രാ​ഷ്​ട്രീ​യ ജ്യോ​തി​ഷി​ക​ളെ തോ​ൽ​പി​ച്ച ബം​ഗാ​ൾ

മു​ഹ​മ്മ​ദ്​​ റി​യാ​സ്​

രാ​ജ്യ​ഭ​ര​ണം സ്വ​ന്ത​മാ​ക്കാ​ൻ ലോ​ക്​​സ​ഭ​തെ​ര​ഞ്ഞെ​ടു​പ്പ്​ വേ​ള​യി​ൽ പു​ല​ർ​ത്തു​ന്ന വാ​ശി​യോ​ടെ സ​ക​ല​സ​ന്നാ​ഹ​ങ്ങ​ളും ഉ​പ​യോ​ഗ​പ്പെ​ടു​ത്തി​യും കേ​ന്ദ്ര ഭ​ര​ണ​കൂ​ട​ത്തെ കു​റെ​യേ​റെ ആ​ഴ്​​ച​ക​ൾ ബം​ഗാ​ളി​ലേ​ക്ക്​ പ​റി​ച്ചു ന​ട്ടും പ​ഠി​ച്ച പ​ണി​ക​ൾ പ​തി​നെ​ട്ടും പ​യ​റ്റി​യി​ട്ടും മ​മ​ത ബാ​ന​ർ​ജി മൂ​ന്നാം​വ​ട്ട​വും മു​ഖ്യ​മ​ന്ത്രി​യാ​വു​ന്ന​ത്​ ത​ട​യാ​ൻ ബി.​ജെ.​പി ന​ട​ത്തി​യ ശ്ര​മ​ങ്ങ​ളെ​ല്ലാം വി​ഫ​ല​മാ​യി​രി​ക്കു​ന്നു. ബം​ഗാ​ൾ ജ​ന​ത​യു​ടെ പ്രി​യ​പ്പെ​ട്ട ദീ​ദി വി​ജ​യ​ക്കൊ​ടി പാ​റി​ച്ചി​രി​ക്കു​ന്നു.

തെ​ര​ഞ്ഞെ​ടു​പ്പി​ന്​ മു​മ്പും ദീ​ർ​ഘ​മാ​യ ഇ​ട​വേ​ള​യി​ട്ട്​ ന​ട​ന്ന തെ​ര​ഞ്ഞെ​ടു​പ്പി​നി​ട​യി​ലും ഡ​ൽ​ഹി​യി​ൽ​നി​ന്നും രാ​ജ്യ​ത്തി​​െ​ൻ​റ പ​ല​ഭാ​ഗ​ങ്ങ​ളി​ൽ​നി​ന്നും ബം​ഗാ​ളി​ലേ​ക്ക്​ പ​റ​ന്നി​റ​ങ്ങി റി​പ്പോ​ർ​ട്ടി​ങ്ങും വി​ശ​ക​ല​ന​വും ന​ട​ത്തി​യ പ​ല വി​ദ​ഗ്​​ധ​രും പ​റ​ഞ്ഞി​രു​ന്ന​ത്​ സ​ർ​ക്കാ​റി​നെ​തി​രെ ശ​ക്ത​മാ​യ ഭ​ര​ണ​വി​രു​ദ്ധ വി​കാ​രം നി​ല​നി​ൽ​ക്കു​ന്നു​വെ​ന്നാ​ണ്.

അം​ഫ​ൻ പു​ന​ര​ധി​വാ​സ​ത്തി​നു​വെ​ച്ച ഫ​ണ്ട്​ വ​ക​മാ​റ്റി​യെ​ന്നും അ​ടി​മു​ടി അ​ഴി​മ​തി​യാ​ണെ​ന്നും അ​തി​ലേ​റെ മു​സ്​​ലിം പ്രീ​ണ​ന​മാ​ണെ​ന്നു​മൊ​ക്കെ​യാ​യി​രു​ന്നു സ​ർ​ക്കാ​റി​ന്​ ജ​ന​ങ്ങ​ൾ എ​തി​രാ​ണെ​ന്ന്​ വാ​ദി​ച്ച​വ​രു​ടെ ന്യാ​യ​ങ്ങ​ൾ. ​ ചി​ല പ്രീ​പോ​ൾ സ​​ർ​വേ​ക​ളും എ​ക്​​സി​റ്റ്​ പോ​ൾ ഫ​ല​ങ്ങ​ളും മ​മ​ത​ക്ക്​ മേ​ൽ​കൈ പ്ര​വ​ചി​ച്ച​പ്പോ​ഴും ബി.​ജെ.​പി​യും ടി.​എം.​സി​യും ത​മ്മി​ൽ ഇ​ഞ്ചോ​ടി​ഞ്ച്​ പോ​രാ​ട്ട​മാ​ണെ​ന്നാ​ണ്​ വി​ല​യി​രു​ത്തി​യ​ത്.

