Begin typing your search above and press return to search.
exit_to_app
exit_to_app
Homechevron_rightNewschevron_rightObituarieschevron_rightDistrictschevron_rightPalakkadchevron_rightപാലക്കാട്​ ജില്ലയിൽ 40 ...

പാലക്കാട്​ ജില്ലയിൽ 40 കോടിയുടെ കൃഷിനാശം

text_fields
bookmark_border
പാലക്കാട്​ ജില്ലയിൽ 40 കോടിയുടെ കൃഷിനാശം
cancel
camera_alt

മുതലമട കാമ്പ്രത്ത് ചള്ള ചോറപ്പളത്ത് വിളഞ്ഞ നെൽപാടം വെള്ളത്തിലായപ്പോൾ

പാലക്കാട്: ജില്ലയിൽ ഇതുവരെ 39.64 കോടി രൂപയുടെ വിളനാശം സംഭവിച്ചതായി കൃഷിവകുപ്പ്. ഏറ്റവും കൂടുതൽ നാശം വാഴകൃഷിക്കാണ്. 1200.37 ഹെക്ടറിൽ 23.6 കോടി രൂപയുടെ നാശമാണ് ഈ മേഖലയിലുണ്ടായത്. കനത്ത മഴയിലും കാറ്റിലും കുല വന്ന 3.30 ലക്ഷത്തോളം വാഴയാണ് നിലം പൊത്തിയത്. നെൽകൃഷിയിൽ 621 ഹെക്ടറിൽ 9.32 കോടിയുടെ വിളയാണ് നശിച്ചത്.

132.6 ഹെക്ടറിലായി 55.03 ലക്ഷം രൂപയുടെ പച്ചക്കറികൾക്കും നാശം വന്നു. സെപ്റ്റംബറിലാണ് നെൽകൃഷിക്ക് കൂടതൽ നഷ്​ടം ഉണ്ടായത്. 458.40 ഹെക്ടറിൽ 6.87 കോടി രൂപയുടെ വിളയാണ് കനത്ത മഴയിൽ നശിച്ചത്. ഏലം, ഇഞ്ചി, കശുവണ്ടി, റബർ, നാളികേരം, കൊക്കോ, കാപ്പി, അടയ്ക്ക, കുരുമുളക്, മരച്ചീനി തുടങ്ങിയ വിളകളും കാലവർഷക്കെടുതിയിൽ നശിച്ചതായി കൃഷിവകുപ്പ് അധികൃതർ പറഞ്ഞു.

കൊല്ലങ്കോട്: മഴയെ തുടർന്ന് 10 ഹെക്ടർ നെൽകൃഷി വെള്ളം കയറി നശിച്ചു. മുതലമട, കൊല്ലങ്കോട് പഞ്ചായത്തുകളിലാണ് വ്യാപകമായി നെൽകൃഷി വെള്ളത്തിലായത്​. സ്ഥിതി തുടരുകയാണെങ്കിൽ കൂടുതൽ നെൽപാടങ്ങൾ നശിക്കുമെന്ന്​ കൃഷിക്കാർ പറയുന്നു​. പോത്തമ്പാടം, കമ്പ്രത്ത് ചള്ള, ചോറപ്പള്ളം, ആന്തിച്ചിറ, പുളിയന്തോണി, പയ്യല്ലൂർ, ചാത്തൻ പറ, ഇടച്ചിറ, മാത്തൂർ, തേക്കിൻ ചിറ, ചീരണി, കാലികുളമ്പ് എന്നീ പ്രദേശങ്ങളിലെ നെൽകർഷകർ ഇതോടെ പ്രതിസന്ധിയിലായി.

20-25 ദിവസം പ്രായമായ നെൽച്ചെടികളാണ് നശിച്ചതെന്ന് വിജയൻ ചോറപ്പള്ളം പറഞ്ഞു. വിളവെടുപ്പിന് മൂന്നാഴ്ചയോളമാണ്​ ശേഷിക്കുന്നത്​. 40,000 വരെ ഏക്കറിന്​ ​െചലവഴിച്ചാണ്​ കൃഷിയിറക്കിയത്​. പ്രതിസന്ധിയിലായ കർഷകർക്ക്​ സർക്കാർ നഷ്​ടപരിഹാരം അനുവദിക്കണമെന്നാണ്​ ആവശ്യമുയരുന്നത്​.

Show Full Article
TAGS:palakad 
Next Story