വയനാട്ടിൽ ആദിവാസി വയോധിക കോവിഡ്​ ബാധിച്ച്​ മരിച്ചു

മേപ്പാടി (വയനാട്​): ആദിവാസി വയോധിക കോവിഡ്​ ബാധിച്ച്​ മരിച്ചു. മേപ്പാടി ഗ്രാമപഞ്ചായത്ത്​ രണ്ടാം വാർഡിലെ കോട്ടയിൽ കോളനിയിലെ പാറ്റ (99) ആണ്​ മരിച്ചത്​.

കഴിഞ്ഞ ദിവസം കോളനിയിൽ ആരോഗ്യവകുപ്പ്​ നടത്തിയ പരിശോധനയിൽ കോവിഡ്​ പൊസിറ്റീവായതിനെ തുടർന്ന്​ പാറ്റയെ ചുളിക്കയിലുള്ള ഫസ്റ്റ്​ലൈൻ ട്രീറ്റ്​മെന്‍റ്​ സെന്‍ററിലേക്ക്​ മാറ്റിയിരുന്നു. എന്നാൽ, ചൊവ്വാഴ്ച രാത്രി പത്തരയോടെ മരിക്കുകയായിരുന്നു.