പ​ക്ഷേ, ര​ണ്ടാം തീ​യ​തി വോ​​ട്ടെ​ണ്ണി​ത്തീ​ർ​ന്ന​പ്പോ​ൾ ആ ​ന്യാ​യ​ങ്ങ​ളും വി​ശ​ക​ല​ന​ങ്ങ​ളു​മെ​ല്ലാം പാ​ഴാ​യി​രു​ന്നു​വെ​ന്ന്​ തെ​ളി​യി​ച്ചു മ​മ​ത. ക​ഷ്​​ടി​ച്ച്​ ക​ട​ന്നു​കൂ​ടു​ക​യ​ല്ല മ​റി​ച്ച്​ അ​തി ഗം​ഭീ​ര വി​ജ​യം നേ​ടി​ക്കൊ​ണ്ട്. സീ​റ്റു​ക​ളു​ടെ എ​ണ്ണം 211ൽ​നി​ന്ന്​ 213 ആ​യി ഉ​യ​ർ​ന്നു. തൃ​ണ​മൂ​ൽ കോ​ൺ​ഗ്ര​സി​​ന്‍റെ വോ​ട്ടി​ങ്​ ശ​ത​മാ​നം 2011ൽ 44.91 ​ആ​യി​രു​ന്ന​ത്​ 48ലേ​ക്ക്​ വ​ള​ർ​ന്നു. (സ്​​ഥാ​നാ​ർ​ഥി​ക​ൾ കോ​വി​ഡ്​ ബാ​ധി​ച്ച്​ മ​രി​ച്ച​തി​നെ തു​ട​ർ​ന്ന്​ ജം​ഗി​പു​ർ, സം​സേ​ർ​ഗ​ഞ്​​ജ്​ സീ​റ്റു​ക​ളി​ലെ തെ​ര​ഞ്ഞെ​ടു​പ്പ്​ ഈ ​മാ​സം 16ലേ​ക്ക്​ മാ​റ്റി​യി​രി​ക്കു​ക​യാ​ണ്).

മ​മ​ത v/s മ​റ്റു​ള്ള​വ​രെ​ല്ലാം

മ​മ​ത​ക്ക്​ ആ​ദ്യ ഊ​ഴം ല​ഭി​ക്കാ​ൻ വ​ഴി​തെ​ളി​യി​ച്ച ന​ന്ദി​ഗ്രാം പ്ര​ക്ഷോ​ഭം മു​ത​ൽ നി​ഴ​ൽ​പോ​ലെ​യു​ണ്ടാ​യി​രു​ന്ന സു​വേ​ന്ദു അ​ധി​കാ​രി പാ​ർ​ട്ടി​വി​ട്ട്​ ബി.​ജെ.​പി​യി​ൽ ചേ​ർ​ന്ന്​ ത​നി​ക്കെ​തി​രെ മ​ത്സ​രി​ക്കാ​ൻ വെ​ല്ലു​വി​ളി​ച്ച​തോ​ടെ ത​​ന്‍റെ മ​ണ്ഡ​ല​മാ​യ ഭ​ബാ​നി​പു​ർ വി​ട്ട്​ ന​ന്ദി​ഗ്രാ​മി​ൽ മ​ത്സ​രി​ക്കാ​ൻ തീ​രു​മാ​നി​ക്കു​ക​യാ​യി​രു​ന്നു മ​മ​ത. അ​വി​ടു​ത്തെ ഫ​ല​പ്ര​ഖ്യാ​പ​നം ഏ​റെ അ​വ്യ​ക്ത​ത നി​റ​ഞ്ഞ​താ​യി. ഒ​ന്നാ​മ​ത്​​ വോ​​​ട്ടെ​ണ്ണ​ൽ ഒ​ച്ചി​ഴ​യും​വേ​ഗ​ത്തി​ലാ​ണ്​ പു​രോ​ഗ​മി​ച്ച​ത്. ഏ​റെ റൗ​ണ്ടു​ക​ൾ എ​ണ്ണി​യ​പ്പോ​ഴും പി​ന്നി​ലാ​യി​രു​ന്ന മ​മ​ത ജ​യി​ച്ചു​വെ​ന്നാ​ണ്​ ആ​ദ്യം പ്ര​ഖ്യാ​പി​ക്ക​പ്പെ​ട്ട​ത്. പി​ന്നെ അ​ധി​കാ​രി ജ​യി​ച്ചെ​ന്നാ​യി. പി​ന്നെ​ക്കേ​ട്ടു വോ​​ട്ടെ​ണ്ണ​ൽ തു​ട​രു​ന്നു മ​മ​ത മു​ന്നി​ട്ടു നി​ൽ​ക്കു​ന്നു​വെ​ന്ന്. ഒ​ടു​വി​ൽ പ്ര​ഖ്യാ​പി​ക്ക​പ്പെ​ട്ടു ബാ​ല​റ്റ്​ പേ​പ്പ​റു​ക​ൾ കൂ​ടി എ​ണ്ണി​യ​പ്പോ​ൾ സു​വേ​ന്ദു അ​ധി​കാ​രി​യാ​ണ്​ ജ​യി​ച്ച​തെ​ന്ന്. റീ​കൗ​ണ്ടി​ങ്​ വേ​ണ​മെ​ന്ന തൃ​ണ​മൂ​ലി​​ന്‍റെ ആ​വ​ശ്യം തെ​ര​ഞ്ഞെ​ടു​പ്പ്​ ക​മീ​ഷ​ൻ ത​ള്ളു​ക​യും ചെ​യ്​​തു.

