മുതുകുളം സ്വദേശി ബംഗളൂരുവിൽ വാഹനാപകടത്തിൽ മരിച്ചു

ആറാട്ടുപുഴ: മുതുകുളം സ്വദേശി ബംഗളൂരുവിൽ വാഹനാപകടത്തിൽ മരിച്ചു. റിട്ട.നായിക് സുബേദാർ മുതുകുളം വടക്ക് ശോഭന വിലാസത്തിൽ സുരേഷ് ഗോപാലൻ(കുഞ്ഞുമോൻ-52)ആണ് മരിച്ചത്.

ശനിയാഴ്ച രാത്രി പതിനൊന്നു മണിയോടെ സുരേഷ് ഗോപാലൻ സഞ്ചരിച്ചിരുന്ന കാറിൽ ലോറി ഇടിച്ചായിരുന്ന അപകടം. ഗുരുതരമായി പരിക്കേറ്റ ഇദ്ദേഹത്തെ ഉടൻതന്നെ അടുത്തുളള ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ഭാര്യ: ബീനാ സുരേഷ്. മക്കൾ: എസ്. സൂരജ്, എസ്. ചന്ദ്രജ്.