Top
Begin typing your search above and press return to search.
exit_to_app
exit_to_app
Homechevron_rightNewschevron_rightObituarieschevron_rightMemoirchevron_rightവട്ടിയൂർക്കാവി​െൻറ...

വട്ടിയൂർക്കാവി​െൻറ സ്വന്തം ഹോക്കി മാഷിന് നാടി​െൻറ യാത്രാമൊഴി

text_fields
bookmark_border
nawab jan file pic
cancel
camera_alt

ഹോക്കി താരങ്ങളോടൊപ്പം നവാബ് ജാൻ(ഫയൽ ചിത്രം)

വട്ടിയൂർക്കാവ്​: വട്ടിയൂർക്കാവി​െൻറ സ്വന്തം ഹോക്കി മാഷിന് നാടി​െൻറ യാത്രാമൊഴി. വട്ടിയൂർക്കാവിലെ കുരുന്നുകൾക്ക് ഹോക്കി കളിയുടെ ബാലപാഠങ്ങൾ പകർന്നുനൽകിയ നവാബ് ജാൻ കടന്നുപോയത് ഒട്ടനവധി താരങ്ങളെ കായികമേഖലക്ക്​ നൽവട്ടിയൂർക്കാവ്കിയാണ്. നവാബ് ജാൻ 1976ൽ സ്പോർട്സ് ക്വാട്ടയിലാണ് എഫ്​.സി.​െഎയിൽ ജോലി നേടിയത്. 1984ൽ വട്ടിയൂർക്കാവിൽ താമസത്തിനെത്തിയത്​ മുതലാണ് എഫ്.സി.ഐയിൽനിന്ന് സ്പെഷൽ പെർമിഷൻ നേടി വട്ടിയൂർക്കാവ് ഗവൺമെൻറ് ഹൈസ്കൂളിൽ കുട്ടികൾക്ക് ഹോക്കി പരിശീലിപ്പിക്കാൻ ആരംഭിച്ചത്.

വട്ടിയൂർക്കാവ് കേന്ദ്രീകരിച്ച് ഹോക്കി ക്ലബ് രൂപവത്​കരിച്ച് പുതിയ താരങ്ങളെ കണ്ടെത്തി ഹോക്കിയുടെ ജനകീയത വർധിപ്പിക്കാൻ അദ്ദേഹം പരിശ്രമിച്ചു. 2000 വരെയുള്ള കാലയളവിൽ 1500ൽപരം കുട്ടികളെയാണ് അദ്ദേഹം ഹോക്കി പരിശീലിപ്പിച്ചത്. 16 വർഷക്കാലം സൗജന്യമായി തന്നെ ഹോക്കി പരിശീലിപ്പിച്ച അദ്ദേഹത്തെ കുട്ടികളും രക്ഷിതാക്കളും സ്നേഹത്തോടെ വട്ടിയൂർക്കാവി​െൻറ ഹോക്കി സാർ എന്നാണ് വിളിച്ചിരുന്നത്.

ദേശീയ, സംസ്ഥാന താരങ്ങൾ ഉൾപ്പെടെ അനേകംപേർ ശിഷ്യ സമ്പത്തായുണ്ട്. തൈക്കാട് ഹോക്കി ക്ലബ് കേന്ദ്രീകരിച്ച് ഹോക്കി പരിശീലനം ആരംഭിച്ച നവാബ് ജാൻ സംസ്ഥാന-ദേശീയ മത്സരങ്ങളിൽ സാനിധ്യമായിരുന്നു. 1997 മുതൽ 2001 വരെ യൂനിവേഴ്സിറ്റി കോളജിൽ ഹോക്കി പരിശീലകനായിരുന്നു. ഇക്കാലയളവിൽ 21 വർഷത്തിന് ശേഷം ഇൻറർ കോളീജിയറ്റ് ചാമ്പ്യൻഷിപ്പും കോളജിന് നേടാനായി. പാളയം പള്ളി ജമാഅത്ത് സെക്രട്ടറിയായിരുന്നു. കഴിഞ്ഞദിവസം കുഴഞ്ഞുവീണാണ് മരിച്ചത്​. പാളയം പള്ളി ഖബർസ്ഥാനിൽ ഖബറടക്കി. സി.പി.എം പേരൂർക്കട ഏരിയ സെക്രട്ടറി എസ്​.എസ്​. രാജലാൽ, പഴയകാല ഹോക്കി താരങ്ങൾ, പഴയ ശിഷ്യർ ഉൾപ്പെടെ ആദരാഞ്ജലികൾ അർപ്പിച്ചു.

Show Full Article
TAGS:Vattiyurkavu nawab jan hockey 
News Summary - farewell to vattiyukkav's own hiockey master
Next Story