Begin typing your search above and press return to search.
exit_to_app
exit_to_app
Homechevron_rightOpinionchevron_rightOffbeatchevron_rightവികാരമങ്ങ്​...

വികാരമങ്ങ്​ വ്രണപ്പെടാൻ വരട്ടെ; അപ്പറഞ്ഞവരിലധികവും ഫേക്കാണ്​

text_fields
bookmark_border
വികാരമങ്ങ്​ വ്രണപ്പെടാൻ വരട്ടെ; അപ്പറഞ്ഞവരിലധികവും ഫേക്കാണ്​
cancel

എഫ്​.ബിയിലും മറ്റും വരുന്ന കമൻറ്​ കണ്ട്​ വികാരമങ്ങ്​ വ്രണപ്പെടാൻ ​വെമ്പുന്നവരാണോ നിങ്ങൾ. എങ്കിൽ, സ്വന്തം സമുദായത്തിനു നേരെയുള്ള ഏത്​ വിമർശനത്തെയുമങ്ങ്​ നേരിട്ടുകളയാമെന്ന്​ വിചാരിച്ച്​ ആവേശം കൊള്ളുന്നതിനു മുമ്പ്​ അങ്ങനെയൊരു 'എതിരാളി' ഉണ്ടോയെന്നെങ്കിലും അറിയുക. നിങ്ങളെ വല്ലാതെ പ്രകോപിപ്പിക്കുന്ന കമൻറ്​ പെരുമഴ തീർക്കുന്നതിൽ ബഹുഭൂരിഭാഗവും വ്യാജൻമാരാണ്​. നേരവും കാലവും നോക്കി പല പേരുകളിൽ ഈ ഫേക്ക്​ ഐഡികളുടെ ചാകരയാണിപ്പോൾ.

നേര​ത്തെ, രാഷ്​ട്രീയക്കാരുടെ പോസ്​റ്റുകൾക്കു താഴെ വട്ടമിട്ടു പറന്ന വെട്ടുകിളികൾ ഇപ്പോൾ മതവൈരം കത്തിക്കാൻ പറ്റുമോയെന്നാണ്​ പയറ്റുന്നത്​.

പാല ബിഷപ്പി​െൻറ വിവാദ പ്രസ്​താവനയെ തുടർന്ന്​ ഫേക്ക്​ ഐഡികൾ ആടി തിമർക്കുകയാണ്​. മുസ്​ലിം, ക്രിസ്​ത്യൻ പേരുകളിൽ പരസ്​പരം പോരടിക്കുകയാണ്​ ഇവർ. കമൻറിടുന്നവരുടെ ജാതി പെ​ട്ടെന്ന്​ മനസ്സിലാക്കാനുതകുന്ന പേരുകളാണ്​ ഫേക്ക്​ ഐഡിക്കാർ അധികവും ഉപയോഗിക്കുന്നത്​.

ഇത്തരമൊരു ഫേക്ക്​ ഐഡി​യെ ​ൈക​യ്യോടെ പിടികൂടിയിരിക്കയാണ്​ എഴുത്തുകാരിയും അധ്യാപികയുമായ ദീപ നിശാന്ത്​. ഷിബു അഗസ്​റ്റിൻ പ്ലാക്കൂട്ടത്തിൽ എന്ന പേരിലാണ്​ വ്യാജൻ ഇവരുടെ പോസ്​റ്റിനു താഴെ വന്ന്​ കമൻറിട്ടത്​. പ്രൊഫൈലിൽ കയറിയപ്പോൾ​ ഫോ​ട്ടോ ആർ.എസ്​.എസ്​ നേതാവ്​ മോഹൻ ഭഗവതി​​േൻറത്​. അതിനു മുകളിൽ മോദിയുടെ ഫോ​ട്ടോ. വർക്​സ്​ അറ്റ്​ കുലാചാര ധർമ സംരക്ഷണ പരിഷത്​. ബി.ജെ.പിയുടെ ഐ.ടി സെല്ലിലാണ്​ ജോലിയെന്നും പറയുന്നു. '


