മീനങ്ങാടിയിൽ യുവാവ്​ തീകൊളുത്തിയ വീട്ടമ്മ മരിച്ചു

വയനാട്: മീനങ്ങാടിയിൽ യുവാവ് വീട്ടമ്മയെ പെട്രോൾ ഒഴിച്ച് തീ കൊളുത്തി ഗുരുതരമായി പൊള്ളലേറ്റ വീട്ടമ്മ മരിച്ചു. മീനങ്ങാടി മുരണിയിലെ കളത്തിൽ ഷംസുദ്ധീന്‍റെ ഭാര്യ ഉമൈമത്ത് ( 40 ) ആണ് മരിച്ചത്.

പ്രദേശവാസി ശ്രീകാന്ത് (31) ഇവരുടെ ദേഹത്ത് പെട്രോൾ ഒഴിച്ച് തീ കൊളുത്തുകയായിരുന്നു. കഴിഞ്ഞ ഒരാഴ്ചയായി ഇവർ കോഴിക്കോട്​ മെഡിക്കൽ കോളേജ്​ ആശുപത്രിയിൽ ചികിൽസയിൽ ആയിരുന്നു.

മാർച്ച് 29ന് മുരണി കനാൽ പാലത്തിനു സമീപത്തു വെച്ച് സമീപവാസിയായ ശ്രീകാന്ത് പൊട്രോളൊഴിച്ച് തീ കൊളുത്തുകയായിരുന്നു. ഗുരുതരമായി പൊള്ളലേറ്റ ഉമൈബത്തിനെ സുൽത്താൻ ബത്തേരിയിലെ സ്വകാര്യ ആശുപത്രിയിലും വിദഗ്ധ ചികിത്സക്കായി പിന്നീട് കോഴിക്കോട് മെഡിക്കൽ കോളജിലും പ്രവേശിപ്പിച്ചിരിക്കുകയായിരുന്നു.