നന്തിബസാര്: ഭര്ത്താവിനൊപ്പം ബൈക്കില് സഞ്ചരിക്കവെ കാറിടിച്ച് പരിക്കേറ്റ് കോഴിക്കോട് മെഡിക്കല് കോളജ് ആശുപത്രിയില് ചികിത്സയിലായിരുന്ന വീട്ടമ്മ മരിച്ചു. നന്തിയിലെ പാറക്കാട് താളിക്കാട്ടില് ഗീതയാണ് (53) മെഡിക്കല് കോളജ് ആശുപത്രിയില് മരിച്ചത്. തിക്കോടി പാലൂരു വെച്ച് അമിതവേഗത്തില് വന്ന കാർ ഗീത സഞ്ചരിച്ച ബൈക്കില് ഇടിച്ചാണ് അപകടം. ഭര്ത്താവ്: ടി.കെ. അശോകന് (റിട്ട. സെക്രട്ടറി മൂടാടി സര്വിസ് സഹകരണ ബാങ്ക്). പിതാവ്: പരേതനായ വടുവന്. മാതാവ്: കമല. മക്കള്: അഷിത, അമിത, അബിത. മരുമകന്: ദിപിന് (ചിങ്ങപുരം എളമ്പിലാട്). സഹോദരങ്ങള്: മധു, മനോജ്. സഞ്ചയനം ബുധനാഴ്ച. ഹംസ ഹാജി പയ്യോളി: അക്ഷര കോളജിന് സമീപം കളത്തിൽ ഹംസ ഹാജി (93) നിര്യാതനായി. ഭാര്യ: കുഞ്ഞയിശ. മക്കൾ: കുഞ്ഞബ്ദുല്ല, ഇസ്മായിൽ, അഹമ്മദ്, നഫീസ, റുഖിയ, കുഞ്ഞിബി. മരുമക്കൾ: എം.സി. മൊയ്തു, അഹമ്മദ് കോട്ടക്കാരൻ, സൈനബ, ആയിഷ, ഷംസീന, പരേതനായ അബ്ദുല്ലകുട്ടി.
