പ്ലസ് വൺ വിദ്യാർഥിനി തൂങ്ങിമരിച്ച നിലയിൽ

വടകര: ഓർക്കാട്ടേരിയിൽ പ്ലസ് വൺ വിദ്യാർഥിനിയെ വീട്ടിൽ തൂങ്ങിമരിച്ച നിലയിൽ കണ്ടെത്തി. മണപ്പുറം എരുവാട്ടിതാഴ കുനി രാജീവന്റെയും ലതയുടെയും മകൾ അമയയാണ് (17) മരിച്ചത്. വടകര ബി.ഇ.എം ഹയർ സെക്കൻഡറി സ്കൂൾ പ്ലസ് വൺ വിദ്യാർഥിനിയാണ്.

കിടപ്പുമുറിയുടെ വാതിൽ ഏറെ നേരം കഴിഞ്ഞിട്ടും തുറക്കാത്തതിനെ തുടർന്ന് അമ്മയുടെ നിലവിളി കേട്ടെത്തിയവർ വാതിൽ ബലം പ്രയോഗിച്ച് തുറന്നപ്പോൾ ഫാനിൽ തൂങ്ങിയ നിലയിൽ കണ്ടെത്തുകയായിരുന്നു.

എടച്ചേരി പൊലീസ് ഇൻക്വസ്റ്റ് നടത്തിയ മൃതദേഹം കോഴിക്കോട് മെഡിക്കൽ കോളജ് ആശുപത്രിയിൽ പോസ്റ്റ്മോർട്ടത്തിന് ശേഷം സംസ്കരിച്ചു. സഹോദരങ്ങൾ രേഷ്മ, അശ്വതി.