'കഞ്ചാവും ഹാൻസും ഉള്ളിസുര വഴിയാണ്​ ലഭിക്കുന്നത്​.. ബൈ ദിവേ പ്രൈാഫൈലിനിട്ട പേര്​ കൊള്ളാം ആരും സംശയിക്കത്തില്ല'' എന്നു മറുപടി നൽകി ദീപാ നിശാന്തും തിരിച്ചടിച്ചു. സംഘ്​പരിവാർ നിയന്ത്രിത പ്രൊഫൈലുകളാണ്​ ഇതെന്ന്​ തിരിച്ചറിയണമെന്ന്​ ദീപ നിശാന്തി​െൻറ പോസ്​റ്റ്​ ഷെയർ ചെയ്​ത ഡോ. അസീസ്​ തരുവണയും കുറിച്ചു.

കമൻറുകളിലാണ്​ ഫേക്കുകളുടെ താമസം

പ്രമുഖ പത്രങ്ങളുടെയും ന്യൂസ്​ ചാനലുകളുടെയും വെബ്​ എഡിഷനിലെ കമന്‍റ്​ ബോക്​സിലാണ്​ ഫേക്കുകൾ വീടുവെച്ച്​ താമസിക്കുന്നത്​. ഫേസ്​ബുക്ക്​ പേജിലാണെങ്കിൽ പിന്നെ പറയുക​യും വേണ്ട. കമൻറുകളുടെ പൊടി പൂരമാണ്​.

വാർത്തയുടെ സ്വഭാവം നോക്കി മുസ്​ലിം ഫേക്കുകാരനോ ക്രിസ്​ത്യൻ ഫേക്കുകാ​രനോ ആദ്യം വന്ന്​ പ്രകോപനപരമായ കമൻറിടും. താമസി​യാതെ എതിരാളിയെന്ന നിലക്ക്​ മറ്റേ സമുദായക്കാരൻ മറുപടി. ഇവരിട്ട ചൂണ്ടയിൽ കൊത്തി കുറേ സ്വയംപ്രഖ്യാപിത സമുദായ സംരക്ഷകർ കമന്‍റുകളും മറുകമന്‍റുകളുമായി എത്തും. അതോടെ വികാരം ആളിക്കത്തിക്കുന്ന ഇടമായി സൈബറിടം മാറും.

ഫേക്കുകൾ മൊത്തം ലോക്കിലാണ്​

ഒന്ന്​ ശ്രദ്ധിച്ചാൽ ഫേക്കുകളെ കണ്ടെത്താൻ കഴിയും. ഭൂരിപക്ഷം ഫേക്കുകളുടെയും അക്കൗണ്ട്​ ലോക്ക്​ ചെയ്​തിരിക്കും. അവരുടെ പ്രൊഫൈൽ പോയി നോക്കിയാൽ ഇന്നോ ഇന്നലെയോ സൃഷ്​ടിച്ച അക്കൗണ്ടുകളാണെന്ന്​ തിരിച്ചറിയാനാവും. ഇവരുടെ പോസ്​റ്റുകൾക്ക്​ കാര്യമായ ലൈക്ക്​, ഷെയർ കമൻറുകൾ ഒന്നുമുണ്ടാവില്ല.

സ്വന്തമായി പോസ്​റ്റിടുന്നവരല്ല ഈ വ്യാജൻമാർ എന്നതാണ്​ അതിലേറെ രസകരം. വല്ലതും അറിയുകയാണെങ്കിൽ അല്ലേ എന്തെങ്കിലും എഴുതൂവെന്ന സുക്കർബർഗി​െൻറ വിളികേൾക്കാനാകൂ. സ്വന്തം പോസ്​റ്റിടാത്തതിനാൽ കമൻറുകളിലാണ്​ ഇവരുടെ ആനന്ദം.

Show Full Article
TAGS:Communal Hatred Fake ID communal harmony 
News Summary - beware of fake facebook profile spreading communal hatred
Next Story