സൗദി പ്രവാസിയായ തിരുവനന്തപുരം സ്വദേശി നാട്ടിൽ നിര്യാതനായി

യാംബു: ദീർഘകാലം യാംബുവിൽ പ്രവാസിയായിരുന്ന മലയാളി യുവാവ് നാട്ടിൽ അസുഖബാധിതനായി ചികിത്സയിലിരിക്കെ നിര്യാതനായി. തിരുവനന്തപുരം മുരുക്കുംപുഴ സ്വദേശിയായ എസ്.വി. അനീഷ് എന്ന കുടു (35) ആണ് ഞായറാഴ്ച മരിച്ചത്.

മൂന്നു വർഷം യാംബുവിൽ മൊബൈൽ റിപ്പയറിങ് മേഖലയിൽ ജോലി ചെയ്തിരുന്ന അനീഷ് ഈ മേഖല പൂർണമായും സ്വദേശിവത്കരിച്ചപ്പോൾ പ്രവാസം അവസാനിപ്പിച്ച് നാട്ടിലേക്ക് മടങ്ങിയിരുന്നു. യാംബുവിൽ എത്തുന്നതിന് മുമ്പ് കുറച്ചു കാലം റിയാദിലും ജോലി ചെയ്‌തിരുന്നു. അദ്ദേഹത്തിന്റെ പിതാവ് ഷാജിയും നേരത്തേ യാംബുവിൽ പ്രവാസിയായിരുന്നു.

മാതാവ്: വഹീദ. ഭാര്യ: രഹ്‌ന. മകൻ: ആതിഫ് മുഹമ്മദ്. സഹോദരി: അധീന.