കായംകുളം സ്വദേശി റിയാദിൽ നിര്യാതനായി

റിയാദ്: കായംകുളം സ്വദേശി ഹൃദയാഘാതം മൂലം റിയാദിൽ മരിച്ചു. എം.എസ്​.എം കോളജ്​ വടക്കുവശം വായനശാല പുരയിടത്തിൽ ഇഞ്ചക്കൽ മിറാഷ് (38) ആണ്‌ റിയാദിലെ അൽജസീറ ആശുപത്രിയിൽ മരിച്ചത്.

12 വർഷമായി സൗദിയിലുള്ള മിറാഷ് റിയാദിൽ കുഡു ഫാസ്​റ്റ്​ ഫുഡ് കമ്പനിയിലെ ജീവനക്കാരനായിരുന്നു.

പിതാവ്: മൻസൂർ. മാതാവ് സാജിദാ ബീവി. ഭാര്യ: ഹസീന. മക്കൾ: മുഹമ്മദ്‌ ജാസിം, ജാസ മിറാഷ്. മൃതദേഹം റിയാദിൽ ഖബറടക്കാൻ നിയമനടപടികൾ പൂർത്തിയാക്കുന്നതിന്​ സാമൂഹിക പ്രവർത്തകൻ മുജീബ് കായംകുളം രംഗത്തുണ്ട്.