന്ന മു​സ്​​ലിം​ക​ൾ​ക്കി​ട​യി​ൽ​നി​ന്നും ഒ​രൊ​റ്റ ആ​ൾ​പോ​ലും ജ​ന​പ്ര​തി​നി​ധി​യാ​യി ലോ​ക്​​സ​ഭ​യി​ലെ​ത്തി​യി​ട്ടി​ല്ല. 2017ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ൽ മു​സ്​​ലിം  പ്രാ​തി​നി​ധ്യം 17.1 ശ​ത​മാ​ന​ത്തി​ൽ (2012) നി​ന്നും 5.9 ആ​യും കു​റ​ഞ്ഞു. ര​ണ്ടോ മൂ​ന്നോ രാ​ഷ്​​ട്രീ​യ ക​ക്ഷി​ക​ൾ​ക്ക് മാ​ത്രം പ്രാ​തി​നി​ധ്യ​വും പ്രാ​ധാ​ന്യ​വു​മു​ള്ള ഒ​ന്നാ​യി ഇ​ന്ത്യ​ൻ ജ​നാ​യ​ത്ത വ്യ​വ​സ്ഥി​തി​യെ മാ​റ്റി​ത്തീ​ർ​ക്കാ​നു​ള്ള ഗൂ​ഢോ​ദ്ദേ​ശ്യം ഈ ​നി​ർ​ദേ​ശ​ത്തി​നു പി​ന്നി​ലു​ണ്ടോ​യെ​ന്ന് ന്യാ​യ​മാ​യും സം​ശ​യി​ക്കേ​ണ്ടി​വ​രും. രാ​ജ്യ​വു​മാ​യി ബ​ന്ധ​പ്പെ​ട്ട സ​മ​സ്ത കാ​ര്യ​ങ്ങ​ളും ഒ​രു ഏ​ക​ശി​ലാ സം​സ്​​കാ​ര​ത്തി​ലേ​ക്ക്​ പ​രു​വ​പ്പെ​ടു​ത്താ​നും എ​ല്ലാ​ത​രം വൈ​ജാ​ത്യ​ങ്ങ​ളെ​യും വി​യോ​ജി​പ്പു​ക​ളെ​യും പു​റ​ന്ത​ള്ളാ​നും അ​പ​ര​വ​ത്​​ക​രി​ക്കാ​നു​മു​ള്ള പ്ര​ത്യ​ക്ഷ ശ്ര​മ​ങ്ങ​ൾ ഭ​ര​ണ​കൂ​ട പി​ന്തു​ണ​യോ​ടെ​ത്ത​ന്നെ അ​ര​ങ്ങേ​റി​ക്കൊ​ണ്ടി​രി​ക്കു​ന്ന വ​ർ​ത്ത​മാ​ന കാ​ല​ഘ​ട്ട​ത്തി​ൽ ജ​നാ​ധി​പ​ത്യ​ത്തെ​യും നി​യ​ന്ത്ര​ണ​വി​ധേ​യ​മാ​ക്കാ​നു​ള്ള ശ്ര​മ​ങ്ങ​ൾ അ​ത്യ​ന്തം അ​പ​ക​ട​ക​ര​മാ​യ സാ​ഹ​ച​ര്യ​മാ​ണ് സൃ​ഷ്​​ടി​ക്കു​ക.

rahul gandhi

ഉത്സവങ്ങളല്ല തെരഞ്ഞെടുപ്പുകൾ
വ​ള​രെ കൗ​തു​ക​ക​ര​വും അ​ങ്ങേ​യ​റ്റം വി​ചി​ത്ര​വു​മാ​യ ഒ​രു ഉ​പ​മ​യാ​ണ് പ്ര​ധാ​ന​മ​ന്ത്രി ത​​െൻറ അ​ഭി​മു​ഖ​ത്തി​ൽ ഒ​രു​മി​ച്ചു​ള്ള തെ​ര​ഞ്ഞെ​ടു​പ്പി​നെ ന്യാ​യീ​ക​രി​ക്കാ​നാ​യി ഉ​പ​യോ​ഗി​ച്ച​ത്. തെ​ര​ഞ്ഞെ​ടു​പ്പു​ക​ൾ ഉ​ത്സ​വ​ങ്ങ​ൾ​പോ​ലെ​യാ​ണെ​ന്നും അ​തു​കൊ​ണ്ട് ത​ന്നെ ഉ​ത്സ​വ​ങ്ങ​ൾ​പോ​ലെ കൃ​ത്യ​മാ​യ ഇ​ട​വേ​ള​ക​ളി​ൽ തെ​ര​ഞ്ഞെ​ടു​പ്പു​ക​ൾ ന​ട​ത്തു​ന്ന​താ​ണ് ഉ​ചി​ത​മെ​ന്നു​മാ​ണ് അ​ദ്ദേ​ഹം പ​റ​ഞ്ഞ​ത്. ഉ​ദാ​ഹ​ര​ണ​മാ​യി ഹോ​ളി​യു​ടെ കാ​ര്യ​വും അ​ദ്ദേ​ഹം സൂ​ചി​പ്പി​ക്കു​ക​യു​ണ്ടാ​യി. ആ​ല​ങ്കാ​രി​ക​മാ​യി തെ​ര​ഞ്ഞെ​ടു​പ്പു​ക​ളെ ജ​നാ​ധി​പ​ത്യ​ത്തി​​െൻറ ഉ​ത്സ​വ​കാ​ല മെ​ന്നൊ​ക്കെ വി​ശേ​ഷി​പ്പി​ക്കാ​റു​ണ്ടെ​ങ്കി​ലും ആ ​വി​ശേ​ഷ​ണ​ത്തി​ൽ ക​വി​ഞ്ഞ ഒ​ന്നും ഇ​വ ത​മ്മി​ലി​ല്ലെ​ന്ന​താ​ണ് വാ​സ്ത​വം. തെ​ര​ഞ്ഞെ​ടു​പ്പു​ക​ൾ ആ​ഘോ​ഷ​വേ​ള​ക​ള​ല്ല, നേ​രെ​മ​റി​ച്ച് ജ​നാ​ധി​പ​ത്യ​ത്തി​​െൻറ പ​രീ​ക്ഷ​ക്കാ​ല​വും മൂ​ല്യ​നി​ർ​ണ​യ കാ​ല​വു​മാ​ണ്. ആ​ഘോ​ഷ​വേ​ള​ക​ൾ പോ​ലെ അ​ല​സ​മാ​യ അ​ലി​ഞ്ഞു​തീ​ര​ലി​​െൻറ സ​ന്ദ​ർ​ഭ​ങ്ങ​ള​ല്ല തെ​ര​ഞ്ഞെ​ടു​പ്പു​ക​ൾ, സൂ​ക്ഷ്മ​മാ​യ ജാ​ഗ്ര​ത​യു​ടെ​യും ഉ​ത്ത​ര​വാ​ദി​ത്ത നി​ർ​വ​ഹ​ണ​ത്തി​​െൻറ​യും കാ​ല​മാ​ണി​ത്. 

