ഗേറ്റ് ദേഹത്ത് വീണ് പിഞ്ചുകുഞ്ഞ് മരിച്ചു

കാസർകോട്: വിരുന്നുവന്ന വീട്ടിലെ മതിൽ തകർന്ന് ഗേറ്റ് ദേഹത്ത് വീണ് പിഞ്ചുകുഞ്ഞ് മരിച്ചു. ഉദുമ തെക്കേക്കര മാഹിൻ റാസി-റഹീമ ദമ്പതികളുടെ മകൻ അബു ത്വാഹിറാണ് (രണ്ടര) മരിച്ചത്.

ഉദുമ മാങ്ങാട്ടെ ബന്ധുവീട്ടിൽ വിരുന്നുവന്നതായിരുന്നു കുട്ടി. കളിക്കുന്നതിനിടെ തകർന്നുവീണ ഗേറ്റിനടിയിൽ അമർന്ന കുട്ടിയെ ഉടൻ കാസർകോട് ഗവ. ജനറൽ ആശുപത്രിയിൽ എത്തിച്ചെങ്കിലും മരിക്കുകയായിരുന്നു.