ന​ന്ദി​ഗ്രാ​മി​ൽ തോ​റ്റെ​ങ്കി​ലും പ​ഴ​യ സ​ഹ​കാ​രി​ക്കെ​തി​രെ മ​ത്സ​രി​ക്കാ​ൻ മ​മ​ത​യെ​ടു​ത്ത തീ​രു​മാ​നം തെ​റ്റാ​യി​രു​ന്നി​ല്ല. അ​വ​രു​ടെ വ​ര​വ്​ തെ​ക്ക​ൻ ബം​ഗാ​ളി​ലെ​മ്പാ​ടും പാ​ർ​ട്ടി അ​ണി​ക​ൾ​ക്കി​ട​യി​ൽ ഉ​ണ​ർ​വു​ണ്ടാ​ക്കി, അ​വ​ർ ഉ​ഷാ​റാ​യി ഇ​റ​ങ്ങി പ്ര​വ​ർ​ത്തി​ച്ചു, 2019ലെ ​ലോ​ക്​​സ​ഭ തെ​ര​ഞ്ഞെ​ടു​പ്പി​ൽ വോ​ട്ടു​കു​റ​ഞ്ഞ​യി​ട​ങ്ങ​ളി​ൽ​പോ​ലും പ്ര​ക​ട​നം മെ​ച്ച​പ്പെ​ടു​ത്താ​നു​മാ​യി. എ​ല്ലാ അ​ർ​ഥ​ത്തി​ലും​ അ​തി​തീ​വ്ര​മാ​യ പ്ര​ചാ​ര​ണ​മാ​ണ്​ ബി.​ജെ.​പി ന​ട​ത്തി​യ​ത്. കോ​വി​ഡ്​ പ്ര​തി​സ​ന്ധി രാ​ജ്യ​ത്ത്​ ശ​ക്ത​മാ​യി പി​ടി​മു​റു​ക്കു​േ​മ്പാ​ഴും ഉ​ത്ത​ര​വാ​ദി​ത്ത​പ്പെ​ട്ട അ​ധി​കാ​രി​ക​ളെ​ല്ലാം ബം​ഗാ​ളി​ൽ വോ​ട്ടു​പി​ടി​ക്കു​ന്ന തി​ര​ക്കി​ലാ​യി​രു​ന്നു.

