സിദ്ധാപുരം ഉസ്‍മാൻ ഹാജി നിര്യാതനായി

സിദ്ധാപുരം(കർണാടക): രാഷ്​ട്രീയ സാമൂഹ്യ മേഖലകളിൽ നിറ സാന്നിധ്യമായിരുന്ന സിദ്ധാപുരം കളത്തിനകത്ത് ഉസ്മാൻ ഹാജി (78) നിര്യാതനായി. സിദ്ധാപുർ മുസ്​ലിം ജമാഅത്ത് പ്രസിഡൻറായി 36 വർഷം സേവനമനുഷ്ഠിച്ച അ​ദ്ദേഹം മത സൗഹാർദ്ദത്തി​െൻറ പ്രതീകം കൂടിയായിരുന്നു.

കൊടക്​ ജില്ല മദ്റസ മാനേജ്‌മൻറ്​ പ്രസിഡൻറ്​, സുണ്ടിക്കോപ്പ ശരീഅത്ത് കോളജ് ഉപദേശക സമിതി അംഗം, സിദ്ധാപുര ഫാളില ശരീഅത്ത് കോളജ് പ്രസിഡൻറ്​, വിരാജ്പേട്ട മുൻ കോൺഗ്രസ് ബ്ലോക്ക് പ്രസിഡൻറ്​, സിദ്ധാപുർ മുസ്​ലിം യതീം ഖാന പ്രസിഡൻറ്​, എസ്.വൈ.എസ് ജില്ല കമ്മിറ്റി അംഗം, ഇഖ്‌റഹ് സ്‌കൂൾ എക്സിക്യൂട്ടീവ് മെംമ്പർ, വിരാജ്പേട്ട ബനാത്ത് യതീം ഖാന പ്രസിഡൻറ്​, കൊടക്​ ജില്ല കോൺഗ്രസ് കമ്മിറ്റി മെംബർ എന്നീ നിലകളിൽ സേവനമനുഷ്ഠിച്ചിരുന്നു.

ഭാര്യ: ആമിന. മക്കൾ: അബ്​ദുൽ മജീദ്, മുസ്തഫ, ആയിഷ, സുലൈമാൻ, സൈഫുന്നിസ, നസീമ, അബൂബക്കർ സിദ്ദിഖ്, അബ്​ദുൽ റസാഖ്, യാക്കൂബ്, യൂസഫ്​, ഖദീജ. മരുമക്കൾ: ഷഫീന ഷഹനാസ്, ഫരീന, ഉസ്മാൻ, റംല, കരീം, ഉമർ ഫൈസി, തസ്​ലി, ആശിഖ, ജംഷീദ, മഹനാസ്, ഹബീബ്.