onam banner madhyamam onam banner madhyamam
നി​സാ​ർ പു​തു​വ​ന / August 22 / 03:51 PM

ഇനി എവിടെ ഒാണപ്പൂക്കളമിടും?

നാ​ട് മു​ഴു​വ​ൻ ദു​രി​താ​ശ്വാ​സ ക്യാ​മ്പു​ക​ളി​ൽ, കുട്ടനാടിനും ചെങ്ങന്നൂരിനും ഇക്കുറി ഒാണമില്ല

ആ​ല​പ്പു​ഴ: എ​ത്ര ഇ​റു​ത്താ​ലും ചെ​ടി​ക​ൾ വാ​ശി​യോ​ടെ പൂ​ക്കു​ന്ന കാ​ല​മാ​ണി​ത്. തൊ​ടി​യി​ൽ പൂ​ക്കു​ട​യു​മാ​യെ​ത്തു​ന്ന കു​ഞ്ഞു​ങ്ങ​ളെ നി​രാ​ശ​പ്പെ​ടു​ത്താ​ത്ത​ത്ര പൂ​ക്ക​ൾ കൊ​ടു​ക്കാ​നൊ​രു​ങ്ങി തു​മ്പ​യും ചെ​മ്പ​ര​ത്തി​യും നാ​ലു​മ​ണി​ച്ചെ​ടി​ക​ളും ഒ​ക്കെ നി​റ​ഞ്ഞു​നി​ന്നി​രു​ന്നു കു​ട്ട​നാ​ട്ടി​ലും ചെ​ങ്ങ​ന്നൂ​രി​ലും ഒ​ക്കെ. അ​വ​രെ​യൊ​ക്കെ വെ​ള്ളം ന​ക്കി​ത്തു​ട​ച്ചെ​ടു​ത്തു. 
കു​രു​ന്നു​ക​ൾ നാ​ട്ടി​ൽ​നി​ന്ന്​ പി​ഴു​തെ​റി​യ​പ്പെ​ട്ട്​ മ​റു​നാ​ടു​ക​ളി​ലെ ദു​രി​താ​ശ്വാ​സ ക്യാ​മ്പു​ക​ളി​ൽ ക​ഴി​യു​ന്നു. ആ​ല​പ്പു​ഴ ന​ഗ​ര​ത്തി​ലെ ദു​രി​താ​ശ്വാ​സ ക്യാ​മ്പി​ൽ ക​ഴി​യു​ന്ന ഗൗ​ത​മി​ന്​ ഒ​ന്നേ​യു​ള്ളൂ മോ​ഹം. ഇൗ ​സ്​​കൂ​ൾ മു​റ്റ​ത്തെ​ങ്കി​ലും ആ​രെ​ങ്കി​ലും ഒ​രു ഉൗ​ഞ്ഞാ​ൽ കെ​ട്ടി​ക്കൊ​ടു​ക്ക​ണം. ആ ​ഏ​ഴു​വ​യ​സ്സു​കാ​ര​ൻ രാ​വി​ലെ മു​ത​ൽ അ​ച്ഛ​ൻ മോ​ഹ​നോ​ട്​ ഇ​തു​ത​ന്നെ പ​റ​ഞ്ഞു​കൊ​ണ്ടി​രി​ക്കു​ക​യാ​ണ്. കു​ട്ട​നാ​ട്​ ഉ​മ്പി​ക്കാ​രം ജെ​ട്ടി​ക്ക്​ സ​മീ​പ​മു​ള്ള വീ​ട്​ വെ​ള്ള​ത്തി​ന്​ വി​ട്ടു​െ​കാ​ടു​ത്ത്​​ മോ​ഹ​നും കു​ടും​ബ​വും ഇ​റ​ങ്ങി​യി​ട്ട്​ ഇ​ന്നേ​ക്ക്​ 35 ദി​വ​സ​മാ​യി. 
ഇൗ ​കാ​ല​വ​ർ​ഷ​ക്കാ​ല​ത്ത്​ ര​ണ്ട്​ പ്ര​ള​യ​ങ്ങ​ളാ​ണ്​ കു​ട്ട​നാ​ടി​നെ കാ​ണാ​നെ​ത്തി​യ​ത്. ഇ​വ ര​ണ്ടും ഉ​ണ്ടാ​ക്കി​യ ന​ഷ്​​ട​ങ്ങ​ൾ ചി​ല്ല​റ​യൊ​ന്നു​മ​ല്ല. ന​ഷ്​​ട​മാ​കാ​ത്ത ഗ്രാ​മ​ക്കാ​ഴ്​​ച​ക​ളും ഒാ​​ണാ​ഘോ​ഷ​ങ്ങ​ളും എ​ല്ലാം ഇ​ന്നും കു​ട്ട​നാ​ടി​​​െൻറ കൂ​ടെ​യു​ള്ള​താ​ണ്. അ​തൊ​ക്കെ​യാ​ണ്​ മ​ഹാ​പ്ര​ള​യം തൂ​ത്തെ​റി​ഞ്ഞ്​ കൊ​ണ്ടു​പോ​യ​ത്. 
ഗൗ​തം മാ​ത്ര​മ​ല്ല, അ​മി​തും രോ​ഹി​തും രേ​വ​തി​യും ഒ​ക്കെ ഉൗ​ഞ്ഞാ​ലി​ടാ​നും തു​മ്പി​തു​ള്ളാ​നും അ​ത്ത​പ്പൂ​ക്ക​ളം ഒ​രു​ക്കാ​നും ഒ​ക്കെ കാ​ത്തി​രു​ന്ന​താ​ണ്. ആ ​കു​ഞ്ഞു​മോ​ഹ​ങ്ങ​ളെ​യാ​ണ്​ വെ​ള്ളം തു​ട​ച്ചു​കൊ​ണ്ടു​പോ​യ​ത്. 

