കോവിഡ് ബാധിച്ച്​ ക്ഷേത്രം മേൽശാന്തിയും അമ്മയും മരിച്ചു

ഹരിപ്പാട്: കോവിഡ് ബാധിച്ച്​ ക്ഷേത്രം മേൽശാന്തിയും അമ്മയും മരിച്ചു. ഹരിപ്പാട് അരനാഴിക ക്ഷേത്രത്തിലെ മേൽശാന്തി ഹരിപ്പാട് വെട്ടുവേനി നെടുവേലിൽ ഇല്ലത്ത് ദാമോദരൻ നമ്പൂതിരിയുടെ മകൻ സൂര്യനാരായണൻ നമ്പൂതിരി (31), മാതാവ്​ ശ്രീദേവി അന്തർജനം( ഗീത- 59) എന്നിവരാണ് മരിച്ചത്.

ഇരുവരും വണ്ടാനം മെഡിക്കൽ കോളജ് ആശുപത്രിയിൽ ചികിത്സയിലായിരുന്നു. സൂര്യനാരായണൻ ചൊവ്വാഴ്ച രാത്രി 11നും ശ്രീദേവി അന്തർജ്ജനം ബുധനാഴ്ച രാവിലെ 7.30 നുമാണ് മരിച്ചത്. ആഗസ്റ്റ് 28ന് കോവിഡ് പോസിറ്റീവ് ആയ ഇരുവരെയും 30നാണ്​ വണ്ടാനം മെഡിക്കൽ കോളജ് ആശുപത്രിയിൽ പ്രവേശിപ്പിച്ചത്​.

ദുർഗയാണ് ശ്രീദേവിയുടെ മറ്റൊരു മകൾ. മരുമകൻ: ഹരികൃഷ്ണൻ. സൂര്യനാരായണന്റെ ഭാര്യ: അദിതി. മകൻ: കൽക്കി സൂര്യ (മൂന്നുമാസം).