മാവേലിക്കര: വെള്ളം കയറിയ റോഡിൽനിന്ന് കാൽവഴുതി പുഞ്ചയിലേക്ക് വീണ വിമുക്തഭടൻ മരിച്ചു. ചെട്ടികുളങ്ങര കരിപ്പുഴ പാലമൂട്ടിൽ സി. അനന്തനാണ് (60) മരിച്ചത്.വെള്ളം കയറിക്കിടക്കുന്ന കരിപ്പുഴ-കുറ്റിക്കാലേത്തുകടവ് റോഡിൽ ശനിയാഴ്ച ഉച്ചക്കായിരുന്നു അപകടം. ജലനിരപ്പ് ഉയർന്നതിനെത്തുടർന്ന് റോഡും തോണ്ടലിൽ പാടശേഖരവും തിരിച്ചറിയാനാകാതെ വെള്ളം നിറഞ്ഞൊഴുകുകയാണ്. ഭാര്യ: സരസ്വതി. മക്കൾ: ആശ, അനിൽകുമാർ, അജന്ത, അനീഷ്. മരുമക്കൾ: രാജേന്ദ്രൻ, ആനന്ദവല്ലി, രമേശ്, രശ്മികല. സംസ്കാരം ഞായറാഴ്ച നടക്കും.
