തെങ്ങിൽനിന്ന് വീണ് പരിക്കേറ്റയാൾ മരിച്ചു

നേമം: തെങ്ങിൽനിന്ന് വീണു പരിക്കേറ്റ മധ്യവയസ്കൻ ആശുപത്രിയിൽ മരിച്ചു. വിളപ്പിൽശാല ഭഗവതിപുരം തിനവിള കരിക്കകത്ത് വടക്കുംകര പുത്തൻവീട്ടിൽ വിജയകുമാർ (50) ആണ് മരിച്ചത്.

ചൊവ്വാഴ്ച രാവിലെ എട്ടു മണിക്കായിരുന്നു സംഭവം. ചൊവ്വള്ളൂർ പഴവിളയിലുള്ള ഒരു പുരയിടത്തിൽ തേങ്ങ വെട്ടുന്നതിനിടെ താഴെ വീണാണ് അപകടം സംഭവിച്ചത്. ആശുപത്രിയിൽ പ്രവേശിപ്പിച്ചുവെങ്കിലും രാവിലെ 9.30-ന് മരിച്ചു.

മൃതദേഹം തിരുവനന്തപുരം മെഡിക്കൽ കോളേജ് ആശുപത്രി മോർച്ചറിയിൽ. വസന്തയാണ് ഭാര്യ. സാബു, ഷിബു എന്നിവർ മക്കളാണ്.