യുവാവിനെതിരെ കാപ്പ ചുമത്തി

വിദ്യാനഗര്‍: നിരവധി കേസുകളില്‍ പ്രതിയായ യുവാവിനെതിരെ വിദ്യാനഗര്‍ പൊലീസ് കാപ്പ ചുമത്തി. ചെട്ടുംകുഴിയില്‍ എച്ച്. സാബിത്തി(22)നെതിരെയാണ് നടപടി.

വധശ്രമം, മയക്കുമരുന്ന് കടത്ത്, പിടിച്ചുപറി, മോഷണം തുടങ്ങിയ കേസുകളില്‍ സാബിത്ത് പ്രതിയാണ്. എസ്.ഐ.കെ. പ്രശാന്തിന്റെ നേതൃത്വത്തിലാണ് പിടികൂടിയത്.

സാബിത്തിന്റെ സഹോദരന്‍ അശ്ഫാക്കിനെതിരെ നേരത്തെ കാപ്പ ചുമത്തിയിരുന്നു. അശ്ഫാക്ക് ജയിലിലാണ്.