പ്ര​ധാ​ന​മ​ന്ത്രി മോ​ദി, ആ​ഭ്യ​ന്ത​ര മ​ന്ത്രി അ​മി​ത്​ ഷാ, ​ബി.​ജെ.​പി പ്ര​സി​ഡ​ൻ​റ്​ ജെ.​പി. ന​ഡ്ഡ, പ്ര​തി​രോ​ധ മ​ന്ത്രി രാ​ജ്​​നാ​ഥ്​ സി​ങ്, യു.​പി മു​ഖ്യ​മ​ന്ത്രി ആ​ദി​ത്യ​നാ​ഥ്... എ​ന്നി​ങ്ങ​നെ​യു​ള്ള താ​ര​പ്ര​ചാ​ര​ക​ര​ല്ലൊം ഒ​രു വ​ശ​ത്തും മ​മ​ത ഒ​റ്റ​ക്ക്​ മ​റു​വ​ശ​ത്തും നി​ന്നാ​യി​രു​ന്നു പോ​രാ​ട്ടം എ​ന്ന്​ പ​റ​യാം. അ​ടി​ക്ക​ടി വ​ന്നു​പോ​യി​ക്കൊ​ണ്ടി​രി​ക്കു​ന്ന നേ​താ​ക്ക​ൾ​ക്ക്​ താ​മ​സ​സൗ​ക​ര്യ​മൊ​രു​ക്കാ​ൻ സം​സ്​​ഥാ​ന ത​ല​സ്​​ഥാ​ന​ത്തെ ന​ക്ഷ​ത്ര ഹോ​ട്ട​ലു​ക​ൾ മി​ക്ക​തും ബി.​ജെ.​പി ബു​ക്ക്​ ചെ​യ്​​തി​ട്ടി​രി​ക്കു​ക​യാ​യി​രു​ന്നു എ​ന്നാ​ണ്​ കേ​ട്ടി​രു​ന്ന​ത്. ത​ല​സ്​​ഥാ​ന​ത്ത്​ മാ​ത്ര​മ​ല്ല, സം​സ്​​ഥാ​ന​ത്തി​​ന്‍റെ മു​ക്കു​മൂ​ല​ക​ളി​ലെ ജി​ല്ല​ക​ളി​ൽ നേ​താ​ക്ക​ൾ വ​ന്ന്​ ത​മ്പ​ടി​ച്ച്​ പ്ര​ചാ​ര​ണം ന​യി​ക്കു​ക​യാ​യി​രു​ന്നു.

പാ​ർ​ട്ടി​ക്ക്​ സ​ഹാ​യ​ക​മാം​വി​ധ​ത്തി​ൽ കിം​വ​ദ​ന്തി​ക​ൾ പ്ര​ച​രി​പ്പി​ക്കാ​ൻ ​​ഐ.​ടി സെ​ൽ 24 മ​ണി​ക്കൂ​റും മു​ട​ക്ക​മി​ല്ലാ​തെ പ​ണി​യെ​ടു​ത്തു. ബി.​ജെ.​പി ഐ​ടി സെ​ൽ മേ​ധാ​വി അ​മി​ത്​ മാ​ള​വ്യ​ക്ക്​ ബം​ഗാ​ളി​നെ​ച്ചു​റ്റി​പ്പ​റ്റി​യു​ള്ള പ്ര​ചാ​ര​ണ​ങ്ങ​ൾ പ​ട​ച്ചു​ണ്ടാ​ക്കാ​നു​ള്ള ചു​മ​ത​ല ത​ന്നെ ഏ​ൽ​പി​ച്ചു കൊ​ടു​ത്തി​രു​ന്നു.

താ​മ​ര​യു​ടെ ത​ണ്ടൊ​ടി​ഞ്ഞ​തി​ങ്ങ​നെ

തെ​ര​ഞ്ഞെ​ടു​പ്പ്​ ത​ന്ത്ര​ങ്ങ​ൾ ആ​സൂ​ത്ര​ണം ചെ​യ്യാ​ൻ മ​മ​ത​യു​ടെ കൂ​ടെ പ​രി​ണി​ത പ്ര​ജ്​​ഞ​നാ​യ പ്ര​ശാ​ന്ത്​ കി​ഷോ​റും അ​ദ്ദേ​ഹ​ത്തി​​ന്‍റെ ഊ​ർ​ജ​സ്വ​ല​രാ​യ ഐ​പാ​ക്​ സം​ഘ​വു​മു​ണ്ടാ​യി​രു​ന്നു.

