Begin typing your search above and press return to search.
exit_to_app
exit_to_app
Homechevron_rightNewschevron_rightObituarieschevron_rightDistrictschevron_rightTrivandrumchevron_rightവീടിനുമുന്നിൽ...

വീടിനുമുന്നിൽ അബോധാവസ്ഥയിൽ കണ്ട പിഞ്ചുകുഞ്ഞ്​ മരിച്ചു; പാമ്പുകടിയേറ്റ​തെന്ന്​ ഡോക്​ടർമാർ

text_fields
bookmark_border
വീടിനുമുന്നിൽ അബോധാവസ്ഥയിൽ കണ്ട പിഞ്ചുകുഞ്ഞ്​ മരിച്ചു; പാമ്പുകടിയേറ്റ​തെന്ന്​ ഡോക്​ടർമാർ
cancel

കാട്ടാക്കട: വീടിനുമുന്നിൽ അബോധാവസ്ഥയിൽ കണ്ടതിനെ തുടർന്ന്​ ആശുപത്രിയിലെത്തിച്ച്​ ചികിത്സയിലായിരുന്ന നാലുവയസ്സുകാരി മരിച്ചു. കുഴിവിള മുണ്ടുകോണം രതീഷ് ഭവനില്‍ രതീഷ്, രമ്യ ദമ്പതികളുടെ മകള്‍ അന്ന മോൾ (4) ആണ് മരിച്ചത്. മരണകാരണം പാമ്പുകടിയേറ്റതാണെന്ന്​ ഡോക്​ടർമാർ സ്​ഥിരീകരിച്ചു. ​

ബുധനാഴ്ച​ കളിക്കുന്നതിനിടെയാണ് വീടിനുമുന്നിൽ കുഞ്ഞിനെ അബോധാവസ്ഥയിൽ കണ്ടത്​. ഉടൻ വീട്ടുകാർ കാട്ടാക്കട സ്വകാര്യ ആശുപത്രിയിലും തുടർന്ന് എസ്.എ.ടി ആശുപത്രിയിലുമെത്തിച്ചു. അവിടെ വിശദമായ പരിശോധനയ്ക്ക് ശേഷമാണ് കുട്ടിയുടെ ശരീരത്തിൽ വിഷാംശം കണ്ടത്. ഇടതു കാൽപാദത്തിൽ പാമ്പുകടിയേറ്റതിന്‍റെ പാടുകൾ ഡോക്ടർമാർ കണ്ടെത്തിയിരുന്നു.

ഐ.സി.യുവിലേക്കും തുടർന്ന് വെന്‍റിലേറ്ററിലേക്കും മാറ്റിയെങ്കിലും വ്യാഴാഴ്​ച രാവിലെ 10 മണിയോടെ മരണപ്പെടുകയായിരുന്നു. ചുറ്റുമതിലുള്ള വീടിന് മുന്നിലിരുന്ന് അന്നമോൾ കളിക്കുന്നത് പതിവായിരുന്നു. ഇതിനിടെയാണ്​ പാമ്പുകടി​േയറ്റതെന്ന്​ കരുതുന്നു. ക്ഷീര കർഷകനാണ് അന്നമോളുടെ പിതാവ്.

മരണശേഷം കോവിഡ് പോസിറ്റീവ് സ്ഥിരീകരിച്ചതിനാല്‍ ആരോഗ്യ പ്രവർത്തകരുടെ സാന്നിധ്യത്തിൽ വീടിന് മുന്നിൽ പ്രത്യകം സജ്ജീകരിച്ച സ്ഥലത്ത്​ മൃതദേഹം സംസ്കരിച്ചു. ജനപ്രതിനിധികൾ ഉൾപ്പെടെ നിരവധി പേർ പങ്കെടുത്തു. സഹോദരി: അനന്യ.

Show Full Article
TAGS:Snakebite 
News Summary - four-year-old girl dies of snakebite
Next Story