ഉറങ്ങിക്കിടന്ന ആറുവയസ്സുകാരനെ ചുറ്റികകൊണ്ട്​​​ അടിച്ചുകൊന്ന പ്രതി പിടിയിൽ

അ​ടി​മാ​ലി: ഉ​റ​ങ്ങി​ക്കി​ട​ന്ന ബാ​ല​നെ രാ​ത്രി വീ​ട്ടി​ല്‍ അ​തി​ക്ര​മി​ച്ചു ക​യ​റി ചു​റ്റി​ക​കൊ​ണ്ട് ത​ല​ക്ക​ടി​ച്ചു​കൊ​ന്നു. കു​ട്ടി​യു​ടെ അ​മ്മ​ക്കും അ​മ്മൂ​മ്മ​ക്കും ആ​ക്ര​മ​ണ​ത്തി​ല്‍ പ​രി​ക്കേ​റ്റു. ആ​മ​ക്ക​ണ്ടം റൈ​ഹാ​ന​ത്ത് മ​ന്‍സി​ലി​ല്‍ മു​ഹ​മ്മ​ദ് റി​യാ​സി​െൻറ മ​ക​ന്‍ അ​ല്‍ത്താ​ഫാ​ണ് മ​രി​ച്ച​ത്. മാ​താ​വ് സ​ഫി​യ (40), ഇ​വ​രു​ടെ മാ​താ​വ് വ​ട​ക്കേ​ത്താ​ഴം സൈ​ന​ബ (79) എ​ന്നി​വ​രെ പ​രി​ക്കു​ക​ളോ​ടെ കോ​ട്ട​യം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു. ഞാ​യ​റാ​ഴ്ച പു​ല​ര്‍ച്ച മൂ​ന്ന​ര​യോ​ടെ ആ​ന​ച്ചാ​ല്‍ ആ​മ​ക്ക​ണ്ട​ത്താ​ണ് സം​ഭ​വം.

സം​ഭ​വ​ത്തി​ൽ സ​ഫി​യയുടെ സഹോദരി ഷൈലക്കൊപ്പം താമസിക്കുന്ന സു​നി​ല്‍കു​മാ​ർ​ (ഷാ​ന്‍ -46) അ​റ​സ്​​റ്റി​ലാ​യി. ത​മി​ഴ്നാ​ട്ടി​ലേ​ക്ക് ര​ക്ഷ​പെ​ടാ​ൻ ശ്ര​മി​ക്കു​ന്ന​തി​നി​ടെ ഞാ​യ​റാ​ഴ്ച രാ​ത്രി മു​തു​വാ​ൻ​കു​ടി​യി​ൽ​നി​ന്നാ​ണ്​​ ഇ​യാ​ൾ പി​ടി​യി​ലാ​യ​തെ​ന്ന്​ പൊ​ലീ​സ്​ പ​റ​ഞ്ഞു.

ആ​ദ്യം സൈ​ന​ബ താ​മ​സി​ക്കു​ന്ന വീ​ട്ടി​ലെ​ത്തി അ​വ​രെ ആ​ക്ര​മി​ച്ച് പ​രി​ക്കേ​ൽ​പി​ച്ച സു​നി​ല്‍കു​മാ​ര്‍, പി​ന്നീ​ട്​ സ​ഫി​യ​യു​ടെ വീ​ടി​െൻറ വാ​തി​ല്‍ ച​വി​ട്ടി​പ്പൊ​ളി​ച്ച് അ​ക​ത്തു​ക​യ​റി ഉ​റ​ങ്ങി​ക്കി​ട​ന്ന അ​ല്‍ത്താ​ഫി​നെ ചു​റ്റി​ക​കൊ​ണ്ട് ത​ല​ക്ക​ടി​ക്കു​ക​യാ​യി​രു​ന്നു. തു​ട​ർ​ന്ന്​ സ​ഫി​യ​യെ​യും ആ​ക്ര​മി​ച്ചു. ചു​റ്റി​ക​കൊ​ണ്ടു​ള്ള അ​ടി​യി​ല്‍ സ​ഫി​യ​യു​ടെ താ​ടി​യെ​ല്ലും പ​ല്ലു​ക​ളും ത​ക​ര്‍ന്നു. സ​ഫി​യ​യു​ടെ മൂ​ത്ത​മ​ക​ള്‍ റൈ​ഹാ​ന​ത്ത് ഞാ​യ​റാ​ഴ്​​ച രാ​വി​ലെ ആ​റോ​ടെ അ​യ​ല്‍വീ​ട്ടി​ലെ​ത്തി വി​വ​രം പ​റ​ഞ്ഞ​തോ​ടെ​യാ​ണ് പു​റം​ലോ​ക​മ​റി​യു​ന്ന​ത്.

ത​മി​ഴ്‌​നാ​ട്ടി​ല്‍നി​ന്ന്​ വ​ണ്ടി​പ്പെ​രി​യാ​റി​ല്‍ വ​ന്ന്​ താ​മ​സ​മാ​ക്കി​യ സു​നി​ല്‍കു​മാ​റി​ന് ഇ​വി​ടെ ഭാ​ര്യ​യും കു​ട്ടി​ക​ളു​മു​ണ്ട്. എ​ട്ടു​വ​ർ​ഷം മു​മ്പ്​ ഇ​വ​രു​മാ​യി പി​ണ​ങ്ങി വീ​ടു​വി​ട്ടി​റ​ങ്ങിയാ​ണ് ആ​ന​ച്ചാ​ലി​ല്‍ എ​ത്തി​യ​ത്. സ്വ​ത്ത്, വ​ഴി​പ്ര​ശ്‌​ന​ങ്ങ​ളു​ടെ പേ​രി​ല്‍ സൈ​ന​ബ​യു​ടെ കു​ടും​ബ​വു​മാ​യി ക​ല​ഹ​ത്തി​ലാ​യി​രു​ന്നു.

പൊ​ലീ​സ് പ​ല​ത​വ​ണ ക​ല​ഹം തീ​ര്‍ക്കാ​ന്‍ എ​ത്തി​യി​ട്ടു​ണ്ട്. ഷാ​ന്‍ എ​ന്ന് പേ​രു​മാ​റ്റു​ക​യും മ​തം മാ​റി​യ​താ​യി പ്ര​ദേ​ശ​വാ​സി​ക​ളോ​ട്​ പ​റ​യു​ക​യും ചെ​യ്​​തി​രു​ന്നു. അ​ല്‍ത്താ​ഫി​െൻറ മൃ​ത​ദേ​ഹം അ​ടി​മാ​ലി താ​ലൂ​ക്ക്​ ആ​ശു​പ​ത്രി മോ​ര്‍ച്ച​റി​യി​ല്‍.