ആ​രോ​പ​ണ​ങ്ങ​ൾ കെ​ട്ടു​ക​ണ​ക്കി​ന്​ നി​ല​നി​ന്ന​പ്പോ​ഴും ഇ​ള​ക്കം​ത​ട്ടാ​ത്ത ജ​ന​പ്രീ​തി ദീ​ദി​ക്കു​ണ്ടാ​യി​രു​ന്നു. പ​ത്തു വ​ർ​ഷം ഭ​ര​ണ​ത്തി​ലി​രു​ന്നി​ട്ടും അ​വ​രെ വെ​റു​ക്ക​ണ​മെ​ന്നും നീ​ക്ക​ണ​മെ​ന്നും ജ​ന​ങ്ങ​ൾ​ക്ക്​ തോ​ന്നി​യി​ല്ല. പ​ക​രം, അ​വ​രു​ടെ ക്ഷേ​മ​പ​ദ്ധ​തി​ക​ൾ പ്ര​ത്യേ​കി​ച്ച്​ സ്​​ത്രീ​ക​ളു​ടെ​യും പെ​ൺ​കു​ട്ടി​ക​ളു​ടെ​യും ക്ഷേ​മം ല​ക്ഷ്യം​വെ​ച്ചു​കൊ​ണ്ടു​ള്ള ന​ട​പ​ടി​ക​ൾ ജ​ന​ഹൃ​ദ​യ​ങ്ങ​ളി​ല​വ​ർ​ക്ക്​ കൂ​ടു​ത​ൽ ഇ​ടം ന​ൽ​കി. സ്വാ​ഷ്​​ത​സാ​ഥി എ​ന്ന ഇ​ൻ​ഷു​റ​ൻ​സ്​ പ​ദ്ധ​തി, ഉ​ദാ​ര​മാ​യ സ്​​കോ​ള​ർ​ഷി​പ്​ പ​ദ്ധ​തി​ക​ൾ, പൊ​തു​വി​ത​ര​ണ കേ​ന്ദ്ര​ങ്ങ​ൾ വ​ഴി ന​ൽ​കി​യ സൗ​ജ​ന്യ​റേ​ഷ​ൻ എ​ന്നി​വ​യെ​ല്ലാം സ​മാ​ന​മാ​യ പി​ന്തു​ണ​യാ​ണ്​ സ​മ്മാ​നി​ച്ച​ത്. ധ്രു​വീ​ക​ര​ണ​ത്തി​ന്​ ബി.​ജെ.​പി ആ​ഞ്ഞു ശ്ര​മി​ക്ക​വെ ബി.​ജെ.​പി​ക്ക്​ വോ​ട്ടു​ന​ൽ​ക​രു​ത്​ എ​ന്ന പ്ര​മേ​യ​ത്തി​ലൂ​ന്നി ക​ലാ-​സാം​സ്​​കാ​രി​ക സ​മൂ​ഹം ന​ട​ത്തി​യ കാ​മ്പ​യി​ൻ കൊ​ൽ​ക്ക​ത്ത​യു​ൾ​പ്പെ​ടെ ന​ഗ​ര​​പ്ര​ദേ​ശ​ങ്ങ​ളി​ൽ മ​തേ​ത​ര വോ​ട്ട​ർ​മാ​ർ​ക്കി​ട​യി​ൽ സ്വാ​ധീ​നം ചെ​ലു​ത്തി.

ബി.​ജെ.​പി ജ​യി​ക്കു​മെ​ന്നും അ​ധി​കാ​രം പി​ടി​ക്കു​മെ​ന്നും അ​തി​ശ​ക്ത​മാ​യ രീ​തി​യി​ൽ ന​ട​ന്ന പ്ര​ചാ​ര​ണ​വും അ​വ​കാ​ശ​വാ​ദ​വും മു​സ്​​ലിം​വോ​ട്ട​ർ​മാ​ർ​ക്കി​ട​യി​ൽ ആ​ശ​ങ്ക സൃ​ഷ്​​ടി​ച്ചു, ഒ​പ്പം ജാ​ഗ്ര​ത​യും. ഫ​ല​മോ ശ​ക്ത​മാ​യ കോ​​ൺ​ഗ്ര​സ്​ കോ​ട്ട​ക​ൾ എ​ന്ന്​ ക​ണ​ക്കാ​ക്ക​പ്പെ​ടു​ന്ന മാ​ൾ​ഡ-​മു​ർ​ഷി​ദാ​ബാ​ദ്​ മേ​ഖ​ല​ക​ളി​ൽ​പ്പോ​ലും തൃ​ണ​മൂ​ലി​ന്​ അ​നു​കൂ​ല​മാ​യി വോ​ട്ട്​ ഏ​കീ​ക​ര​ണ​ത്തി​ന്​ ഇ​ത്​ കാ​ര​ണ​മാ​യി.