ആ​ല​പ്പു​ഴ എ​സ്.​ഡി.​വി സ്​​കൂ​ളി​ലെ ക്യാ​മ്പി​ൽ ക​ഴി​യു​ക​യാ​ണ്​ എ​രു​വ തോ​ട്ടു​പ​റ​മ്പി​ൽ സ​േ​ന്താ​ഷി​​​െൻറ ഭാ​ര്യ പ്രീ​തി. എ​ട്ടു മാ​സം ഗ​ർ​ഭി​ണി​യാ​ണ്. സ​ന്തോ​ഷ്​ അ​ബൂ​ദ​ബി​യി​ലും. ഭ​ർ​തൃ​വീ​ട്ടി​ൽ വെ​ള്ളം ക​യ​റി​യ​പ്പോ​ൾ പ്രീ​തി ആ​ല​പ്പു​ഴ​യി​ലെ സ്വ​ന്തം വീ​ട്ടി​ലേ​ക്ക്​ വ​ന്നു. അ​വി​ടെ ആ​ൾ​പ്പൊ​ക്കം ​െവ​ള്ള​മാ​യ​പ്പോ​ൾ ക്യാ​മ്പി​ലേ​ക്ക്​ പോ​ന്നു. എ​ന്ന്​ വെ​ള്ള​മി​റ​ങ്ങു​മെ​േ​ന്നാ, എ​പ്പോ​ൾ വീ​ട്ടി​ലേ​ക്ക്​ തി​രി​കെ പോ​കാ​ൻ ക​ഴി​യു​മെ​ന്നോ അ​റി​യാ​തെ ക്ലാ​സ്​ മു​റി​യി​ൽ ക​ഴി​യു​ക​യാ​ണ​വ​ർ. ച​ന്ത​ന​ക്കാ​വ്, പു​ത്ത​ൻ പ​റ​മ്പി​ൽ ദാ​സ​പ്പ​നും സ​മീ​പ​വാ​സി രാ​ജ​മ്മ​ക്കും ഒ​ക്കെ ഇ​താ​ണ​വ​സ്​​ഥ. കു​ട്ട​നാ​ടി​നെ മൊ​ത്ത​ത്തി​ൽ മ​ഴ​യും മ​ട​വീ​ഴ്ച​യും വി​ഴു​ങ്ങി​യ ഒാ​ണ​ക്കാ​ല​മാ​ണി​ത്. 