ഇ​ട​വേ​ള​ക​ളി​ൽ ന​ട​ക്കു​ന്ന തെ​ര​ഞ്ഞെ​ടു​പ്പു​ക​ൾ ഒ​ന്നു​കൊ​ണ്ട് മാ​ത്ര​മാ​ണ് വ​ലി​യൊ​രു​വി​ഭാ​ഗം ഭ​ര​ണാ​ധി​കാ​രി​ക​ളും ജ​ന​പ്ര​തി​നി​ധി​ക​ളും ത​ങ്ങ​ളെ തെ​ര​ഞ്ഞെ​ടു​ത്ത​യ​ച്ച ജ​ന​ങ്ങ​ളെ ഓ​ർ​ക്കാ​നി​ട​യാ​കു​ന്ന​തും ഇ​ട​വേ​ള​ക​ളി​ലെ​ങ്കി​ലും അ​വ​രി​ലേ​ക്കെ​ത്തു​ന്ന​തും. ഇ​ട​വേ​ള​ക​ളി​ൽ ജ​ന​ങ്ങ​ളെ അ​ഭി​മു​ഖീ​ക​രി​ക്കേ​ണ്ടി​വ​രു​മെ​ന്ന​ത് കാ​ര്യ​ക്ഷ​മ​ത കു​റ​ക്കു​ക​യ​ല്ല, നേ​രെ​മ​റി​ച്ച് ജ​ന​രോ​ഷം നേ​രി​ടേ​ണ്ടി​വ​രു​മെ​ന്ന കാ​ര​ണ​ത്താ​ൽ ജാ​ഗ്ര​ത​പു​ല​ർ​ത്താ​ൻ ഭ​ര​ണാ​ധി​കാ​രി​ക​ളെ​യും ജ​ന​പ്ര​തി​നി​ധി​ക​ളെ​യും പ്രേ​രി​പ്പി​ക്കു​ക​യാ​ണ് ചെ​യ്യു​ന്ന​ത്. ദേ​ശാ​ട​ന​ക്കി​ളി​ക​ളെ​പ്പോ​ലെ തെ​ര​ഞ്ഞെ​ടു​പ്പ് വേ​ള​ക​ളി​ൽ മാ​ത്രം ത​ങ്ങ​ളെ​ത്തേ​ടി​യെ​ത്തു​ന്ന ചി​ല രാ​ഷ്​​ട്രീ​യ​ക്കാ​രെ​യെ​ങ്കി​ലും ഇ​ട​ക്കൊ​ന്നു കാ​ണാ​ൻ ജ​ന​ത്തി​നു കി​ട്ടു​ന്ന അ​വ​സ​രം​കൂ​ടി​യാ​ണ് പ​ല ഘ​ട്ട​ങ്ങ​ളി​ലാ​യി ന​ട​ക്കു​ന്ന തെ​ര​ഞ്ഞെ​ടു​പ്പു​ക​ളെ​ന്നു സാ​രം.

(വ​ട​ക്കാ​ഞ്ചേ​രി ശ്രീ​വ്യാ​സ എ​ൻ.​എ​സ്.​എ​സ് കോ​ള​ജ് ഇം​ഗ്ലീ​ഷ് വി​ഭാ​ഗം അ​ധ്യാ​പ​ക​നാ​ണ് ലേ​ഖ​ക​ൻ.)

COMMENTS