2016ൽ ​മൂ​ന്ന്​ സീ​റ്റു​ണ്ടാ​യി​രു​ന്നി​ട​ത്ത്​ നി​ന്ന്​ അ​ഞ്ചു വ​ർ​ഷം കൊ​ണ്ട്​ 77 സീ​റ്റി​ലേ​ക്ക്​ വ​ള​ർ​ന്ന​ല്ലോ എ​ന്ന്​ ബി.​ജെ.​പി​ക്ക്​ വേ​ണ​മെ​ങ്കി​ൽ ആ​ശ്വാ​സം കൊ​ള്ളാം. ന​ന്ദി​ഗ്രാ​മി​ൽ മ​മ​ത​യെ മ​ല​ർ​ത്തി​യ​ടി​ച്ചെ​ന്ന്​ സു​വേ​ന്ദു അ​ധി​കാ​രി​ക്കും ഊ​റ്റം കൊ​ള്ളാം.

ബി.​ജെ.​പി അ​നു​കൂ​ല ത​രം​ഗ​മു​ണ്ടെ​ന്നും ഹി​ന്ദു​ത്വ ത​രം​ഗം സം​സ്​​ഥാ​ന​ത്ത്​ വീ​ശി​യ​ടി​ക്കു​ന്നു​വെ​ന്നു​മൊ​ക്കെ​യാ​ണ്​ കേ​ന്ദ്ര​സ​ർ​ക്കാ​ർ അ​നു​കൂ​ലി​ക​ളാ​യ ചാ​ന​ലു​ക​ൾ ത​ട്ടി​വി​ട്ടി​രു​ന്ന​തെ​ന്ന്​ മ​റ​ന്നു​കൂ​ടാ. 2019ലെ ​പൊ​തു​തെ​ര​ഞ്ഞെ​ടു​പ്പി​ൽ 18 സീ​റ്റു​ക​ൾ പി​ടി​ച്ചെ​ടു​ത്ത്​ സ​ക​ല​രെ​യും ഞെ​ട്ടി​ച്ച പാ​ർ​ട്ടി​യാ​ണ്​ ഇ​ക്കു​റി അ​തി​ലും ഇ​ര​ട്ടി സ​ന്നാ​ഹ​ങ്ങ​ളു​മാ​യി സം​സ്​​ഥാ​ന​ത്ത്​ സ്വാ​ധീ​ന​മു​ണ്ടാ​ക്കാ​ൻ ശ്ര​മി​ച്ചു നോ​ക്കി​യ​ത്.

ഓ​പ​റേ​ഷ​ൻ ബം​ഗാ​ൾ ഒ​രു അ​ഭി​മാ​ന​പ്ര​ശ്​​ന​മാ​യി ക​ണ്ട്​ കേ​ന്ദ്ര​നേ​തൃ​ത്വം ആ​ഞ്ഞ്​ ശ്ര​മി​ച്ച​പ്പോ​ഴും അ​ടി​ത്ത​ട്ടി​ൽ സം​ഘ​ട​നാ​പ​ര​മാ​യ ദൗ​ർ​ബ​ല്യം ആ​വോ​ള​മു​ണ്ടാ​യി​രു​ന്നു. പ​ല മ​ണ്ഡ​ല​ങ്ങ​ളി​ലും പോ​ളി​ങ്​ ഏ​ജ​ൻ​റു​മാ​ർ പോ​ലു​മു​ണ്ടാ​യി​രു​ന്നി​ല്ല ബി.​ജെ.​പി​ക്ക്. കേ​ന്ദ്ര​ത്തി​ലെ മു​ൻ​നി​ര നേ​താ​ക്ക​ൾ കാ​ര്യ​ങ്ങ​ൾ തീ​രു​മാ​നി​ക്കു​ക​യും ഏ​വ​രും അ​വ​രെ ആ​ശ്ര​യി​ക്കു​ക​യും ചെ​യ്യു​ന്ന അ​വ​സ്​​ഥ​വ​ന്ന​ത്​ സം​സ്​​ഥാ​ന ഘ​ട​ക​ത്തെ ഒ​ന്നി​നും കൊ​ള്ളാ​ത്ത​താ​ക്കി. തൃ​ണ​മൂ​ലി​ൽ​നി​ന്ന്​ ഒ​രു​പാ​ട്​ ത​ല​യെ​ടു​പ്പു​ള്ള നേ​താ​ക്ക​ൾ പാ​ർ​ട്ടി​യി​ൽ ചേ​ർ​ന്നി​ട്ടും അ​വ​രി​ലൊ​രാ​ളെ​പ്പോ​ലും മു​ഖ്യ​മ​ന്ത്രി സ്​​ഥാ​നാ​ർ​ഥി​യാ​യി ഉ​യ​ർ​ത്തി​ക്കാ​ണി​ക്കാ​നും ബി.​ജെ.​പി ശ്ര​മി​ച്ച​തു​മി​ല്ല.

