നൈജീരിയയിൽ ജോലി ചെയ്തിരുന്ന യുവാവ്​ വീടിന് സമീപം തൂങ്ങി മരിച്ച നിലയിൽ

തിരുവല്ല: നിരണം സ്വദേശിയായ യുവാവിനെ വീടിന് സമീപത്തെ മരത്തിൽ തൂങ്ങി മരിച്ച നിലയിൽ കണ്ടെത്തി. നിരണം ഒറ്റ വേലിൽ രഘുവിന്‍റെ മകൻ സൂരജ് (28) നെയാണ് ചൊവ്വാഴ്ച രാവിലെ ഏഴ് മണിയോടെ മരിച്ച നിലയിൽ കണ്ടെത്തിയത്.

തിങ്കളാഴ്ച അർധരാത്രി മുതൽ സൂരജിനെ വീട്ടിൽ നിന്നും കാണാതായിരുന്നു. ഇൻക്വസ്റ്റ് നടപടികൾക്ക് ശേഷം മൃതദേഹം മോർച്ചറിയിലേക്ക് മാറ്റി. നൈജീരിയയിൽ ജോലി ചെയ്തിരുന്ന സൂരജ് അടുത്ത കാലത്താണ് നാട്ടിൽ മടങ്ങിയെത്തിയത്. മാതാവ്: ഗീത, സഹോദരങ്ങൾ: രാജേഷ്, റെജിൻ. സംസ്കാരം പിന്നീട്.