Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightOpinionchevron_rightOffbeatchevron_rightരാഷ്​​​ട്രീയായുധമായി...

രാഷ്​​​ട്രീയായുധമായി വീണ്ടും വാളയാർ കേസ്​

text_fields
bookmark_border
രാഷ്​​​ട്രീയായുധമായി വീണ്ടും വാളയാർ കേസ്​
cancel

വാളയാറിൽ സഹോദരിമാർ ദുരൂഹസാഹചര്യത്തിൽ മരിച്ച കേസ് വീണ്ടും രാഷ്​​​ട്രീയായുധമാകുന്നു. കേസിൽ പുനരന്വേഷണവും വീഴ്​ച വരുത്തിയ ഉദ്യോഗസ്ഥർക്കെതിരെ നടപടിയും ആവശ്യപ്പെട്ട്​ കുട്ടികളുടെ അമ്മ വാളയാർ അട്ടപ്പള്ളത്ത് കഴിഞ്ഞ 25ന്​ ആരംഭിച്ച ഏഴ്​ ദിവസത്തെ സത്യഗ്രഹമാണ്​ വാളയാർ കേസ്​ ചർച്ചയിലേക്ക്​ കൊണ്ടുവന്നത്​.

സി.ആർ. നീലകണ്​ഠ​െൻറ നേതൃത്വത്തിൽ പൗരാവകാശ പ്രവർത്തകരാണ്​ സമരത്തി​​െൻറ സംഘാടകർ. സത്യഗ്രഹത്തിന്​ പിന്തുണയുമായി യു.ഡി.എഫ്​, ബി.ജെ.പി നേതാക്കൾ രംഗത്തുവരികയും പ്രതിരോധവുമായി മുഖ്യമന്ത്രിയടക്കം

പ്രസ്​താവനകളിറക്കുകയും ചെയ്​തതോടെയാണ്​ വാളയാർ ശ്രദ്ധാകേന്ദ്രമായത്​. പ്രതികളെ വെറുതെ വിട്ട സെഷൻസ്​ കോടതി വിധിക്കെതിരെ, സംസ്ഥാന സർക്കാറി​െൻറ അപ്പീൽ ഹരജി നവംബർ ഒമ്പതിന്​ ഹൈക്കോടതി

പരിഗണിക്കാനിരിക്കെ, വാളയാർ കേസിൽ സർക്കാറി​െന അനുകൂലിച്ചും പ്രതികൂലിച്ചുമുള്ള രാഷ്​ട്രീയ ചർച്ചകൾ പൊടിപൊടിക്കുകയാണ്​. ​

പ്രതിപക്ഷ നേതാവ്​ രമേശ്​​ ചെന്നിത്തല കഴിഞ്ഞദിവസം വാളയാറിലെത്തി സത്യഗ്രഹത്തിന്​ പിന്തുണ പ്രഖ്യാപിച്ചിരുന്നു. അന്നുതന്നെ ബി.ജെ.പി സംസ്ഥാന പ്രസിഡൻറ്​ കെ. സുരേന്ദ്രനും വാളയാറിലെത്തി. വ്യാഴാഴ്​ച കെ.പി.സി.സി പ്രസിഡൻറ്​ മുല്ലപ്പള്ളി രാമച​​ന്ദ്രനും സമരപന്തലിലെത്തി. യു.ഡി.എഫ്​ യുവജന, വിദ്യാർഥി സംഘടനകളും ദലിത്​ സംഘടനകളും മഹിള മോർച്ചയടക്കം വിവിധ സംഘ്​ പരിവാർ സംഘടനകളും സമരത്തിന്​ പിന്തുണയുമായുണ്ട്​.

സമരത്തിനുപിന്നിൽ രാഷ്​ട്രീയ ലക്ഷ്യമാണെന്നും സർക്കാരിനും പാർട്ടിക്കും ഒന്നും മറച്ചുവക്കാനില്ലെന്നുമാണ്​ ​മുഖ്യമ​​ന്ത്രിയും സി.പി.എമ്മും വ്യക്​തമാക്കിയത്​. അമ്മയുടെ എല്ലാ ആവശ്യങ്ങളെയും സർക്കാർ പിന്തുണച്ചിട്ടുണ്ടെന്നും അവരെ തെറ്റിദ്ധരിപ്പിച്ച്​ സമരത്തിനിറക്കിയതാണെന്നുമാണ്​ മന്ത്രി എ.കെ. ബാലൻ പ്രതികരിച്ചത്​്​.

കേസ​േന്വഷണത്തിൽ വീഴ്​ച വരുത്തിയ ഡിവൈ.എസ്​.പി ഉൾപ്പെടയുള്ള പൊലീസ്​ ഉദ്യോഗസ്ഥർക്കെതിരെ നടപടി വേണമെന്നാണ്​ കുട്ടികളുടെ അമ്മ മുന്നോട്ടുവെക്കുന്ന പ്രധാന ആവശ്യം. കേസിൽ ആറാംപ്രതിയായി



ഒരാൾകൂടിയു​െണ്ടന്നും കേസ്​ അട്ടിമറിക്ക്​ പിന്നിൽ ഉന്നത സ്വാധീനമുള്ള ഇയാ​ളാണെന്നും അമ്മ പറയുന്നു. വാളയാർ കേസിലെ വീഴ്​ചകൾ പരിശോധിച്ച ഹനീഫ കമീഷൻ റിപ്പോർട്ടിലെ ശിപാർശകൾ നടപ്പാക്കപ്പെടാത്തതും കുട്ടികളുടെ അമ്മ സർക്കാറിനെതിരെ തിരിയാനുള്ള കാരണമാണ്.​

കേസ്​ രണ്ടാമത്​ അ​േന്വഷിച്ച ഡിവൈ.എസ്​.പി എം.ജെ. സോജന്​ എസ്​.പിയായി സ്ഥാനക്കയറ്റം ലഭിച്ചതും ​െഎ.പി.എസിന്​ ശിപാർശ ചെയ്യപ്പെട്ടതും ഇവർ സർക്കാറിനെതിരാവാൻ കാരണങ്ങളാണ്​. കമീഷൻ റിപ്പോർട്ടിൽ നടപടിയെടുക്കാൻ ഹൈക്കോടതി വിധിവര​െട്ടയെന്നാണ്​ സി.പി.എം നിലപാട്​. കമീഷൻ റിപ്പോർട്ടി​െൻറ മാത്രം അടിസ്ഥാനത്തിൽ ഉദ്യോഗസ്ഥരുടെ പ്രമോഷൻ തടയാൻ നിയമപരമായി കഴിയില്ലെന്ന്​ മന്ത്രി എ.കെ. ബാലൻ പറയുന്നു. സംസ്ഥാനത്തലത്തിൽ ഏറെ ചർച്ച ചെയ്യപ്പെട്ട വാളയാർ കേസ്​ പുതിയ സമരത്തി​െൻറ വെളിച്ചത്തിൽ ആസന്നമായ തദേശഭരണ തെരഞ്ഞെടുപ്പി​െൻറ രാഷ്​ട്രീയ ചർച്ചകളിലും ഇടംപിടിക്കുകയാണ്​.





Show Full Article
TAGS:
Next Story