ബം​ഗാ​ളി​ക​ളും വ​രു​ത്ത​ൻ​മാ​രു​മെ​ന്ന മ​ട്ടി​ൽ ഈ ​സാ​ഹ​ച​ര്യ​ത്തെ തി​രി​ച്ചു​വി​ടു​വാ​നും ഏ​റ്റ​വു​മെ​ളു​പ്പം ഊ​തി​ക്ക​ത്തി​ക്കാ​ൻ ക​ഴി​യു​ന്ന ബം​ഗാ​ളി ഉ​പ​ദേ​ശീ​യ വി​കാ​ര​ത്തെ ആ​വ​ത്​ മു​ത​ലാ​ക്കു​വാ​നു​മാ​ണ്​ തൃ​ണ​മൂ​ൽ ​ശ്ര​ദ്ധി​ച്ച​ത്. കോ​വി​ഡ്​ ​പ്ര​തി​സ​ന്ധി കൈ​കാ​ര്യം ചെ​യ്യു​ന്ന​തി​ൽ കേ​ന്ദ്ര​സ​ർ​ക്കാ​റി​ന്​ സം​ഭ​വി​ച്ച വീ​ഴ്​​ച അ​വ​സാ​ന ഘ​ട്ട​ങ്ങ​ളി​ൽ ബി.​ജെ.​പി സ്​​ഥാ​നാ​ർ​ഥി​ക​ളെ പ്ര​തി​കൂ​ല​മാ​യി ബാ​ധി​ച്ചു. ഏ​റെ പ്ര​തീ​ക്ഷ​യോ​ടെ അ​ണി​നി​ര​ത്തി​യ ബാ​ബു​ൽ സു​പ്രി​യോ, ലോ​ക്ക​റ്റ്​ ചാ​റ്റ​ർ​ജി, സ്വ​പ​ൻ ദാ​സ്​ ഗു​പ്​​ത എ​ന്നി​വ​രൊ​ക്കെ തോ​റ്റ​മ്പി.

ഇ​ട​തു​കോ​ട്ട​യി​ലെ ഹി​ന്ദു​ത്വ​ക്കൊ​ടി​യേ​റ്റം

ഇ​തൊ​ക്കെ​പ്പ​റ​ഞ്ഞാ​ലും സം​സ്​​ഥാ​ന രാ​ഷ്​​​ട്രീ​യ​ത്തി​ൽ ഈ ​തെ​ര​ഞ്ഞെ​ടു​പ്പോ​ടെ സം​ഭ​വി​ച്ചി​രി​ക്കു​ന്ന ന​ടു​ക്കു​ന്ന മാ​റ്റം കാ​ണാ​തി​രി​ക്കാ​നാ​വി​ല്ല. ഒ​രു​കാ​ല​ത്ത്​ ഇ​ട​തു കോ​ട്ട​യാ​യി​രു​ന്ന ബം​ഗാ​ളി​ൽ ഹി​ന്ദു​ത്വ പാ​ർ​ട്ടി ഏ​റ്റ​വും വ​ലി​യ പ്ര​തി​പ​ക്ഷ​മാ​യി മാ​റി​യി​രി​ക്കു​ന്നു​വെ​ന്ന യാ​ഥാ​ർ​ഥ്യം.

