മീൻ പിടിത്തത്തിനിടെ കടലിൽ വീണ രണ്ട് യുവാക്കൾ മുങ്ങി മരിച്ചു

മംഗളൂരു: ബൈന്തൂരിൽ മത്സ്യബന്ധനത്തിനിടെ കടലിൽ വീണ് രണ്ട് യുവാക്കൾ മരിച്ചു. ബൈന്തൂർ ഷിറൂർ ഗ്രാമത്തിലെ എൻ. നസാൻ(24), ഗംഗോളിയിലെ മുസാബ്(22) എന്നിവരാണ് മരിച്ചത്.

ഞായറാഴ്ചയാണ് ഇവർ പോയ വള്ളം അകടത്തിൽപെട്ടത്. നാലുപേരാണ് വള്ളത്തിലുണ്ടായിരുന്നത്. രണ്ടുപേരെ മത്സ്യത്തൊഴിലാളികൾ രക്ഷിച്ചു. നസാന്റെയും മുസാബിന്റെയും മൃതദേഹങ്ങൾ തിങ്കളാഴ്ചയാണ് കണ്ടെത്തിയത്.