വീട്ടിനുള്ളിൽ യുവാവിന്‍റെ മൂന്നുദിവസം പഴക്കമുള്ള മൃതദേഹം

പുനലൂർ: യുവാവിനെ വീട്ടിനുള്ളിൽ മരിച്ചനിലയിൽ കണ്ടെത്തി.

പുനലൂർ ശിവൻകോവിൽ വലിയവിള ഗൗരിനിവാസിൽ വാടകക്ക്​ താമസിക്കുന്ന ഗിരീഷ്. ജി. നായർ (35) ആണ് മരിച്ചത്. മൃതദേഹത്തിന് മൂന്നു ദിവസം പഴക്കമുണ്ടെന്ന് പൊലീസ് അറിയിച്ചു.

കുണ്ടറയിലെ സ്വകാര്യ സ്ഥാപനത്തിൽ തൊഴിലാളിയായിരുന്നു. ഒറ്റക്ക്​ താമസിക്കുന്ന ഇയാളെ കാണാതായതിനെ തുടർന്ന് ബന്ധുക്കൾ നടത്തിയ അന്വേഷണത്തിലാണ് കിടപ്പുമുറിയിൽ തിങ്കളാഴ്ച മൃതദേഹം കണ്ടെത്തിയത്. പുനലൂർ പൊലീസ് മേൽനടപടികൾ സ്വീകരിച്ചു. ഭാര്യ: ശരണ്യ. രണ്ടു മക്കളുണ്ട്.