പത്തനംതിട്ട സ്വദേശി ഒമാനിൽ നിര്യാതനായി

മസ്കത്ത്: ഒമാനിലെ റുവിയിൽ ജോലി ചെയ്യുന്ന പത്തനംതിട്ട സ്വദേശി നിര്യാതനായി. കൊടുമൺ വട്ടക്കുന്നിൽ കേളൻ ഗോപാലൻ- വസുമതി ദമ്പതികളുടെ മകൻ സുരേഷ് (42) ആണ് മരിച്ചത്. ഭാര്യ: ജമിനി റൂത്ത്. മസ്കത്ത് എക്സ്പ്രസ് വേക്ക് സമീപത്തുള്ള മെഡിക്കൽ സിറ്റി ഹോസ്പിറ്റൽ എംബാമിങ് പൂർത്തിയാക്കി തുടർ നടപടികൾക്ക് ശേഷം മൃതദേഹം ഞായറാഴ്ച രാത്രി നാട്ടിലേക്ക് കൊണ്ടു പോകും. മരണാനന്തര നടപടികൾക്ക് കെ.എം.സി.സി മസ്കത്ത് കെയർ വിങ് നേതൃത്വം നൽകി.