കെ.​വി. ശാ​ന്തി: കോട്ടയത്തി​െൻറ മണ്ണില്‍നിന്ന്​ വിടവാങ്ങിയത്​ ഒരു കലാകാരികൂടി

ഏ​റ്റു​മാ​നൂ​ര്‍: പ​ഴ​യ​കാ​ല ച​ല​ച്ചി​ത്ര ആ​സ്വാ​ദ​ക​രു​ടെ പ്രി​യ​ന​ടി കെ.​വി. ശാ​ന്തി കോ​ട്ട​യ​ത്തു​കാ​ര്‍ക്കും ഇ​നി ഓ​ര്‍മ. ഏ​ഴു പ​തി​റ്റാ​ണ്ട് മു​മ്പ് ഏ​റ്റു​മാ​നൂ​രി​ല്‍നി​ന്ന്​ ചെ​ന്നൈ​യി​ലേ​ക്ക് ചേ​ക്കേ​റി​യ ശാ​ന്തി​യു​ടെ ഓ​ര്‍മ​ക​ള്‍ക്ക് മു​ന്നി​ല്‍ ഇ​നി അ​മ്പ​തി​ലേ​റെ മ​ല​യാ​ള​ചി​ത്ര​ങ്ങ​ള്‍ മാ​ത്രം ബാ​ക്കി. തി​ങ്ക​ളാ​ഴ്ച പു​ല​ർ​ച്ച ത​മി​ഴ്നാ​ട് കോ​ട​മ്പാ​ക്ക​ത്തെ വ​സ​തി​യി​ൽ വാ​ർ​ധ​ക്യ​സ​ഹ​ജ​മാ​യ അ​സു​ഖ​ത്തെ തു​ട​ർ​ന്നാ​യി​രു​ന്നു അ​ന്ത്യം.

ബി​സി​ന​സു​കാ​ര​നാ​യി​രു​ന്ന കോ​ട്ട​യം മാ​ങ്ങാ​നം സ്വ​ദേ​ശി വേ​ലാ​യു​ധ​െൻറ​യും ഏ​റ്റു​മാ​നൂ​ര്‍ സ്വ​ദേ​ശി​നി കാ​ർ​ത്യാ​യ​നി​യു​ടെ​യും മ​ക​ള്‍ കെ.​വി. ശാ​ന്ത​മ്മ ക​ലാ​രം​ഗ​ത്ത് തു​ട​ക്കം കു​റി​ച്ച​ത് ന​ര്‍ത്ത​കി​യാ​യി. ശാ​ന്തി​യു​ടെ സി​നി​മ​യി​ലേ​ക്കു​ള്ള പ്ര​വേ​ശ​നം നേ​രി​ട്ടാ​യി​രു​ന്നി​ല്ല. ലോ​ക​പ്ര​ശ​സ്ത ന​ർ​ത്ത​കി​യാ​യ ഉ​ദ​യ് ശ​ങ്ക​റി​െൻറ സ​മ​ർ​പ്പി​ത ശി​ഷ്യ​യാ​യ അ​വ​ർ ഒ​രു ന​ര്‍ത്ത​കി​യാ​യി പ്ര​ശ​സ്തി​യി​ലേ​ക്കു​യ​ര്‍ന്ന പി​ന്നാ​ലെ​യാ​ണ് സി​നി​മ​യി​ലേ​ക്ക് കാ​ലെ​ടു​ത്ത് വെ​ച്ച​ത്.

ത​െൻറ ഡാ​ന്‍സ് ട്രൂ​പ്പു​മാ​യി മു​ന്നോ​ട്ടു​പോ​കു​ക​യാ​യി​രു​ന്ന ശാ​ന്തി​യെ എ​സ്.​പി. പി​ള്ള​യാ​ണ് സി​നി​മ​രം​ഗ​ത്ത് എ​ത്തി​ച്ച​ത്. 1953ൽ ​പു​റ​ത്തി​റ​ങ്ങി​യ പൊ​ൻ​ക​തി​രാ​ണ് ആ​ദ്യ​ചി​ത്രം. ഇ​തി​നു പി​ന്നാ​ലെ മെ​രി​ലാ​ൻ​ഡ്​ സ്​​റ്റു​ഡി​യോ നി​ർ​മി​ച്ച ചി​ത്ര​ങ്ങ​ളി​ലൂ​ടെ​യാ​ണ് മ​ല​യാ​ള സി​നി​മ​യി​ൽ ശാ​ന്തി സ​ജീ​വ​മാ​യ​ത്. 1957ല്‍ ​പി. സു​ബ്ര​ഹ്മ​ണ്യ​ന്‍ സം​വി​ധാ​നം ചെ​യ്ത് പു​റ​ത്തി​റ​ങ്ങി​യ 'പാ​ടാ​ത്ത പൈ​ങ്കി​ളി'​യി​ല്‍ ലൂ​സി​യാ​യി വേ​ഷ​മി​ട്ടു. വ​ന്‍ഹി​റ്റാ​യി മാ​റി ഈ ​ചി​ത്രം.

