ഡോ. എൻ. ചന്ദ്രശേഖരൻ നായർ അന്തരിച്ചു

തി​രു​വ​ന​ന്ത​പു​രം: ഹി​ന്ദി സാ​ഹി​ത്യ അ​ക്കാ​ദ​മി സ്ഥാ​പ​ക​നും ഭാ​ഷാ​പ​ണ്ഡി​ത​നും എ​ഴു​ത്തു​കാ​ര​നു​മാ​യ ഡോ. ​എ​ൻ. ച​ന്ദ്ര​ശേ​ഖ​ര​ൻ നാ​യ​ർ അ​ന്ത​രി​ച്ചു. 98 വ​യ​സ്സാ​യി​രു​ന്നു. ഒ​രു പു​രു​ഷാ​യു​സ്സ് മു​ഴു​വ​ൻ ഹി​ന്ദി ഭാ​ഷ​യു​ടെ സ​മ​ഗ്ര വ​ള​ർ​ച്ച​ക്കും പ്ര​ചാ​ര​ണ​ത്തി​നു​മാ​യി പ്ര​വ​ർ​ത്തി​ച്ച അ​തു​ല്യ വ്യ​ക്തി​ത്വ​മാ​ണ്. തി​ങ്ക​ളാ​ഴ്ച രാ​ത്രി പ​ട്ട​ത്തെ വ​സ​തി​യി​ലാ​യി​രു​ന്നു അ​ന്ത്യം. സം​സ്കാ​രം ഔ​ദ്യോ​ഗി​ക ബ​ഹു​മ​തി​ക​ളോ​ടെ തൈ​ക്കാ​ട്​ ശാ​ന്തി​ക​വാ​ട​ത്തി​ൽ ന​ട​ന്നു.

2020ൽ ​രാ​ജ്യം പ​ത്മ​ശ്രീ ന​ൽ​കി ആ​ദ​രി​ച്ചു. 50 ലേ​റെ ഗ്ര​ന്ഥ​ങ്ങ​ൾ​ ഹി​ന്ദി​യി​ലും മ​ല​യാ​ള​ത്തി​ലു​മാ​യി ര​ചി​ച്ചു. പ​ല​തും വി​വി​ധ സ​ർ​വ​ക​ലാ​ശാ​ല​ക​ളി​ൽ പാ​ഠ്യ​വി​ഷ​യ​മാ​ണ്. തി​രു​വ​ന​ന്ത​പു​രം എം.​ജി കോ​ള​ജ്​ ഹി​ന്ദി വി​ഭാ​ഗം മു​ൻ മേ​ധാ​വി​യാ​ണ്. യു.​ജി.​സി എ​മി​ര​റ്റ​സ്​ പ്ര​ഫ​സ​ർ, മേ​ജ​ർ റി​സ​ർ​ച്ച്​ സ്​​കോ​ള​ർ എ​ന്നീ നി​ല​ക​ളി​ൽ പ്ര​വ​ർ​ത്തി​ച്ചി​ട്ടു​ണ്ട്. വി​വി​ധ കേ​ന്ദ്ര മ​ന്ത്രാ​ല​യ​ങ്ങ​ളു​ടെ ഹി​ന്ദി ഉ​പ​ദേ​ശ​ക​സ​മി​തി അം​ഗം, കേ​ന്ദ്ര സ​ർ​ക്കാ​ർ ഉ​പ​ദേ​ശ​ക​ൻ, കേ​ര​ള സ​ർ​വ​ക​ലാ​ശാ​ല സെ​ന​റ്റം​ഗം, ഹി​ന്ദി പാ​ഠ​പു​സ്ത​ക​ സ​മി​തി ചെ​യ​ർ​മാ​ൻ എ​ന്നീ നി​ല​ക​ളി​ലും സേ​വ​ന​മ​നു​ഷ്ഠി​ച്ചു.

ഹി​ന്ദി​യി​ലും മ​ല​യാ​ള​ത്തി​ലു​മാ​യി പ്രൗ​ഢ​മാ​യ 50 ലേ​റെ പു​സ്ത​ക​ങ്ങ​ൾ ര​ചി​ച്ചു. 23 എ​ണ്ണം മ​ല​യാ​ള​ത്തി​ലാ​ണ്. വി​ശ്വ​ഹി​ന്ദി സ​മ്മാ​ൻ, ഹി​ന്ദി ര​ത്ന സ​മ്മാ​ൻ, ഗ​ണേ​ഷ്​ ശ​ങ്ക​ർ വി​ദ്യാ​ർ​ഥി സ​മ്മാ​ൻ, വി​വേ​കാ​ന​ന്ദ പു​ര​സ്കാ​രം, പ്രേം​ച​ന്ദ്​ പു​ര​സ്കാ​രം എ​ന്നി​വ​യ​ട​ക്കം 50 ലേ​റെ പു​ര​സ്കാ​രം നേ​ടി. മ​ദ്യ​വി​രു​ദ്ധ സ​മി​തി നേ​താ​വാ​യി​രു​ന്ന പ്ര​ഫ. എം.​പി. മ​ന്മ​ഥ​ന്‍റെ മ​ക​ൾ പരേതയായ ശാ​ര​ദ​യാ​ണ്​ ഭാ​ര്യ. മ​ക്ക​ൾ: പ​രേ​ത​നാ​യ സി. ​ശ​ര​ത്​​ച​ന്ദ്ര​ൻ, നീ​ര​ജ, സു​ന​ന്ദ.