കോവിഡ്​ ബാധിച്ച്​ സഹോദരങ്ങൾ ദിവസങ്ങളുടെ വ്യത്യാസത്തിൽ മരിച്ചു

അടിമാലി (ഇടുക്കി): കോവിഡ് ബാധിച്ച് സഹോദരങ്ങൾ 12 ദിവസത്തെ വ്യത്യാസത്തിൽ മരിച്ചു. മുല്ലക്കാനം വരയംപിള്ളി സാറാമ്മയുടെയും പരേതനായ ഡോ. ജെ. വർഗീസി​െൻറയും മക്കളായ മോഹൻ (62), നോബിൾ (42) എന്നിവരാണ് മരിച്ചത്.

നേപ്പാളിൽ അധ്യാപകനായിരുന്നു മോഹൻ. കോവിഡിനെ തുടർന്ന്​ ന്യൂമോണിയ ബാധിച്ച ഇദ്ദേഹം ചികിത്സ തേടിയെങ്കിലും മേയ്​ 14ന്​ മരണപ്പെട്ടു. സംസ്കാരം നേപ്പാളിൽ നടത്തി. ഭാര്യ: റജീന (മൂന്നിലവ് പുന്നക്കോട്ട് കുടുംബാംഗം). മകൻ: എബി.

നോബിൾ ഉത്തരപ്രദേശിലെ ഗൊരഖ്പൂരിലെ സ്കൂളിൽ അധ്യാപകനായിരുന്നു. ചെറിയ പനിയെ തുടർന്ന് വിമാനത്തിൽ നാട്ടിലെത്തിയ ഇദ്ദേഹം രോഗം മൂർഛിച്ചതിനെ തുടർന്ന് കോലഞ്ചേരി മെഡിക്കൽ കോളജ്​ ആശുപത്രിയിലായിരുന്നു. മേയ് രണ്ടിനാണ്​ മരണം. അവിവാഹിതനാണ്. സംസ്കാരം പഴയവിടുതി സി.എസ്.ഐ പള്ളി സെമിത്തേരിയിൽ നടത്തി.