പി​ന്നീ​ട് 1975ല്‍ ​അ​ഭി​ന​യ​ജീ​വി​തം നി​ര്‍ത്തു​ന്ന​തി​നി​ടെ 51 മ​ല​യാ​ള ചി​ത്ര​ങ്ങ​ളി​ല്‍ വേ​ഷ​മി​ട്ടു. മ​ല​യാ​ള​ത്തി​ല്‍ സ​ത്യ​ൻ, പ്രേം​ന​സീ​ർ, മ​ധു, ഷീ​ല, എ​സ്.​പി. പി​ള്ള എ​ന്നി​വ​രോ​ടൊ​പ്പം അ​ഭ്ര​പാ​ളി​ക​ളി​ല്‍ ശാ​ന്തി ശ്ര​ദ്ധി​ക്ക​പ്പെ​ട്ടു. ത​മി​ഴ്, ക​ന്ന​ട, തെ​ലു​ങ്ക്, ഹി​ന്ദി ചി​ത്ര​ങ്ങ​ളി​ലും ശാ​ന്തി​യു​ടെ നി​റ​സാ​ന്നി​ധ്യം അ​ക്കാ​ല​യ​ള​വി​ല്‍ അ​നു​ഭ​വ​പ്പെ​ട്ടി​രു​ന്നു.

അ​ൾ​ത്താ​ര, മാ​യാ​വി, ക​റു​ത്ത​കൈ, കാ​ട്ടു​മ​ല്ലി​ക, കാ​ട്ടു​മൈ​ന, ദേ​വി ക​ന്യാ​കു​മാ​രി, നെ​ല്ല്, ലേ​ഡി ഡോ​ക്ട​ർ, അ​ധ്യാ​പി​ക തു​ട​ങ്ങി​യ​വ ശാ​ന്തി അ​ഭി​ന​യി​ച്ച പ്ര​ധാ​ന ചി​ത്ര​ങ്ങ​ളി​ൽ ചി​ല​തു​മാ​ത്രം. 1975ൽ ​പു​റ​ത്തി​റ​ങ്ങി​യ അ​ക്ക​ൽ​ദാ​മ, കാ​മം ക്രോ​ധം മോ​ഹം എ​ന്നി​വ​യാ​ണ് അ​വ​സാ​ന​മാ​യി പു​റ​ത്തി​റ​ങ്ങി​യ ചി​ത്ര​ങ്ങ​ൾ.

ഇ​തി​നി​ടെ​യാ​ണ് ശാ​ന്തി​യു​ടെ വ്യ​ക്തി​ജീ​വി​ത​ത്തി​ലേ​ക്ക് ശ​ശി​കു​മാ​ർ ക​ട​ന്നു​വ​ന്ന​ത്. ഇ​ദ്ദേ​ഹ​വു​മാ​യു​ള്ള വി​വാ​ഹ​ത്തോ​ടെ അ​ഭി​ന​യ​ജീ​വി​തം നി​ര്‍ത്തി​യ ശാ​ന്തി ഒ​രു വീ​ട്ട​മ്മ​യാ​യി തു​ട​രു​ക​യാ​യി​രു​ന്നു. ഏ​ക​മ​ക​ന്‍ ശ്യാം ​കു​മാ​ർ ചെ​ന്നൈ​യി​ൽ ബി​സി​ന​സു​കാ​ര​നാ​ണ്. സു​പ്ര​സി​ദ്ധ കാ​ഥി​ക​ന്‍ കെ​ടാ​മം​ഗ​ലം സ​ദാ​ന​ന്ദ​െൻറ ഭാ​ര്യാ​സ​ഹോ​ദ​രി കൂ​ടി​യാ​ണ് ശാ​ന്തി.