മരണക്കയത്തിൽനിന്ന്​ മൂന്ന്​ കുട്ടികളെ രക്ഷിച്ച പ്രവാസി​ മുങ്ങിമരിച്ചു; അപകടം മകളുടെ നികാഹിന്​ ലീവിനെത്തിയപ്പോൾ

ആ​യ​ഞ്ചേ​രി( കോഴിക്കോട്​): ക​നാ​ലി​ൽ മു​ങ്ങി​ത്താ​ഴ്ന്ന മൂ​ന്നു കു​ട്ടി​ക​ളെ ര​ക്ഷ​പ്പെ​ടു​ത്തി​യ യു​വാ​വ് മു​ങ്ങി​മ​രി​ച്ചു. വ​ട​ക​ര, വി​ല്യാ​പ്പ​ള്ളി അ​ര​യാ​ക്കൂ​ല്‍ താ​ഴെ​യി​ലെ ത​ട്ടാ​റ​ത്ത് താ​ഴ​കു​നി സ​ഹീ​റാ​ണ്​ (42) മു​ങ്ങി​മ​രി​ച്ച​ത്.

വ​ട​ക​ര-​മാ​ഹി ക​നാ​ലി​െൻറ ഭാ​ഗ​മാ​യ കാ​യ​ക്കൂ​ല്‍ ഭാ​ഗ​ത്ത് ക​നാ​ലി​െൻറ ആ​ഴ​ങ്ങ​ളി​ലേ​ക്ക് ആ​ണ്ടു​പോ​കു​മാ​യി​രു​ന്ന 12 വ​യ​സ്സി​നും 14 വ​യ​സ്സി​നു​മി​ട​യി​ലു​ള്ള മൂ​ന്നു പേ​രെ ര​ക്ഷി​ച്ചെ​ടു​ത്ത ശേ​ഷ​മാ​ണ് സ​ഹീ​ർ വെ​ള്ള​ത്തി​ൽ മു​ങ്ങി​ത്താ​ഴ്ന്ന​ത്. നീ​ന്ത​ൽ പ​രി​ശീ​ലി​പ്പി​ക്കു​ന്ന​തി​നി​ട​യി​ലാ​യി​രു​ന്നു സം​ഭ​വം.

കു​ട്ടി​ക​ളെ ര​ക്ഷി​ച്ച്​ ഒ​ടു​വി​ല്‍ ക​ര​യി​ലേ​ക്ക് നീ​ന്തു​ന്ന​തി​നി​ട​യി​ല്‍ മു​ങ്ങി​പ്പോ​കു​ക​യാ​യി​രു​ന്നു. എ​സ്.​ഡി.​പി.​ഐ പ്ര​വ​ര്‍ത്ത​ക​നാ​യ സ​ഹീ​ർ മ​ക​ളു​ടെ നി​ക്കാ​ഹി​നു​വേ​ണ്ടി ഖ​ത്ത​റി​ല്‍നി​ന്ന്​ നാ​ട്ടി​ലെ​ത്തി​യ​താ​യി​രു​ന്നു. വ്യാ​ഴാ​ഴ്ച വൈ​കീ​ട്ടാ​ണ് ക​നാ​ലി​ലേ​ക്ക് പോ​യ​ത്. കൂ​ടെ അ​യ​ല്‍വാ​സി​ക​ളാ​യ മൂ​ന്നു കു​ട്ടി​ക​ളു​മു​ണ്ടാ​യി​രു​ന്നു.

ഇ​വ​ര്‍ നീ​ന്ത​ല്‍ പ​രി​ശീ​ലി​ക്കു​ന്ന​തി​നി​ടെ​യാ​യി​രു​ന്നു അ​പ​ക​ടം. കു​ട്ടി​ക​ളെ ക​നാ​ലി​ല്‍നി​ന്ന്​ ര​ക്ഷ​പ്പെ​ടു​ത്തി​യ​ശേ​ഷം ഒ​രാ​ള്‍ മു​ങ്ങി​ത്താ​ഴു​ന്ന​ത് മ​റു​ക​ര​യി​ല്‍ നി​ന്ന​വ​ര്‍ ക​ണ്ടി​രു​ന്നു. ഇ​വ​രാ​ണ് ബ​ഹ​ളം​കൂ​ട്ടി നാ​ട്ടു​കാ​രെ വി​വ​രം അ​റി​യി​ച്ച​ത്. വ​ട​ക​ര​യി​ൽ​നി​ന്നു​ള്ള അ​ഗ്​​നി​ര​ക്ഷ​സേ​ന​യും നാ​ട്ടു​കാ​രും ചേ​ര്‍ന്ന് ന​ട​ത്തി​യ ര​ണ്ടു മ​ണി​ക്കൂ​ർ നീ​ണ്ട തി​ര​ച്ചി​ലി​നൊ​ടു​വി​ൽ ക​നാ​ലി​െൻറ മ​ധ്യ​ഭാ​ഗ​ത്തു​നി​ന്നാ​ണ് സ​ഹീ​റി​െൻറ മൃ​ത​ദേ​ഹം ല​ഭി​ച്ച​ത്.

ക​ഴി​ഞ്ഞ വ​ര്‍ഷം ഇ​തേ ക​നാ​ലി​ല്‍ ഒ​രാ​ള്‍ മു​ങ്ങി​മ​രി​ച്ച​പ്പോ​ള്‍ സ​ഹീ​റാ​യി​രു​ന്നു മൃ​ത​ദേ​ഹം പു​റ​ത്തെ​ടു​ത്ത​ത്. നാ​ട്ടി​ലെ വി​വാ​ഹ​വീ​ടു​ക​ളി​ലും മ​ര​ണ​വീ​ടു​ക​ളി​ലും സ​ഹീ​ര്‍ സ​ഹാ​യ​വു​മാ​യി എ​ത്താ​റു​ണ്ടാ​യി​രു​ന്നു. മൃ​ത​ദേ​ഹം കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലെ പോ​സ്​​റ്റ്​​മോ​ർ​ട്ട​ത്തി​നു​ശേ​ഷം വി​ല്യാ​പ്പ​ള്ളി അ​ര​യാ​ക്കൂ​ൽ താ​ഴെ​യു​ള്ള വീ​ട്ടി​െ​ല​യും തു​ട​ർ​ന്ന് അ​ര​യാ​ക്കൂ​ൽ താ​ഴ ജു​മാ മ​സ്ജി​ദി​ലെ​യും മ​യ്യി​ത്ത് ന​മ​സ്കാ​ര​ത്തി​നു​ശേ​ഷം പ​റ​മ്പി​ൽ പ​ള്ളി ഖ​ബ​ർ​സ്​​ഥാ​നി​ൽ ഖ​ബ​റ​ട​ക്കി.

പ​രേ​ത​നാ​യ ആ​ശാ​രി​പ്പ​റ​മ്പ​ത്ത് അ​ബ്ദു​ല്ല​യു​ടെ​യും അ​യി​ശ​യു​ടെ​യും മ​ക​നാ​ണ്​ സ​ഹീ​ർ. ഭാ​ര്യ: സു​ലൈ​ഖ. മ​ക്ക​ൾ: അ​മീ​ർ സു​ഹൈ​ൽ, മു​ഹ​മ്മ​ദ് യാ​സീ​ൻ , ലു​ലു മ​ർ​വ്വ. മ​രു​മ​ക​ൻ :സ​ഫീ​ർ (ന​രി​ക്കു​ട്ടും ചാ​ലി​ൽ )