ആ​റു​പ​ങ്ക് പാ​ട​ശേ​ഖ​ര​ത്തി​ന് സ​മീ​പ​ത്തെ ഉ​മ്പി​ക്കാ​രം വീ​ട്ടി​ൽ ക​മ​ലാ​ക്ഷി​യ​മ്മ​ക്ക് വ​യ​സ്സ്​ 99. ക​ർ​ക്ക​ട​ക​പ്പെ​യ്ത്തു​ക​ളും വെ​ള്ള​പ്പൊ​ക്ക​വും ഒ​ക്കെ ഇൗ ​കാ​ല​ത്തി​നി​ട​ക്ക് ഒ​രു​പാ​ട് ക​ണ്ടി​ട്ടു​ണ്ട്. ഇ​ക്കു​റി ക​മ​ലാ​ക്ഷി​യ​മ്മ ഒ​ന്ന് ആ​ടി​യു​ല​ഞ്ഞു​പോ​യി. അ​വ​ർ മാ​ത്ര​മ​ല്ല, മ​ല​യാ​ള നാ​ട് മു​ഴു​വ​ൻ. വെ​ള്ളം പൊ​ങ്ങി​വ​ന്ന ആ​ദ്യ​ദി​വ​സ​ങ്ങ​ളി​ൽ പ്ര​ദേ​ശ​ത്തെ ഏ​റ്റ​വും ഉ​യ​ര​മു​ള്ള ഭ​ർ​തൃ​സ​ഹോ​ദ​ര​​​െൻറ വീ​ട്ടി​ൽ അ​ഭ​യം​തേ​ടി​യ കാ​ർ​ത്യാ​യ​നി​യെ​യും മ​ക​നെ​യും തേ​ടി വെ​ള്ളം അ​വി​ടെ​യും എ​ത്തി. ഒ​ടു​ക്കം ജീ​വ​നും എ​ടു​ത്തു​പി​ടി​ച്ച് കി​ട്ടി​യ ചെ​റു​വ​ള്ള​ത്തി​ൽ ര​ക്ഷ​പ്പെ​ടു​ക​യാ​യി​രു​ന്നു. 

ആ​ല​പ്പു​ഴ​യി​ൽ മാ​ത്രം 2.20 ല​ക്ഷം പേ​ർ ക്യാ​മ്പു​ക​ളി​ൽ ആ​ണെ​ന്ന് ക​ല​ക്ട​ർ എ​സ്. സു​ഹാ​സ് അ​റി​യി​ച്ചി​ട്ടു​ണ്ട്. കു​ട്ട​നാ​ട് മു​ഴു​വ​ൻ ദു​രി​താ​ശ്വാ​സ ക്യാ​മ്പു​ക​ളി​ലാ​ണ്. അ​വ​സാ​ന​നി​മി​ഷം എ​വി​ടെ​യെ​ങ്കി​ലും പോ​യി ര​ക്ഷ​െ​പ്പ​ട​െ​ട്ട എ​ന്ന് ക​രു​തി ഉ​ട​മ​ക​ൾ തു​റ​ന്നു​വി​ട്ട കോ​ഴി​ക​ളും മൃ​ഗ​ങ്ങ​ളും വി​ശ​ന്നു​വ​ല​ഞ്ഞ് പ​ല​യി​ട​ത്താ​യി ചി​ത​റി​ക്കി​ട​ക്കു​ക​യാ​ണ്. പി​ന്നെ എ​ങ്ങ​നെ​യാ​ണ് അ​വ​ർ സ​മാ​ധാ​ന​മാ​യി ഒാ​ണ​മു​ണ്ണു​ക.

COMMENTS

Please Note: ഇവിടെ കൊടുക്കുന്ന അഭിപ്രായങ്ങള്‍ മാധ്യമത്തിന്‍െറ അഭിപ്രായമാവണമെന്നില്ല. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. 'മംഗ്ലീഷില്‍' എഴുതുന്ന അഭിപ്രായങ്ങള്‍ പോസ്റ്റ് ചെയ്യുന്നതല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക