കുളിക്കാനിറങ്ങിയ വയോധികൻ പുഴയിൽ മുങ്ങിമരിച്ചു

മാന്നാർ: വീടിനുസമീപമുള്ള പുഴയിൽ കുളിക്കാനിറങ്ങിയ വയോധികൻ മുങ്ങിമരിച്ചു. ചെന്നിത്തല തെക്കുംമുറി മുണ്ടുവേലിൽ തെക്കതിൽ വീട്ടിൽ കെ. കൃഷ്ണൻ (71) ആണ്​ മരിച്ചത്​. വീടിനോട് ചേർന്ന്​ ഒഴുകുന്ന പുത്തനാറ്റിലാണ്​ അപകടം.

തിരുവോണനാളിൽ ഉച്ചക്ക് സദ്യ ഉണ്ണുന്ന നേരത്താണ്​ കൃഷ്ണനെ കാണാതായത്​ വീട്ടുകാർ അറിയുന്നത്​. തുടർന്ന്​ നടത്തിയ അന്വേഷണത്തിലാണ് കുളിക്കടവിൽ വസ്ത്രം കണ്ടെത്തിയത്. ഫയർഫോഴ്സ് സംഘം തെരച്ചിൽ നടത്തി മൃതദേഹം പുറത്തെടുത്തു.

ഭാര്യ: സരോജിനി. മക്കൾ: സുരേഷ്, സുരേന്ദ്രൻ, സുശീല. മരുമക്കൾ: സതി, ശ്രീക്കുട്ടി, മധു. സഞ്ചയനം ഞായറാഴ്ച രാവിലെ ഒൻപതിന്.