മുതിർന്ന മാധ്യമപ്രവർത്തകൻ രവിവർമ അന്തരിച്ചു

കൊച്ചി: മുതിർന്ന മാധ്യമപ്രവർത്തകൻ രവിവർമ(60)അന്തരിച്ചു. രബീന്ദ്രനാഥ് എന്നാണ് യഥാർഥ പേര്. ഹൃദയാഘാതം മൂലം കാക്കനാട്ടെ സ്വകാര്യ ആശുപത്രിയിൽ ഉച്ചക്ക് 12 മണിയോടെയായിരുന്നു അന്ത്യം.

കേന്ദ്ര സാഹിത്യ അക്കാദമി പുരസ്കാര ജേതാവും ബംഗാളി കൃതികളുടെ വിവർത്തകനുമായ പരേതനായ രവിവർമയുടെയും പരേതയായ ലില്ലി വർമയുടെയും മകനാണ്. അവിവാഹിതനാണ്.

നെഞ്ചു വേദനയെ തുടർന്ന് എറണാകുളം സർക്കാർ മെഡിക്കൽ കോളജിലേക്ക് കൊണ്ടുപോകും വഴി ആരോഗ്യ നില വഷളായി. തുടർന്ന് കാക്കനാട്ടെ ആശുപത്രിയിൽ പ്രവേശിപ്പിക്കുകയായിരുന്നു. സംസ്കാരം നാളെ തൃപ്പൂണിത്തറയിൽ. തൃപ്പൂണിത്തുറ വടക്കേക്കോട്ട ലില്ലിഭവനിൽ സഹോദരിക്കൊപ്പമായിരുന്നു രവിവർമയുടെ താമസം.