ബം​ഗാ​ളി​നെ പ​തി​റ്റാ​ണ്ടു​ക​ളോ​ളം സ്വ​ന്ത​മാ​ക്കി​വെ​ച്ചി​രു​ന്ന കോ​ൺ​ഗ്ര​സും പി​ന്നീ​ട്​ പി​ടി​ച്ചെ​ടു​ത്ത്​ ത​ങ്ങ​ളു​ടെ സ്വ​ത്താ​ക്കി മാ​റ്റി​യ ഇ​ട​തു​പ​ക്ഷ​വും നി​ർ​ണാ​യ​ക സ്വാ​ധീ​ന ശ​ക്തി​യെ​ന്ന്​ പ​ര​ക്കെ വി​ശ്വ​സി​ക്ക​പ്പെ​ട്ടി​രു​ന്ന ഇ​ന്ത്യ​ൻ സെ​ക്കു​ല​ർ ​ഫ്ര​ണ്ടും ചേ​ർ​ന്ന സ​ഖ്യ​ത്തി​ന്​ സം​ഭ​വി​ച്ച അ​പ​രി​ഹാ​ര്യ​മാ​യ ത​ക​ർ​ച്ച​യാ​ണ്​ രാ​ഷ്​​ട്രീ​യ നി​രീ​ക്ഷ​ക​രെ അ​മ്പ​ര​പ്പി​ച്ച്​ ക​ള​ഞ്ഞ​ത്. കോ​ൺ​ഗ്ര​സി​നോ ഇ​ട​തു​പ​ക്ഷ​ത്തി​നോ പേ​രി​നു​പോ​ലും ഒ​രു എം.​എ​ൽ.​എ​യെ ജ​യി​പ്പി​ക്കാ​നാ​യി​ല്ല. ഐ.​എ​സ്.​എ​ഫ്​ മേ​ധാ​വി പി​ർ​സാ​ദ അ​ബ്ബാ​സ്​ സി​ദ്ദീ​ഖി​യു​ടെ സ​ഹോ​ദ​ര​ൻ നൗ​സാ​ദ്​ സി​ദ്ദീ​ഖി​യാ​ണ്​ ആ​കെ ജ​യി​ച്ച​ത്. കാ​നി​ങ്​ ഈ​സ്​​റ്റ്​ മ​ണ്ഡ​ല​ത്തി​ൽ 29 ശ​ത​മാ​നം വോ​ട്ട്​ ഐ.​എ​സ്.​എ​ഫ്​ സ്​​ഥാ​നാ​ർ​ഥി പി​ടി​ച്ചു, പ​ക്ഷേ അ​വി​ടെ​യും ജ​യം തൃ​ണ​മൂ​ലി​നൊ​പ്പ​മാ​യി​രു​ന്നു.

വ​ർ​ഗീ​യ, ജ​ന​വി​രു​ദ്ധ, ഫാ​ഷി​സ്​​റ്റ്​ ശ​ക്തി​ക​ളെ തോ​ൽ​പി​ക്കാ​ൻ മു​സ്​​ലിം സ​മൂ​ഹം ഒ​റ്റ​ക്കെ​ട്ടാ​യി പി​ന്തു​ണ ന​ൽ​കി​യ​തു കൂ​ടി​യാ​ണ്​ മൂ​ന്നാ​മൂ​ഴം ഉ​റ​പ്പി​ക്കാ​ൻ തൃ​ണ​മൂ​ൽ കോ​ൺ​ഗ്ര​സി​​ന് തു​ണ​യേ​കി​യ​ത്. എ​ന്നാ​ൽ, മു​സ്​​ലിം​വോ​ട്ട്​ മു​ച്ചൂ​ടും ​നേ​ടി അ​ധി​കാ​രം നി​ല​നി​ർ​ത്തു​േ​മ്പാ​ഴും നി​യ​മ​സ​ഭ​യി​ലെ മു​സ്​​ലിം പ്രാ​തി​നി​ധ്യം വ​ല്ലാ​തെ കു​റ​ഞ്ഞി​ട്ടു​ണ്ട്. മു​സ്​​ലിം സ​മൂ​ഹ​ത്തി​ൽ​നി​ന്ന്​ 46 സ്​​ഥാ​നാ​ർ​ഥി​ക​ളെ​യാ​ണ്​ മ​മ​ത പ​ട​ക്കി​റ​ക്കി​യ​ത്. അ​തി​ൽ 42 പേ​ർ വി​ജ​യം ക​ണ്ടു (ര​ണ്ട്​ സീ​റ്റു​ക​ളി​ലേ​ക്ക്​ തെ​ര​ഞ്ഞെ​ടു​പ്പ്​ ന​ട​ക്കാ​നി​രി​ക്കു​ന്നു). എ​ന്നാ​ൽ, ക​ഴി​ഞ്ഞ നി​യ​മ​സ​ഭ​യി​ൽ 59 മു​സ്​​ലിം എം.​എ​ൽ.​എ​മാ​രു​ണ്ടാ​യി​രു​ന്ന സ്​​ഥാ​ന​ത്ത്​ ഇ​ക്കു​റി​യ​ത്​ 43 ആ​യി പ​രി​മി​ത​പ്പെ​ട്ടു.

(ഗ​വേ​ഷ​ക​നും കൊ​ൽ​ക്ക​ത്ത ആ​ലി​യ സ​ർ​വ​ക​ലാ​ശാ​ല മാ​ധ്യ​മ പ​ഠ​ന വി​ഭാ​ഗം അ​ധ്യാ​പ​ക​നു​മാ​ണ്​ ലേ​ഖ​ക​ൻ) @journalistreyaz