വിദ്യാർഥി കടലിൽ മുങ്ങിമരിച്ചു

എലത്തൂർ: സുഹൃത്തുക്കളുമൊത്ത്​ കടലിൽ കുളിക്കുന്നതിനിടെ വിദ്യാർഥി മുങ്ങിമരിച്ചു. പുതിയങ്ങാടി പറമ്പത്ത്​ റഫീക്കി​‍െൻറ മകൻ ആറാം ക്ലാസ്​ വിദ്യാർഥി അബ്​ദുൽ ഹക്കീം (11) ആണ്​ പള്ളിക്കണ്ടിഭാഗത്ത്​ കടലിൽ മുങ്ങിമരിച്ചത്​.

തിങ്കളാഴ്​ച ​ൈവകീട്ട്​​ നാലുമണിയോടെ മറ്റു നാല്​ സുഹൃത്തുക്കൾക്കൊപ്പം എത്തി കടലിൽ കുളിക്കുകയായിരുന്നു. തിരമാലയിൽപെട്ട്​ അഞ്ചുപേരും കടൽത്തീരത്തേക്ക്​ ഒഴുകിയെത്തിയെങ്കിലും ഹക്കീം ചുഴിയിൽപെട്ട്​ കടലിൽ മുങ്ങുകയായിരുന്നു.

മറ്റു​ കുട്ടികൾ ബഹളം വെച്ചതിനെതുടർന്ന്​ സമീപത്ത്​ പാറക്കെട്ടുകളിൽ വിശ്രമിക്കുകയായിരുന്ന സമീപവാസികൾ കടലിൽചാടി തിരച്ചിൽ നടത്തി. ഉടൻതന്നെ തീരസംരക്ഷണ സേനയും ഫയർ യൂനിറ്റും സ്​ഥത്തെത്തി വൻ സന്നാഹത്തിൽ തിരച്ചിൽ തുടർന്നെങ്കിലും കണ്ടെത്താനായില്ല. ​

ൈവകീട്ട് ഏഴുമണിയോടെയാണ്​ മൃതദേഹം കണ്ടെത്താനായത്​.​​ പുതിയങ്ങാടി ബി.ഇ.എം സ്​കൂൾ വിദ്യാർഥിയാണ്​. സഹോദരങ്ങൾ: മുഹമ്മദ്​ യാസീൻ, ഹാദിയ.