ബൈക്കുകൾ കൂട്ടിയിടിച്ച് ലൈൻമാന് ദാരുണാന്ത്യം

കുമ്പള: മൊഗ്രാൽ കൊപ്പര ബസാറിൽ ബൈക്കുകൾ കൂട്ടിയിടിച്ച് കെ.എസ്.ഇ.ബി ലൈൻമാന് ദാരുണാന്ത്യം. സഹപ്രവർത്തകന് പരിക്കേറ്റു. കുമ്പള കെ.എസ്.ഇ.ബി യിൽ ലൈൻ മാനായ രതീഷാണ്(42) മരിച്ചത്.

ജോലി ആവശ്യാർഥം പോകുന്നതിനിടെയാണ് അപകടം. രതീഷിന്‍റെ കൂടെ യാത്ര ചെയ്യുകയായിരുന്ന ലൈൻമാൻ രാഘവനാണ് പരിക്കേറ്റത്. ഇയാളെ ആശുപത്രിയിൽ പ്രവേശിപ്പിച്ചു.